Европската фудбалска унија (УЕФА) со службрн резултат 3-0 за Романија го регистрираше прекинатиот натпревар меѓу Романија и Косово одигран во Букурешт. Натпреварот се одигра пред пет дена во рамкина Ц дивизијата во Лигата на нации.
Репрезентативците на Косово, на три минути до крајот на натпреварот се повлекоа од теренот поради провокациите од трибините, односно извиците: „Србија, Србија“ и „Косово е Србија“. Подоцна го игнорираа повикот на главниот судија да излезат од соблекувалната и да го доиграат натпреварот.
УЕФА го казни Фудбалскиот сојуз на Косово и парично со 6.000 евра за непримерно однесување.
Мекиќ: Мораме да веруваме во позитивен резултат против Литванија
Македонија против Литванија, во четврток навечер, од 18:00 часот во салата на СРЦ „Кале“, ќе го играат натпреварот од третиот круг од евро-квалификациите за пласман на наредниот Евробаскет во 2025 година.
Нашите најдобри кошаркарии успешно го одработија и третиот ден од подготовките за двомечот со селекцијата која доаѓа од Балтикот.
Репрезентација која е фаворит во оваа конкуренција во која освен нашата селекција се уште и Естонија и Полска. Запознат е со квалитетите на нашиот ривал и Адем Мекиќ:
„Литванија е една од најсилните репрезентации во светот, а дуелите со неа се од исклучително значење за нас. Имавме успех на гостувањето во Полска, ќе мораме сите да бидеме на висина на задачата, да дадеме 200% од нашите можности, и да се обидеме да изненадиме барем на домашен терен“.
Нашиот крилен играч го респектира противникот и смета дека за „нешто повеќе“ ротив фаворитот ќе ни треба, пред се, доста агресивност во о вие, но и оние 40. минути кои следуваат во Клаипеда.
„Како репрезентација, мораме да бидеме агресивни, секако дека го респектираме противникот, но не треба да се повлечеме. Мораме да веруваме во позитивен резултат“, рече Мекиќ по успешно одработениот тренинг во СРЦ „Кале“.
Надал: Сакам луѓето да ме паметат како добар човек од мало гратче на Мајорка
Рафаел Надал по поразот на шпанската репрезентација синоќа од Холандија (1-2) во четвртфиналето на Дејвис купот, проговори како навивачите треба да го паметат.
„Титулите се важни, но најмногу сакам да бидам запаметен како добар човек од мал град на Мајорка и момче кое постигна повеќе отколку што можеше да замисли“, изјави Надал на тернот во Малага.
Ова беше последен турнир во кариерата на 38-годишниот Шпанец. Има 1.080 победи во сингл и 92 титули, вклучувајќи 22 Грен слем титули. Надал е сопственик и на две златни олимписки медали.
Во полуфиналето на Дејвис купот, Холандија ќе игра со победникот од пресметката Германија – Канада.
Левандовски се премисли, сега сака нов договор во Барселона
Фудбалерот, Роберт Левандовски, е презадоволен како се одвиваат настаните во екипата на Барселона и сака да потпише нов договор кој ќе биде валиден до 2027 година, наведуваат денеска шпанските медиуми.
36-годишниот ветеран има одличен старт на сезоната и досега постигна 19 голови на 17 натпревари во сите конкуренции.
Полјакот кој беше купен од Баерн Минхен во 2022 година, досега има 78 гола и 19 асистенции.
Алкараз: Уникатна е страста со која Рафа го живееше тенисот
Шпанскиот тенисер Карлос Алкараз се осврна на крајот на кариерата на сонародникот Рафаел Надал.
„Она што ќе го паметам за Надал е страста со која го живееше тенисот. Својот последен турнир го одигра со неверојатна страст. Имав среќа што играв со него, тренирав со него… помалку отколку што би сакал. Ако мојата кариера е дури половина добра од онаа на Рафа, ќе бидам повеќе од среќен. Мојот сон отсекогаш бил да станам број еден во светот и да освојам Грен слемови. Голем дел од овој сон постоеше благодарение на Рафа Надал. Се сеќавам како победуваше кога бев мал. Тогаш помислив дека еден ден ќе бидам јас таму“, изјави Алкараз за „The Tennis Letter“.
Шпанската репрезентација синоќа загуби од Холандија (1-2) во четвртфиналето на Дејвис купот. Ова беше последен турнир во кариерата на 38-годишниот Надал.
Лина Ѓорческа поразена од првата носителка во Трнава
Лина Ѓорческа не успеа да ја мине првата пречка (првата носителка) на ИТФ фјучрсот што се игра во W50 Трнава Словачка за награден фонд од 40.000 долари. Таа по голема борба и меч во три сета загуби од Французинката Осеан Додин со 2-1 во сетови (7-5, 0-6, 6-2) за 108 минути игра.
Првиот сет донесе и најмногу неизвесност во текот на мечот. Македонската тенисерка имаше предност до 3:2 во сетови, за потоа противничката да успее да направи брејк во седмиот гем и да поведе со 4-3. Сепак Ѓорческа се врати резултатски со „ри-брејк“ во следниот гем за 4-4. Но, француската тенисерка повторно направи брејк во единаесетиот гем за предност од 6-5, која ја сочува откако го доби и следниот гем за 7-5 во првиот сет.
