Арсенал убедливо го совлада Атлетико Мадрид со резултат 4-0 и Хулијан Алварез овој пораз го виде како јасен знак дека со својот тим не може да се бори за трофеи.
Шпанските медиуми пишуваат за незадоволството на Алварез и истакнуваат дека Аргентинецот и самиот признал дека играл против Арсенал и порано, но никогаш не бил во толку потчинета позиција на теренот. Некои го протолкуваа тоа како пофалба за Микел Артета, некои како критика за Диего Симеоне, но сè на сè, повторно се пишува дека Алварез би можел да побара трансфер.
Не е тајна дека Жоан Лапорта го сака во Барселона, но Каталонците сигурно нема да имаат пари да го доведат. Атлетико плати за Алварез 75 милиони евра и лесно остварливи бонуси до 90 милиони, а „јорганџиите“ сега го проценуваат својот играч на повеќе од 150 милиони евра.
Алварез повеќепати истакнал дека сака да се бори за трофеи и да биде главен играч, но Атлетико очигледно може да му понуди само ова второто.
Сè на сè, ако Атлетико не биде конкурентен во Ла Лига, не е невозможно Алварез летово да посака да си замине и да го принуди клубот на преговори.
Иако не брани Тер Штеген е барана „роба“, Барса веќе доби понуди
Неколку клубови испратиле барања до Барселона за можноста да го привлечат на позајмица голманот Марк-Андре Тер Штеген. Информацијата беше објавена од новинарот Флоријан Плетенберг.
И покрај интересот, каталонскиот клуб засега нема донесено категорична одлука дали да се раздели со голманот. Варијантата тој да биде позајмен во јануари е целосно можна.
Тер Штеген им се приклучи на Барселона во 2014 година од Борусија Менхенгладбах. Од тогаш досега, има одиграно 412 натпревари за тимот во сите натпреварувања. Со Каталонците, пет пати стана шампион на Шпанија, пет пати ја освои Купот на кралот, еднаш триумфира во Лигата на шампионите, а исто така има по еден трофеј од Суперкупот на Европа и Светското клупско првенство.
Сегашниот договор на 32-годишниот голман со клубот е до летото 2028 година. Порано се појавија шпекулации дека Тер Штеген може да замине во зима, затоа што ризикува да го пропушти Светското првенство следната година поради недостаток на натпреварувањето. Во моментот, Германецот се опоравува од повреда и не играл од јуни.
Малешевиќ: На крајот се успавме, добро е што нè помилува среќата
Кошаркарите на битолски Пелистер ја остварија првата победа на европската сцена. Пелистереци во меч од второто коло на ФИБА Европа купот ја совладаа словачката екипа Приевидза со 90-83. На натпреварот одигран вечерва пред својата публика во Битола, Пелистер славеше во дуел во кој водеше во поголемиот тек на средбата.
Никола Малешевиќ по одлично издание во „Боро Чурлевски“ рече:
„Ова беше голем натпревар, прв европски во Битола за Пелистер и чест ми е што бев дел од него. Сакам да се заблагодарам на публиката која беше наш шести играч. Знаевме дека тие се физички силна екипа, игра на скокови и во транзиција, со неколку добри шутери за три поени. Моравме тоа да го исконтролираме, а кога го имавме под контрола водевме убедливо. Потоа малку се успавме и мислевме дека мечот е готов, па тие го искористија тоа за да се вратат. Добро е што имавме среќа, знаење и памет да го затвориме мечот со победа.
Уште е рано, ние сме во фаза на воигрување и одиме на подобро. Имаме уште многу да работиме, а кога целосно ќе се запознаеме како екипа ќе биде многу полесно“.
Битолскиот тим во следното коло игра против Керванос на Кипар.
Олимпијакос потпиша со Спенсер Динвиди
Feb 2, 2022; Philadelphia, Pennsylvania, USA; Washington Wizards guard Spencer Dinwiddie (26) reacts after a basket against the Philadelphia 76ers during the third quarter at Wells Fargo Center. Mandatory Credit: Eric Hartline-USA TODAY Sports
Американскиот кошаркар Спенсер Динвиди е нов играч на грчки Олимпијакос, ексклузивно објавува „Телеспорт“.
Искусниот кошаркар, кој целата своја кариера ја помина во НБА каде што имаше забележителен настапи, одлучи да се пресели во Европа, откако не доби договор за сезоната во НБА лигата.
Одличниот шутер беше поврзуван со бројни европски тимови, вклучувајќи ги српските клубови Црвена звезда и Партизан, се шпекулираше дека Ефес е најблиску до неговиот потпис, но 32-годишниот Динвиди се одлучи за Грција и Олимпијакос.
