Португалскиот фудбалски ас, Кристијано Роналдо го продолжи договорот со Ал-Наср и тоа на 40-годишна возраст.

Како што пишува „beIN Sports“, платата на Кристијано останала иста – 200 милиони евра по сезона. Одржувањето на неговите приходи на таква возраст е исто така достигнување.

Постојат извештаи за 400 милиони (поделени на 1,1 милион дневно и 13 евра во секунда) што се шират низ социјалните мрежи, но нема докази што го поткрепуваат ова. Дури и без ова, Роналдо е најплатениот спортист во светот.

Ал-Наср првично сакаше едногодишен договор, но му дозволија на Португалецот сам да одлучи. Тој доби сè што сакаше.

Роналдо нема да добие само огромна плата туку и еден куп бонуси, дури и 15% од акциите на Ал-Наср – проценети на 35 милиони евра.

„Почнувам ново поглавје со истата страст и сон. Ајде да создаваме историја заедно“, беа првите зборови на Португалецот по објавата. „Моите амбиции немаат целна линија. Стабилноста, решителноста и тимската работа се она што ќе нè направи подобри. И тоа е задачата за која работам толку напорно да ја постигнам“ изјави Роналдо.

Екипата на Пиза која по 34 години се врати во Серија „А“, го обезбеди на тренерската позиција, Алберто Џилардино.

Поранешниот италијански репрезентативец потпиша договор за две сезони со опција за продолжување на уште една.

Џиралдино досега има работено во Про Верчели, Сиена и Џенова.

Репрезентацијата на Холандија е новиот европски шампион за фудбалери до 19 години, откако синоќа во финалето во Букурешт ја совлада бранителот на титулата, Шпанија, со минимални 1-0. Одлучувачкиот момент на натпреварот беше автоголот на капитенот на Шпанија, Раул Хименез, во второто полувреме.

Во тврд натпревар со шанси на двете страни, првото полувреме заврши без голови. Вистинската драма започна по паузата, кога во период од само седум минути рамката од голот се тресеше дури три пати. Најпрво, Холанѓанецот Тајго Ланд ја погоди стативата, на што веднаш возврати шпанецот Антонио Кордеро, кој исто така го погоди дирекот. Набрзо потоа, и ударот со глава на Оскар Маркос заврши во пречката на холандскиот гол.

Клучниот момент се случи во 63. минута, кога по нафрлувањето на холандскиот капитен Гиваиро Рид, топката го погоди неговиот шпански колега Раул Хименез и заврши во сопствената мрежа за водство и конечна победа на Холандија.

Ова е прва титула за Холандија во историјата на Европското првенство до 19 години, со што станаа првиот нов шампион по Португалија во 2018 година. Со овој триумф, селекторот Петер ван дер Вен стана тренер кој освоил европски титули и со У17 и со У19 селекцијата на својата земја.

Покрај тимскиот успех, Холандија доби и индивидуални признанија. Кис Смит, играчот за врска на АЗ Алкмар, беше прогласен за Играч на турнирот. Тој, исто така, беше и еден од четворицата најдобри стрелци на финалниот турнир.

„Чувството е неверојатно и многу сум горд на тимот и на себе што сум капитен. Покажавме дека сме вистински лавови”, изјави холандскиот капитен Гиваиро Рид по натпреварот.

Селекторот Петер ван дер Вен го опиша моментот како „магичен“ и го пофали заедништвото и вербата во тимот во текот на целиот двегодишен процес.

Иван Перишиќ имаше феноменална сезона во ПСВ. Со тоа го привлече вниманието и на клубови како Барселона. Во текот на изминатите недели се шпекулираше дека Барса сака да го ангажира Хрватот кој има 36 години.

Каталонците го гледаа Иван како можно решение за крилните позиции. Сепак, бидејќи сите свои напори ги насочија кон Нико Вилијамс, Перишиќ немаше намера да ги чека. Хрватскиот фудбалер одлучи да потпише нов двегодишен договор со ПСВ. Сè уште има мали детали што треба да се решат и сè треба да стане официјално многу наскоро.

