Напаѓачот на Арсенал, Пјер-Емерик Обамејанг проговори за тоа како реагирал на одлуката на главниот тренер, Микел Артета, да го избрише од списокот за мечот од Премиер лигата против екипата на Тотенхем. „Што се однесува до мојата ситуација, разговарав со шефот и продолживме понатаму“ – вели црномурестиот напаѓач. „Фокусиран сум на наредниот натпревар. Верувам дека набрзо ќе започнам да постигнувам голови. Имаме повеќе играчи што можат да бидат опасни пред противничкиот гол“, потенцираше Обамејанг.

Манчестер Јунајтед го потпиша најголемиот договор за рекламирање на тимовите во историјата на Премиер лигата. Клубот потпиша петгодишен договор со германската компанија за софтвер „TeamViewer“.

Договорот кој стапува на сила од почетокот на сезоната 2021/22, вреди 235 милиони фунти, или околу 47 милиони фунти по сезона. Компанијата ќе го замени Шевролет на предниот дел од дресот на „Црвените ѓаволи“, а логото на оваа компанија стои на дресот на Манчестер од 2014 година. Ова е најголемиот договор за рекламирање на спортски клуб од почетокот на пандемијата и рекорд за договор за рекламирање за спонзорство само на официјалниот дрес. Дополнително, клубот е пред објавување на договор за спонзорство на дресови за тренинг. Логото на компанијата е сино, но ќе биде прикажано во бело на црвените дресови на тимот за следната сезона за да одговара на боите на екипата.

Напаѓачот на Ливерпул, Дивок Ориги би можел да го напушти клубот во летниот трансфер период, бидејќи за него постои интерес од повеќе клубови и покрај тоа што од почетокот на сезоната постигна само еден погодок. Белгискиот напаѓач, заедно со Окслејд-Чемберлен, Вајналдум и Шаќири во овој момент се најблиску до напуштање на се уште актуелниот англиски шампион. Посебно е интересен примерот на Ориги, за кого интерес пројавува Реал Сосиедад, кој во него гледа замена за Александер Исак, кој ќе го напушти клубот. Освен шпанскиот клуб, интерес покажаа и Вулверхемптон, Њукасл и Астон Вила, па ќе биде интересно да се види каде поранешниот напаѓач на Лил ќе ја продолжи кариерата. Ориги е член на Ливерпул уште од 2014. година, но дебитираше година и пол подоцна.

Голманот на Евертон, Џордан Пикфорд, е повреден и ќе мора да паузира извесен период потврдија популарните „карамели“ на официјалната веб- страница на клубот. На натпреварот од Премиер лигата против Барнли, 27-годишниот голман беше заменет во првото полувреме откако се здоби со повреда на стомакот и затоа ќе мора да паузира до крајот на месецов. Во сезоната 2020/21, Пикфорд забележа 25 настапи за Евертон и прими 32 гола. Пикфорд дебитираше како репрезентативец на Англија во 2017 година.

Кристијано Роналдо е прогласен за најдобар играч во Италија за сезоната 2019/20, од Асоцијацијата на професионални фудбалери на Апенините. Во овој избор учествуваа тренери, судии, новинари и фудбалери кои гласаат во категоријата за најдобар фудбалер.
Џанпјеро Гасперини од Аталанта ја освои наградата за најдобар тренер, а Даниел Орсато е прогласен за најдобар судија. За тим на сезоната е прогласен Аталанта.
ИДЕАЛЕН ТИМ: Донарума (Милан), Тео Ернандез (Милан), Де Фрај (Интер), Бонучи< (Јувентус), Госенс (Аталанта), Барела (Интер), Алехандро Гомез (Аталанта), Луис Алберто (Лацио), Дибала (Јувентус), Имобиле (Лацио), Роналдо (Јувентус).

Голманот на фудбалскиот состав Астон Вила, Емилијано Мартинез може да биде замена за Давид Де Геа на голот на Манчестер Јунајтед доколку искусниот чувар на мрежата се одлучи да ја промени средината како што најавија дел од медиумите. Бидејќи според најавите и Серхио Ромеро сигурно ќе си замине, „црвените ѓаволи“ ќе мораат да обезбедат уште еден голман. Изборот паднал на Аргентинецот кој во тековнава сезона во дресот на Астон Вила не прими гол на 14 мечеви од вкупно 27 реализирани во Премиер-лигата.