Во НБА, Динвиди играше за Детроит, Бруклин, Вашингтон, Далас и Лејкерси, а своите најдобри натпревари ги одигра во дресот на Нетси, особено истакнувајќи се во сезоната 2019-20, кога во просек постигнуваше над 20 поени по натпревар.
Динвиди играше за Далас минатата сезона и во просек постигнуваше 11 поени.
ЕХФ започнува ново натпреварување – Европски ракометни игри
Извршниот одбор на Европската ракометна федерација (ЕХФ) објави започнување на ново репрезентативно натпреварување – Европските ракометни игри, кои треба да се одржуваат на секои четири години почнувајќи од 2030 година.
Осум од најдобрите европски машки и женски репрезентации ќе учествуваат на игрите, а победниците ќе обезбедат директен пласман на Олимписките игри, објави ЕХФ.
Новото натпреварување ќе се одржи во септември, додека Европските првенства во обете натпреварувања ќе ја задржат својата сегашна динамика – на секои две години. Иако досега актуелниот европски шампион имаше загарантирано место на Олимписките игри, сè уште не е потврдено дали оваа практика ќе продолжи.
Претседателот на ЕХФ, Михаел Видерер, истакна дека Европските ракометни игри ќе обезбедат континуитет на олимпискиот ракомет на европско тло, со оглед на тоа што Олимписките игри во 2028 и 2032 година ќе се одржат надвор од Европа, во Лос Анџелес и Бризбејн.
Даскаловски: Направивме добар скаутинг и ја задржавме словачката мисија
Во вториот натпревар во ФИБА Евро купот, а прв пред својата публика во Битола, кошаркарите на Пелистер вечерва ја совладаа словачката екипа Превидза со 90-83 и го забележаа првиот триумф во клупската историја на европската сцена. Најефикасен во редовите на битолскиот состав беше Прајс со 25. поени. Малешевиќ додаде 18. поени и девет скокови, а Вилсон уфрли 13. поени.
Тренерот на македонскиот претставник, Борче Даскаловски, го анализираше натпреварот.
„За тоа како го доживеав мечот, ќе треба да ви дадам ЕКГ запис, за да видите како работеше моето срце и колкав ми беше пулсот. Одработивме одличен скаутинг на ривалот, но повторно ни се провлекуваат некои наивни грешки кои не смееме да ги правиме.
Противникот е добар тим, со квалитетни странци кои знаат да вршат притисок резултатски во почетокот на мечот. Ја задржавме нивната мисија, не дозволивме да се одлепат, а во второто полувреме успеавме да создадеме предност и да држиме контрола на мечот.
Овој меч и оваа победа многу ни значи, не само нам, туку и на навивачите и на цела Битола“.
Веќе в петок од 19:00 часот пелистерци играат натпревар од домашниот шампионат против Маџари.
Тонали го продолжи договорот со Њукасл
Фудбалерот за врска на Њукасл, Сандро Тонали, потпиша нов договор со клубот, според кој може да остане на „Сент Џејмсис Парк“ до 2030 година. Според британските медиуми, ова се случило уште додека италијанскиот репрезентативец беше суспендиран 10 месеци поради нелегални облози на фудбалски натпревари.
Договорот реално важи до летото 2029 година, но клубот има право да го продолжи за дополнителни 12 месеци. Со ова, двете страни покажаа взаемно доверба во период кој беше многу тежок за самиот играч.
Тонали се врати во игра во август 2024 година, но брзо влезе во форма и сега се смета за еден од најдобрите играчи за врска во Премиер – лигата. Клубот, пак, со овој предвидлив потег, кој беше направен уште од поранешниот спортски директор Дан Ашворт, е спокоен за неговата иднина.
Њукасл го доведе Тонали од Милан во јули 2023 година за 55 милиони фунти.
Тебас: Шпанскиот фудбал пропушти можност да направи чекор напред
Претседателот на Ла Лига, Хавиер Тебас, ја коментираше одлуката за откажување на натпреварот од 17. коло помеѓу Барселона и Виљареал во САД.
Натпреварот беше закажан за 20 декември во Мајами.
„Шпанскиот фудбал пропушти можност да направи чекор напред, да се етаблира на глобално ниво и да ја зајакне својата иднина. Оние кои со години го доведуваат во прашање интегритетот на натпреварувањето се повикуваат на „интегритетот на натпреварувањето“, вршат притисок врз судиите и менаџерите, создаваат искривени приказни или го користат политичкиот и медиумскиот притисок како спортска алатка. Сакам да им се заблагодарам на Виљареал и Барселона што беа дел од проект чија единствена цел беше да ја развие нашата лига. Тие не размислуваа за себе, тие размислуваа за сите“, напиша Тебас на социјалните медиуми.
Алаба ќе го скокне „Ел Класико“ в недела
Во последниот натпревар од Ла Лига против Хетафе, 33-годишниот фудбалер на Реал Мадрид, Давид Алаба, се повреди и ќе го пропушти големото дерби против Барселона во Мадрид.
