feature

Јанта волеј е нов шампион на Македонија во женска одбојка

ЖОК Јанта Волеј Кисела Вода е нов одбојкарски шампион на Македонија во женска конкуренција откако го совлада Работнички со 3-1 (14-25, 25-23, 25-19, 25-22) и дојде до третиот триумф во финалната серија.

Работнички Скопје тргна сигурно во салата „Независна Македонија“, имаше константна контрола над играта во првиот сет и со 14-25 поведе со 0-1. Но, во продолжението домашните одбојкарки го надминаа почетниот грч во играта и ги превземаа работите во свои раце.

Бранителот на титулата водеше со 3-8, 4-10 и 6-12 кога се случи „будење“ во тимот на Јанта и со серија од 5-0 прво се доближи на 11-12, а потоа се избори и за комплетен пресврт, 20-16, односно 22-20 и користејќи ја втората сет-топка, со 25-23 изедначи на 1-1.

Во третиот сет егал играта траеше до 8-8, по што Јанта Волеј со нова серија поведе со 15-8 и со сигурни 25-19 се избори за пресврт од 2-1.

Голема борба се водеше во четвртиот сет. Јанта Волеј создаваше предност од два-три поени, но Работнички Скопје секогаш наоѓаше начин како да се врати во игра.

Во овој период од играта гледавме убави, долги поени, во квалитетна игра како во полето, така и на мрежата. Гостинките се обидуваа да се изборат за петти сет и да останат во игра за титулата, но Јанта Волеј ја искористи првата сет и меч топка, за 25-22 и конечни 3-1.

Новиот шампион го предводеа Мери Бошковска со 19 поени, Ива Стојковска со 12, како и Валерија Собол со 11 поени, додека во редовите на Работнички Скопје, Стакхаус и Дикова освоија по 13 поени, додека капитенката Баталаковска имаше 11 поени.

Ова за Јанта Волеј беше четврта шампионска титула во клупската историја.

Конор Бредли е замената за Трент на „Енфилд роуд“

Англискиот фудбалски репрезентативец Трент Александер – Арнолд по завршување на сезоната оваа лето ќе направи трансфер во Реал Мадрид.

Токму затоа сите со нетрпение очекуваат кој ќе биде играчот кој ќе биде замената за Трент, дали “Редси“ ќе се активираат на трансфер пазарот.

Се чини дека Арне Слот, стратегот кој во својата прва сезона му ја донесе титулата на Ливерпул, замената за Трент ја има и тоа во своите редови.

Бредли Конор би требало да добие првотимски статус, се разбира ако Трент навистина направи трансфер на “Сантијаго Бернабеу“.

Париз се врати во Лига 1, од следната сезона ќе игра градско дерби со ПСЖ

По 46 години, фудбалскиот клуб Париз се врати во Лига 1, елитниот ранг на францускиот фудбал.

На коло до крајот на сезоната, Парижаните го потврдија второто место, зад Лориен, со нерешен резултат со Мартиго на гости (1:1), и со тоа овие два клуба обезбедија директен премин во Лига 1.

Клубот, кој е мнозински контролиран од семејството Арно, кој е управуван од најбогатиот Европеец во светот (Бернард Арно), сигурно нема да застане тука.

Со буџетот што го има на располагање, амбициите се големи, најголеми.

За потсетување, Париз е клуб кој е основан по одвојувањето од Пари Сен Жермен во 1972 година, последен пат играше во Лига 1 во 1978 година и оттогаш игра во пониските лиги.

Во последните години, тој играше четири пати во плејофот за пласман во Лига 1 и секој пат беше елиминиран. Тоа беше време кога семејството Арно не го водеше клубот.

Семејството Арно владее со ФК Париз од ноември 2024 година.

