feature

Митев: Македонија ќе се бори против секого на Мундијалот

Македонската ракометна репрезентација влегува во завршна фаза од подготовките за настап на Светското првенство кое ќе се одржи во три земји. Нашите ракометари ќе играат во Варждин, а во групната фаза ќе ги одмерат силите со Унгарија, Холандија и Гвинеја. Првите три селекции одат во главната рунда, што пак е главна цел на „црвено-жолтите“.

„Веќе сме во завршна фаза од подготовките, можам да кажам дека целиот тим е спремен за предизвиците кои не очекуваат на Светското првенство. Одиме да се бориме, нашата цел е да се пласираме во главната рунда, а потоа ќе одиме чекор по чекор.

Унгарија и Холандија имаат различен стил на игра за разлика од Гвинеја. Играта на Унгарците повеќе се темели преку пивотите и со шутеви, додека Холандија на игра „еден на еден“, станува збор за побрза репрезентација. Треба да бидеме максимално сконцентрирани на двете средби, да не губиме надеж, секогаш има шанса.

Јас верувам дека можеме да пласираме во главната рунда, одиме на победа на секој натпревар, ќе оставиме срцето на терен и па што биде нека биде“, вели Марко Митев од кого се очекува да биде еден од главните лидери во нашата нова генерација.

Главна желба на сите во тимот е да има голем број македонски фанови во Вараждин Арената, дел во 2018 година на ЕП ја почувствуваа таа амтосфера.

„Се надевам дека во Вараждин атмосферата ќе биде како на Европското првенство во 2018 година и фановите ќе дојдат во голем број, а ние ќе се чувствуваме како да играме на домашен терен, тие се нашиот осми играч и најважна поддршка на теренот. Знаат како да не понесат на секој натпревар“.

Нашите ракометари добија два дена одмор, по што на 8. јануари заминуват за Хрватска. Истиот ден ќе одиграат пријателски натпревар против истоимената репрезентација.

Ѓоковиќ има трауми од австралиските власти

Новак Ѓоковиќ немаше најдобар старт на годината, кој изненадувачки беше поразен од Рајли Опелка во четвртфиналето на турнирот во Бризбејн, но сепак е еден од главните фаворити за победа на Австралија опен.

Турнирот во Мелбурн му е омилен, таму дури по 11-ти пат ја освои шампионската титула, без разлика што со него се поврзуваат некои од најнемилите настани во кариерата.

Токму за ова зборуваше тенисерот во интервју за локалните медиуми и откри дека сè уште се сеќава на тортурата што ја доживеал при влегувањето во Австралија во 2022 година за време на пандемијата на коронавирус, кога беше приведен, а потоа депортиран од оваа земја.

-Нема да ве лажам, сè уште сум трауматизиран од се што ми се случи. Кога ќе поминам низ пасошка контрола на аеродромот во Мелбурн, сето тоа ми се враќа и не ми е удобно. Тоа беше многу лошо искуство за мене. Јас не сум некој што ќе покажува со прст кон некого и ќе го обвини за тоа што ми се случи. Не, сето тоа го оставив на страна, но само велам дека не ми е удобно кога поминувам низ тие места, ми поминува низ глава дека повторно ќе дојде некој да ме спречи да влезам. Јас и моето семејство после тоа се вративме во Австралија, освоив нова титула во Мелбурн и можам да играм на овој турнир, изјави Ѓоковиќ.

Чофениг е победник на драмата во „Четирите скокалници“

Австрискиот ски-скокач Даниел Чофениг е победник на овогодишната новогодишна турнеја „Четири скокалници“.

Тој пред домашната публика во Бишофсхофен, победи пред сонародниците Херл и Крафт.

Тројцата ги делеа само 1,4 бода во генералниот пласман пред финалниот натпревар. На крајот последната серија приреди невидена драма на турнејата.

Крафт во првата серија вечерва прескокна 136 метри и имаше најголеми шанси да ја дојде до вкупнља победа. Чофениг имаше 136 метри во првата серија, но со нешто полоши оценки, додека во втората серија прелета над 140,5 метри.

Херл, интересно, леташе најдалеку на 140,5 и 143 метри, но немаше добри оценки, особено во втората серија.

Пред последниот скок на Крафт, имаше долга пауза поради ветерот, па тест скокачот мораше да излезе на пистата, што дополнително влијаеше на драматичноста на исходот.

Но и на самиот Крафт, кој во тој мемомет беше лидер и прв фаворит за „Златниот орел“.

Повеќе од 10 минути, влијаеше на Лрафт, скока „само“ 137 метри и победата на турнејата „Четири скокалници“ му припадна на Даниел Чофениг.

Богата награда за секоја мундијалска победа од федерацијата и владата

Македонската ракометна репрезентација ги брои деновите до стартот на Светското ракометно првенство. Ние го отвораме Мундијалот на 15 јануари против Унгарија, а во групата уште ќе се соочиме и со Холандија и Гвинеја.

Нашите ракометари на чело со селекторот Кирил Лазаров се во полн ек на подготовките, а од друга страна раководството на РФМ прави се за да создаде што е можно подобри услови за наш екстра настап на овој турнир.

Па така, Ракометната федерација на Македонија донесе одлука, секоја победа на овој турнир да биде вреднувана, односно наградена со еден милион денари, но тоа нема да биде се.

Владата на Република Македонија се приклучува на ова, и додава свој милион денари за секоја победа на нашите ракометари. Ова значи дека трудот на селекторот Лазаров и на неговите избраници кој што е вложен периодов и тоа како ќе биде вреднуван и награден.

ПСЖ го купи Коло Муани за 95 милиони, а го продава за само четири!

