Фудбалерот Лени Јоро пристигна во Манчестер јунајтед за 50 милиони фунти, но се повреди во пријателскиот меч против Арсенал, а медицинските прегледи покажаа лоши резултати.
Јоро беше најавен како големо засилување на „ѓаволите“, но младиот фудбалер ќе го пропушти стартот на сезоната, односно ќе паузира дури три месеци што е голем проблем за тренерот Ерик Тен Хаг.
Астон Вила се договори за личните услови со крилниот напаѓач на Атлетико Мадрид и португалската репрезентација Жоао Феликс , кој минатата сезона ја мина во Барселона на позајмица. Според изворите, шпанскиот клуб бара 40 милиони евра за да го ослободи Португалецот. Забележано е дека двата клуба ќе продолжат со преговорите за склучување договор во блиска иднина.
Претходно беше објавено дека тренерот на Астон Вила, Унаи Емери лично сака да го види Феликс во тимот и му нуди улога на офанзивен играч за врска, што може да го ослободи потенцијалот на Португалецот. Забележано е дека договорот ќе биде тежок од финансиска гледна точка, но Астон Вила ја разгледува можноста за потпис на Феликс, бидејќи официјално ја официјализираше големата продажба на Муса Диаби на Ал Итихад за 60 милиони евра.
Да потсетиме, минатата сезона Феликс учествуваше на 54 натпревари на сите турнири за клубот и репрезентацијата, на кои постигна 13 гола и седум асистенции. Актуелниот договор на играчот со мадридскиот клуб трае до летото 2029 година. Според информациите објавени на порталот Трансфермаркт, пазарната вредност на фудбалерот е 30 милиони евра.
ПСЖ има намера да преговара со Баерн Минхен за трансфер на 29-годишниот играч од средниот ред на клубот и Германија, Џошуа Кимих. Според француските медиуми, 29-годишниот германски фудбалер не сака да го напушти својот сегашен тим ова лето и повеќе би сакал да почека да му истече договорот во 2025 година.
Баерн очекува да го продаде својот играч пред крајот на преодниот рок за да заработи на трансферот. Се ова е малку комплицирано поради желбата на играчот да ја продолжи кариерата во Шпанија или Англија, наместо во Франција.
Да потсетиме дека минатата сезона Кимих учествуваше на 46 натпревари на сите турнири, на кои постигна два гола и 11 асистенции. Според информациите објавени на порталот Трансфермаркт, пазарната вредност на фудбалерот е 50 милиони евра.
Динамо Загреб е блиску до договор со талентот на Рома, Јан Оливерас кој може да игра на неколку позиции.
Јан Оливерас е 20-годишен фудбалер кој настапува по левата страна каде може да игра како бек и како крило, но може да игра и централно во средината од теренот.
Според Фабрицио Романо, тој ги одбил сите други понуди, желба му е да се пресели во Динамо Загреб.
Оливерас првите фудбалски чекори ги направил во Еспањол, но брзо потоа се преселил во Барселона. Од школата на Барса во 2020 се сели во академијата на Рома за 130.000 евра.
Тој се уште нема дебитирано за сениорскиот тим на Рома, но има договор со волчицата до јуни 2026 година, па хрватскиот клуб ќе треба да плати обесштетување за да го донесе.
Црногорската ракометна репрезентативка Јованка Радичевиќ најави дека претстојната сезона ќе и биде последна во нејзината кариера.
„Сакам да кажам дека ќе играм уште една сезона. Потоа ќе останам во ракометот и верувам дека ќе можам да се пронајдам во друга улога. Се надевам дека ќе можам на младите генерации да им го пренесам долгогодишното искуство“, изјави Радичевиќ за РТЦГ.
Кариерата ја започна во Будуќност, играше две сезони во унгарскиот Ѓер, пет сезони во дресот на Вардар, а потоа беше дел од ЧСМ Букурешт, Кастамону, и во моментот игра за Крим.
Со Црна Гора освои злато на ЕП 2012 година, сребро на ОИ истата година, како и бронза на ЕП 2022 година.
Денес како „бомба“ одекна веста дека Челзи и Наполи
преговараат за размена со која Осимен ќе заврши во Лондон, а
како дел од трансферот ќе биде Ромелу Лукаку.
Осимен е на излезна врата од Наполи и најави трансфер, но
недостасуваат конкретни понуди за него до овој момент.
Менаџерот на Нигериецот денес се огласи по повод наводната
трампа и ги демантираше шпекулациите.
„Читам за шпекулациите за размена на Виктор. Осимен е
најдобриот стрелец во историјата на Наполи кој го освои
Скудетото. Доста е со овие лаги“, кажа менаџерот Календа.
Англискиот фудбалски состав, Вест Хем, сака да влезе во трката за потписот на играчот на Борусија Дортмунд, Никлас Фулкруг, кој има уште две години од договорот со „милионерите“.
Тој одигра 43 натпревари во текот на последната сезона со ефект од 5 голови и 10 асистенции. Голгетерот беше дел од „панцирите“ на последниот Европски шампионат во неговата татковина.
Засега не се наведува дали премиер-лигашот испратил официјална понуда.
Македонскиот фудбалски репрезентативец Бојан Миовски
дефинитивно нема да остане во Абердин и следната сезона
откако голем број на клубови од топ 5 лигите се во трка за
неговиот потпис.
Веќе долго време се шпекулира за неговата иднина, а како
следни дестинации се споменуваат екипите на Еспаљол, Болоња
и Џенова.
Медиумите пренесуваат дека понудата која пристигнала од
Еспањол веднаш била одбиена од Абердин, бидејќи била пониска
од бараните 6,5 милиони фунти.
Деновиве се закажани нови состаноци и двете страни ќе се
обидат да дојдат до договор.
Родриго игра одлично во Реал Мадрид, но со доаѓањето на
Килијан Мбапе неговото место во стартниот тим не е сигурно.
Според последните информации од Шпанија тој може да се
пресели од Англија бидејќи за него се интересираат клубови од
Премиер лигата.
Два англиски гиганти се спреми да испратат понуда од 100
милиони евра плус бонуси, па Реал ќе биде на сериозно
искушение.
„Кралевите“ немаат намера да го продадат Бразилецот, но
доколку тој се согласи на трансфер во Премиер лигата тогаш не е
исклучена негова продажба за сума од 100 милиони евра.
Грчкиот кошаркар Ник Калатес е хоспитализиран поради повреда
на реброто на натпреварот против Шпанија.
Калатес беше префрлен во болница по натпреварот и поразот од
Шпанија 84:77, бидејќи за време на натпреварот доби удар во
ребрата.
Првичните снимки не покажаа скршеница, а 35-годишниот
плејмејкер ќе биде задржан на лекување со надеж дека ќе биде
подготвен за клучниот натпревар против Австралија.
