Манчестер Сити на отворањето на новата сезона од Премиерлигата беше поразен во Лондон на гостувањето кај Тотенхем со 1:0. Тоа беше прв натпревар за Џек Грилиш, најскапиот фудбалер во историјата на англиската лига, во стартните 11 на Манчестер Сити.

По натпреварот, тренерот на „граѓаните“ Пеп Гвардиола имаше само пофални зборови за англискиот репрезентативец.

„Тој е така опасен во последната третина од теренот… кога ја имаме топката, тој секогаш има опција повеќе. Имаше неверојатен дебитантски настап и ќе биде доста важен дел од нашата екипа. Му честитам на борбеноста која ја покажа, обидувајќи се цело време да створи нешто на теренот.“ – изјави Пеп.

Манчестер Сити го доведе 25-годишниот Грилиш од Астон Вила за рекордни 117,5 милиони евра.

Манчестер Јунајтед на фантастичен начин ја започна новата сезона во Премиер лигата и тоа со триумф над Лидс од 5-1.

Легендата на Јунајтед, Пол Сколс верува дека ваквите изданија како денешното ќе го натераат Погба да потпише нов договор.

„Мислам дека ќе остане. Мислам дека тоа ќе го направи. Кога играше пред неколку години во тим кој не функционираше добро како што изгледа овој, со бројот на напаѓачки играчи, со вештината што ја има мислам дека ќе му додаде многу за овој тим. Мислам дека тој ќе заврши со потпис на нов договор. Ако овој тим продолжи на овој начин, напредува како што е – не сакам да се возбудувам премногу – но тоа е тим што може да продолжи и да освојува трофеи и тоа е она што тој сака да го направи“, истакна Сколс.

Челзи сака да добие 50 милиони евра за нивниот напаѓач Тами Абрахам, објавија медиумите од Островот. Интерес за фудбалерот има од италијанскиот тим Рома, но и од Арсенал.

Наводно, највисоката понуда која бид ададена за Абрахам е од клубот од Рим, но е во висина од 45 милиони евра.

Во сезоната 2020/21, Абрахам одигра 32 натпревари за Челзи, во кои постигна 12 гола и 6 асистенции. Меѓутоа, во изјава дадена во текот на вчерашниот ден, напаѓачот рече дека нема намера да оди во Рома.

Шпанецот Серхио Кањос не го криеше воодушевувањет откако беше стрелец на првиот гол во новата сезона во Премиер лигата во натпреварот во кој неговиот тим стигна до победа од 2-0.

Фудбалерите на Брентфорд не се исплашија од враќањето во најсилната англиска конкуренција после 74 години и го победија Арсенал. Еден од хероите на оваа победа беше Серхио Кањос кој го постигна првиот гол.

„Ова е неверојатно сонував како го постигнувам првиот гол на стадионот. Бевме многу возбудени поради овој натпревар, но заслужено победивме. Освоивме големи три побда, нека се радуваат нашите навивачи. Се уште не можам да верувам дека го постигнав првиот гол ол во сезоната, неверојатен момент за мене и моето семејство. Пресреќен сум. На крајот најважно е што Брентфорд победи“, изјави Кањос.

Во второто коло Брентфорд ќе игра против Кристал Палас.