Марбеља го потврди трансферот на Хозе Калjехон кој нема намера да се повлече од фудбалот.

37-годишниот фудбалер од средниот ред потпиша договор со клубот од 4-та шпанската лига до 30 јуни во 2025 година.

Тој последните две сезони ги помина во Гранада. Шпанецот е познат  по настапите за Фиорентина, Наполи, Реал Мадрид и Еспањол.

Дефанзивецот на ПСЖ, Преснал Кимпембе ова лето ќе го напушти клубот, бидејќи не е задоволен од ситуацијата во клубот.

26-годишниот Французин е дете на ПСЖ и целата кариера ја помина на „Паркот на Принцовите“, но сега сака нов предизвик во кариерата.

Најсилен интерес за него покажуваат Интер и Милан, кои сакаат да ја засили дефанзивната линија во летниот преоден рок.

Миланските гиганти стапиле во контакт со менаџерот на Французинот, кој е отворен за преселба во Серија А, но проблем може да биде неговата висока плата.

УЕФА потврди дека отворила дисциплинска постапка против капитенот на шпанската фудбалска репрезентација Алваро Мората и неговиот соиграч Родриго.

Двајцата скандирале „Гибралтар е Шпанија“ за време на прославата на Европското првенство во Мадрид.

УЕФА веднаш отвори дисциплинска постапка и попладнево извести дека против двајцата фудбалери се покренати обвиненија по четири точки.

Се шпекулира дека Алваро Мората и Родри можат да добијат по два натпревари суспензија, слична казна како оние на Мерих Демирал од Турција, и Мирлинд Даку, кој ги навредуваше Македонците и Србите.

Манчестер Јунајтед е силно заинтересиран за младиот дефанзивец на Челзи, Тревор Чалоба, пренесуваат англиските  медиуми.

Чалоба е младински репрезентативец на Англија, може да игра на повеќе позиции во одбраната и поради тоа е голема желба на „Црвените Ѓаволи“.

Тој не добива голема минутажа во Челзи и сака да ја промени средината, а Челзи е спремен да го продаде за 25 милиони фунти.

Манчестер Јунајтед ова лето ќе прави реконструкција на одбраната и верува дека Чалоба би бил одлична долгорочна инвестиција.

Милан и Тотенхем се блиску до договор за трансфер на десниот бек Емерсон Ројал, пренесуваат италијанските медиуми.

Емерсон Ројал пред три години пристигна во Тотенхем од Барселона за 30 милиони евра и одигра одлично во првите две сезони.

Оваа сезона го загуби првотимскиот статус кај новиот тренер, па Тотнхем е спремен да го продаде за сума од 20 милиони евра.

Милан веќе има договор со играчот, а преговорите со Тотехем се во напредна фаза. Се очекува трансферот да биде реализиран во следните неколку дена.

Поранешниот голман на Манчестер Јунајтед, Давид де Геа, кој направи подолга пауза од фудбалот, планира да се врати меѓу стативите.

Според дел од неговите најблиски, Шпанецот по пауза од 4-5 месеци, започнал да тренира бидејќи имал неколку понуди од Шпанија но, претпочита да го чека вистинскиот момент.

Претходно имаше најава дека Де Геа може да замине во САД но, очигледно тоа нема да се случи.

Милан е блиску до комплетирање на трансферот на ѕвездата на Монако и француски репрезентатѕживец, Јусуф Фофана, пренесува „Газета дело Спорт“.

25-годишниот дефанзивен играч за врска блека во дресот на Монако и си обезбеди место во француската репрезентација па беше повикан на Европско првнство.

Тој влезе во последната година од договорот и изјави дека нема намера да го продолжи бидејќи сака да направи чекор напред во кариерата.

Последните информации се дека Фофана се договорил со Милан и двата клуба се во напредни преговори за трансферот.

Се очекува наскоро трансферот да биде договорен за сума од 14 милиони евра кои со бонуси можат да достигнат до 20 милиони евра.

Барселона соопшти дека Роналд Араухо бил успешно опериран по повредата на тетивата на десната нога. Оваа интервенција ја изврши д-р Ласе Лемпаинен, под надзор на медицинските служби на клубот, во Турку, Финска.

Докторот Рикар Пруна, задолжен за медицинскиот персонал на Барса, го придружуваше репрезентативецот на Уругвај на неговото патување во Турку. Се очекува дефанзивецот да биде надвор од терените речиси четири месеци.

Легендарниот фудбалски стратег Хавиер Агире по третпат седнува на клупата на мексиканската фудбалска репрезентација. Мексиканската фудбалска федерација официјално го објави назначувањето на 65-годишниот стратег за нов предводник на националниот тим.

Тој го замени Хаиме Лозано кој го раскина договорот по лошиот настап на тимот на Копа Америка.

Агире претходно двапати беше на клупата на мексиканската репрезентација. Тој го водеше тимот на Светските првенства во 2002 и 2010 година (двата пати Мексиканците стигнаа до 1/8 финалето).

Во неговиот штаб сега е и поранешниот капитен на репрезентацијата Рафаел Маркез, кој го раскина договорот со Барселона, каде го водеше вториот тим и дојде во репрезентацијата. Се очекува Агире да го води тимот до крајот на Светското првенство во 2026 година, по што Маркез ќе стане селектор.

Новиот тренер на Барселона Ханси Флик го пречкртал Иниго Мартинез, кој не е ни пријавен за Ла Лига, а по само една година би можел да го напушти клубот без обештетување.

Искусниот стопер минатото лето пристигна како слободен играч, имаше проблеми со повредите и не играше многу. Флик го отпиша и Клемен Ленгле.

Покрај Мартинез и Ленгле, се очекува да биде пречкртан и младиот напаѓач Витор Роке, чиј број 19 наредната сезона ќе го носи Ламин Јамал. Роке ќе оди на на позајмица, иако не е исклучена продажба