Прашањето за наследникот на Јирген Клоп го оптоварува раководството на Ливерпул. И ќе мора итно да го реши. А решението е на повидок и тоа во ликот на Рубен Аморим.

Португалецот веќе три сезони одлично работи во Спортинг и привлече големо внимание од најголемите европски клубови. На пример, Челзи го сакаше минатата сезона, но тој не сакаше да се пресели во Лондон.

Сепак, тој би можел да замине во Ливерпул, кој ќе мора да го „одврзе ќесето“ за да го донесе 39-годишен тренер кој заедно со Чаби Алонсо, Тиаго Мота и Роберто де Зерби е меѓу најталентираните стручњаци во Европа.

Она што е проблем за „црвените“ е фактот што Аморим во договорот со Спортинг има откупна клаузула вредна 20.000.000 евра.

Иако наводно Спортинг би бил подготвен да го пушти и за 15.000.000 евра. Дури и двата клуба да ја исполнат таа бројка, Аморим би бил вториот најскап тренер досега! Само Баерн Минхен плати повеќе кога го донесе Јулијан Нагелсман од РБ Лајпциг (25.000.000 евра). Идентична сума на пари одвои и Челзи за Андре Виљаш Боаш од Порто уште во 2011 година.

Турскиот фудбалски гигант Фенербахче одлучи да не ја напушти турската лига по скандалот кога играчите беа нападнати на крајот на неодамнешниот натпревар во Трабзон.

По тој повод Фенербахче на својот стадион во Истанбул одржа вонредно собрание на кое присуствуваа 22.588 клупски членови, јавува Анадолија.

Претходно, Коц ги собра сите фудбалери со кои разговараше за можноста за напуштање на лигата и порача дека клубот „нема да попушти и да ги компромитира принципите во кои верува заради шампионски титули“. Според него, повлекувањето од лигата била една од најекстремните опции.

„Во сите наши дискусии, најмалку преферирана опција беше излегувањето од лигата. Зошто нашите момци да играат во пониска лига? Таа опција не е добра бидејќи и во пониските лиги би морале да се справат со истите проблеми како сега“, изјави Коц.

„Оваа опција ја симнуваме од маса до следното генерално собрание, кое е за три месеци. Овде им се обраќам на Един Џеко, Душан Тадиќ и Мерт Хакан: Генералното собрание сака што сакате вие. Играјте и направете го она што е потребно и донесете ни титула“.

Оле Гунар Солскјер проценува дека Кристијано Роналдо одлично се претставил во Манчестер Јунајтед.

Неговото второ деби дојде против Њукасл и тоа беше еден од највозбудливите денови на стадионот- „Олд Трафорд “ бидејќи Португалецот постигна два гола.

„Тој секогаш заслужува можност да се врати. Во првата сезона постигна 24 голови. Тој e се уште еден од најдобрите стрелци во светот. Изгледаше моќно во нашиот тим“, изјави поранешниот тренер на „црвените ѓаволи“.

Фудбалерот на Челзи, Кол Палмер, ќе добие понуда да ја продолжи соработката со „сините“  за многу поголема плата.

Тој сега инкасира 80.000 фунти неделно. Договорот на Палмер е валиден 7 години со опција за продолжување за уште една сезона.

Играчот од средниот ред има 24 натпревари во Премиер лигата со ефект од 13 голови и осум асистенции.

Тренерот на ПСЖ, Луис Енрике зборуваше за разликата во распоредот меѓу неговиот тим и Барселона, со кој францускиот гигант ќе игра во четвртфиналето на Лигата на шампионите на 10 април.

„Барса ќе има десет дена одмор, а ние ќе имаме натпреварувачки ритам. Во мојата ситуација, велам дека е најдобро да се играат овие три натпревари. Да имам десет дена одмор, би се прилагодил на таквите околности“, изјави Енрике.

