Фудбалерите на Рома славеа победа во римското дерби против Лацио вечерва со 2-0 и со овие три бода дојдоа точно до средина на табелата.

Натпреварот беше решен во првото полувреме кога Рома ги постигна двата гола со кои ја обезбеди победата.

Резултатот го отвори Лоренцо Пелегрини во 10. минута по асистенција на Салемакерс. Само осум минути подоцна и самиот Салемакерс се запиша во листата на стрелци.

Во второто полувреме Лацио беше далеку подобар противник, имаше поголем посед на топката, повеќе удари, додека Рома упати само еден. Сепак, избраниците на Барони не успеаа да го најдат патот до мрежата на Свилар.

Лацио во последните моменти од натпреварот остана и со играч помалку откако исклучен беше Кастељанос.

По 19 одиграни кола Лацио се наоѓа на четвртата позиција со 35 бода, додека Рома е десетта со 23 бода.

Дани Олмо би можел привремено да се пресели во Милан.

Претходно Ла Лига и Кралската шпанска фудбалска федерација (РФЕФ) објавија дека Барселона одбила да го регистрира Дани Олмо. Претходниот истече на 1 јануари.

Според „Кориере дела Сера“, миланскиот клуб на играчот од средниот ред му понудил шестмесечен договор. Договорот вклучува клаузула дека Шпанецот може да се врати во Барселона во јули.

Се истакнува дека ваквата одлука би му овозможила на Милан привремено да се засили, а Барселона да најде излез од тешката ситуација.

Олмо оваа сезона одигра 11 настапи во Ла Лига и постигна пет гола.

ПСЖ славеше во борбата за трофејот во Суперкупот на Франција, против Монако, Натпреварот се одигра на стадионот „974“ во Диха.

Од 2013 година, ПСЖ има освоено 11 трофеи во Суперкупот на Франција, вклучувајќи го денешниот, освоен против Монако, во финишот на натпреварот.

„Светците“ не дозволија мечот да биде решен во пенал-рулетот. Во втората минута од судиското надополнување на времето, Дембеле ја искористи перфектната асистенција на Руиз.

ПСЖ беше подобриот противник во текот на целиот натпревар, но во голот на Монако блескаше швајцарскиот голман Филип Кон. Тој ги одбрани првите девет удари кои одеа кон неговиот гол.

Инаку, од 2009 година, финалето на Суперкупот речиси редовно се игра надвор од Франција. Од 2009 до вечерва, Суперкупот не се играше двапати, во 2020 и 2023 година.

Домаќин на турнирот првпат беше Катар, а претходно се играше во Канада (два пати), Тунис, Мароко (двапати), САД, Габон, Кина (три пати), Австрија и Израел (два пати).

Филип Деспотовски повеќе не е тренер на Кожуф. Тој на социјалнте мрежи потврди дека се разделил со второлигашот од Гевгелија. Причината за ова се недоволните услови кои клуб ги понудил, кои пак не се складни со амбициите.

Кожуф првиот дел од сезоната го заврши на деветото место на табелата со скор од пет победи, седум нерешени и три порази.

Тренерот на француски Монако, Адолф Хутер го продолжи договорот со клубот.

Договорот на специјалистот истекуваше на крајот од сезоната, но пред неколку дена доби нова понуда која ја прифати. Новиот договор на Хутер со Монако е до летото 2027 година.

Хутер го презеде тимот во летото 2023 година. Под негово водство тимот одигра 60 натпревари на кои забележа 35 победи, 11 нерешени и 14 порази. По 16 одиграни натпревари во Лига 1, Монако со 30 бодови е на третото место.

И прволигашот Воска Спорт донесе нови засилувања во зимскиот преоден рок. Како што објавија денеска од клубот, три нови имиња го засилуваат тимот од Охрид кој ќе се бори за опстанок во елитата.

Филип Валенчиќ, интернационалецот од Словенија кој има преку десет настапи за младинските репрезентации на Словенија е првото ново име во Воска, а со него пристигнаа и играчот за врска Туре Сира од Финска, како и Оива Лаксонен, кој што исто како и Сира доаѓа од Финска од екипата на Хака.

Англискиот шампион Манчестер Сити подготвува изненадувачка понуда за дефанзивецот на Јувентус, Николо Савона.

Пеп Гвардиола и неговиот тим се заинтересирани за бекот и ќе направат се за да го обезбедат неговиот потпис во текот на зимскиот преоден рок.

Дефанзивниот настап на Сити оваа сезона беше кошмар. „Граѓаните“ примија вкупно 27 гола, повеќе од која било друга екипа во Топ 6 во Премиер лигата.

Се чини дека клубот се подготвува да се раздели и со искусниот Кајл Вокер, кој најверојатно ќе се упати во Саудиска Арабија, ако не во јануари, тогаш секако по крајот на сезоната.