Олимпијакос, тимот со најдобра резулта во регуларниот дел од сезоната во Евролигата, обезбеди пласман на завршниот турнир во Абу Даби. Грчкиот тим ја доби серијата против Реал со 3-1. Вечерва во драматичен натпревар, Олимпијакос победи во Мадрид со 86-84.
Во полуфиналето на завршниот турнир, Олимпијакос ќе игра со победникот од серијата меѓу Барселона и Монако. Четвртиот меч се игра во петок во Барселона, Монако има водство во серијата 2-1.
Дајсон Даниелс од Атланта е играч со најголем напредок (MИП) во НБА. Кошаркарот на Хокс доби најмногу гласови од новинарите кои ја следат најсилната кошаркарска лига во светот.
Секој од гласачите му дава на еден играч прво, второ и трето место, односни 5, 3 и 1 поен.
Даниелс победи со 332 поени, од кои 44 гласачи му дадоа максимален број поени. Втор беше Хрватот Ивица Зубац од Лос Анџелес Клиперс со 186 поени и 23 први места. Кејд Канингем од Детроит Пистонс е трет.
Даниелс ја доби наградата за учинок во својата трета сезона во НБА и првата во Атланта. Сезоната ја заврши со просек од 14,1 поен, 5,9 скока, 4,4 асистенции и три украдени топки по натпревар.
Во споредба со минатата сезона, бројот на поени го зголемил за 8,3, скоковите за два, асистенциите за 1,7 и украдените топки за 1,62 по натпревар. Тој беше водечкиот „крадец на топки“, во НБА.
Покрај тоа што ја освои наградата за играч со најголем напредок оваа сезона во НБА, Даниелс беше второпласиран во изборот за најдобар дефанзивен играч во лигата.
Сепак, многу експерти веруваат дека Ивица Зубац, кој ја одигра најдобрата сезона во кариерата е оштетен. За Клиперси, тој бележеше 16,8 поени, 12,6 скока, 2,7 асистенции со 62,8 проценти реализација од поле.
Тренерот на Манчестер Јунајтед, Рубен Аморим, изјави дека евентуалното освојување на Лига Европа само ќе му обезбеди место на тимот во Лигата на шампионите следната сезона, но тоа нема да биде доволно за да ја направи тековната сезона успешна.
Јунајтед се среќава со Атлетик Билбао во полуфиналето на второто најсилно европско натпреварување, откако го елиминираше Лион во натпревар за паметење.
Сепак, Аморим е свесен дека освојувањето на Лигата на Европа само би ги маскирало проблемите на Јунајтед.
„Сите знаат дека би било голема работа за нас ако го освоиме трофејот. Тоа би ни обезбедило играње во Лигата на шампионите следната сезона и би можело да промени многу работи, но засега тоа не е најважното нешто. Би имало повеќе пари за трошење, но прво мора да решиме некои други проблеми“, рече Аморим.
Тој исто така спомена кои работи би требало да се променат ако сакаат да го подигнат клубот на повисоко ниво.
„Мораме да го промениме ставот на нашите навивачи со добри одлуки, подобро регрутирање и работа во академијата. Исто така, треба да бидеме поконзистентни. Лига Европа засега е само пократок пат до Лигата на шампионите, за која прво мора добро да се подготвиме“, рече Аморим.
На четири кола до крајот, Јунајтед е на 14-то место во Премиер лигата со само 39 освоени бода.
Лина Ѓорческа имаше успешен старт на ИТФ фјучерсот во Лопота (Грузија) што се игра на тврда подлога за награден фонд од 40.000 долари.
Ѓорческа која ја има улогата на четврта носителка во првото коло се соочи со домашната претставничка Зозија Кардава, тенисерка која дојде до главниот ждреб со вајлд карта.
Лина ја оправа фаворитската улога и тоа со победа во два сета и тоа прва „рунда“ во која противничката даде силен отпор кој беше скршен во 12 гејма (7-5) за да потоа биде многу полесно за Македонката која со 6-2 го потврди триумфот и местото во наредната фаза.
За место во четвртфиналето ќе се бори со Анастасија Тихонова која во моментов е на 346 место на ВТА листата.
Фудбалерот на Јувентус, Кенан Јилдиз, беше суспендиран на два натпревари и казнет со 10.000 евра откако удри со лакт играч на Монца во последниот натпревар од Серија А.
„Кенан Јилдиз е суспендиран на два натпревари и казнет со 10.000 евра откако удри со лакт противнички играч додека не беше блиску до топката“, објавија официјалните лица на италијанската Серија А.
19-годишниот турски репрезентативец беше исклучен во судиското продолжение од првото полувреме во неделата поради старт врз гостинскиот играч Алесандро Бјанко.
Во тој дуел, Јувентус беше подобар со резултат од 2-0.
Јилдиз постигна шест гола за Јувентус оваа сезона, а сега ќе мора да пропушти два важни дуели во борбата за место во Лигата на шампионите.
