Поповиќ се предомисли, ќе го води Сан Антонио до крајот на сезоната

Тренерот на Сан Антонио, Грег Поповиќ потврди дека нема да го води тимот до крајот на сезоната, како што соопшти клубот пред неколку дена. Тој се уште се опоравува од последиците од благиот мозочен удар.

Оттогаш Сан Антонио го предводи неговиот помошник Мич Џонсон.

„Одлучив да не се враќам на клупата оваа сезона. Мич Џонсон и неговиот тим завршија прекрасна работа, а одлучноста и професионалноста што ја покажаа играчите беа извонредни. Сакам да се фокусирам на моето здравје со надеж дека ќе можам да продолжам да работам во иднина”, рече Поповиќ.

Грег е тренер на Сан Антонио од 1996 година и за тоа време освои пет шампионски титули во НБА.

Баерн и Томас Милер преговараат за нов договор

Живата легенда на Баерн Минхен, Томас Милер, за германските медиуми ја коментираше моменталната позиција со преговорите со клубот за нова соработка. 35-годишниот ветеран има договор само до крајот на актуелната сезона и се уште е нејасно дали ќе остане и следната сезона.

„Ние сме во преговори. Зборуваме и за спортски и за финансиски аспекти“, изјави Милер за весникот „Шпигел“.

„Сè уште многу се забавувам играјќи фудбал. Сакам да продолжам“, додаде офанзивниот играч за врска на Баварците.

Милер е младински играч на Баерн, кој влезе во првиот тим во 2009 година.

Ембид повторно мора под нож, Филаделфија во големи проблеми

Philadelphia 76ers’ Joel Embiid plays during an NBA basketball game, Friday, Nov. 18, 2022, in Philadelphia. (AP Photo/Matt Slocum)

Ѕвездата на Филаделфија, Џоел Ембид бара решенија за повредата на левото колено. Изворите велат дека центарот сè уште се надева на неинвазивна процедура која може целосно да го обнови неговиот повреден зглоб.

Сепак, тимските лекари и надворешните експерти консултирани деновиве, наводно, не веруваат дека постои такво решение.Ембид ќе мора редовно да добива инјекции во коленото за да игра. Во спротивно ќе мора што побргу на операција.

Најкорисниот играч на НБА од 2023 година оваа сезона одигра само 19 натпревари.

Ковачиќ ќе го замени Сити со Атлетико?

Хрватскиот фудбалски репрезентативец и фудбалер Матео Ковачиќ оваа лето би можел да го напушти Манчестер сити и да потпише за Атлетико Мадрид.

Искусниот Ковачиќ од 2015 до 2019 година играше за Реал Мадрид, кум му е капитенот на Кралскиот клуб, Лука Модриќ, а од следната сезона може да го облече дресот на лутиот градски ривал на најтрофејниот клуб.

Во Атлетико сметаат дека Ковачиќ би можел да биде одлично пополнување по најавеното заминување на Родриго Де Пол.

Договорот на Ковачиќ со Сити е до јуни 2027, па Атлетико ако сака да го купи, ќе мора да плати и отштета од 30-тина милиони евра. Интерес за Матео има и од Фенербахче, но Хрватот преферира да остане во топ 5 лигите.

Јорганџиите се заинтересирани за уште еден играч од Премиер лигата, тоа е напаѓачот Дарвин Нуњез од Ливерпул.

Муса се сели од Мадрид во Барселона?

21/10/2022 Dzanan Musa DEPORTES Oscar J. Barroso / AFP7 / Europa Press

Кошаркарскиот репрезентативец на Босна и Херцеговина, Џанан Муса (25), би можел да го промени тимот и тоа во еден од главните конкуренти и лут ривал.

Да земеме предвид дека во текот на летото, поточно по 30 јуни, кога му истекува договорот, Муса би можел да го напушти Реал Мадрид.

Претходните информации што ги објави шпанска „Марка“ беа дека мадриѓани нема да му го продолжат договорот на Муса, што предизвика интерес кај тимовите од Евролигата. И Барселона внимателно следи како се развива ситуацијата, пишува каталонскиот весник „Спорт“.

