feature

Европското првенство се проширува на 32 репрезентации

УЕФА размислува за проширување на Европското првенство од 24 на 32 екипи, пренесува „Асошиејтед Прес“.

Форматот се ревидира додека се одредува тимот домаќин на Еуро 2028. Одлуката треба да биде донесена до крајот на 2023 година. Доколку се одлучи да се зголеми бројот на екипи, УЕФА може да ја популаризира Лигата на нации, што на крајот може да ги замени квалификациите за Европското првенство.

Причината за можното проширување од 24 на 32 екипи е да се израмни форматот на завршниот турнир. Од Евро 2016, најдобрите четири екипи кои го освоија третото место, исто така учествуваат во плејофот на ЕП.

Сепак, со овој формат, некои тимови треба да ги чекаат последните натпревари во групната фаза во Евро, за да видат дали успеале да се пласираат во 1/8 финалето. Во случај да се игра ЕП со 32 екипи, тогаш најдобрите две од секоја група ќе се пласираат во осминафиналето и ќе ги продолжат натпреварите во елиминациската фаза.

Виктор Ефремовски на „принуден“ одмор

Виктор Ефремовски, кој го одработи првиот тренинг, принудно ќе мора да ги пропушти наредните неколку тренинзи.

Причината е претходно закажниот термин за вакцинација, кој се совпадна со почетокот на подготовките на нашиот национален тим.

Стручниот тим на нашата најдобра селекција предводен од селекторот Драган Бајиќ одлучи да го поштеди бекот-шутер од наредните активности.

По дозвола од докторите, Ефремовски ќе се врати во процесот на подготовките кои официјално стартуваат денеска.

Барселона се обидува да се ослободи од Гризман

Барселона се уште се обидува да собере средства за да му понуди на Лионел Меси двегодишно продолжување.

За да ја достигне потребната сума, каталонскиот клуб се обидува да се ослободи од скапиот „товар“, односно играчите кои заработуваат многу, а за кои веруваат дека не се клучни во трката за титули.

Заедно со веќе споменатите Самуел Умтити и Миралем Пјаниќ, на списокот на „непотребни“ играчи се најде и Антоан Гризман. Според претходниот напис во шпанските медиуми, Умтити и Пјаниќ се спротивставиле на идејата да си заминат со исплата во договорениот раскин на договорот, но се чини дека Гризман нема ништо против.

Тој е подготвен да замине, се тврди, но само доколку Барселона го испрати во клуб што има потенцијал да се бори за титули.

Гризман веќе се реши да ги разгледа опциите што би биле најдобри за него во продолжението на кариерата, се додава.

Зошто Ѓоковиќ јаде од тревата кога ќе го освои Вимблдон?

Новак Ѓоковиќ викендов по шести пат во кариерата го освои Вимблдон, откако во финалето во четири сета го совлада Италијанецот Матео Беретини.

По натпреварот го видовме и традиционалниот потег на Новак – секој пат кога ќе го освои Вимблдон, тој јаде од лондонската трева. Така направи и овој пат. Многумина се прашуваат зошто го прави тоа, а Новак своевремено низ смеа кажа дека тоа го прави бидејќи е вегетаријанец. Вистината е дека сакал освојувањето на Вимблдон да го прослави различно од останатите.

„Како дете сонував дека го освојувам Вимблдон и тоа уште тогаш ми беше една од желбите кога ќе победам во финалето. Сакав да направам нешто различно, а не се сетив на некоја пооригинална идеја, па одлучив да јадам малку трева. Многумина ме прашуваат каков е вкусот… Тоа е најдобрата трева на светот.“ – рече Ѓоковиќ, кој со 20. Гренд слем го израмни рекордот кој го држат Роџер Федерер и Рафаел Надал.

Кин по финалето критикуваше двајца Англичани

Аналитичарот на Скај Спортс, Рој Кин упати остри критики кон Рахим Стерлинг и Џек Грилиш, за кои смета дека мораа да преземат одговорност во изведувањето пенали.

„Ако сте Стерлинг или Грилиш, не можете да пуштите дете (Сака) да изведе пенал ред вас, едноставно не можете. Тој е срамежлив 19-годишник, а тие имаат многу повеќе искуство, Стерлинг освојувал трофеи. Мораа да преземат одговорност.“ – вели Кин.

