И спортот се повеќе и повеќе е погоден од новиот бран на коронавирусот.
Од Реал Мадрид потврдија нов случај на Ковид-19 во клубот. Имено, позитивен е голманот Андреј Лунин.
Лунин нема да биде во комбинација за настап во натпреварот со Бетис, а во Реал е од 2018 година. Вистинска прилика се уште не добил и беше испраќан на позајмици во Леганес, Ваљадолид и Овиедо.
Англискиот фудбалер Хари Кејн изјави дека летово ќе остане во Тотенхем и дека барем засега нема да се пресели во Манчестер Сити.
Тоа го објави на социјалните мрежи, кратко време по состанокот со управата на клубот, која даде се од себе да го задржи.
Тотенхем дури одби две многу високи понуди од Манчестер Сити, од 122 и 150 милиони евра, но навивачите беа оние кои оставија посебен впечаток кај напаѓачот.
„Беше неверојатно да се види приемот на навивачите на Тотенхем во неделата и да се прочитаат пораките за поддршка што ги доживеав претходните недели. Останувам во Тотенхем ова лето и сум 100% фокусиран да му помогнам на тимот да постигне успех“, рече Кејн.
Пеп Гвардиола изјави дека по завршувањето на договорот со Манчестер Сити би можел да седне на клупата на некоја репрезентација.
Овој 50-годишен фудбалски стратег е еден од најдобрите тренери на сите времиња, откако освојуваше титули со Барселона, Баерн и Манчестер Сити.
Клупата на англискиот клуб ја презеде во 2016. година, а последниот договор го врзува до 2023. година, кога планира да земе пауза.
Негова амбиција е еден ден да биде селектор на некоја репрезентација и да ја почувствува магијата на Копа Америка, Европско првенство или Светско првенство.
„Следен чекор ќе биде репрезентација, доколку се појави прилика. Пров морам да направам пауза по седум години поминати во Сити. Морам да паузирам и да гледам, учам од другите тренери и можеби да тргнам по тој пат. Би сакал да водам екипа на Европско првенство, Копа Америка или Светско првенство.“ – рече Гвардиола.
Синоќа се извлекоа паровите за третото коло на англискиот Карабао Куп, а од најголемите фаворити за трофејот, на ждрепката најлошо поминаа Манчестер Јунајтед и Тотенхем.
„Црвените ѓаволи“ ќе му бидат домаќини на Вест Хем уште во оваа рунда во дерби натпревар кој ќе предизвика поголем интерес и е највпечатливиот пар од оваа рунда, а тука некаде е и пресметката меѓу Вулверхемптон и Тотенхем.
Арсенал помина многу подобро и ќе игра на домашен терен против АФЦ Вимблдон, а истото важи и за Манчестер Сити, кој за противник го доби Вајкомб.
Ливерпул ќе му гостува на Норич во дуел во кој ќе биде голем фаворит, додека Челси ќе има незгоден противник во Астон Вила.
Манчестер Ј. – Вест Хем
Манчестер С. – Вајкомб
Волвс – Тотенхем
Норич – Ливерпул
Арсенал – АФЦ Вимблдон
Челси-Астон Вила
Фулам-Лидс
КПР-Евертон
Престон-Челтенам
Брентфорд-Олдам
Вотфорд-Стоук
Виган-Сандерленд
Барнли-Рочдејл
Шефилд Ј-Саутемптон
Милвол-Лестер
Брајтон-Свонси
Селекторот до 21 година Драган Канатларовски нема да смета на еден од планираните младински репрезентативци на стартот од септемвриските квалификации.
Адриан Хајдари, дефанзивецот на Рапид Виена добил позитивен тест на Ковид-19 и ќе мора да оди во изолација.
Во овие моменти не е познато дали тој ќе може да и помогне на Македонија во претсојните два натпревари. Македонија прво игра со Франција на 2 септември, па со Србија на 7 септември.
Ќе потсетиме, во А селекцијата поради позитивен на коронавирус под знак прашалник е Бобан Николов.
Првите две кола во Премиер лигата се веќе зад нас, а англиските медиуми повторно го активираа суперкомпјутерот, чија задача е да го прогнозира расплетот на целата сезона и местата кои ќе ги освојат екипите.