Сезонава, за нешто повеќе од 21 минута на теренот, Муса има просек од 12,3 поени, 2,9 скока и 1,9 асистенции. Сепак, неговата последна сезона беше значително подобра, кога за исто толку време на паркетот забележа 13,9 поени, 2,8 скока и 2,2 асистенции.

Питлик мора на операција, Фленсбург остана без најдобриот ракометар

Проблем за германски Фленсбург откако се повреди првиот ракометар и дански репрезентативец Симон Питлик.

Бекот од Данска доби фрактура на раката, поточно на десната подлактица. Питлик се повреди во реваншот од Европската лига на ЕХФ против Феникс Тулуз. Првичните најави се потврдија по ренгенскиот преглед и Питлик го очекува операција.

„Фактот дека во нашата моментална ситуација мора да играме без Симон воопшто не ни се допаѓа“, прокоментира директорот на Флензбург, Холгер Гландорф.

Суспендираниот Синер не е во комбинација за наградата Лауреус

Фондацијата Лауреус одлучи да го отстрани Јаник Синер од листата на кандидати за престижната награда за спортист на годината што ја доделува.

Причината е тримесечната суспензија на италијанскиот тенисер.

Шон Фицпатрик, директорот на Лауреус, во изјава подетално ја објасни позадината на одлуката.

„По разговорите со Академијата Лауреус, одлучено е да се повлече кандидатурата на Јаник Синер за спортист на годината. Го следевме неговиот случај, одлуките на светските тела и веруваме дека тримесечната суспензија ја оневозможува неговата кандидатура. Јаник и неговиот тим се информирани“, стои во соопштението потпишано од Фицпатрик.

Листата на номинирани ќе биде објавена во понеделник на 3. март во Мадрид.

Синер беше позитивен два пати во март минатата година на забранетата супстанца клостебол, но беше ослободен од обвиненијата од страна на Меѓународната агенција за интегритет во тенис.

ВАДА ја обжали таа одлука пред Судот за спортска арбитража, а пред две недели се спогоди со Синер да добие три месечна суспензија.

Артета призна дека Арсенал има офанзивни проблеми

Менаџерот на фудбалерите на Арсенал, Микел Артета, беше разочаран по вчерашното реми без голови на теренот на Нотингем Форест во меч од Премиер-лигата.

„Доминиравме во играта и се обидовме да дојдеме до победа на секој начин. Требаше да упатиме повеќе шутеви и да имаме добра завршница.

Гледаме напред и работиме со тоа што го имаме. Ситуацијата е иста како пред една недела или пред три месеци”, рече Артета.

Мурињо доби суспензија од четири меча за изјавата по истанбулското дерби

Тренерот на Фенербахче, Жозе Мурињо доби жестока казна поради инцидентот по крајот на турското дерби против Галатасарај.

Во понеделникот, по ремито 0-0 во големата пресметка во Истанбул, португалскиот стручњак имитираше мајмунски движења по реакциите на клупата на Галатасарај.

Потоа отиде во судиската соблекувална каде сакаше да разговара со главниот судија Славко Винчиќ од Словенија.

Поради сето ова ќе биде суспендиран на четири натпревари и ќе мора да плати парична казна од 35.194 фунти.

Однесувањето на Мурињо беше окарактеризирано како „чин против „спортскиот дух“ и „спротивно на етиката на спортот и концептот на фер-плеј“.

Фенербахче и официјално потврди дека ќе се жали на казната која му е изречена на Мурињо.

Болоња го сруши Милан, Консеисао во големи проблеми

Фудбалерите на Болоња го совладаа Милан со 2-1 во одложениот натпревар од деветтото коло во Серија А. Болоња ја прекина црната серија, немаше победа над Милан, на домашен терен во последните 22 години.

Рафаел Леао ги доведе гостите во водство на крајот од првиот дел, но Сантијаго Кастро и Ден Ендоје донесоа пресврт за домаќините во вториот дел.

Ова е втор последователен пораз за Милан. Сега се осми со 41 бод, додека Болоња има три бода повеќе и се наоѓа на шестата позиција.

Во следното коло тимот од Милано на домашен терен игра против Лацио, додека Болоња ќе му гостува на Каљари.

feature