Да потсетиме, пред натпреварот со Барселона, тимот на Луис Енрике на 3 април ќе игра со Рен во Купот на Франција. Потоа на 6 април натпревар од 28. коло од француската Лига 1 каде ќе се сретнат со Клермонт. За возврат, Барселона на 30 март го победи Лас Палмас (1-0) во 30. коло од Ла Лига и нема да одигра уште една средба пред натпреварот со ПСЖ.

Аурелио Де Лаурентис е решен да го види Антонио Конте на чело на својот тим, пишува „Газета дело спорт“.

Како што е познато, минатиот октомври Конте одби да ја преземе оваа екипа  по нивната разделба со Руди Гарсија. Сепак, по завршувањето на сезоната, Де Лаурентис ќе направи уште еден обид да го ангажира поранешниот предводник на Јувентус, Италија, Челзи, Интер и Тотенхем. Привремениот тренер Франческо Калцона сигурно ќе си замине на лето бидејќи сака да ја продолжи својата главна обврска со репрезентацијата на Словачка.

Според изданието, претседателот на Наполи е подготвен да обезбеди и огромна плата за Конте и трансфер буџет за засилување на тимот. Парите за нови засилувања ќе дојдат од потенцијалната продажба на најдобриот стрелец Виктор Осимен, кој се проценува на повеќе од 100 милиони евра. Можна замена за него кај „наполитанците“ би можел да биде Ромелу Лукаку, кој веќе соработуваше со Конте во Интер. Сега тој е на позајмица во Рома, а на лето Челзи ќе бара друг тим за него.

Германската компанија „Адидас“ минатиот месец ги претстави новите дресови во кои германската репрезентација ќе настапи на Европското првенство.

Социјалните мрежи многу брзо се фокусираа на еден детаљ по објавувањето на фотографиите. Најгласните коментари беа за дресот со број 44.

Корисниците на социјалните мрежи забележаа дека дизајнот на бројот 44 на дресот наликува на симболот „СС“, по кој беше познат Шуцштафел – главната паравоена организација под команда на Нацистичката партија и Адолф Хитлер.

По многу дискусии и многу приговори за компанијата Адидас, веќе не може да се нарача германски дрес со бројот 44 во онлајн продавницата на Адидас.

Сите испораки на веќе купени дресови со тој број беа прекинати, а беше најавено и дека ниту еден фудбалер на германската репрезентација нема да го има бројот 44 на грбот.

Маркос Алонсо ќе го напушти клубот на крајот на сезоната со истекот на договорот, пренеусва доброупатениот Фабрицио Романо.

Триесетидвегодишникот пристигна на „Камп Ноу“ во 2022 година како слободен играч откако му истече договорот со Челси чиј дел беше од 2016 година, притоа остварувајќи го својот сон, но не успеа да се наметне во каталонските редови.

Алонсо настапи на вкупно 44 натпревари за Барселона откако пристигна во клубот, а оваа сезона беше дел од само четири прволигашки средби.

Левиот бек покрај Челси настапуваше и за Реал Мадрид, Болтон, Фиорентина и Сандерленд.

Англиските медиуми пренесуваат дека некои од играчите на Челзи им кажале на сопствениците дека би сакале менаџерот Маурисио Покетино да биде сменет на крајот од сезоната.

Челси трошеше чудесни суми во изминатите преодни рокови, но тимот е единаесетти на табелата и покрај тоа што не игра во Европа.

Притисокот се зголемува врз Покетино и тешко дека ќе може да ја задржи работата доколку не влезе во серија на добри резултати до крајот на сезоната.

Поранешниот италијански репрезентативец, Паоло Малдини наскоро би можел да го засили Њукасл.

Според информациите на италијанските медиуми, Малдини добил понуда да застане на чело на спортскиот сектор на премиерлигашот кој има сериозни амбиции.

Најавите се дека Малдини би требало да го замени Ден Ешворт поранешниот директор на Англија и Брајтон за кој се најавува дека кариерата ќе продолжи во таборот на Манчестер Јунајтед.

Манчестер Јунајтед наводно подготвил понуда од десет милиони евра како оштета. Малдини имаше и понуда од саудиска Арабија откако се раздели од Милан, меѓутоа засега е без ангажман.