feature

Пелистер со пораз се враќа од Сомбор

Кошаркарите на Пелистер останаа со минимални шанси за пласман во плејофот во регионалната АБА 2 лига, откако вечерва загубија на гостински терен од лидерот Џокер со 93-84 и го претрпеа третиот пораз во четвртиот натпревар во групата Ц.

Со овој пораз, македонскиот актуелен вицешампион остана на третото место со скор од една победа и три порази, зад водечкиот Џокер (4-0) и Подгорица (2-1), која утревечер со евентуален триумф над последнопласираниот Широки Брег (0-3) ќе го обезбеди второто место во групата и пласманот во следната фаза.

Кошаркарите на Пелистер на вечерашното гостување во Сомбор имаа предност на полувремето од 53-49, но одиграа катастрофално лоша третата четвртина која ја загубија со 27-9 и не успеаја во последниот период да го избегнат третиот пораз сезонава во регионалното натпреварување.

Антоан со 18, Мишковиќ со 17 и Костовски со 16 поени беа најефикасни во редовите на Пелистер.

Во претпоследното петто коло, составот од Битола ќе му гостува на Широки Брег на 4 декември.

Белингем го освои трофејот „Алфредо ди Стефано“

Фудбалерот од средниот ред на реал Мадрид, Џуд Белингем го освои трофејот Алфредо ди Стефано за сезоната 2023/24.

Оваа награда се доделува на најдобриот фудбалер во шпанското првенство. Победникот го избира шпанскиот спортски весник „Марка“.

Минатата сезона Белингем одигра 28 натпревари во Примера, постигнувајќи 19 голови и шест асистенции.

Со текот на годините овој трофеј го добија Лионел Меси, кој наградата ја освојуваше рекордни седум пати, Кристијано Роналдо, Карим Бензема и Раул.

Џејмс највозрасен автор на „трипл-дабл“ во историјата

Лејкерси ја извојуваа шестата сезонска победа на мечот со Торонто а Леброн Џејмс постигна „трипл-дабл“ – 19 поени, 10 скока и 16 асистенции за 35 минути.

Кошаркарот кој има 40 години, стана највозрасниот играч во историјата на НБА кој забележал „трипл-дабл“ на два меча во серија.

Џејмс на претходната средба со Филаделфија успеа да реализира 21 поен, 12 скока и 13 асистенции.

Синер го доби пехарот за број еден на крајот од годината

Јаник Синер синоќа во Торино го доби трофејот за број еден во светот на крајот од сезоната.

Свечената церемонија се одржа пред натпреварот помеѓу Андреј Рубљев и Александар Зверев на завршниот АТП турнир.

Синер се искачи на првата позиција на светската АТП ранг-листа за прв пат во јуни оваа година и оттогаш не го отстапи на друг.

На турнирот во Торино, вечер од 20 часот Синер ќе се соочи со Тејлор Фриц (САД) во второто коло од А-групата.

Дајер заминува од Баерн на крајот на сезоната

Ерик Дајер најверојатно ќе го напушти Баерн Минхен на крајот на сезоната.

Никој во клубот не очекува да биде обновен договорот со 30-годишниот дефанзивец, кој истекува на 30 јуни 2025 годинa.

Дајер нема одиграно ниту еден цел натпревар оваа сезона. Фудбалерот како замена четири пати во Бундеслигата, еднаш во Лигата на шампионите и еднаш беше заменет во натпревар од Купот на Германија.

Дајер во Баерн дојде од Тотенхем минатата сезона. Има играно и за Спортинг. /МИА

УЕФА сериозно го казни Баерн заради пиротехниката на фановите

Екипата на Баерн Минхен беше строго санкционирана поради навивачите. Приврзаниците на клубот му донесоа казна од 150 илјади евра за употреба на пиротехнички средства.

Санкцијата е од страна на спортскиот суд на Германската фудбалска федерација.

Навивачите запалија околу 70 факели за време на натпреварот против Улм (4-0) во првото коло од Купот на Германија на 16 август. Баварскиот гигант ја прифати одлуката на судот.