„Иван Перишиќ е на чекор од потпишување на нов договор со ПСВ Ајндховен. Барса се распрашуваше за него, но сега се целосно фокусирани на Ницо“, објави Фабрицио Романо.

Фудбалерите на Манчестер сити го декласираа Јувентус во Орландо (5-2) и ја освоија првата позиција во Групата Г на Светското клупско првенство. .

Џереми Доку постигна гол за „граѓаните“ во деветтата минута, Пизедначи Теун Копмајнерс две минути подцна, а потоа следувше канонада кон голот на Јувентус.

Мрежата на „старата дама“ ја погодија Пјер Калулу (автогол) во 26-та минута, Ерлинг Халанд во 52-та, Фил Фоден во 69-та минута и Савињо во 75-та минута. Вториот гол за Јуве го постигна Душан Влаховиќ во 84-та минута.

Сити и Јувентус од оваа група се пласираа во осминафиналето.

Напаѓачот на Манчестер Сити, Ерлинг Халанд, постигна извонреден гол во победата на клубот од 5-2 над Јувентус во групната фаза од Светското клупско првенство.

Норвежанецот го започна натпреварот на клупата, но влезе на полувремето кога Сити водеше со 2-1. На Халанд му беа потребни само седум минути за да постигне гол.

Тоа беше неговиот 300-ти гол во кариерата, а го достигна ова по одиграни 371 натпревари.

За Манчестер Сити, Халанд има 123 гола на 145 натпревари, додека за неговиот претходен тим Борусија Дортмунд, статистиката покажува – 86 гола на 89 натпревари.

За Молде има 20 гола, додека за Ред Бул Салцбург 29. За норвешката репрезентација, Халанд има уште поимпресивен рекорд – 42 гола на 43 натпревари.

Арсенал отвори преговори со Валенсија за трансфер на централниот дефанзивец Кристијан Москера.

„Топџиите“ го гледаат 20-годишниот како идеална замена за Вилијам Салиба или Габриел доколку некој од нив не може да игра.

Москера младински репрезентативец на Шпанија. Тој во претходната сезона одигра 90 мечеви за Валенсија.

Фудбалерот на Манчестер сити, Клаудио Ечевери ќе го пропушти остатокот од Светското клупско првенство откако го повреди глуждот во победата од 6-0 над Ал-Аин, најави тренерот на премиерлигашот Пеп Гвардиола.

Деветнаесетгодишниот аргентински репрезентативец постигна гол од слободен удар во победата со која Сити обезбеди пласман во нокаут фазата од Светското клупско првенство, но беше повлечен од теренот на полувремето поради повреда.

„Тој има некои проблеми со глуждот. За жал, нема да може да игра две или три недели“, им изјави Гвардиола на новинарите пред денешен последен натпревар на Сити од Групата Г против Јувентус.

Манчестер сити има шест бодови, исто колку и Јувентус, но е втор на групата. Второпласираната екипа ќе игра во осминафиналето против победникот од Групата Х, во која лидер е Реал Мадрид.

Голманот на Манчестер сити, Едерсон, ги демантираше написите во англискиот печат дека ова лето ќе го напушти клубот и ќе ја продолжи кариерата во Саудиска Арабија.

„Мојата иднина е тука. Моите пријатели често ми праќаат линкови со вести за мене, но во 99% од случаите тоа се целосни измислици. Авторите го прават тоа само за лајкови на социјалните мрежи. Поголемиот дел од тоа се лажни вести“, рече Едерсон.

Едерсон дојде во Манчестер сити за 35 милиони фунти од Бенфика пред осум години. Неговиот договор истекува следното лето, а моментално се проценува на околу 20 милиони фунти.

„Моето место е во Манчестер Сити и ќе дадам сè од себе за повторно да ја освојам Премиер лигата. Го сакаме и трофејот во Лигата на шампионите. Целосно сум посветен на клубот“, додаде бразилскиот голман.