Манчестер јунајтед го договори првото засилување во зимскиот преоден рок. На „Олд Трафорд“ од Лече ќе се пресели Патрик Доргу.
Менаџерот на Манчестер јунајтед Рубен Аморим инсистираше на трансферот на левиот бек.
Вредноста на трансферот не е објавена, но се претпоставува дека Јунајтед ќе плати 35 милиони евра.
Оваа сезона 20-годишниот фудбалер одигра 23 натпревари во сите натпреварувања и постигна три гола и забележа една асистенција.
Поранешениот белгиски репрезентативец Раџа Наинголан беше уапсен во понеделникот во полициска акција против шверц на дрога. Наинголан е обвинет за учество во криминална организација и по сослушувањето во Брисел е пуштен со кауција, објавија неговите адвокати.
36-годишниот играч од средниот ред на белгискиот второлигаш Локерен и поранешен играч на Рома и Интер беше уапсен со уште 17 лица во голема операција на белгиската полиција против шверц на дрога.
Според неговите адвокати, Мунир и Омар Суиди, Наинголан не бил сослушан за шверц на дрога откако властите во понеделникот, во 30 претреси запленија 2,7 килограми кокаин, огнено оружје, два луксузни часовници од по 360.000 евра, накит, злато и 370.000 евра во готовина, објави белгиската национална телевизија RTBF.
Наинголан беше ослободен со кауција бидејќи бил обвинет дека е „член“ на организацијата, а не „водач“.
Судијата го прашал играчот само за сумите пари што ги дал на други луѓе, изјавија адвокатите по операцијата во која искусниот фудбалер беше осомничен дека е дел од мрежата која увезувала кокаин од Јужна Америка преку пристаништето Антверпен.
Роберт Левандовски по дванаесетти пат стана најдобар полски фудбалер. 36-годишниот напаѓач на Барселона беше прогласен за фудбалер број 1 во својата татковина за 2024 година.
Левандовски ја освои наградата за прв пат во 2011 година, а оттогаш само двапати други фудбалери беа победници во оваа анкета, која беше основана од неделникот „Пилка Нозна“ во 1973 година.
Во 2018 година, наградата ја прими голманот Лукаш Фабијански (Вест Хем), а во 2023 година – Пјотр Зиелински (тогаш играше за Наполи, сега во Интер).
За најдобра фудбалерка е избрана Ева Пајор, која игра и за Барселона.
Полскиот шампион Јагелонија ја доби статуетката за тим на годината.
Легендарниот Пет Рајли, прави планови како да го донесе Лука Дончиќ во Мајами Хит.
Мајами Хит во наредниот период, до 6.февруари, планираат да се разделат со првата ѕвезда Џими Батлер. Планот на Мајами е јасен, со заминувањето на Батлер, франшизата ќе ослободи голема сума пари в селери капот. Доколку Батлер остане во Мајами и наредната сезона, Хит ќе мора да му плати 52,4 милиони долари.
Мајами Хит прават стратешки планови за летото 2026 година, кога би можеле да имаат над 80 милиони долариво селери капот.
Како што пишува „Мајами Хералд“, ова е нешто што би им овозможило да се вклучат во трката за потписот на Лука Дончиќ, кој во 2026 ќе стане слободен играч.
Собери екипа, донеси добро расположение, а ние на секоја тура од три нарачани пива частиме пиво плус.
Ракометното финале се игра во недела на 02 февруари во 18:00 часот, а акцијата стартува од 16:00 часот и трае до 22:00 часот.
Завршниот турнир на Евролигата ќе се игра од 23 до 25 мај во Абу Даби.
Во соопштението се наведува дека Евролигата, Одделот за култура и туризам – Абу Даби и Етихад арената потпишале договор за домаќинство на Ф4 Евролигата во главниот град на Обединетите Арапски Емирати.
Првото полуфинале е закажано за 23. мај од 16 часот по средноевропско време. Второто полуфинале ќе се игра истиот ден од 19 часот.
Финалето е закажано за 25. мај во 18 часот.
Билетите за Ф4 ќе бидат пуштени во продажба од 26 февруари.
Младата женска репрезентација на Македонија до 17 години во периодот од 29 јануари до 3 март ќе одржи тренинг камп во Дојран. Тренинг кампот ќе биде подготовка за претстојните квалификации на нашата млада женска селекција што ќе се одржат во март, во Скопје.
