Откако Ромелу Лукаку направи трансфер во Челзи, шампионот на Италија Интер не чекаше долго за да го надомести недостатокот на белгискиот напаѓач во нападот.
На Меацца пристигна Един Џеко, но управата на клубот одлучи дополнително да ја засили конкуренцијата, па заврши уште еден звучен трансфер. Откако од сите комбинации отпадна Маркус Турам, Интер се сврти кон домашните сили, па го купи Андреа Белоти, напаѓачот на Торино.
Преговорите беа завршени доцна синоќа, а репрезентативецот на Италија ќе се пресели во Милано за 15 милиони евра.
Овој 27-годишен фудбалер досега во Серија А има постигнато 99 погодоци, а и во првото коло беше стрелец против Аталанта.
Златните одличја и трофејот од Тбилиси во „Куќата на кошарката“
Женската селекција на Македонија за кошаркарки „Под 16“ години го донесоа во „Куќата на кошарката“ трофеjoт освоен на „Челенџерот“ во Тбилиси.
Нашите златни кадетки имаа одличен настап на турнирот во Тбилиси каде стигнаа до четири убедливи победи во дуелите со Малта, Албанија, Ерменија и Грузија, и со максимален ефект ги ставија златните одличја на своите гради.
Предводени од селекторот Никола Златев и асистентите Ведран Белешковски и Форка Георгиева, дојдоа во просториите на федерацијата, каде имаа прием организиран од страна на раководството на федерацијата, предводено од претседателот Перо Антиќ, генералниот секретар, Владимир Георгиевски и спортскиот директор Тодор Гечевски.
Селекторот Златев не го криеше задоволството од постигнатиот резултат во Грузија.
„Голема благодарност до раководниот тим на федерацијата кој ги препозна сите оние наши желби, очекувања поради кои и ја добивме довербата да работиме со оваа наша, сега веќе, златна селекција“ – рече Златев на приемот во федерацијата. „Мислам дека возвративме на тоа на најдобар можен начин. За Тбилиси заминавме без било какви притисоци, резултатски императиви. На турнирот одевме чекор по чекор, макар недоволно запознати со квалитетите на противниците. Но откако ја реализиравме првата победа, потоа беше доста полесно. Во исто време можевме да ги скаутираме и другите противници, што ни ја олесни работата во подготовката на наредните натпревари. Доминиравме во секој поглед, и во Тбилиси ни се врати сето ова што го работевме во тие 40 и повеќе деови на подготовките во Скопје, Кавадарци и во Крива Паланка“- дополни селекторот на оваа наша репрезентативна селекција.
Умтити не сака да си замине, Барса спремна да му го раскине договорот
Самуел Умтити одбил уште една побуда и е на чекор да добие отказ од клубот, пренесува каталонски „Спорт“. Понудата дошла од турски клуб и била поволна за Барселона, но Умтити ја одбил.
Од Камп Ноу не сметаат повеќе на дефанзивецот и му порачаа да си најде нов клуб, но тој ги одбива сите понуди.
Сега Барселона сериозно размислува на еднострано раскинување на договорот, иако се свесни дека тоа многу ќе ги чини.
Барса е спремна да го раскине договорот и да му плати отштета, како што беше случајот со Матеус Фернандез.
ОВА е најлудото претставување на нов дрес! (видео)
Тајландски Бурирам Јунајтед на посебен начин го претстави својот трет дрес за новата сезона. Четворица фудбалери на клубот на различни локации го претставуваа третиот дрес на својот тим. Се снимаа дури и во када, а како сето тоа изгледаше, погледнете во видеото.
Минатата сезона Бурирам заврши како втор во тајландското првенство, а последен пат беше шампион во 2018. година.
Бетис го купи Вилиам Жозе од Реал Сосиедад
Вилијам Жозе си замина од Сан Себастијан и го засили Бетис.
Жозе во Реал Сосиедад играше пет години и даде 52 гола на 143 меча, а пролетва мина шест месеци на заем во Вулверхемптон, па сега повторно ќе игра во Шпанија во дресот на Бетис, кој се договорил со Баскијците да го земе на едногодишен заем со задолжителен откуп на договорот за осум милиони евра.