На четири кола до крајот, Јувентус е на четвртата позиција што води во Лигата на шампионите, но има само еден бод повеќе од петтопласираната Болоња, два повеќе од римските клубови Рома и Лацио и три бода повеќе од осмопласираната Фиорентина.
Во следните две кола од Серија А, Јувентус ќе ги гостува кај директните ривали во борбата за Лигата на шампионите, Болоња и Лацио.
Тренерот на Интер, Симоне Инзаги, на прес конференцијата по ремито со Барселона 3-3, го пофали настапот на Ламин Јамал.
Јамал постигна гол и двапати ја погоди гредата.
„Не сум видел играч како Јамал во последните осум или девет години. Моравме да ставиме тројца играчи до него, што отвори простор во другите делови од теренот. После тоа, неговото ниво малку падна“, рече Инзаги.
„Стратегијата на Барселона е ризична, но се исплати. Тие постигнаа повеќе од 150 гола, освоија два трофеи и сè уште се борат за два. Нашата изведба беше на многу високо ниво“, дополни тренерот на Интер.
Реваншот е закажан за вторник во Милано.
Баер од Леверкузен полека бара тренер за иднината, бидејќи е извесно дека Чаби Алонсо ќе ја напушти Германија по завршувањето на сезоната.
Кога станува збор за наследниците, Баер бара име кое ќе седне на клупата наместо Чаби Алонсо и на самиот врв на листата на Сајмон Ролфс се наоѓа Ерик тен Хаг.
Поранешниот стратег на Манчестер Јунајтед е без работа од октомври и оттогаш често се поврзуваше со Рома.
Џуд Белингам е еден од најдобрите фудбалери на светот. Одличниот офанзивен играч за врска според Трансфермаркт вреди 180 милиони евра, а со Реал минатата сезона ја освои Ла Лига и Лигата на шампиони. За мадридскиот клуб досега има 90 настапи, 36 голови и 26 асистенции, а за Англија во 42 настапи постигнал шест голови.
Според пишувањето на шпанска Марка, Џуд наскоро можеби нема да биде единствениот Белингам во Реал. Кралскиот клуб од Мадрид сака да го донесе неговиот 19-годишен брат Џоб, играч за врска кој игра за Сандерленд во Чемпионшип, втората лига на англискиот фудбал која многумина ја сметаат за најтешка во светот.
Џоб Белингам оваа сезона има три гола и четири асистенции во 39 лигашки настапи за Сандерленд. Значајно е дека во април официјално беше прогласен за најдобар млад играч во оваа предизвикувачка лига, а близу до тоа беше и минатата сезона кога постигна седум голови.
Пред саботниот дерби меѓу Хајдук и Динамо во 33. коло на СуперСпорт ХНЛ, Иван Ракитиќ во интервју за „RadioMarca“ ги откри своите планови и ја изненади цела публика на Полјуд.
Хајдук се бори за титулата во хрватското првенство, додека Севиља во шпанското првенство сè уште нема осигурано опстанок. Иван Ракитиќ (37) ги поврзува овие клубови, а сега во интервјуто за RadioMarca откри дека не би имал ништо против да одигра уште некоја сезона во редовите на андалузискиот великан.
Изјавите на Ракитиќ ги загрижија сите во и околу Хајдук. Иако неговиот договор завршува на крајот од оваа сезона, сите се надеваа дека Ракитиќ ќе ја активира опцијата за продолжување за уште една година и ќе остане на Полјуд. Но, изгледа дека и самиот Ракитиќ сè уште нема одлучено…
Во интервјуто за RadioMarca, неизбежно беше прашањето за можниот повраток во Севиља. Ракитиќ не двоумеше…
„Се надевам, сите во клубот го имаат мојот телефонски број. Ни јас немам уште 10 години фудбал. Сите знаат колку го сакам и клубот и мојот град, Севиља. Независно од која позиција би можел да помогнам, секогаш би бил подготвен да се вратам и да бидам тука за што и да е. Секогаш сум достапен за фудбалскиот клуб Севиља и се надевам дека претседателот еден ден ќе ме повика и ќе бидам подготвен’, рече Ракитиќ, пренесува „Tportal“.
Извесно е дека Сержо Консеисао нема да остане на клупата на Милан по завршувањето на оваа сезона, лошите резултати во првенството предизвикаа никакви други успеси да не може да ја продолжи соработката.
Одамна се зборува за потенцијалните замени.
Масимилијано Алегри е еден од нив, а сега се појави и името на Маурисио Сари.
Сари беше мета и по заминувањето на Фонсека во декември, но тогаш одби краткорочен договор од страна на Милан, по што клубот одлучи да го ангажира Консеисао.
Милан има клаузула според која може да го раскине договорот со Консеисао на крајот на оваа сезона, иако е договорена соработка до 2026 година.
Сари има големо искуство, со Јувентус ја освои титулата, а со Челси беше на врвот на Европската лига.
