Властите во Рио де Жанеиро дозволија враќање на дел од навивачите на финалето од Копа Америка помеѓу Бразил и Аргентина, кое се игра вечерта сабота кон недела на стадионот Маракана.

Локалните власти дозволија 10 отсто од капацитетот на стадионот Маракана, што изнесува 7.800 гледачи. Тоа ќе биде прв натпревар со гледачи на овогодинешното издание на првенството на Јужна Америка, кое се одржува во Бразил.

Одлуката се темели на тоа што организаторите претставија протокол за „работа и акредитација кој донесува мерки за заштита на здравјето на вклучените, користејќи алатки за спречување на заразата и ширењето на КОВИД-19“, стои во соопштението на градските власти.

На трибините ќе можат само оние со негативен тест на коронавирус кој е направен најдоцна 48 часа пред натпреварот. Пандемијата на КОВИД-19 во Бразил однесе повеќе од 530 илјади животи, а од нив околу 30 илјади во Рио де Жанеиро.

Младата репрезентација на Македонија (генерација 2007 ) загуби од соодветната селекција на Босна и Херцеговина во рамките на меморијалниот турнир „Јосип Каталински – Шкија”.

На тренинг центарот во Зеница, избраниците на селекторот Драган Начевски загубија минимално со 2:1. Противникот одлично го започна натпреварот, искористи невнимание во нашата одбрана и рано уште во 3. минута поведе со 1:0. Стрелец на водечкиот гол беше Андреј Мичиќ. Преку Стефан Младеновски, Македонија успеа да го израмни резултатот.

Во продолжението Босна и Херцеговина подобрата игра ја круниса со втор погодок во нашата мрежа. Фарис Џефахири во 68. минута погоди за предност на противникот од 2:1. Воедно тоа беше и конечниот резултат на денешната средба

Македонија (генерација 2007):Давид Илоски, Окан Ракипи, Милош Спасовски, Даим Кадриовски, Игли Хасани, Хисар Али, Горазд Ристовски, Марко Киш, Александар Грашевски, Стефан Младеновски, Беркај Шаини;

Резерви: Oнур Бешир, Лука Атанасовски, Андреј Мурџевски, Златко Радески, Еранд Зиба, Шефир Мендерез, Каменчо Андоновски, Бобан Кузмановски, Стефан Антонијев;

Предводник: Драган Начевски;

Арсенал го договори трансферот на талентиранииот фудбалер на Андерлехт, Самби Локонга, но не застанува тука. Следна цел на „топџиите“ е плејмејкерот на Вулверхемптон Рубен Невеш со кого веќе се почнати преговорите.

Португалецот е голема желба на тренерот Артета, кој во него гледа идеално засилување за средниот ред после заминувањето на Себаљос и Одегард.

Вулверхемптон е спремен да го пушти Невеш, но за неговата слобода бара 35 милиони фунти, па двата клуба веќе ги започале преговорите.

Арсенал на Невеш му понуди 5-годишен договор и тој веќе кажа ДА на понудата.

Милан е блиску до комплетирање на трансферот на Оливие Жиру.

Французинот ќе потпише двегодишен договор со Милан и годишно ќе заработува 3,5 милиони евра. Жиру од поодамна постигна договор со „росонерите“, но Челзи ја искористи опцијата за продолжување на договорот на уште една година, па не можеше да се пресели на „Сан Сиро“ како слободен агент.

Последните информации се дека Милан и Челзи постигнале договор и во наредните денови Жиру ќе го комплетира трансферот.

„Росонерите“ на Челзи ќе му платат симболична сума преку разни бонуси.

Франција беше прв фаворит за освојување на Европското првенство, но непријатно изненадување им приредија Швајцариците од кои беа поразени во осминафиналето.

Во тој натпревар Франција водеше со 3-1, Швајцарија успеа да се врати до 3-3, а потоа и на пенали да ги елиминира актуелните светски шампиони.

По овој пораз се шпекулираше дека Дидие Дешамп може да добие отказ, сепак тоа нема да се случи. Тоа го потврди првиот човек на Фудбалската федерација на Франција, Ноел Ле Грат.

„Дешамп ќе ја води Франција и на СП во Катар. Седнавме и се што имавме решивме за три минути. Ја видов неговата желба и мотив да остане и да ја води репрезентацијата, тоа е нешто кое и јас го посакував. Немаше дискудија брзо се договоривме“, изјави Ле Грат.