Ливерпул ќе биде еден од најактивните клубови на трансфер пазарот летово. „Црвените“ веќе го обезбедија потписот на десниот бек Џереми Фримпонг и се блиску до договор со германскиот репрезентативец Флоријан Вирц.

За холандскиот репрезентативец Ливерпул плати 35 милиони фунти, додека за Вирц се очекува да го срушат трансферниот рекорд во Англија со сума од речиси 130 милиони фунти.

И покрај овие големи зделки, тимот на Арне Слот не планира да застане со засилувањата. Според последните информации од Англија, скаутите на Ливерпул внимателно ја следат ситуацијата околу голгетерот на Наполи, Виктор Осимен.

Напаѓачот, кој минатата сезона беше на позајмица во Галатасарај, веќе одби понуда од милиони за трансфер во Саудиска Арабија, обидувајќи се да обезбеди трансфер во Европа. Се тврди дека турскиот гигант е подготвен да понуди 75 милиони евра за услугите на Осимен.

Од друга страна, фудбалерот посакува трансфер во Премиер – лигата. Пред некое време се зборуваше дека тој е цел на Манчестер Јунајтед, а според нови информации, во трката за неговиот потпис би можел да се вклучи и Ливерпул. Се претпоставува дека понуда од 90 милиони евра би била доволна за Осимен да пристигне на „Енфилд“.

Играчот на Арсенал, Олександр Зинченко, е заинтересиран за трансфер во Милан, објавија италијанските медиуми.

Трансферот зависи од Тео Хернандез, кој се подготвува да замине од „Сан Сиро“. Милан преговара со Атлетико за трансферот на Тео, бидејќи фудбалерот изразил желба да се врати во клубот од чија академија потекнува.

Кога овој трансфер ќе биде завршен, Зинченко ќе може да го напушти Арсенал. Украинецот бара нов клуб бидејќи минатата сезона немаше никаква улога кај Микел Артета.

Гонзало Гарсија официјално го презеде Хајдук, потврди клубот. На клупата на третопласираниот тим од неодамна завршената сезона во Хрватска тој го наследи Гатузо.

Трансферот на тренерот беше потврден откако сплитскиот клуб постигна договор со Истра 1961, која претходно ја водеше Гарсија. Договорот е потпишан до летото 2028 година, а новиот тренер официјално ќе и биде претставен на јавноста следната недела, пред почетокот на подготовките на клубот за новата сезона.

Гарсија со Истра 1961 сезоната ја заврши на шестото место. Во 18 натпревари од вториот дел од сезоната, тој загуби само три пати, а покрај тоа, имаше седум победи и осум нерешени резултати.

Поранешниот напаѓач на италијанската репрезентација, сега тренер, Филипо Инзаги, ја напушта клупата на Пиза еден месец по историската промоција во Серија А, објави клубот во петокот.

„Договорот на Инзаги, кој траеше уште две години, беше спогодбено раскинат“, објави тосканскиот клуб.

Се очекува 51-годишникот, како што тврдат медиумите ќе го преземе Палермо.

Палермо наводно ѝ платил на Пиза речиси милион евра за Инзаги. Сицилијанскиот клуб, во сопственост на Сити Фудбал Груп (сопственик и на Манчестер Сити), исто така се стреми кон враќање во Серија А.

Пиза заврши втора во Серија Б под водство на Инзаги, остварувајќи промоција во Серија А за прв пат по 34 години.

Алберто Џилардино е еден од кандидатите за клупата на Пиза, како и Марко Џампаоло, кој неодамна беше отпуштен од Лече.

Фудбалерот на Брајтон, Џејмс Милнер, го продолжи договорот со клубот за уште една година, објави англискиот тим.

Милнер, кој ќе наполни 40 години во јануари, игра во Брајтон од 2023 година. Тој одигра вкупно 24 натпревари за тимот, но минатата сезона настапи на само четири настапи поради повреда.

Милнер, кога ќе наполни 40 години на 4 јануари ќе им се придружи на Теди Шерингам, Рајан Гигс, Кевин Филипс и Гордон Страхан. Тој би можел да ја заврши сезоната како трет најстар играч во Премиер лигата, бидејќи ќе има 40 години и 140 дена на 24 мај. Во тој случај, само Шерингам и Гигс би биле пред него.

Овој играч од средниот ред ја започна својата кариера во Лидс, а потоа играше за Њукасл, Астон Вила, Манчестер сити и Ливерпул.

Досега во кариерата има одиграно 638 натпревари во Премиер лигата, а само рекордерот Гарет Бери (653) има повеќе настапи од него.

Во кариерата Милнер има учинок од 55 гола и 86 асистенции.

