Струшкиот турнир и годинава само со македонски екипи
На половината од август месец и со шест македонски екипи на отвореното игралиште „Горан Попоски-Бабец“ ќе се одржи 49-то издание на Струшкиот ракометен турнир.
Покрај домаќинот Струга, на турнирот ќе играат актуелниот првак Еурофарм Пелистер, вицешампионот Вардар, Металург, Бутел Скопје и Тиквеш.
Изгледот на групите и термините на одигрувањето на мечевите ќе бидат дополнително објавени.
Годинашното издание треба да биде најава за 50-годишниот јубилеј следната година за кое организаторите најавуваат спектакл од светски размери.
Мароканецот Хакими вторпат позитивен на ковид-19
Ашраф Хакими кој ова лето се пресели од Интер во ПСЖ е позитивен на коронавирус.
Хакими веќе одигра еден пријателски натпревар за „светците“ во кој забележа и асистенција, но непосредно пред дуелот со Шамбли исто така од пријателски карактер добил позитивен тест. Мароканецот е изолиран и ќе го нема во составот на Покетино најмалку во наредните десет дена.
За Хакими ова е втор пат да биде позитивен на коронавирус, еднаш беше како член на Интер во октомври. Тогаш немаше никакви компликации.
Покетино се надева дека Хакими негативниот тест ќе го добие што е можно побрзо и ќе се врати на подготовките за новата сезона во која ПСЖ влегува со големи амбиции.
СП 2030 ќе се игра на два континенти?!
Кратко по завршувањето на Европското првенство кое се играше во 11 различни градови и се покажа како неуспешно, со оглед на тоа што и претседателот на УЕФА, Александар Чеферин, рече дека никогаш повеќе нема да игра во таков формат.
Сепак, ФИФА може да донесе уште „почудна“ одлука. Имено, британски „Атлетик“ пренесува дека се разгледува можноста за организирање на Светскиот куп на два различни континенти, односно дека Италија и Саудиска Арабија ќе бидат домаќини на турнирот во 2030. година.
Патем, од Светското првенство во 2026 година ќе можат да учествуваат 48 репрезентации. За потсетување, следниот Мундијал ќе се игра во Катар, додека во 2026 година ќе се игра во Канада, Мексико и САД.
Илјада луѓе ќе учествуваат на отворањето на Олимписките игри во Токио
Бројот на гости кои ќе присуствуваат на церемонијата на отворање на Летните олимписки игри во Токио ќе се намали поради епидемијата на коронавирус, јави агенцијата „Кјодо“.
Организаторите на настанот планираат да примат помалку од илјада гледачи на свечениот дел, на еден или на друг начин поврзани со организацијата на Олимписките игри.
Претходно, локалните власти одлучија церемониите на отворање и затворање на Олимписките игри да поминат без гледачи.
Игрите во Токио ќе се одржат од 23 јули до 8 август.
Дримтимот на САД остана без уште една ѕвезда за ОИ
Кевин Лав нема да биде дел од американскиот кошаркарски „Дримтим“ на Олимписките игри во Токио.
„Разочаран сум што нема да бидам во Токио со колегите од репрезентацијата на САД, но да учествувате на Игрите, треба да бидете во најдобра можна форма, а тоа не е случајот со мене во моментот.“ – рече Лав.
Крилниот центар на Кливленд не стигна да се опорави од повредата на десниот лист поради која пропушти и голем дел од НБА сезоната.
Тоа е ново откажување за селекторот Грег Попович, кој остана без низа играчи. Поради разни причини, досега се откажаа Леброн Џејмс, Ентони Дејвис, Стеф Кари, Кавај Ленард и Бредли Бил.
Терим стои меѓу трансфер на Алиоски во Галатасарај
Дел од турските медуми објавија дека Езџан Алиоски и Галатасарај постигнале договор и соработката би требало да биде официјализирана во наредните денови.
Иако вчера сите турски медиуми објавија дека Алиоски и Галатасарај ги договорија сите детали, последните информации се дека преговорите се стопирани.
Причина за тоа е тренерот Фатих Терим, кој наводно го стопирал трансферот бидејќи смета дека македонскиот репрезентативец ќе биде голем финансиски товар за клубот.
