Реал Мадрид во летниот преоден рок ја победи конкуренцијата за турскиот талент, Арда Ѓулер од Фенербахче.

Неколку европски гиганти беа силно заинтересирани за „турскиот Меси“, а на крајот Реал ја доби битката за потписот и за 22 милиони евра го донесе во Мадрид.

Ѓулер го пропушти првиот дел од сезоната поради повреда, а во последно време покажа дека се работи за голем талент, но во Реал не може  да се избори  со големата конкуренција.

Интерес за него покажува Милан и сака да го доведе на лето на „Сан Сиро“.

Милан го сака на двегодишна позајмица со право на откуп, по принципот на Брахим Дијаз, а Реал е спремен да го пушти ако во договорот биде ставена бајбек клаузула.

Ако летово и официјално си замине од Манчестер Ј., Ерик Тен Хаг би можел да седне на кормилото на Баерн.

Според новинарот Флоријан Плетенберг, во последните недели се воделе преговори меѓу Баерн и претставниците на Тен Хаг. Холанѓанецот би сакал да го одработи договорот со Јунатед до 2025 година, но управата на „ѓаволите“ сака да направи промена.

Тен Хаг стана главен тренер на Манчестер Јунајтед во летото 2022 година, доаѓајќи од холандски Ајакс.

Eкипата на Арсенал славеше победа против Борнмут во рамките од 36. коло во Премиер лигата со 3-0, а по овој триумф на лондонскиот клуб до големо признание стигна и голманот Давид Раја.

Раја со „чистата мрежа“ си го загарантира признанието голман на сезоната во Премиер лигата за сезоната 2023/2024. На две кола пред крајот Раја има 15 „чисти“ мрежи додека Џордан Пикфорд од Евертон пред кого има уште два натпревари е на 12, па така јасно е дека не може да го стигне.

Начо ја потврдил својата одлука да си замине од Кралскиот клуб во кој ја мина целата досегашна кариера.

Начо повече од 20 години е во Реал, најпрвин беше во младинските категории, па во Б тимот, а повеќе од една деценија во првиот, и важи за фудбалер кој го сакаат навивачите поради посветеноста (никогаш не правел проблем што најчесто е резерва) и борбеноста со кои ги надоместува своите послаби страни.

Весникот „Марка“ објави вест дека Начо за кој се шпекулираше дека има понуда од гигант како Интер Милано, и некои клубови од Саудиска Арабија, одлучил кариерата да ја продолжи во САД, во тим од МЛС лигата.

Стефано Пиоли на крајот на сезоната сигурно ќе се раздели со Милан, а медиумите тврдат дека веќе има нов клуб.

Имено, Пиоли постигнал договор со Наполи за тригодишна соработка и наскоро ќе стави потпис на договорот.

Пиоли има договор со Милан до јуни 2025 година, но двете страни спогодбено ќе се разделат на крајот на сезоната.

Наполи е во потрага по нов тренер и со оглед на фактот што не може да постигне договор со Конте се насочиле кон Стефано Пиоли и двете страни брзо постигнале договор.

Ипсвич Таун ќе игра во Премиер лигата за прв пат од 2002 година. Тимот го обезбеди второто место во конечниот пласман на Чемпионшип, откако во последното коло победи со 2-0 на домашен терен против Хадерсфилд. Тимот на Киран Мекена имаше три бода предност пред Лидс и пред последните натпревари и му требаше бод и тој ќе си ја заврши работата и ќе игра во првата лига.

Ипсвич освои втора промоција по ред, откако минатата година заврши на второто место во Лига 1, „Тракторите“ му се приклучија на Лестер, кој претходно го освои Чемпионшип и обезбеди враќање во Премиер лигата.

Лидс ќе се соочи со Норич во полуфиналето од плеј-офот, додека Саутемптон ќе се судри со Вест Бромвич Албион. Првите натпревари се на 12 мај.

Бирмингем, Хадерсфилд и Ротерам испаднаа во третата лига на англискиот фудбал.

Роберт Левадовски порача дека не размислува за заминување од Барселона, но и ја истакна поврзаноста која ја чувствува со каталонскиот гигант.

Левандовски е најдобриот стрелец на Барселона од доаѓањето од Баерн Минхен. Сепак бидејќи е најплатен во тимот, а се ближи кон крајот на кариерата се шпекулираше дека може да го напушти „Камп Ноу“.

Пристигнаа до Левандовски богати понуди од Саудиска Арабија, се споменуваше и МЛС, но Полјакот засега има јасен став.

„Навистина не гледам зошто би заминал. Да се биде напаѓач во овој клуб ме прави многу горд и среќен. Играм за најдобриот клуб во светот и среќен сум што сум дел о него. Играњето тука ми дава енергија да работам уште понапорно, да правам специјални работи и да им носам радост на навивачите. Не ми е потребно ништо друго“, изјави Левандовски.

Анхел Ди Марија би можел да биде нов соиграч на Лионел Меси во Мајами.

„Ди Марија сериозно преговара со Мајами и можеби ќе стане член на тој тим веќе во јули. На Ди Марија му се допаѓа таа опција“, изјави новинарот на ESPN, Парадизо. На Ди Марија договорот со Бенфика му истекува на крајот од сезоната и најавите засега се дека нема да биде продолжен.

Ди Марија и Меси долги години се соиграчи во репрезентацијата на Аргентина, со која го освоија Светското првенство во 2022 година.

Интересно е тоа што Ди Марија отсекогаш имал голема желба да игра со Меси и на клупски план, а уште додека играше во Реал Мадрид заедно со Кристијано Роналдо не криеше дека за него Меси е најдобриот фудбалер во светот.