Според суперкомпјутерот, Манчестер Сити ќе ја одбрани титулата, а донекаде очекувано, во Топ 4 ќе се најдат и Челси, Ливерпул и Манчестер Јунајтед.
Тотенхем ќе мора да се задоволи со петтата позиција, додека алгоритамот на суперкомпјутерот пресмета дека Аренал ќе заврши на осмото место и ќе остане без европски пласман.
Најавената табела го промовира Брајтон како најпозитивно изненадување и екипа која ќе ја заврши сезоната на седмото место.
Трите екипи кои нема да обезбедат опстанок се Кристал Палас, Норич и Вотфорд.
Италијанските медиуми потврдија дека Интер и Лацио постигнале договор за трансфер на Хоаким Кореа. Интер беше во потрага по напаѓач после заминувањето на Лукаку, а изборот падна на Кореа, кој беше голема желба на тренерот Инзаги.
Двата клуба постигнале договор за трансфер тежок 31 милион евра и се очекува Аргентинецот вечерва да пристигне во Милано.
Кореа утре треба да ги мине лекарските прегледи и да стави потпис на договор со Интер до 2026 година.
Капитенот на женската сениорска репрезентација на Македонија се појави на првиот собир на францускиот прволигаш.
Беше во Будуќност, сезоната, онаа ланската ја доигра како кошаркарка на Баскет Кам, ја круниса со освојување на двојната круна, изборот за најкорисен играч во плеј-офот на македонската Прва лига.
А од пред два дена, Анџелика Митрашиновиќ со нови работни обврски.
Во фрацускиот прволигаш Тарбс, екипа која и посака добредојде на нашата, во овој момент и најдобра кошаркарка.
„Анџелика е играч со кој и претходно имавме контакти. Конечно го добивме нејзиниот потпис, и сме среќни поради тоа. Таа е играч кој дефинитивно ќе биде откритие во францускиот шампионат, и убеден сум дека ќе биде способна да ги покаже сите свои напаѓачки квалитети. Очекувам тоа да се даде ефект во играта на тимот во наредниот шампионат. Добредојде Анџелика“ – изјави Франсоа Гомез, тренерот на овој француски женски прволигаш непосредно пред одработувањето на првиот тренинг, нешто како вовед во новата сезона.
Претстојната сезона во која капитенот на нашата женска сениорска репрезентација ќе биде голем предизвик. Посебно ако се земе предвид дека за прв пат во својата кариера ќе игра во една таква, уште посилна конкуренција во однос на некои претходни сезони.
Американската тенисерка Серена Вилијамс објави дека се откажува од настап на гренд слем турнирот УС Опен, кој ќе започне идната недела, поради повреда на препоните која не е целосно санирана.
„По внимателно размислување и слушајќи ги советите на лекарите и лекарската екипа, одлучив да се повлечам од УС Опен како би дозволила на своето тело целосно да се опорави од повредата на препоните.“ – објави 39-годишната Вилијамс.
Американскатаа тенисерка, која е освојувач на 23 гренд слем титули во својата кариера, мораше да го предаде првиот меч на овогодинешниот Вимблдон.
Фудбалерот од средниот ред на сплитски Хајдук, Јани Атанасов доби повик од селекторот Благоја Милевски да биде дел од А репрезентацијата на Македонија за претстојните квалификациски натпревари за Светското првенство. Поранешниот капитен на Македонија до 21 година добива шанса да биде дел од најдобриот национален состав откако стана извесно дека Аријан Адеми од Динамо Загреб нема да може да се стави на располагање на тимот за натпреварите против Ерменија (2. септември), Исланд (5. септември) и Романија (8. септември). Неизвесно е доаѓањето и на Бобан Николов од молдавски Шериф.
Соочени со неможноста на Адеми поради здравствени причини да му се приклучи на тимот и неизвесноста со евентуалното доаѓање на Николов, стручниот штаб во А репрезентацијата прати дополнителен повик до Јани Атанасов, фудбалер кој игра на позицијата на Адеми и со своите играчки карактеристики е најблиску до тоа што евентуално би ни било потребно.
