feature

Стоилковска поразена во изедначен меч на ИТФ фјучрсот во Ортисеи

Македонската тенисерка Магдалена Стоилковска не успеа да се пласира на главниот турнир на ИТФ фјучрсот што се игра во италијанскиот град Ортисеи. Таа во финалето од квалификациите загуби од Италијанката Елена Бочи со 2-1 во сетови (4-6, 7-5, 10-8 на поени). Мечот траеше безмалку два часа, а турнирот се игра за награден фонд од 25.000 долари.

Првиот сет го доби Стоилковска со 6-4 во гемови. Поведе противичката со 2-0 во гемови, а Стоилковска успеа да го врати загубениот гем на свој сервис и изедначи на 2-2. Потоа следуваше уште еден брејк за водство од 4-2 и таа предност македонската тенисерка ја зачува до крајот на сетот. Во вториот сет македонската тенисерка повторно почна со негатива од 1-0, но следуваше и серија од пет гема и водство од 5-1. Сепак Бочи успеа да се врати во игра и да најави пресврт. Во деветтиот гем при водство од 5-3 за Стоилковска, на сервис за ривалката македонската тенисерка испушти и меч топка. Сетот со 7-5 во гемови го освои Бочи и зедначи на 1-1 во сетови.

Во решавачкиот сет на поени, Стоилковска имаше водство од 7-6 на поени, но следуваше серија од три поени за италијанската тенисерка, која успеа да триумфира откако сетот го доби со 10-8 на поени.

Симеоне: Атлетико знае што сака и чекори кон целта

Тренерот на Атлетико Мадрид, Диего Симеоне ги процени шансите на неговиот тим во трката за титулата во Ла Лига.

Мадриѓаните по 15 натпревари се на второто место на табелата со два бода помалку од Барселона.

Што се однесува до борбата за титулата, ние се бориме сами со себе. Нема да биде лесно, бидејќи се натпреваруваме со Реал, Барселона, Виљареал, Атлетик кои се исто така многу добри. Ла Лига е тежок турнир, а со секој следен натпревар ситуацијата станува потешка.
Напредокот на Ленглет, Серлот и Хулијан Алварез, надежта за брзо закрепнување на Робин Ле Нормант – сето тоа придонесува за добра тимска работа. Точно знаеме што сакаме и одиме кон целта“, изјави тренерот на Атлетико.

Тимот на Симеоне синоќа на гостински терен го совлада Ваљадолид со 0-5.

Јуве нема да го позајмува Даглас Луиз оваа зима

Управата на Јувентус нема намера да го позајми Даглас Луиз на друг клуб. Единствено, во јануари торинскиот тим ќе биде задоволен само со продажбата на играчот од средниот ред, објавија италијанските медиуми.

Киа Јорабчијан, агентот на Бразилецот, веќе работи на наоѓање нов клуб за Луиз.

Дваесет и шестгодишниот фудбалер од средниот ред моментално заздравува од повреда.

На девет натпревари оваа сезона за Јувентус, Луис нема постигнато гол ниту асистенција.

Бензема го советува Флорентино да купи фудбалер кој игра во Саудиска Арабија

Карим Бензема веќе долго време е во Саудиска Арабија, но осгана во добри односи со луѓето во Реал Мадрид, особено со претседателот Флорентино Перез.

Французинот ја забележал кризата во која се наоѓа Реал, му понудил на Перез фудбалер за кој смета дека би бил од голема корист за Карло Анчелоти.

Станува збор за 22-годишниот Габриел Веига, кој моментално игра за Ал-Ахли. Тој е поранешен младински репрезентативец на Шпанија, кој има 17 настапи и 2 постигнати голови за својата земја.

Неговата моментална вредност на трансфер-маркетот е 25 милиони евра, а може да делува и во офанзивна и во дефанзивна улога.

Шортс е МВП на ноември во Евролигата

Македонскиот репрезентативец Ти-Џеј Шортс, по извонредните настапи за Париз, е избран за МВП за месец ноември во Евролигата.

Шортс го доби признанието МВП откако во пет натпревари оствари просек од 19,6 поени и 8,4 асистенции по натпревар.

Со таквите настапи, тој го предводеше францускиот тим до пет победи.

Најдобриот настап го постигна против Барселона кога Париз победи, а тој забележа 24 поени и девет асистенции.

Неочекувана оставка: Саво Милошевиќ си замина од Партизан

Саво Милошевиќ денес поднесе оставка на тренерското место во белградски Партизан. Какошто објави агенцијата Танјуг, Милошевиќ решил да поднесе оставка, бидејќи не успеа да се договори со челниците на клубот околу намалувањето на платата.