Ѓорческа и Горгодзе ќе играат полуфинале во Грузија

Нашата тенисерка Лина Ѓорческа заедно со домашната претставничка Екатерине Горгодзе влегоа во полуфиналето во игра на двојки на ИТФ фјучерсот во Лопота, Грузија кој се игра за награден фонд од 40.000 долари.

Тие ја оправдаа фаворитската улога во дуелот со Зозија Кардава (Грузија) и Улаџислава Зверава (Русија) и триумфираа за нешто повеќе од еден час со 2-0 во сетови со 6-3 и 6-3.

Лина и Горгодзе во наредната рунда ќе играат со третите носителки, Рутуја Хосале (Индија) и Пејџ Хуриган (Нов Зеланд).

Ефес не се предава, го совлада ПАО и ја премести серијата во Атина

Патникот на завршниот турнир од пресметката меѓу Ефес и Панатинаикос ќе го реши петтиот меч. Вечерва, Ефес успеа да го изедначи резултатото во серијата на 2-2 откако победи со 85-82.

Брајант го предводеше Ефес до победата со 19 поени, Шмитс уфрли 15, а Османи 14. Ларкин имаше девет поени и девет асистенции.

Од другата страна, најдобри беа Осман со 22 поени, Ернангомез со 15 и седум скока, Слукс со 14 поени и шест асистенции и Нан со 12 поени.

Барса се избори за „мајсторка“ во серијата со Монако

Кошаркарите на Барселона го победија Монако во „Блауграна“ со 79:72, во четвртиот натпревар од плејофот на Евролигата.

Барселона го израмни резултатот во плејоф серијата на 2-2, што значи дека „мајсторката“ во кнежевството ќе го патникот на завршниот турнир.

Џабари Паркер ги предводеше Каталонците до победата со 22 поени и два скока, а го следеше Дарио Брисуела со 17 поени. Двоцифрен број на поени во редовите на Барселона постигна уште само Кевин Пантер 11, три скока и две асистенции.

За Монако се истакна Мајк Џејмс со 16 поени, четири скока и пет асистенции, а двоцифрен број на поени постигнаа и Алфа Дијало (3 поени, пет скока и две асистенции), Метју Стразел (10 поени и четири асистенции).

Претодно вечерва, Ефес го победи Панатинаикос по драмата во Истанбул со 85:82 и го израмни резултатот во плејоф серијата на 2-2.

Пласмна на завршниот турнир во Абуд Даби веќе изборија Олимпијакос и Фенербахче.

Кими Антонели најбрз на спринтот во Мајами

Тинејџерот Андреа Кими Антонели, ја освои пол-позицијата за спринт трката во Мајами. До најголемиот успех во кратката кариера, возачот на Мерцедес, дојде со најбрзиот круг 1:26.482 минути.

Со неполни 19 години, Антонели стана најмладиот освојувач на пол позиција во историјата на Формула 1, без разлика дали станува збор за Гран при или спринт трка.

Антонели зад себе ги остави возачите на Мекларен, Оскар Пајстри (+0.045) и Ландо Норис (+0.100).

Спринтот до Норис, од вториот ред ќе го започне актуелниот светски првак Макс Ферстапен (+0.255).

Петтото место во квалификациите му припадна на колегата на Антонели, Џорџ Расел. Зад него се возачите на Ферари, Шарл Леклер и Луис Хамилтон.

Во Топ 10 се пласираа Алекс Албон (Вилијамс), Иска Хаџар (Рејсинг Булс) и Фернандо Алонсо (Астон Мартин).

Спринт трката во Мајами се вози во сабота со почеток во 18 часот, а квалификациите за главната трка се закажани за 22:00 часот.

Миркуловски не е повеќе дел од стручниот штаб на Вецлар

Ракометниот клуб Вецлар им врачи откази на Франк Карстенс и неговиот помошник Филип Миркуловски.

Клубот се реши за ваков потег поради лошите резултати, Вецлар доживеа осум порази на последните девет натпревари. Синоќа, Вецлар загуби од Лајпциг.

