Букајо Сака изјави дека не се брза да потпише нов договор со Арсенал, но додаде дека е „јасно“ дека сака да ја продолжи својата иднина во клубот.

Сака, кој треба да го направи својот прв старт по речиси четири месеци против Реал Мадрид во првиот четвртфинален натпревар од Лигата на шампионите, има уште две години од договорот со клубот од северен Лондон.

Англискиот репрезентативец беше прогласен за херој откако се врати од 101-дневно отсуство по повредата за време на второто полувреме од натпреварот против Фулам, постигнувајќи гол за победа од 2:1.

„Сакам да победувам и да победувам со овој тим. Јасно е дека навивачите знаат колку ги сакам. И видовте дека ми одговорија со љубов. Значи имаме добри односи и јас сум среќен тука”, изјави крилниот напаѓач на Арсенал.

Дефанзивецот на Борусија, Нико Шлотербек ќе го пропушти остатокот од сезоната поради повреда. Германскиот репрезентативец го скина менискусот на левото колено.

„Отсуството на Нико ќе влијае врз тимот. Тој е многу важен дел од нашиот тим и тоа го потврди со своите постојано добри настапи оваа сезона. Се надеваме дека брзо ќе се врати во форма и ќе го поддржиме максимално“, изјави спортскиот директор на Борусија, Себастијан Кел.

Шлотербек оваа сезона одигра 37 натпревари за Борусија во сите натпреварувања.

За германската репрезентација одигра 30 натпревари.

Борусија утре против Барселона ќе го одигра привот четвртфинален натпревар во Лигата на шампионите.

Првиот човек на Торино, Урбано Каиро, сериозно размислува да го откуши договорот на Елиф Елмас од Лајпциг.

Македонскиот репрезентативец во Торино пристигна од Лајпциг во јануари на поозајмица, со можност да го откупи неговиот договор по завршувањето на сезоната.

Елмас досега одигра седум натпревари, постигна четири гола. Вчера беше стрелец во ремито 1:1 против Верона.

„Елмас? Ремек-дело е голот против Верона. Среќни сме што е тука, ќе се обидеме да го задржиме. Во овој момент не сме размислувале, ова прашање ќе го решаваме по крајот на сезоната“, изјави Каиро.

Кога потпиша за Торино, клубот доби опција по завршувањето на сезоната да го откупи од Лајпциг за 17 милиони евра.

Легендарниот фудбалер, Гери Невил, проценува дека тренерот на Манчестер Јунајтед, Рубен Аморим, мора да купи најмалку 4-5 играчи ако сака да ја користи неговата омилена шема со тројца напаѓачи.

„Жозе Мурињо, Оле Гунар Солскјаер и Ерик тен Хаг дојдоа со намера да играат фудбал со висок пресинг, но, на крајот сите се потпираа на дефанзива. Аморим виде дека го нема потребниот квалитет.

ислам дека ќе мора да купат повеќе играчи доколку сакаат да бидат добри во напаѓачка формација“, потенцираше Невил.

Иван Јуриќ повеќе не е тренер на Саутемптон, пренесува Фабрицио Романо. Фудбалскиот инсајдер на својот профил на социјалната мрежа „Х“, објави дека Јуриќ го напушта клубот кој не успеа да го задржи во Премиер лигата. Неговиот мандат во Саутемптон траеше од крајот на декември минатата година, односно 108 дена.

Јуриќ потпиша 18-месечен договор со англискиот премиерлигаш откако го раскина договорот со Рома. Хрватскиот тренер го наследи Расел Мартин, го презеде тимот со цел да го зачува статусот во Премиер лигата. На седум кола пред крајот на Премиер лигата, јасно е дека Саутемптон следната сезона ќе игра во Чемпионшип.

„Ова е голем предизвик, но јас сум оптимист бидејќи гледам тим кој може да биде подобар. Важно е веднаш да се поврзам со навивачите. Сакам агресивен тим и верувам дека тоа ќе им се допадне на навивачите на Саутемптон. Сакам да бидеме поагресивни, да притискаме повеќе. Ќе мора брзо да го промениме нашиот менталитет бидејќи тоа е мојата фудбалска идеја“, рече Јуриќ во декември по потпишувањето на договорот.

Јуриќ не успеа да го постигне тоа што го сакаше. На 14 натпревари на клупата на Саутемптон во Премиер лигата оствари една победа (Ипсвич 2:1), едно реми (Кристал Палас 1:1) и 12 порази.

Прелесно испаднавме од лигата и тоа е проблем на неколку нивоа. Сега е важно да ги разбереме сите грешки и да се обидеме да создадеме нешто добро“, изјави Јуриќ по испаѓањето.

Тренерот на фудбалерите на Рома, Клаудио Раниери, вели дека е задоволен по ремито со Јувентус иако поделбата на бодовите не му одговара ниту на неговиот тим ниту на „старата дама“.

„Очекував да играат по страничните позиции. Мислам дека Јуве може да заврши во топ-4.

Имавме шанси и успеавме да изедначиме. Иако ја посакувавме победата, добро е што не го загубивме мечот“ – рече Раниери по ремитот со Јуве.

Давид Де Хеа, еден од најистакнатите голмани во својата генерација, направи нов чекор во кариерата, а сега е познато каде ќе ја продолжи. Кариерата ја започна во младинскиот тим на Атлетико Мадрид, а за првиот тим дебитираше во 2009 година.

Две години подоцна, во 2011 година, на 21-годишна возраст, тој му приклучи на Манчестер Јунајтед, каде што остана 12 сезони. Во тој период беше познат како еден од најдобрите светски голмани и со Јунајтед го освои речиси секој можен трофеј, освен оној во Лигата на шампионите.

Неговиот договор со Јунајтед истече во летото 2023 година, со што ја заврши мисијата на „Олд Трафорд“. Откако беше надвор од терените речиси цела наредна сезона, на 9 август 2024 година, тој потпиша договор со италијанската Фиорентина. Во тековната сезона забележа 27 настапи за клубот од Фиренца и пружа одлични партии, кои не останаа незабележани.

Британските медиуми веќе почнаа да шпекулираат за негово можно враќање во Манчестер Јунајтед, но се чини дека тоа нема да се случи. Како што објави познатиот спортски новинар Фабрицио Романо, Фиорентина планира да ја искористи опцијата во неговиот договор и да ја продолжи соработката за дополнителна година.

На овој начин, шпанскиот голман ќе остане член на Фиорентина до летото 2026 година, со што дефинитивно ќе се стави крај на гласините за враќање на „Олд Трафорд“.