Во вториот сет Лина Ѓорческа одигра буквално без грешка и со 6-0 го доби вториот сет и со тоа изедначи на 1-1 во сетови. Но, во решавачкиот сет Додин стартуваше со два брејка за водство од 4-0 што беше клучно сетот да го добие со 6-2 во гемови.
Мала утеха за Ѓорческа е што против Додин (115.место ВТА листа) имаше еден поен повеќе освоено (82:81) при ист број на гемови (13-13).
Следната недела Ѓорческа ја очекува настап на W50 ИТФ фјучрсот во Селва Гардена во Италија.
Борец е прв шампион на Македонија во одбојка за ветерани
Велешки Борец е победникот во пилот-проектот на Одбојкарската Федерација на Македонија, „Државна одбојкарска лига на ветерани“, чии завршен турнир викендов се одржа во спортската сала „Гемиџии“ во Велес.
На Ф4 турнирот во премиерното издание Борец до пехарот дојде откако во финалето со 2-0 го победи тимот на Спортисти Струмица. Претходно во првото полуфинале, организаторот беше поуспешен и од Прилеп во два сета. Струмичани, пак, на патот до финалето го минаа Тетово исто така во два сета. Особено интересен беше дуелот за третото место, меѓу Прилеп и Тетово, кој беше вистинска увертира на битката за титулата. Победникот за бронзата се одлучуваше во тај-брејк кој му припадна на тетовскиот состав. На најдобрите три екипи пехари и медали им доделија потпретседателот на ОФМ, Ивица Хаџииљоски и генералниот секретар на федерацијата, Филип Деспотовски.
Во првата сезона на Државната одбојкарска лига на ветерани 2024 учествуваа седум екипи, кои се натпреваруваа во турнирски систем и беа одржани седум турнири, на кои се одиграа 46 натпревари. Екипите се составени од поранешни одбојкари и спортски работници, како и одбојкарски судии и делегати, дел од нив се сè уште активни. Со својата работа, но и со настапот во Лигата на ветерани, дополнително го потврдуваат својот голем придонес во македонската одбојка.
35-годишниот Матс Хјумелс, размислува да стави крај на фудбалската кариера, објави доцна синоќа „Скај Германија“.
Дефанзивецот, кој и се приклучи на Рома како слободен играч во текот на летото, досега настапи на само еден натпревар.
Дефанзивецот е поранешен фудбалер на Борусија Дортмунд и Баерн Минхен.
Буфон: Бев зависник од обложување додека бранев
Пензионираниот италијански голман Џанлуиџи Буфон (46) во интервју за „Кориере дела сера“ призна дека е зависник од обложување. Сепак, за разлика од многу негови сонародници, тој никогаш не се обложувал на фудбал, туку играл на тенис и кошарка.
„За некои тоа е порок, но за мене беше адреналин. Во едно сум сигурен, никогаш не сум направил ништо незаконско. Всушност, никогаш не сум бил под истрага ниту пак сум добил опомена. Моето обложување го ограничив само на кошарка и тенис“, изјави Буфон кој моментно ја промовира својата биографија „Џанлуиџи Буфон, падни – стани, падни – стани“.
Толку разум не покажа италијанскиот фудбалски ас, Сандро Тонали (24) кој се обложувал на фудбалски натпревари, вклучувајќи ги и оние на кои учествувал тој и неговиот тим.
Покрај обложувањето имал проблеми и со коцкањето од кое се одвикнал. Заедничката истрага на англиската и италијанската фудбалска асоцијација ги разоткри овие дејствија, во кои беа вклучени играчот од средниот ред на Јувентус, Николо Фаџоли (23) и играчот од средниот ред на Аталанта, Николо Заниоло (25), меѓутоа, Тонали, кој му се врати на фудбалот на почетокот на оваа сезона, настрада најтешко, по одлежувањето на десетмесечната суспензија изречена од Англиската фудбалска асоцијација.
Буфон призна и дека побарал стручна помош поради депресија.
„Одбив лек. Ми требаа, но се плашев да не станам зависен од нив. Само три-четири пати го посетив докторот, но тој ми даде вреден совет: негувајте други интереси, не се фокусирајте исклучиво на фудбалот. Тогаш го открив сликарството“, изјави трофејниот голман, кој денеска работи во стручниот штаб на италијанската фудбалска репрезентација.
УЕФА ќе ѝ плати огромна оштета на Руската фудбалска федерација
Европската фудбалска асоцијација (УЕФА) ќе префрли приближно 7,6 милиони евра солидарни исплати на Руската фудбалска федерација за сезоните 2023/2024 и 2024/2025 година. Ова е јасно од документите објавени на веб-страницата на организацијата.
Русија, како земја-членка на здружението чии клубови не учествуваа во групната фаза од Лигата на шампионите во минатата и тековната сезона, има право на 3,381 односно 4,224 милиони евра за секое од изданијата.
Плаќањата се наменети за поддршка на младинскиот фудбал и мора да се направат пред крајот на тековната сезона.
На руските фудбалски тимови им е забрането учество во сите натпреварувања под покровителство на ФИФА и УЕФА од 2022 година како резултат на инвазијата на руската армија во Украина.