На Алаба му е препорачана десетдневна пауза, што значи дека нема да биде подготвен за Ел Класико, кое ќе се игра на 26 октомври на „Сантијаго Бернабеу“.
Повредата на Алаба само дополнително ги влоши проблемите на Реал во дефанзивната линија, бидејќи Александар-Арнолд, Рудигер, Карвахал и Хујсен веќе се надвор од теренот.
Сепак, проблеми со повредени играчи има и во Барселона во чии редови Тер Штеген, Дани Олмо, Гави и Рафиња нема да играат против Реал, а под знак прашалник е и настапот на Левандовски.
Пелистер ја преслуша словачка Приевидза на европското деби во Битола
Кошаркарите на Пелистер испишаа историја откако во второто коло стигнаа до првата победа во ФИБА Европа купот, триумфирајќи над Приевидза од Словачка со резултат 90-83. „Пелистерци“ одиграа импресивно второ полувреме, во четвртата четвртина имаа и огромни 20 поени предност, но за малку скапо ќе го платеа прераното опуштање откако гостите дојдоа до два поени разлика. Сепак, квалитетот и искуството на Малешевиќ и Стајиќ пресудија на крајот да се стигне до триумф од „плус седум“, на голема радост на присутните во салата „Боро Чурлевски“.
Дуелот почна со израмнета игра на двете страни, гостите неколку пати имаа минимално водство, а Пелистер промаши неколку обиди од далечина со кои можеше да го сврти резултатот во своја полза. Си-Џеј Вилсон со умешно положување израмни на 8-8 на половина од првата четвртина. Гостите од Словачка влегоа во шутерски ритам и погодија три тројки за нецели три минути, поведувајќи со 14-19, а при 14-21 тренерот Даскаловски беше принуден да го побара првиот тајмаут. Играта во одбрана беше консолидирана, па стартните десет минути завршија со предност на гостинскиот тим од 18-22.
Вториот период почна со две брзи загубени топки на „пелистерци“, но затоа Прајс влезе во ритам и постигна две тројки во серија. Следеа и поени по офанзивенн скок на Малешевиќ по што негативата беше истопена, па словачкиот тренер при 26-27 беше принуден да побара минута одмор. Стајиќ имаше и втора украдена топка по која изнуди неспортска грешка од Рејнолдс, но ниту тоа не беше искористено за да дојде до пресврт и водство на „зелено-белите“. Следеа фуриозни 40-ина секунди на Пелистер во кои Вилсон со атрактивен цепелин донесе израмнување од 31-31 (15. Минута од мечот). Пелистер до првото водство стигна во 18. Минута со новите поени на Митревски. Битолчани имаа 41-37 и напад во последната минута од полувремето, но следеше наивно загубена топка, за на одмор да заминеме со минималннна преднност од 41-40.
Второто полувреме почна со тројка на Вилсон за 44-40, во одбраната имаше проблеми, но Прајс со нови две тројки ја врати предноста на „плус четири“ (50-46, 23. Минута). Шутерското шоу на „пелистерци“ продолжи, тројка погоди и центарот Ленгстон Вилсон, кој дваесетина секунди подоцна атрактивно заби во рекетот, за убедливи 55-46 и нов тајмаут за тренерот на Превидза. Во 25. Минута прецизен од далечина беше и Малешевиќ, за прво двоцифрено водство на мечот (58-46). Словаците за момент се консолидираа и намалија на едноцифрена разлика (60-52), по што Даскаловски експресо побара тајмаут. Серијата на противикот беше запрена, а важна тројка на спротивната страна постигна Крстевски, по што во последната четвртина се влезе со предност на Пелистер од 68-56.
„Зелено-белите“ продолжија со одлича игра и на стартот од четвртиот период, преку Прајс поведувајќи со најубедливи „плус 16’ (74-58), а во следниот напад преку истиот играч и до 76-58. Центарот Вилсон беше прецизен за „плус 20“ (81-61), по што дојде до неочекуван пад, па Приевидза за три минути врза 13 поени во серија и резултатот на помалку од две минути до крајот гласеше 81-64. Приевидза во драматичен финиш во два наврати дојде до „минус два“, но Малешевиќ беше прецизен кога беше најважно за Пелистер, осигурувајќи ја оваа значајна победа за битолчани, прва историска за нашиот клуб на европската кошаркарска сцена. Точка на триумфот стави Стајиќ со тројка со звукот на сирената, за конечни 90—83.
Прв стрелец на мечот беше Американецот Остин Прајс со 25 поени, Малешевиќ имаше 18 поени и 9 скокови, а двоцифрен ефект имаше и центарот Ленгстон Вилсон со 13 поени.
