Пауло Фонсека и официјално повеќе не е тренер на Милан. Португалецот беше отпуштен по нерешените 1:1 на домашен терен против Рома. Самиот тренер тоа го потврди по натпреварот за локалните медиуми.

„Да, точно е, јас веќе не сум дел од Милан. Ова е животот. Совеста ми е чиста бидејќи направив се што беше во моја моќ”, изјави Фонсека.

Милан под водство на португалскиот тренер забележа 12 победи, 6 нерешени и 6 порази во сите натпреварувања.

Воедно, раководството на „росонерите“ веќе се договори со неговиот наследник. Тимот ќе го преземе уште еден Португалец – Серхио Консенсаио. Поранешниот тренер на Порто се очекува денес да пристигне во Милано и да потпише договор до крајот на сезоната. Неговата плата ќе биде 1 милион. евра. Неговиот договор ќе има опција за продолжување на уште една година.

Големата ѕвезда на Ливерпул, Мохамед Салах ја продолжи својата неверојатна сезона бидејќи постигна гол и даде две асистенции во демолирањето на Вест Хем Јунајтед вчера со 5-0 во натпреварот од Премиер лигата.

Со тоа, Салах сега одигра осум натпревари оваа сезона на кои постигна гол и имаше најмалку една асистенција. Со тоа, Египќанецот стана првиот играч во историјата на Премиер лигата кој постигнал ваков подвиг во една сезона.

Ливерпул на Арне Слот е убедливо на врвот во лигата со 45 бода и е фаворит за освојување на титулата во лигата. Самиот Салах има 17 гола и 13 асистенции во Премиер лигата, а вкупно до овој момент има постигнато 20 гола и 17 асистенции во сите натпреварувања.

Барселона е заинтересирана за потписот на левиот бек на Баерн Минхен, Алфонсо Дејвис, oва го пренесува Мундо Депортиво.

Според изворот, каталонскиот гигант сака да го ангажираат играчот во следниот преоден рок и веќе преговараат. Исто така во информациите се вели дека неговиот агент побарал бонус за потпишување од 30 милиони евра и плата од повеќе од 12 милиони евра годишно.

Да потсетиме, Дејвис се приклучи на тимот на Баерн Минхен на 1 јануари 2019 година. Актуелниот договор на играчот со клубот е до крајот на јуни 2025 година. Оваа сезона, дефанзивецот учествуваше на 21 натпревар, каде постигна еден гол и три асистенции.

Весникот „Л’Екип“ го објави симболичниот тим од најсилната фудбалска лига на Франција за 2024 година.

Во него влегува и Килијан Мбапе кој во изминатото лето го напушти ПСЖ и се пресели во Реал Мадрид. Еве како изгледа изборот на реномираниот медиум.

Голман : Лука Шевалие (Лил). Дефанзивци : Ашраф Хакими, Маркињос, Нуно Мендеш (сите ПСЖ), Вилфред Синго (Монако). Играчи од средниот ред : Осман Дембеле, Витиња, Бредли Баркола (сите ПСЖ), Пјер Ле Мелу (Брест). Напаѓачи : Џонатан Давид (Лил), Килијан Мбапе (ПСЖ/Реал Мадрид).

Најслабиот тим во Првата македонска фудбалска лига, Воска Спорт се раздели со дури девет играчи кои го носеа дресот во есенскиот дел од шампионатот.

Охриѓани ја прекинаа соработката со Маумет Шакир, Албан Мехмеди, Тарик Демишоски, Антонио Илиески, Марко Вуковиќ, Хабибула Аскар, Дестан Адили, Христијан Јанкулоски и Јасин Казимоски.

Воска по есенскиот дел од првенството се наоѓа зацементирана на последното место на табелата со само 12 бода по 18 одиграни кола.

Поранешниот шампион на Македонија, Шкупи нема да може да регистрира нови фудбалери до 2026 година, одлучи Светската фудбалска централа (ФИФА).

Одлуката објавена и на интернет страницата на ФИФА.

Ваква забрана се изрекува на клубови поради неподмирени финансиски обврски кон поранешни или сегашни членови.

Наполи ја совлада Венеција со 1-0 во 18. коло од италијанската Серија А и со тоа се израмни со Аталанта, која го држи првото место поради подобрата гол-разлика. Трет е Интер, кој има бод помалку, но и натпревар помалку од Наполи и Аталанта.

Наполи се мачеше, не блескаше, но успеа да слави прптив претпоследниот тим на табелата. Голот вреден три бода го постигна Џакомо Распадори во 79. минута од натпреварот.

Претходно денеска се одигра натпреварот меѓу Удинезе и Торино кој заврши нерешено 2-2. Удинезе поведе со голот на Исак Туре во 41. минута, а Лоренцо Лука го удвои водството во 49. минута. Гостинскиот тим освои бод со головите на Че Адамс во 53 и Самуел Ричи во 64 минута.

Фабио Канаваро го презеде Динамо Загреб, објави клубот на социјалните мрежи. Канаваро доаѓа на местото на Ненад Бјелица, официјално ќе биде преставен на 3.јануари.

Фабио Канаваро е трет тренер на Динамо во сезоната 2024/25, а вкупно деветти откако Ненад Бјелица, кој вечерва беше отпуштен, првпат беше отпуштен од најуспешниот хрватски клуб во април 2020 година.

Сезоната на клупата ја започна Сергеј Јакировиќ, под кого тимот играше убав фудбал и забележа одлични резултати, но челниците не можеа да му го простата поразот од Баерн Минхен (9:2). Бјелица беше вратен како спасител, но, за разлика од неговиот прв мандат, кој веројатно беше најуспешен во изминатите пет-шест години, Бјелица во вториот мандат забележа само четири победи во 15 натпревари во сите натпреварувања и наместо подарок, доби отказ за Нова година.

Во 2025 година тимот ќе го предводи еден од најдобрите дефанзивци во својата генерација и последен одбранбен играч што ја добил „Златната топка“, а оттогаш поминаа 18 години.

Канаваро е поранешен тренер на Гуангжу, Ал-Наср, Тијанџин, Кина, Беневенто и накратко Удинезе (април-јуни оваа година). Во вториот дел од сезоната Динамо влегува со седум бода помалку од лидерите Хајдук и Риека.

Заврши првата фаза од подготовките на македонската ракометна репрезентација, Момците на селекторот Лазаров загубија од Србија на последниот контролен натпревар во Стара Пазова. Овој дуел влета во програмата по откажувањето на Саудиска Арабија.

Србија го доби дуелот со „црвено-жолтите“ со резултат 34-29, што е прв пораз за Македонија во првата етапа од подготовките за Светското првенство кое започнува по нешто повеќе од две недели. Претходно македонската селекција ги совлада српските суперлигаши Нови Београд и Динамо Панчево, во натпревари трипати по триесет минути.

Нашите репрезентативци се враќаат во Македонија каде ќе продолжат со редовни тренинзи, а потоа следува и пријателскиот натпревар со Хрватска.

Македонија го почнува настапот на Светското првенство на 15 јануари, во дуел со селекцијата на Унгарија. Во нашата група се уште Холандија и Гвинеја.