Лигата на шампионите продолжува денеска од 18.45 со натпреварите Бешикташ-Борусија Дортмунд и Шериф Тираспол-Шахтјор.

Од 20.45 на распоредот се преостанатите шест натпревари, а три пара се посебно интересни.

Клуб Бриж го дочекува ПСЖ. На тој натпревар од првата минута би требало да заиграат Лионел Меси, Килијан Мбапе и Нејмар. ПСЖ по многумина е најголем фаворит за титулата во Лигата на шампионите, а вечерва ударното трио за првпат ќе заигра од почеток, а фудбалскиот свет со нетрпение очекува да ја види таа напаѓачка комбинација.

Оваа вечер носи и два класици. На Џузепе Меаца се среќаваат Интер и Реал Мадирд. Тие се сретнаа во групната фаза на ЛШ и минатата сезона, кога Реал и во двата натпревари беше подобар со резултати 3:2 и 2:0.

На Енфилд, Ливерпул го дочекува Милан. Италијанскиот великан има дури седум титули во Лигата на шампионите, но во најсилното клупско натпреварување на светот последен пат настапи во сезоната 2013/14, кога беше елиминиран од Атлетико Мадрид во осминафиналето.

Понудата за Лигата на шампионите ќе ја најдете на www.evrotip.mk

Лоши вести пристигнуваат за Милан пред утрешниот натпревар во Лигата на шампионите против Ливерпул.

Утре Милан гостува кај Ливерпул на „Енфилд“, а според последните информации од Италија, Златан Ибрахимовиќ ќе го пропушти овој натпревар. Италијанските медиуми објавија дека Ибрахимовиќ има проблеми со Ахиловата тетива и ќе мора да паузира.

Ќе потсетиме, Ибрахимовиќ се врати на терените изминатиот викенд против Лацио после долгата пауза, а во тој натпревар постигна гол.

Баерн Минхен ја реши Барселона во Шпанија со 3:0, со головите на Милер и Левандовски кој погодуваше два пати.

Убедлив пораз на Барса на отворањето на новата сезона во ЛШ, без Меси, каталонците изгледаа немоќно против неверојатниот Баерн Минхен.

Барселона одигра слабо и неубедливо, им се случи неславен рекорд, откако за првпат во историјата на клубот не го погодија голот на противникот за 90 минути!

Каталонците шутнаа 5 пати кон голот на Баерн Минхен, но ниту еднаш директно во рамките, шампионот на Германија имаше вкупно 17 шута, седум од нив завршија директно во голот на Шпанците, а три во мрежата.

Македонскиот фудбалски прволигаш, Академија Пандев ја информираше јавноста дека ги продала ТВ-правата од своите домашни натпревари на регионалниот спортски телевизиски канал „Спорт Клуб“.

Пандевци се првиот клуб кој направил ваков потег, договорот е веќе потпишан и истиот важи за сезоните 2021/22, 2022/23 и 2023/24.

Инаку пандевци и Шкендија се единствените тимови кои одбија да го потпишат договорот за ТВ-правата со ФФМ според кој мечевите требаа да се емитуваат на „Арена Спорт“.

Напаѓачот на Челзи, Тимо Вернер, најверојатно ќе се врати во Бундес-конкуренцијата откако не се наметна во редовите на „сините“.

По доаѓањето на Белгиецот, Ромелу Лукаку, фудбалерот од Германија главно ја грее клупата и не е задоволен со неговиот статус.Таа ситуација сака да ја искористи Баерн Минхен и да го врати во татковината.

Целиот процес и договор меѓу двата клуба може да се заврши во јануарскиот трансфер период.

Франческо Тоти има само убави зборови за новиот тренер на „римската волчица“, Жозе Мурињо.

Така наречениот „принц“ на Рим кој целата кариера ја помина во Рома и одигра 785 натпревари, отворено го пофали Португалецот за неговата способност да ги мотивира фудбалерите.

„Мило ми е што одбра да дојде во Рим. Станува збор за флексибилен тренер кој освои многу. Тој е исклучителен, знае како да го мотивира тимот и да ги штити играчите. Тоа е многу значајно за град како Рим“, рече Тоти.

Jaпонија го откажа домаќинството на Светското клупско првенство и тоа претставува грижи кај челниците на ФИФА.

Како нов кандидат се појави Саудиска Арабија, клубовите не се посебно воодушевени од предлогот, а во трката наводно влегла и една афричка земја.

Фудбалскиот сојуз на Јужна Африка потврди дека го сака домаќинството на Мундијалот за клубови.

„Точно е заинтересирани сме, не чекаат состаноци со организаторите на ФИФА и се ќе се знае до крајот на неделата“, потврди претседателот на сојузот Дени Џордан.

Јужна Африка самостојно го организираше Светското првенство во 2010 година и тогаш значително ја подобри инфраструктурата.

Тренерот на фудбалерите на Верона, Еузебио Ди Франческо, доби отказ по само три натпревари и исто толку порази во Серија А, објави денеска италијанскиот состав на официјалната веб -страница.

Верона  која вчера загуби од Болоња со 1-0,  претходно претрпе  порази од Сасуоло и од шампионот Интер. Ди Франческо летово пристигна во Верона како наследник на Иван Јуриќ, кој се пресели во Торино.

Ди Франческо по трет пат добива отказ без да може да ја заврши целата сезона. Тоа му се случи со Сампдорија и Каљари.

Некогашниот бразилски репрезентативец Ренато Порталупи, попознат како Ренато Гаучо, до оваа година го водеше Гремио и притоа гледаше што прави конкуренцијата во бразилското првенство.

Беше 2018. година кога новинарите го прашаа за коменар по поразот од 1:5 на неговата екипа од Фламенго, а одговорот гласеше:

„Лесно е да се води екипа која вреди 200 милиони бразилски реали.“

Тој ја презеде екипата на Фламенго во втората недела од јули годинава, а оттогаш го докажува она што го изјави пред три години. Во првите 15 натпревари водејќи ја екипата во која се враќаше во неколку наврати во играчката кариера, Гаучо во сите натпреварувања оствари 13 победи, едно реми и еден пораз.

Неговиот тим во тие натпревари забележа гол разлика 49:13.

Челниците на Ла Лига се обидуваат на секаков начин да го задржат реномето на натпреварувањето откако Меси си замина од Шпанија, а дел од најмоќните клубови се во финансиска криза.

Но, според Хавиер Тебас, кој е прв човек на Ла Лига, Реал Мадрид следното лето ќе биде вистински бум во Европа.

„Реал Мадрид ова лето заработи 200 милиони евра на продажба на играчи. Имаат пари да ги купат Мбапе и Халанд. Можат да си дозволат вакви аквизиции. Нејасно е како ПСЖ ја одби понудата за Мбапе кога работи во минус, но тоа треба да го образложи друга комисија.“ – вели Тебас.