Предводникот на женската репрезентација на Македонија до 17 години, Катерина Милеска, за претстојниот тренинг камп се одлучи да ги повика следните фудбалерки:
Голмани:
Христина Гоговска – Кочани
Евгенија Вељановска – Скопје
Одбрана:
Бесарта Фида – Скопје
Мила Панева – Скопје
Андреа Коловска – Истатов
Андреа Алексовска – Скопје
Вања Ристиќ – Речица
Канита Емини – Истатов
Ема Нановска – Истатов
Среден ред:
Лина Луканова – Ас Јунајтед
Јована Каралиоска – Скопје
Теона Галабовска – Тиверија
Елена Мацевска – Ас Јунајтед
Блехана Алиевска – Скопје
Лина Мицовска – Кочани
Напад:
Тамара Лазеска – Ас Јунајтед
Ева Величковска – Љуботен
Меланија Грозданова – Истатов
Настасја Накова – Љуботен
Розита Пецева – Тиверија
Елена Наумоска – Скопје
Уна Јосевска – Машинац
Собирот на репрезентацијата на Македонија до 17 години е утре, во 9 часот пред ФФМ.
Пол Погба во март ќе му се врати на фудбалот, откако четиригодишната казна поради позитивен допинг тест беше намалена на 18 месеци.
Францускиот играч за врска беше суспендиран бидејќи беше позитивен на на допинг по натпреварот Удинезе-Јувентус на 20 август 2023 година.
Кога дозна дека четири години нема да може да игра фудбал, Погба сакаше да стави крај на кариерата во која играше само за два клуба, Манчестер Јунајтед и Јувентус.
Англиските медиуми го најавуваат негово враќање и пишуваат дека тоа би можело повторно да се случи во дресот на Јунајтед.
За клубот од Олд Трафорд дебитираше во сезоната 2011/12, потоа како слободен играч се пресели во Јувентус, а во Јунајтед се врати во 2016 година и остана до 2022 година.
Францускиот играч за врска одигра вкупно 233 натпревари за Јунајтед, постигнува 39 гола и забележа 48 асистенции. Неговиот најголем успех со Јунајтед е освојувањето на Лигата на Европа во сезоната 2016/17.
Јувентус и официјално го објави потписот на португалскиот играч за врска Ренато Веига од Челзи. Договорот е во форма на позајмица до крајот на тековната сезона.
Веига се пресели во Челзи летото од швајцарскиот Базел, но не успеа да се наметне во тимот на лондонскиот клуб. По краткиот престој на „Стемфорд Бриџ“, тој ќе ја продолжи кариерата во италијанскиот гигант, кој ќе има можност да ги искористи неговите услуги до крајот на сезоната.
Потпишувањето на Веига е дел од трансфер стратегијата на Јувентус бидејќи тие сакаат да го засилат својот тим за да постигнат успех и во Серија А и во европските клупски натпреварувања.
Марио Балотели е блиску до заминување од Џенова.
Италијанскиот напаѓач потпиша за клубот од Серија А на крајот на октомври откако со месеци беше слободен играч. На шест натпревари одигра само 56 минути, а последниот настап го имаше на 21 декември кога одигра седум минути во поразот од Наполи со 1:2.
Инсајдерите во италијанскиот фудбал Фабрицио Романо и Николо Скира најавија дека некогаш одличниот стрелец ќе тргне во нова потрага по клуб. Романо истакна дека Балотели е на прагот на заминување, додека Схира откри дека им е понуден на Венеција и Монца. Неговиот план е да замине некаде каде што ќе може да игра повеќе, но не се знае дали е заинтересиран за споменатите клубови.
Заминувањето беше најавено на крајот на 2024 година. La Gazzetta dello Sport напиша дека во договорот има клаузула според која Џенова и фудбалерот во секој момент можат да ја раскинат соработката. Се споменуваше интерес од Мексиканецот Круз Азул, кој наводно му нуди годишна плата од два милиони евра.
Балотели промени многу клубови во кариерата, но ова ќе биде негов прв ангажман во неевропска лига. Кариерата ја започна во Интер, а потоа играше за Манчестер Сити, Милан, Ливерпул, Ница, Марсеј, Бреша, Монца, Адана Демирспор (двапати) и Сион. За италијанската репрезентација има 34 настапи и 14 голови.