На крајот на септември, по четири години, тој се врати на клупата на Партизан и го замени Александар Станојевиќ како тренер на црно-белиот тим. Партизан моментално е на второто место во Супер лигата на Србија со 31 бод од 15 натпревари.

Последните две есенски кола во Првата лига пред празни трибини

Комисијата за натпревари која работи во рамките на Фудбалската федерација на Македонија ги извести клубовите од ПМФЛ и јавноста за одлуката поврзана со натпреварите од 17. и 18. коло кои се закажани за оваа седмица.

По барање на Министерството за внатрешни работи ФФМ донесе одлука сите преостанати натпревари во 2024 година да се одираат пред празни трибини. Освен средбите од одложеното 17. коло кои се закажани за во вторник, дуелите викендот кој следи исто така ќе бидат без публика.

Комисијата објаснува дека одлуката е донесена поради проценката на МВР по неодамнешните случувања во Македонија со палењето на државното знаме, а со цел да се избегне насилство и недолично однесување за време на натпреварите.

Дел Потро со победа над Ѓоковиќ ја заврши кариерата

Аргентинскиот тенисер Хуан Мартин дел Потро и официјално стави крај на кариерата.

Иако нема играно тенис од 2022 година, Дел Потро реши последниот меч да го одигра против Новак Ѓоковиќ во салата „Мери Теран де Вејс“ во Буенос Аирес.

Пред нешто повеќе од 15.000 навивачи, Дел Потро успеа да ги надмине проблемите со болките во коленото и да слави по два сета со резултат 6-4, 7-5.

Не му беше лесно на Де Потро, можеби ќе се откажеше пред крајот, доколку српскиот тенисер не ја предводеше публиката на трибините.

Резултатот не беше важен, и покрај то што играа сонгл, но на почетокот на вториот сет друштво на двајцата им правеа поранешните аргентински тенисерки Жизела Дулко и Габриела Сабатини.

На крајот, солзи на Аргентинецот, но и емотивната реакција на Новак Ѓоковиќ.

Аргентинецот, против Ѓоковиќ, во кариерата победи на четири од 20 дуели. Но Дел Потро на Ѓоковиќ му нанесе два тешки порази, на Олимписките игри, прво во 2012 година, а потоа и во 2016 година.

Дел Потро ја освои својата единствена Грен слем титула во 2009 година во Њујорк, победувајќи го Роџер Федерер.

Далиќ нов селектор на катарската репрезентација?

Катарскиот портал „Ал Раја“, тврди дека хрватскиот селектор Златко Далиќ постигнал договор со репрезентацијата на Катар. Споменатиот извор тврди дека Далиќ ќе го замени досегашниот селектор Феликс Санчез Лопез и веднаш ќе почне со работа бидејќи репрезентацијата на Катар овој месец ќе игра во Голф купот, кој се игра во Кувајт.

Далиќ има договор со ХНС до лето 2026 година, треба да ја води репрезентацијата во завршницата во Лигата на нации, квалификациите за СП 2026 година, но и самото Светско првенство во Северна Америка, доколку Хрватска избори пласман. Но, информациите од Катар велат дека се е договорено и дека наскоро Далиќ ќе биде претставен како нов селектор на Катар.

Далиќ ја презеде Хрватска на 7 октомври 2017 година. Досега ја водеше репрезентацијата на 93 натпревари и оствари 50 победи, 19 нерешени и 24 порази. Освои сребро и бронза медали на Светските првенства во 2018 и 2022 и сребро во Лигата на нации. Во својата кариера ги водеше и Риека, Динамо, Славен Белупо, Ал-Фајсали, Ал-Хилал У-23, Ал-Хилал и Ал-Аин.

Лапорта очајно бара пари и начин да го регистрира Дани Олмо за 2025 година

Претседателот на Барселона, Жоан Лапорта, наводно работи напорно на плановите да го регистрира Дани Олмо за остатокот од сезоната. Како што стојат работите, Олмо е регистриран само до крајот на календарската година, што значи дека е потребно решение – и тоа брзо.

„Марка“ сега известува дека Лапорта има голем број идеи да ги собере потребните средства за да се осигура дека Олмо може да игра за првиот тим во 2025 година.

Барса веќе потпиша нов договор со „Најк“, иако тоа не е доволно за да се регистрира Олмо. Сепак, Барса „доставува документација за Ла Лига“ за да покаже дека приходот е поголем од првично очекуваното, што може да помогне. Трет план е да се организира турнеја во Азија во текот на летото. Клубот планира да одигра неколку натпревари во Азија, откако реши да не оди во САД поради Светското клупско првенство.

«< 306 307 308 309 310 >»