Планот на клибот бил во летниот преоден рок да извршат смена на тренерската позиција, но новиот пораз ги натера да реагираат со откази.

Новиот тренер беше избран уште претходно, но тој порано од планираното ќе ја преземе функцијата.

Нов тренер на Вецлар е поранешниот српски репрезентативец и тренер на Веспрем, Момир Илиќ. Тој е без работа откако по три години се раздели со Веспрем. Илиќ ќе го одржи првиот тренинг со својот нов тим во понеделник.

Попович нема повеќе да го води Сан Антонио Спарс

Грег Попович, еден од најтрофејните тренери во историјата на НБА и долгогодишен стратег на Сан Антонио Спарс, официјално повеќе нема да биде главен тренер на оваа франшиза.

Веста денес ја потврди новинарот Шамс Чаранија. Тој нагласи дека Попович останува во клубот, но во улогата на претседател на Спарс. Со ова завршува неговата импресивна тренерска ера која траеше дури 29 сезони.

Попович веќе некое време отсуствува од клупата поради здравствени проблеми, а во последните месеци тимот го водеше неговиот долгогодишен помошник Мич Џонсон.

Одлуката да се пензионира Попович од тренерската позиција и да се посвети на позицијата претседател на клубот означува почеток на нова ера за Спарс, но и продолжување на влијанието на Попович врз иднината на франшизата преку стратешко лидерство.

Грег Попович е еден од најуспешните и највлијателните тренери во историјата на НБА.

Тој седна на клупата на Сан Антонио Спарс во декември 1996 година и остана таму цели 29 сезони, до мај 2025 година. Во тој период, тој ги предводеше Спарс низ 2.265 натпревари од регуларната сезона, остварувајќи 1.412 победи со 853 порази, што го прави најуспешен тренер според бројот на победи во историјата на НБА.

Под негово водство, Спарс играа во плејофот 22 последователни сезони (1998-2019), а пет пати ја освоија титулата во НБА (1999, 2003, 2005, 2007 и 2014 година).

Тој е познат по својата исклучителна способност за адаптација и развој на играчи. Во неговата ера, тој успеа да изгради династија околу ѕвезди како Тим Данкан, Дејвид Робинсон, Тони Паркер, Ману Џинобили, а подоцна и Каваи Леонард.

Попович беше прогласен за тренер на годината во НБА три пати (2003, 2012, 2014), а во 2023 година беше примен во Куќата на славните.

Покрај клупските успеси, тој ја предводеше и американската репрезентација, со која освои златен медал на Олимписките игри во Токио во 2021 година.

Манасков постигна десет гола, Еурофарм Пелистер во вториот дел го „скрши“ Тиквеш

На Еурофарм Пелистер му требаше едно полувреме за да ги„запали моторите“ и да одигра според она како што знае и се очекува. Како „ладен дизелски мотор“ се загреа дури после 40 минути, за да може на крајот од средбата да каже дека е завршена работата, и победиле. Битолчани со 29-25 (12-11) триумфираа, но Тиквеш се покажа во одлично светло.

Во првиот дел, Еурофарм Пелистер и Тиквеш цело време беа рамо до рамо. Првакот во еден наврат избега на плус од два гола, кога беше 9-7, меѓутоа Тиквеш израмни на 9-9, а до паузата успеа да дојде и до гол позитива (11-12). Се играше во ист ритам до 19-18, кога Еурофарм Пелистер ги презеде работите во свои раце. Кога Дејан Манасков во 51 минута го постигна својот седми гол на средбата, а Еурофарм Пелистер поведе со 24-20 стануваше јасно дека бодовите ќе останат во Битола.

Дејан Манасков со десет гола беше прво име во таборот на победникот, додека кај поразените Славчо Шулески постигна шест гола.

Во следното седмо коло Еурофарм Пелистер пред своите гледачи ќе го пречека Охрид.

«< 271 272 273 274 275 >»