Барса спрема долг договор за Гави

Спортскиот директор на Барселона Деко изјави дека сака играчот од средниот ред на Каталонците Гави да остане во тимот уште многу години. Младиот играч на Барселона се врати на теренот по тешката повреда, откако оваа сезона веќе забележа шест настапи за тимот.

„Гави претставува се што е Барса. Тој е посебен играч. Неговиот карактер и она што го покажува на теренот е се што треба да има еден фудбалер. Исто така, тој има само 20 години, но изгледа 26 или 27… За него нема подобар клуб од Барса. Мислам дека Барселона ќе стане одличен тим со играчи како Гави, Кубарси, Ламин, Рафиња, Дани Олмо… Сакам Гави да остане уште долго во Барса. Секако дека има преговори, но се зависи од тоа што сака Гави“, коментира Деко во изјава за шпанското издание „Мундо Депортиво“.

Актуелниот договор на играчот од средниот ред е до летото 2026 година.

Стојановски донесе сребро од Европското првенство во теквандо за кадети

Теодор Стојановски од Теквондо клубот Бутел викендов се закити со сребрен медал на официјалното кадетско Европско првенство во олимписко таеквондо, објави Македонската таеквондо федерација.

Стојановски во категоријата -49 кг на првенството во Тирана, Албанија оствари три доминантни победи над Хараламбос Хаџимаврос од Кипар со 2-0, Јарослав Вечирко од Украина со 2-0 и Шон Џита од Велика Британија со 2-0 во полуфиналето.

Во финалето Македонецот загуби од Нора Бранж од Франција со 2-0.

Сити чека одговор од Зубименди

0Манчестер сити се наоѓа во серија од четири порази во сите натпреварувања, што на клубот никогаш не му се случило во ерата на Пеп Гвардиола. Тренерот потенцира дека нема причина за паника, но јасно е дека во клубот е вклучен алармот. Манчестер сити, на почетокот на сезоната остана без Родри. Без актуелниот освојувач на Златната топка видливо е дека Сити нема добар баланс во тимот. Како што сега стојат работите, Сити ќе се активира во јануарскиот преоден рок. Нивна цел е еден фудбалер.

Шпанските и англиските медиуми истакнуваат дека Сити повторно стапил во контакт со менаџерите на Мартин Зубименди за да ги информираат дека сакаат да ја активираат неговата откупна клаузула.

Засега не е познато дали Зубименди се предомислил, бидејќи во летниот преоден рок тој ги одби понудите на Ливерпул, Арсенал и Барселона, истакнувајќи дека нема намера да го напушти Реал Сосиедад.

Неговата откупна клаузула е 60 милиони евра и Сити е подготвен да ја плати во јануари, но прво треба да добие позитивен одговор од Зубименди.

Шенол Ѓунеш го исфрли Барди од првиот тим на Трабзонспор

Трабзонспор објави дека Енис Барди е исфрлен од првиот тим. Тренерот Шенол Гинеш не смета на него, но Барди не е единствениот кој е исфрлен. Стефано Денсвил, Мислав Оршиќ и Умут Бозок исто така повеќе не се дел од првиот тим на турскиот прволигаш. Од клубот сметаат дека мора да ја подобрат формата.

Во кратката изјава Трабзонспор напиша: „Како резултат на состанокот одржан денеска од нашиот претседател Ертугрул Доган, нашиот потпретседател Зејат Кафкас и нашиот тренер Шенол Гунеш, беше одлучено нашите професионални фудбалери Мислав Оршиќ, Стефано Денсвил, Енис Барди и Умут Бозок да тренираат одвоено од тимот за да ги подобрат своите перформанси. Со почит“.

Како што пишува турскиот портал Фотоспор, Трабзонспор во зимскиот преоден рок ќе се обиде да се ослободи од Барди и од двајца Хрвати: „Примарната цел е клубот да се ослободи од Енис Барди, Мислав Оршиќ и Борна Баришиќ“.

Барди сезонава настапи на осум натпревари за Трабзонспорт, одигра вкупно 377 минути.

«< 212 213 214 215 216 >»