Рандал Коло Муани е подготвен да го напушти ПСЖ. Во летниот преоден рок во 2023 година, за напаѓачот ПСЖ издвои 95 милиони евра. Очигледно е дека тој не ги задоволи критериумите на тренерот Луис Енрике. Одигра 54 натпревар постигна 11 голови и забележа седум асистенции.

Рандал Коло Муани до крајот на сезоната ќе замина на позајмица, а потоа неговиот дговоро ќе може да биде откупен за симболична сума.

ПСЖ го соопшти условите за позајмицата. Новиот клуб ќе треба да плати четири милиони евра до крајот на сеозната и да ја преземе платаа на фудбалерот која изнесува пет милиони евра.

По завршувањето на сезоната неговиот договор ќе може да биде откупен за 20 милиони евра.

наводно засега интерес за Коло Муани покажале Тотенхем, Монако, Јувентус и Милан.

Дарвин Нуњез на трансфер листа, Ливерпул го продава Уругваецот

Ливерпул е подготвен да го продаде уругвајскиот напаѓач Дарвин Нуњез бидејќи не се вклопува во фудбалската филозофија на тренерот Арне Слот, објавија во понеделникот британските медиуми.

Иако ги чинеше 100 милиони евра (со бонуси) кога пристигна од Бенфика во 2022 година, управата на „црвените“ би била среќна доколку некој им понуди 60 милиони евра за Нуњез, чиј договор е до летото 2028 година, истакнуваат британските дневни весници.

Уругвајскиот интернационалец не се вклопи во плановите на тренерот Слот, чиј супермодерен фудбал го воодушеви светот.

Во оваа напредна фудбалска шема, напаѓачката тројка, која ги „малтретира“ противниците, ја сочинуваат Коди Гакпо, Мохамед Салах и Луис Дијаз, додека Нуњез во игра најмногу влегува од клупата за резерви.

Меѓу оние кои би можеле да бидат заинтересирани за Нуњез, според британските медиуми, е и Њукасл.

Четири од четири: Раниери има максимален скор во римското дерби

Клаудио Раниери стана првиот тренер во историјата кој ги победил сите четири римски дербија против Лацио како тренер на Рома, пренесува „Опта Спортс“.

Раниери претходно ги предводеше Римјаните во ноември 2024 година. Претходно, специјалистот веќе беше главен тренер на Рома од 2009 до 2011 година и од март до јуни 2019 година. Последното место на работа на италијанскиот специјалист беше Каљари.

Синоќа се одигра натпреварот од 19. коло во италијанската Серија А во кој се сретнаа Рома и Лацио. Натпреварот се одигра на стадионот Олимпико во Рим, а Рома славеше со резултат 2:0.

Бајден ќе ја одликува аргентинската легенда Меси

Осумкратниот освојувач на „Златната топка“ Лионел Меси ќе го добие Медалот на слободата, доделен од претседателот на САД, пренесува „ABC News“.

Шефот на САД, Џо Бајден ќе одржи церемонија на доделување на група лауреати во Белата куќа. Медалот на слободата е највисокото цивилно признание на нацијата, кое им се доделува на поединци кои дале „извонреден придонес за просперитетот на САД, светскиот мир или други значајни јавни, јавни или приватни потфати“.

Меси игра во американската МЛС-лига за Интер Мајами од 2023 година. Оваа сезона 37-годишниот Аргентинец има 22 натпревари на сите турнири, на кои постигна 21 гол и 18 асистенции.

Неодамна се дозна дека Меси би можел да ја продолжи кариерата во Манчестер сити. Тренерот на Сити, Пеп Гвардиола сака да го види Аргентинецот во својот тим. Сити би можел да го ангажира напаѓачот на позајмица до крајот на сезоната.

Луис Енрике: Прекрасно е да се почне годината со трофеј

Тренерот на ПСЖ, Луис Енрике зборуваше за победата на парискиот клуб над Монако со резултат 1-0 во натпреварот од Суперкупот на Франција.

„Тоа е многу, многу позитивно чувство. Освојувањето трофеј е секогаш извор на радост. Да ја започнеме 2025 година вака, со речиси полн стадион, со многу луѓе кои ги поддржуваат играчите на ПСЖ, ни дава сила и самодоверба да ја започнеме годината, затоа мора да го искористиме ова и да размислуваме за иднината. Денеска беше многу тежок натпревар со противник со многу квалитетни играчи, со многу напаѓачки играчи. Имавме многу добри моменти на натпреварот, моменти на доминација и моменти на страдање во одбраната, но мислам дека на крајот голот му ја додели победата на тимот кој никогаш не престанува да се бори, кој никогаш не престанува да напаѓа, кој никогаш не престана да трча. Мислам дека ова е многу позитивен момент и треба да продолжиме да го развиваме“, изјави Енрике за прес-службата на клубот.

Победничкиот гол на ПСЖ беше постигнат во 90+2. минута од напаѓачот Осман Дембеле, на асистенција од Фабијан Руиз.

Тринаесет победи по ред – Атлетико го собори деценискиот клупски рекорд

Атлетико го доби својот 13. натпревар по ред, повторувајќи го клупскиот рекорд од пред 13 години.

Разликата во постигнати и примени голови за тимот предводен од Диего Симеоне во овој период е 34-8.

Претходно, од август до октомври 2012 година, Атлетико освои 13 победи во низа со вкупен резултат 34:10, рекорд поставен исто така под водство на тренерот Симеоне, кој ги води „душекџиите“ од 2011 година.

Вчеравечер Атлетико ја победи Марбеља (1:0) во 1/16-финалето на Копа дел Реј.

«< 295 296 297 298 299 >»