Алиоски е слободен агент, а во Галатасарај треба да заработува 2,2 милиони во наредните четири години.
ПСЖ му нуди поголема плата само за да го задржи Мбапе во Париз
ПСЖ се уште се обидува да го задржи напаѓачот Килијан Мбапе, чиј договор истекува следното лето.
Според „Марка“, клубот е подготвен да му понуди на 22-годишниот фудбалер исклучително профитабилна зделка, според која тој ќе заработи колку што заработува и неговиот партнер во нападот Нејмар.
Според неофицијални податоци, Бразилецот добива 30 милиони евра годишно по оданочување и без бонуси. Во исто време, Мбапе сè уште верува дека треба да го напушти ПСЖ. Французинот верува дека нема да може да ги реализира сите свои амбиции во овој тим. Во овој случај, парите играат споредна улога за Килијан.
Мбапе игра за ПСЖ од 2017 година, а претходно ги бранеше боите на Монако. Во последната сезона на шампионатот на Франција, напаѓачот учествуваше на 31 натпревар, постигна 27 погодоци и седум асистенции.
Олимпиец на Уганда исчезна во Токио
Олимпиецот од Уганда, Јулиус Ссекителеко, исчезна во западна Јапонија. Според бројни извештаи во медиумите, кревачот на тегови тренирал како дел од деветчлен тим на Уганда.
Неговите колеги од олимпискиот тим на таа африканска земја сфатија дека тој не е таму кога не достави примерок за тест за коронавирус и кога ја најдоа неговата хотелска соба празна. Бидејќи немало 24-часовен надзор во хотелот, не е познато кога и како го напуштил хотелот. Случајот бил пријавен во полиција, која вложува максимални напори да го пронајде исчезнатиот спортист.
Ова е само продолжение на проблемот за делегацијата на Уганда. По пристигнувањето во Јапонија, беше утврдено дека еден член на делегацијата е позитивен на коронавирус, па сите тие мораа да одат во десетдневен карантин.
Андреј Јакимовски ја промени играчката средина
Нов тим на нашиот млад репрезентативец, Андреј Јакимовски е Лојола Мериленд од градот Балтимор, во близина на Филаделфија.
Овој универзитет ќе има свој претставник на претстојниот НБА драфт и тоа шпанскиот интернационалец Санти Алдама, кој е исто годиште како Јакимовски.
„Имав понуди од над 15 универзитети од САД, некои од нив беа од ТОП 10 во НЦАА како Арканзас, Тексас Тек… Внимателно ги разгледував сите опции, секаде ми гарантираа дека ќе имам голема минутажа, но во оваа година во САД ми стана јасно дека не може да им се верува на сите.
Бев гостин на универзитетот една недела минатиот месец, се уверив дека имаат одлична програма и одличен тренер, помошникот е Србин со кого остварив прекрасна комуникација и тој ми ги кажа сите важни работи. Затоа одлучив да ја прифатам понудата од Лојола, бидејќи таму се најголеми шансите да бидам еден од најзначајните играчи што ми беше најважно во овој момент“ – појаснува младиот кошаркар кој ланската сезона ја помина како играч на Вашингтон Стејт.
„Минатиот месец имав полесна операција и потребно е време за рехабилитација. Тоа нема да трае долго, но засега не сум во можност да тренирам со полн капацитет. Најверојатно претстојниот викенд ќе се приклучам на репрезентацијата на подготовките во Маврово, но ќе тренирам одвоено, со кондицискиот тренер. Веројатно нема да бидам во најдобра форма во претквалификациите, но ќе се обидам да помогнам колку што можам“ – додавa големата надеж на македонската кошарка.
Ракометна Суперлига: Сезоната започнува со битолско дерби!
Се одржа извлекувањето на редните броеви за одредување на редоследот на натпреварите во новата сезона на Суперлигата, а со тоа познат е и комплетниот распоред на сите 22. кола од регуларниот дел од шампионатот. Ќе се играат 15 есенски и седум пролетни кола. Во првиот дел од шампионатот Еурофарм Пелистер на Жељко Бабиќ ќе одигра шест домашни натпревари и пет гостувања, а во втората половина ќе биде обратно.
Распоред на Еурофарм Пелистер за регуларниот дел на Суперлигата 2021/22:
