Голем проблем за Хенес: Ел Билал Туре сериозно се повреди
Штутгарт неколку месеци ќе биде без својот напаѓач Ел Билал Туре, откако фудбалерот заработи фрактура на ногата, соопшти бундеслигашот.
Туре тешката повреда ја доживеа додека играше за репрезентацијата на Мали во текот на неделата и треба да биде опериран. Туре дојде во Штутгарт на позајмица пред оваа сезона од италијанска Аталанта. Тој го постигна победничкиот гол против Јувентус (1-0) во Лигата на шампионите.
Штутгарт во петокот објави дека тимот ќе остане и без напаѓачот Денис Ундав во наредните недели откако тој заработи повреда на мускулот на тренинг.
Везенков ќе игра за Кипар на Евробаскетот?
Најдобриот кошаркар во Евролигата, Саша Везенков во иднина би можел да настапува за репрезентацијата на Кипар.
Кипар кој е еден од домаќините на следниот Евробаскет го посакува Везенков во своите редови. Минатата сезона бугарскиот кошаркар настапуваше во редовите на Сакраменто од каде што пристигна во Олимпијакос. Везенков веќе го носеше дресот на Бугарија, но според правилникот на ФИБА има можност да ја промени земјата.
Аморим го сака Камавинга во зимскиот преоден рок
Португалскиот тренер Рубен Аморим, кој неодамна седна на кормилото на Манчестер јунајтед, веднаш почна да прави планови за изгледот на тимот кој го наследи. Аморим сака неколку засилувања во следниот период, а наводно веќе договорил еден фудбалер од Реал Мадрид.
Англиските медиуми пишуваат дека „црвените ѓаволи“ почнале преговори со Едуардо Камавинга, кој бил расположен да се пресели на „Олд Трафорд“. Вредноста на Камавинга е околу 100 милиони евра.
Барела е сонот на „кралевите“ за замена за Модриќ
Легендарниот играч за врска на Реал Мадрид, Лука Модриќ би можел да го напушти клубот следното лето. На Хрватот му истекува договорот, кој според различни проценки, тешко дека страните ќе го обноват. Мадрид ќе излезе на трансфер пазарот на лето за да ја најде неговата замена.
Според изворот, најверојатен кандидат за заменик на Модриќ е ѕвездата на Интер, Никола Барела. Интер сака да добие 80 милиони евра за Барела, но претседателот на клубот Флорентино Перез е убеден дека миланезите можат да бидат убедени да се согласат на трансферот за 60 милиони евра.
Кошаркарите тренираат во Клаипеда по долгиот пат
Кошаркарската репрезентација на Македонија денеска го одработи тренингот пред утрешниот натпревар од четвртото коло во квалификациите за Евробаскетот 2025, во кое ќе играме повторно против Литванија.
Натпреварот во Клаипеда се игра во терминот од 18:30 часот.
Кошаркарите денеска тренираа во салата „Свитурио“ каде и што ќе се игра средбата. За разлика од првиот натпревар, од денеска во нашиот тим е и нашиот најдобар кошаркар, Ненад Димитријевиќ.
Конор МекГрегор осуден за силување, мора да плати 150.000 фунти
Поранешниот шампион на УФЦ, Конор Мекгрегор, беше прогласен за одговорен за сексуален напад на жена во хотел во Даблин во 2018 година и ќе мора да плати отштета од 150.000 фунти.
Случајот, кој беше процесуиран пред граѓанскиот суд, се однесува на тврдењата на Никита Хенд дека Мекгрегор сексуално ја нападнал во пентхаусот на хотелот „Бикон“ во јужен Даблин во декември 2018 година. Мекгрегор за време на судењето тврдеше дека врската била консензуална.
Во тужбата се вклучи и Џејмс Лоренс, кој беше ослободен во оваа постапка.
Судењето траеше осум дена, при што беа изведувани докази, додека завршните зборови траеја три дена. Поротата, составена од осум жени, донесе пресуда во која Мекгрегор беше прогласен за одговорен.
На изрекувањето на пресудата во петокот, тој се појави во судницата придружуван од неговото семејство – партнерот Ди Девлин, родителите, сестрата и деверот.
