Тренерот на Интер, Симоне Инзаги ќе го продолжи договорот со фудбалскиот клуб до 2024 година, објавија денеска италијанските медиуми.

Како што тврди „Газета дело Спорт“, Инзаги ќе го продолжи договорот до 2024 година, со можност за продолжување на соработката за уште една сезона.

Тој летово потпиша двегодишен договор со тимот од Милано, но со добри резултати го убеди сопственикот Стивен Жанг да му понуди нови услови. Инзаги ќе добие покачување, па наместо 4,5 милиони евра годишно, со новиот договор ќе заработуваат пет милиони евра и дополнителни бонуси.

Според „Газета“, Жанг има многу добри односи со Инзаги и го цени сето она што поранешниот напаѓач го направи на теренот и надвор од него во првите неколку месеци откако дојде во клубот.

Маркус Рашфорд може да ја продолжи кариерата во Пари Сен Жермен. Францускиот клуб го гледа Рашфорд како можна замена за напаѓачот Килијан Мбапе, кој најверојатно ќе го напушти клубот во летниот преоден рок. Рашфорд потекнува од школата на Манчестер Јунајтед. Неговиот договор со клубот е до 2023 година.

Напаѓачот оваа сезона постигна 4 гола и даде 2 асистенции на 18 натпревари во Премиер лигата. На 4 натпревари од Лигата на шампионите постигна и 1 гол. Рашфорд е проценет на 85 милиони евра според Трансфермаркт.

Играчот од средниот ред на Барселона, Рики Пуч може да ја продолжи кариерата во англиската Премиер лига. Вулверхемптон е заинтересиран за услугите на 22-годишниот играч, објави „Sport.es“.

Според истиот извор, Шпанецот би можел да биде вклучен како дел од зделката, според која напаѓачот Адама Траоре, позајмен од Вулверхемтон, би можел да остане во каталонскиот клуб. Играчот од средниот ред е дел од фудбалската школа на Барселона.

Договорот на играчот со клубот е до јуни 2023 година. Според интернет порталот Трансфермаркт, пазарната вредност на играчот е 9 милиони евра. Пуч во актуелната сезона од Ла Лига настапи на 10 натпревари на кои не успеа да постигне гол.

Фудбалерите на лондонски Арсенал ќе добијат големи бонуси доколку на крајот од сезоната влезат меѓу четирите најдобри екипи во англиската Премиер лига.

Според изворот, бонусите меѓу играчите ќе бидат пропорционално распределени. Максималниот бонус ќе биде околу 500.000 фунти (605.000 евра). Меѓу другото, доколку стигнат до топ 4 на табелата во Премиер лигата, што гарантира учество во Лигата на шампионите, платите на дел од играчите на Арсенал од следната сезона ќе се зголемат.

По 25 одиграни кола, Арсенал се наоѓа на четвртото место на табелата со 48 освоени бодови.

Претседателот на Барселона, Жоан Лапорта даде интервју за каталонски „Спорт“ точно една година по враќањето на функцијата.

„Дали годината помина според моите очекувања? Делумно да, делумно не. Беше покомплицирана отколку што очекував отколку што очекував. Најмногу поради ограничувањето на платите. Тоа многу ги отежни работите. Најдоброто и најлошо искуство оваа година? Најлошо беше принудното заминување на Меси. Најдобро е што гледаме како Чави и фудбалерите како ја оживуваат есенцијата на нашиот фудбал. Мојата и целта на сите во бордот е повторно да ја вратиме радоста кај навивачите. Работиме на тоа“, заклучи Лапорта.

Тренерот на Париз Сен Жермен, Маурицио Почетино изјави дека ќе направи се што е можно за да го убеди Килијан Мбапе да остане во тимот ова лето. 

Актуелниот договор на Мбапе со ПСЖ му истекува на крајот од сезоната, но тој сеуште го нема соопштено одговорот каде ќе ја продолжи својата кариера.

Почетино останува оптимист за иднината на 23-годишниот напаѓач во клубот.

„Килијан е наш играч и се надевам дека ќе биде тука уште долго. Разбирам дека на медиумите им се потребни вести за еден од најдобрите играчи во светот, но тој е дел од нашиот тим. Најдобро е  да почекаме тој самиот да го соопшти својот став за иднината во кариерата“, потенцира Почетино.

Мбапе е под знак прашалник за реваншот против Реал Мадрид во осминафиналето на Лигата на шампионите поради повреда добиена на тренинг.

Маурицио Покетино потврди дека дефанзивецот Серхио Рамос нема да игра на реваншот против Реал Мадрид во осминафиналето на Лигата на шампионите. Рамос, кој оваа сезона едвај играше за ПСЖ поради различни здравствени проблеми, е легенда на Реал Мадрид и со тимот ќе отпатува во шпанската престолнина.

„Серхио побара да отпатува со нас. Тој практично целата своја кариера ја помина во Реал Мадрид, таму освои толку многу. Јасно е дека би сакал да се врати и побара од нас да патува со нас и да го следи натпреварот во живо. Како и други колеги кои нема да учествуваат на натпреварот. Важно е да бидеме обединети во ваков клучен момент“, изјави Покетино.

Реваншот во Мадрид е в среда, а Реал Мадрид ќе мора да оди на задолжителна победа со барем еден гол, бидејќи првиот меч го загубија со 0-1 по голот на Килијан Мбапе во последните секунди од дополнителното време.

Тони Крос денес им се приклучи на соиграчите на тренингот и ќе биде спремен за реванш осминафиналниот дуел со ПСЖ во Лигата на шампиони. Германскиот плејмејкер се здоби со повреда минатата недела и беше под знак прашалник за дуелот со ПСЖ.

Ова е одлична вест за Анчелоти, бидејќи нема да може да смета на Касемиро, кој е под суспензија поради жолти картони исто како и Менди.

Реал Мадрид во првиот дуел загуби во Париз со 1-0 и на „Сантиаго Бернабеу“ ќе брка еден гол негатива.

Тренерот на Астон Вила, Стивен Џерард потврди дека клубот сака да потпише постојан договор со Филипе Кутињо ова лето.

 Џерард го доведе поранешниот играч на Ливерпул во јануарскиот преоден рок на шест месечна позајмица од Барселона. Договорот вклучува и опција за откуп за 33 милиони фунти, која Астон Вила е подготвена да ја плати на крајот од оваа сезона.

Бразилецот веќе постигна три гола во Премиер лигата, а тренерот Џерард е задоволен од неговите настапи.