Бразилескиот напаѓач исто така се договорил за четиригодишна соработка со зелено-белите и тоа почнувајќи од идното лето, кога ќе му заврши прво заемот.
Анчелоти: Горчлив вкус останува по овој натпревар, загубивме два бода
Во возбудлив меч со шест гола, Леванте и Реал одиграа 3-3 во меч од второто коло на Ла Лига. Тренерот на Реал Мадрид, Карло Анчелоти ги сумираше впечатоците од натпреварот истакнувајќи:
„Средбата беше луда, иако го контролиравме текот во првото полувреме. Изгубивме два бода, откако потрошивме навистина добар квалитет. Тешко е да се објасни, мора да бидеме внимателни кон сите детали. Остана горчлив вкус. Иско беше еден од најдобрите денес. Постои почетна постава што може да се освежи со замени. На пример, замената на Бејл е поврзана со желба да се освежи составот. Сепак, концентрацијата во одбраната мора да биде поголема. Третиот гол на Леванте беше лоша среќа“, рече Анчелоти.
Спалети го кани Пјаниќ на „Сан Паоло“
Лучијано Спалети изрази желба да го доведе играчот за врска на Барселона, Миралем Пјаниќ. Тренерот на Наполи имал разговор со репрезентативецот на БиХ, пишува „Кориере дело Спорт“.
Минатата година, Пјаниќ пристигна на „Камп Ноу“ од Јувентус, како дел од трансферот на Бразилецот Артур. Сепак, 30-годишниот играч за врска не успеа да се наметне во Барселона и не е во плановите на тренерот Роналд Куман. Затоа клубот сега бара купувач.
До неодамна се мислеше дека Пјаниќ ќе се врати во Јувентус, но „црно -белите“ се откажаа од првичната идеја поради високата плата на играчот која изнесува 6 милиони евра по сезона.
Пјетро Пелегри од Монако се сели во Милан
Милан ќе биде многу активен во последните денови од трансфер пазарот и се очекува во текот на неделата да комплетира два трансфери.
Преговорите со Челзи за трансфер на Бакајоко се во завршна фаза, а на „Сан Сиро“ треба да пристигне и италијанскиот напаѓач од Монако, Пјетро Пелегри.
Пелегри беше посочуван како најголема надеж на италијанскиот фудбал и стана најмлад стрелец во историјата на Серија А, а потоа направи трансфер во Монако за 25 милиони евра.
Меѓутоа, во „кнежевството“ не се снајде најдобро, па сега Милан ќе го врати во Италија 20-годишниот напаѓач.
Постигнат е договор за едногодишна позајмица од еден милион евра, а „росонерите“ следното лето ќе можат да го откупат за шесњт милиони евра.
Зверев го посочи Ѓоковиќ како фаворит пред УС Опен
Александар Зверев пред стартот на УС Опен вели дека тој нема да биде фаворит.
„Минатата година пред УС Опен, не очекував ништо од себе. Прво, ние не игравме половина година претходно. Второ, пред тоа играв прилично просечно на Мастерсите. Така, на УС Опен ја барав само мојата игра, но добро функционираше и бев блиску до титулата. Оваа година Новак ќе се врати и сигурно ќе биде фаворит. Но, и другите момци се во одлична форма. Така, имам многу работа. Мислам дека Ѓоковиќ ќе прикаже неверојатен тенис во Њујорк. Ќе биде свеж. Рубљев е во одлична форма, Медведев, Циципас исто така. Овој УС Опен дефинитивно ќе биде интересен“, вели Германецот.
Одом: Да не беше дрогата денес уште ќе играв кошарка
Ламар Одом смета јавно призна дека дрогата му ја уништила кариерата.
Одом и претходно призна дека дрогата многу му наштетила во животот, но не можел да запре да ја користи.
„Искрено, мислам доколку не беа дрогите, јас ќе можев уште да играм кошарка. Ова го кажувам затоа што јас навистина немав проблеми со екстремитетите. Уште можам да трчам и да скокам“, вели 41-годишниот Одом.
Одом имаше 12 мозочни удари и шест срцеви удари, а исто така освои две шампионски титули со Лос Анџелес Лејкерс.