Џовани ван Бронкхорст му се приклучи на стручниот штаб на Арне Слот во Ливерпул. Поранешниот дефанзивец на Барселона, Арсенал и холандски репрезентативец ќе го замени Џон Хејтинга, кој го напушти Ливерпул за да стане тренер на Ајакс.

Последната работа на Ван Бронкхорст беше во Бешикташ, каде што го водеше турскиот клуб од јуни до ноември 2024 година.

Брајтон потпиша со 18-годишниот Харалампос Костулас. Грчкиот напаѓач ќе добие петгодишен договор и ќе му се приклучи на клубот на 1 јули, под услов успешно да ги заврши сите потребни регулаторни процедури.

Костулас е производ на Олимпијакос и минатата сезона со тимот ја освои двојната круна во грчката лига и куп. Тој постигна седум гола и имаше две асистенции во 35 натпревари во домашното натпреварување и во Лигата на Европа.

Според новинарот Бен Џејкобс, Брајтон ќе плати 35+2 милиони евра за 18-годишниот фудбалер.

Македонскиот фудбалски репрезентативец Димитар Митровски од денеска и официјално е нов фудбалер на словенечкиот шампион Олимпија. Митровски кој сезоната ја заврши во екипата на Вараждин и тоа како еден од најдобрите фудбалери во хрватското првенство, утрово стави потпис на договор со Олимпија која ова лето ја очекуваат настапи во УЕФА Лигата на шампионите.

Како што објавија од Олимпија, Митровски потпиша договор со словенечкиот првак до 2028 година. Според словенечките медиуми станува збор за рекорден трансфер во историјата на клубот, најверојатно за сума на обештетување од 1 милион евра за последната година од договорот на Митровски со Вараждин.

26-годишниот репрезентативец на Македонија постигна осум гола на 28 лигашки натпревари во сезоната 2024/25 и одигра значајна улога во историскиот квалификациски пат на Вараждин за Конференциската лига.

Маркус Рашфорд донесе конечна одлука за својата иднина. Фудбалерот им кажал на агентите дека сè што сака е да го напушти Манчестер Јунајтед и да се приклучи на Барселона, објави „Ел Насионал“.

Договорот на Рашфорд им припаѓа на „Црвените ѓаволи“, а минатата сезона напаѓачот играше за Астон Вила како позајмен играч.

Претходно беше објавено дека Барселона ги ценат намерите на англискиот фудбалер, но го сметаат крилниот напаѓач на Ливерпул, Луис Дијаз, како приоритетна опција за засилување на нападот. Самиот Рашфорд наводно е подготвен да ја чека одлуката на Барселона за неговата иднина во текот на јуни. Во исто време, неколку европски клубови покажуваат интерес за 27-годишниот напаѓач, особено Челзи, Арсенал, Астон Вила, Интер и Милан.

Платата на Рашфорд во Манчестер Јунајтед е околу 10 милиони евра по сезона, но крилниот напаѓач е подготвен да прифати намалување на дел од сумата за да се приклучи на шпанскиот гигант. Според гласините, Манчестер Јунајтед бара 40 милиони фунти (47,2 милиони евра) за трансферот на својот фудбалер.

Челзи и Ливерпул го следат 23-годишниот дефанзивец на Бенфика, Томаш Араужо, ова лето, откако не успеаја да го доведат Дин Хујсен, кој го избра Реал Мадрид. Араухо, кој се наметна како клучен играч во одбраната на Бенфика, има висока откупна клаузула од 80 милиони евра, што го прави една од најценетите играчки во трансфер пазарот. 

Иако Челзи и Ливерпул сериозно се заинтересирани, Бенфика не е склон да го продаде играчот. Португалскиот клуб сака да го задржи Араухо, особено по неодамнешното продолжување на неговиот договор со вклучена висока откупна клаузула. Се очекува формална понуда од Челзи, што може да ги отежне преговорите, имајќи ја во предвид важноста на играчот за тимот. 

Челзи, под водство на новиот тренер Ензо Мареска, е решен да ја засили одбраната и веќе вложи значајни средства ова лето. Араухо одговара на нивниот профил на млади и талентирани играчи кои треба да ја зајакнат екипата во иднина. Ливерпул, пак, го гледа како идеална опција за додавање длабочина и обезбедување на одбраната, особено со оглед на тоа што некои од клучните дефанзивци се во позрела возраст или имаат проблеми со повреди. 

Во трката се вклучи и Париз Сен Жермен, кој го следи развојот на ситуацијата. Иако францускиот клуб сѐ уште нема официјална понуда, нивниот интерес ја прави трката меѓу три врвни клубови во Европа.