Светската атлетика добива ново натпреварување – Ултимејт шампионат
Ново атлетско екипно натпреварување наречено Ултимејт шампионат (Ultimate Championship) претстави денеска Меѓународната атлетска федерација кое премиерата ќе ја има во септември 2026 година и ќе значи промена за самата атлетика, изјави првиот човек на светската атлетика Себастијан Коу.
„Новиот Ултимејт шампионат 2026 година ќе биде врв на извонредност во година без светски првенства или Олимписки игри и ќе биде отскочна штица за иновации во спортот, рече Коу на прес-конференција во Будимпешта.
Првото издание на ова ново натпреварување ќе се одржи од 11 до 13 септември 2026 година во главниот град на Унгарија. Потоа ќе се организира на секои две години.
Наградниот фонд ќе изнесува рекордни 10 милиони долари, а секој победник ќе биде награден со 150.000 долари.
Речиси 400 атлетичари ќе се натпреваруваат во различни атлетски настани, вклучувајќи ги и 100 метри, 800 метри, скок со стап, скок во височина и новата штафета 4×100 метри мешано. Дисциплините во кои спортистите ќе се натпреваруваат на Ултимејт шампионатот се: 100 м, 200 м, 400 м, 800 м, 1500 м, 5000 м, 100 м/110 м со пречки, 400 м со пречки, скок со стап, скок во височина, трискок (жени), кладиво (мажи), фрлање копје и мешана штафета 4×100м и 4×400м.
„Сакаме на нашите фанови да им понудиме атлетика каква што досега не виделе со најдоброто во светот на атлетиката“, рече Коу.
Барса го „врзува“ Ламин Јамал, клаузулата зголемена на милијарда евра
Барса ја планира својата иднина, а во сите комбинации е Ламин Јамал. Договорот со 17-годишниот шпански репрезентативец, Ламин Јамал, ќе биде продолжен на шест години кога тој ќе наполни 18 години.
Напаѓачот на Барселона Ламин Јамал е блиску до потпишување на нов договор со клубот, пренесе „Барса Универзал“.
Според изворот, договорот со 17-годишниот шпански репрезентативец ќе биде продолжен на 6 години кога тој ќе наполни 18 години.
Оваа сезона Јамал одигра 16 натпревари за Барселона, постигнувајќи 6 гола и 8 асистенции.
Актуелниот договор со Каталонците е до летото 2026 година. Порталот „Трансфермаркт“ ја проценува вредноста на играчот на 150 милиони евра.
Меси се предомисли: Сака да се врати и да продолжи да живее во Барселона
Лионел Меси во моментов игра за Интер Мајами, нејасно е дали овој клуб ќе биде последен во неговата кариера, но јасно е дека нема да остане да живее во САД.
Аргентинецот вели дека тој и неговото семејство се носталгични кон Барселона и планираат да се вратат во овој град.
„Планирам да се вратам со сопругата и децата во Барселона и таму да живееме. На сите ни недостига Барселона. Моите деца сакаат да живеат во Каталонија. Тоа место го чувствувам како мој дом“, кажа Меси.
Теодор Стојановски донесе европско сребро во теквандо
Министерот за спорт Борко Ристовски му го честиташе успешниот настап на младиот теквондист Теодор Стојановски, кој освои сребрен медал на Европското кадетско првенство што се одржа во Тирана.
Членот на ТК Бутел стана европски вицешампион со три блескави победи против репрезентативци од Кипар, Украина и Велика Британија
„Теодор го покажа својот беспрекорен талент, дух и упорност. Финалниот дуел против репрезентативецот на Франција беше навистина предизвик, но среброто е доказ дека Македонија има нова олимписка надеж“; истакна Ристовски на приемот кој го организираше по повод успешниот настап на Стојановски.
Министерот Ристовски го оцени освоениот сребрен медал како голем успех за македонското теквондо, кое, како што истакна, „продолжува да биде еден од нашите најтрофејните спортови“.
„Заедно со Теодор, неговиот клуб и тренерите продолжуваме да ја градиме иднината на македонскиот спорт, Верувам дека ова е само почеток на многу поголеми успеси“, порача министерот за спорт Ристовски.
