Минатото лето цела Европа зборуваше за Диего Карлос од Севиља, па тимот од Андалузија веќе се подготви за големата заработка која на крајот изостана. Сега уште поголема би можел да донесе другиот човек од стоперскиот тандем. Жул Кунде со одличните игри во завршницата од минатата сезона го навлече вниманието на себе, а во ист ритам продолжи и сезонава. Откако Упамекано ги договори условите со Баерн, 22-годишниот Кунде во овој момент е можеби и најбараниот централен дефанзивец на светот. Но, тоа нема да биде лесно бидејќи Севиља во 2019. година за него издвои 25 милиони евра во трансферот од Бордо. Според Трансфермаркт, цената на Кунде во моментот е двојно поголема, но сигурно е дека Севиља ќе бара повеќе од таа сума.

Тренерот на ПСЖ, Маурицио Почетино ги откри очекувањата од првиот меч со Барселона во осминафиналето од Лигата на шампиони. „Светците“ на 16-ти февруари и гостуваат на Барселона на Камп Ноу, а Почетино се надева на победа. „Ни претстои дуел против многу силен тим како што е Барселона. Нашиот менталитет е да бараме победа во секој меч, па на Камп Ноу ќе одиме по победа. Ќе ни недостасуваат важни фудбалери, но не бараме оправдувања. Ние сме силен тим и ќе се справиме без Нејмар“, истакна Почетино. Нејмар се повреди и сигурно ќе го пропушти дуелот со Барселона, но има шанси да игра во реваншот кој на програмата е на 10 март.

Зинедин Зидан е често на мета на критичарите, кои го менуваат од ден во ден,иако има договор со клубот до 2022. година.
Шпанските медиуми минатата недела пишуваа дека Реал веќе ја пронајде замената на крајот на сезоната и дека екипата би можел да ја преземе Алегри. Но, Зидан верува во својата позиција која му гарантира 12 милиони евра по сезона.
Французинот не е ни блиску да биде најплатениот тренер во Европа, па ниту во Шпанија.
Диего Симеоне во Атлетико заработува 22 милиони евра, Клоп во Ливерпул 18, а Гвардиола дури 24 милиони евра во Сити.
Иако не е меѓу најплатените, Зидан заработува по нешто и на страна. Марка објавува дека тренерот на Реал за секоја објава на Инстаграм во која е споменат некои од спонзорите добива дури 200 илјади евра.
Зидан на Инстаграм има околу 28 милиони следбеници, далеку повеќе од било кој друг тренер.

Андерс Вејрганг, 15-годишното дете кое го импресионираше светот со своите игри на најпопуларната фудбалска симулација, го загуби првиот натпревар по 535 победи по ред.
Вејрганг стана апсолутен рекордер во Ultimate Team, начинот на ФИФА 21 во кој играчите составуваат сопствена екипа и се натпреваруваат против играчи од целиот свет за виртуелни награди. Секој играч во „викенд лига“ може да одигра максимум 30 натпревари, по што во зависност од бројот на победи, ќе добие и награда.
Вејрганг, кој инаку е професионален играч на ФИФА во е-спорт тимот на РБ Лајпциг, немаше загубено натпревар неколку месеци и од викенд во викенд го поправаше својот скор.
Но, низата ја прекина играчот со име „damesheet“ кој го совлада Вејрганг со високи 5:1 во момент кога младиот данец во оваа викенд лига имаше скор од 25-0 и сите очекуваа дека повторно ќе ги добие сите 30 натпревари, но не успеа.
Младиот данец постави рекорд во играта пред неколку месеци кога дојде до 300 победи по ред, што дотогаш на никого не му успеало. Во моментот, тој има скор од 535-1.

Хаким Зијеч на почетокот на 2020 година потпиша за Челзи како големо засилување, но сега тој изгледа решил да си замине од лондонскиот клуб. За околу 40 милиони евра Мароканецот од Ајакс премина во Челзи. Во тие моменти голем број екипи сакаа да го доведат, а тој се реши да игра во Лондон. Зијеч изгледа не е во плановите на новиот тренер Томас Тухел и затоа побарал состанок со раководството на клубот. Неговата намера е да разговара и да побара повеќе да игра, во спротивно е спремен да си замине.

Дефанзивецот на Интер и Холандија, Стефан Де Врај ќе потпише нов договор со миланскиот клуб, пренесува „Калчомеркато“. Според изворот, двете страни се согласиле за условите на новиот договор. Објавено е дека холандскиот фудбалер се согласил да направи отстапки за клубот. Актуелниот договор на Де Врај со Интер до летото 2023 година. Де Врај се пресели во Интер од Лацио, а оваа сезона тој учествуваше на 19 натпревари од италијанската Серија А и постигна еден гол. Минатата есен Барселона беше заинтересирана за овој дефанзивец. Инетр има освоено 47 поени на 21 средба и е на второто место на табелата со два бода помалку од лидерот Милан кој има 49 бода.

Бразилецот Алесандре Пато е пред потпис со новиот клуб. Кога пред 15-тина година стигна во Милан беш еден од најголемите таленти во светот, а сега неколку месеци се обидуваше да најде клуб. Пато кариерата ќе ја продолжи во МЛС лигата во Орландо Сити. Бразилецот со тимот од Флорида ќе потпише договор на една година со опција истиот да биде продолжен на уште една. Oрландо неговиот трансфер го најави со неколку мистериозни објави на друштвените мрежи. Пато последниот ангажман го имаше во Сао Паоло, а слободен е од август.

РБ Лајциг по победата над Аугзбург, објави уште една добра вест и тоа дека официјално нивен нов член е Хосе Анхел Есморис Тасенде или попознат само како Анхелињо. Анхелињо досега играше за „биковите“ како позајмен играч од премирлигашот Манчестер Сити, но со вечерашниот настап против Аузгбург беше активирана клаузулата според која Шпанецот станува фудбалер на Лајпциг и тоа за сума од 18 милиони евра. Левиот бек кој може да игра и како крило ако е потребно потпиша договор со важност до 2025 година. Анхелињо перфектно се снајде во системот на тренерот Нагелсман и севкупно досега на 47 мечеви даде 9 голови и запиша 16 асистенции.

Дефанзивецот на Атлетико Мадрид, Хозе Марија Хименез ќе паузира најмалку три недели поради повреда и така ќе пропушти неколку важни натпревари. Хименез нема да игра на првиот натпревар од осминафиналето на Лигата на шампионите против Челзи, а ќе пропушти и минимум четири лигашки натпревари – денешното гостување кај Гранада, двомечот со Леванте, па гостувањето кај Виљареал, а ќе биде неизвесен и за градското дерби против Реал на 7. март. Ова е голем удар за Симеоне кој во минатиот период имаше отсутни фудбалери и поради корона, а се уште во аут се Жоао Феликс и Хектор Херера, додека се вратија Ермосо и Караско. Во отсуство на Хименез, тројца стопери ќе мораат да играат на сите натпревари, Савиќ, Фелипе и Ермосо, што нема да биде нималку лесно. Атлетико во наредните три недели има шест натпревари, од кои само два во Мадрид, против Леванте и Реал.