За потсетување, Донарума му го одбрани одлучувачкиот петти пенал на Сака, а претходно непрецизни беа и 23-годишниот Рашфорд, како и 21-годишниот Санчо, кои селекторот Саутгејт ги внесе во игра исклучиво за изведувањето пенали. Англискиот селектор ја презеде вината за поразот во пенал рулетот.

„Донесов одлука за изведувачите на пенали на темел на тренинзите. Победувавме како екипа и исто така ќе го сносиме овој пораз, а што се однесува на пеналите – тука сум јас виновен.“ – изјави Саутгејт.

Донарума прогласен за најдобар играч на Европското првенство

Голманот на италијанската репрезентација, Џанлуиџи Донарума е прогласен за најдобар фудбалер на европското фудбалско првенство.

Донарума беше јунак во италијанската победа во финалето на ЕУРО против Англија по изведувањето на пенали, бранејќи ги ударите од белата точка на Џејдон Санчо и Букајо Сака.

„Ние сме одлична екипа. Не се предадовме во ниту еден момент. Успеавме од нула, ова е одличен тим и го заслужува овој успех.“ – рече Донарума, па додаде:

„Буфон е најдобриот голман кој некогаш играл фудбал, чест ми е што го наследив. Секогаш се трудам да дадам се од себе и да бидам голманот кој и е потребен на оваа екипа. Ќе видиме каков голман ќе бидам во својата кариера и што ќе постигнам.“

Милан започна преговори со Реал за Одриозола

Речиси е извесно дека Милан нема да го врати Диого Дало во своите редови откако Манчестер Јунајтед одбил да го пушти играчот на нова позајмица.

Опција за „ѓаволите“ единствено била перманентен трансфер, нешто за што Милан не бил подготвен да преговара.

Токму затоа сега од Милан вниманието ќе го насочат кон играчот на Реал Мадрид, Алваро Одриозола. Фудбалерот нема иднина во “кралскиот клуб” и веројатно ќе ја промени средината во летниот преоден рок.

Реал би се согласил да го прати на позајмица во Милан, но се уште не се знае дали играчот е заинтересиран за премин во Милано.

Шпанските клубови ѝ помагаат на Барса да го задржи Меси

Лионел Меси во овие моменти официјално е без договор и во Барселона работат да ја продолжат соработката со својот најдобар фудсбалер.

Проблем како што е познато се финансиите, Барселона мора да направи некои промени за и со платата на Меси да остане во рамките на финансискиот фер-плеј. Шпанскиот новинар Роберто Хименез објави дека дел од клубовите во Ла Лига се спремни да и помогнат на Барселона да го задржи Меси.

„Претседателите на неколку клбуови во елитниот шпански фудбалс сакаат да дадат свој придонес и да и помогнат на Барселона да го задржи Меси“, изјави новинарот Хименез.

Нормално, тие сакаат Меси да остане затоа што на тој начин не би се намалила популарноста на шпанскиот фудбал.

Агентот на Хакими: Не е крај на светот и да замине Мбапе од ПСЖ

Ашраф Хакими пристигна во ПСЖ од редовите на Интер и јасно е дека ќе биде сериозно засилување за францускиот тим, но засега се уште не е целосно потврдено дека Килијан Мбапе ќе остане во Париз.

И натаму се појавуваат шпекулации дека Мбапе и Реал Мадрид сакаат да соработуваат и да реализираат трансфер уште ова лето, па дилемата ќе биде решена за некоја недела.

Агентот на Хакими, Алехандро Камањо со интересна изјава ги искоментирал овие шпекулации.

„ПСЖ вели дека Мбапе останува, но во фудбалот ништо не е сигурно. Ако остане, ќе биде прекрасно, но нема да биде крај на светот дури и да си замине“, изјавил Камањо.

Рибери разочаран од Фиорентина: Сакав да останам уште една година

Франк Рибери не доби понуда за останување во Фиорентина и сега е слободен агент, а Французинот вели дека не очекувал таков однос од италијанскиот клуб.

Во својата последна изјава тој вели дека уживал во Фиренца, но на крајот никој од клубот не му се јавил иако знаеле дека договорот истекува.

„Двете години во Фиорентина, фановите и градот беа одлични, бидејќи покрај сите потешкотии, сретнав фантастични луѓе. Штета, сакав да останам уште една година во овој клуб, но тоа е мојата судбина. Секогаш бев на располагање на тимот и се трудев да го дадам максимумот“, рече Французинот.

«< 1808 1809 1810 1811 1812 >»