feature

Мициќ ја прифати понудата на Хапоел и се враќа во Европа

Српскиот кошаркар Василије Мициќ е нов член на Хапоел, потврди клубот од Тел Авив. По неколку недели шпекулации за тоа каде ќе ја продолжи кариерата, српскиот интернационалец ја избра најдобрата понуда и се одлучи за нов тим од Евролигата од Израел, пренесоа српските медиуми.

Нема официјални информации, но според последните шпекулации, Хапоел му понудил на Мичиќ 14 милиони евра за тригодишен договор. Со 4,6 милиони евра по сезона, ова ќе го направи најплатениот кошаркар во Европа, само малку пред Кендрик Нана од Панатинаикос, кој има 4,5 милиони.

Хапоел ќе игра во Евролигата благодарение на освојувањето на Еврокупот, а пред Мициќ, тие веќе доведоа неколку големи засилувања.

Тимот го предводи Димитрис Итудис, а во текот на летото пристигнаа Елија Брајант, Тајлер Енис, Колин Малколм, Таи Одијасе, Дан Отури и Итај Сегев. Антонио Блекни, Бруно Кабокло, Томер Гинат, Јам Мадар, Џонатан Мотли, Гај Палатин, Бар Тимор и Иш Вејнрајт веќе се под договор.

АБА лигата доби два нови члена, се приклучија Клуж и Виена

Регионалната кошаркарска АБА лига ќе има 18 клуба почнувајќи од следната сезона, беше одлучено на Собранието одржано во среда.

На шампионатот ќе им се придружат романскиот Клуж и австриската Виена, како и Босна односно Илирија, кои обезбедија место во елитниот ранг преку АБА 2.

Иако имаше навестувања, Хапоел од Тел Авив нема да се приклучи на АБА лигата, што дефинитивно ја напуштаат Цибона и Морнар, како два најслаби тима од минатата сезона.

Следната голема промена е поделбата на АБА лигата во две групи, што ќе го намали бројот на натпревари што ќе ги играат тимовите од сезоната 2025/26.

Проширувањето за уште два тима би значело четири дополнителни натпревари, што би било особено проблематично за тимовите што играат во европските натпреварувања.

Барса доби нова десетка, Ламин Јамал потпиша до 2031 година

Каталонскиот клуб го продолжи договорот со тинејџерската фудбалска сензација до 2031 година – и одржа мала церемонија на стадионот за да го одбележи овој настан.

На церемонијата присуствуваше целото семејство на фудбалерот, вклучувајќи ја и неговата баба, која Ламин ја држеше за рака додека одеа кон салата за церемонија.

Јамал ќе добие и нов број на дресот – култната „десетка“ што ја носеа само неколкумина избрани во Барса.

Јуве и Порто договорија откуп на Чико Консеисао

Франциско Консеисао ќе биде нов фудбалер на Јувентус. „Старата дама“ постигна договор со Порто за траен трансфер на португалскиот офанзивец.

Како што објави Фабрицио Романо, зделката е вредна над 30 милиони евра, а плаќањето ќе се одвива во четири рати. И покрај интересот од клубови од Премиер лигата, Консеисао инсистирал на преселба во Торино каде што играше веќе како позајмен и не сакал да чуе за други понуди.

Со ова е исполнета големата желба на тренерот Игор Тудор кој јасно побара задржување на Консеисао во тимот.

Португалецот Кеирош е нов селектор на Оман

Португалскиот стратег Карлос Кеирош е нов селектор на фудбалската репрезентација на Оман.

Еминентниот португалски тренер доаѓа на местото на Рашид Џабер, кој го предводеше Оман до четвртото место во групната фаза од третиот квалификациски круг и со тоа ги одржа надежите за пласман на Светското првенство 2026.

„Кеирош има богато тренерско искуство, ги водеше репрезентациите на Португалија, Иран, Колумбија, Египет и Катар. Тој беше и помошник тренер во Манчестер Јунајтед под водство на Сер Алекс Фергусон“, објави синоќа Фудбалската асоцијација на Оман на социјалната мрежа Икс.

Оман на 17 јули ја очекува жрепката за четвртото коло од квалификациите за Светското првенство во конкуренција со Ирак, Катар, Саудиска Арабија, Индонезија и Обединетите Арапски Емирати.

Шесте репрезентации ќе бидат поделени во две групи од кои победниците ќе добијат мундијалска виза. Јапонија, Јужна Кореја, Узбекистан, Иран, Јапонија и Австралија веќе се квалификуваа за Светското првенство.

Шпанецот Суфиентес нов менаџер на Лестер Сити

Шпанскиот фудбалски стратег Марти Сифуентес е нов тренер на Лестер објави синоќа тимот од Чемпионшип лигата. Лестер се раздели со поранешниот тренер Руд ван Нистелрој минатиот месец откако клубот испадна од Премиер лигата.

На негово место седнува 43-годишниот Шпанец кој изминатите две години беше на клупата на Квинс Парк Ренџерс.

Во својата тренерска кариера Сифуентес ги предводеше и норвешки Сандефјорд, дански АаБ и шведски Хамарби, како и тимови од шпанските пониски лиги.

Пол Џорџ успешно го оперираше левото колено

Пол Џорџ, во понеделникот беше подложен на артроскопска операција на левото колено, кое го повреди за време на тренинг, објави НБА тимот.

Постапката ја изврши Џонатан Л. Глашоу во Ортопедскиот центар за спортска медицина на Универзитетот Њујорк Лангон, а се очекува 35-годишникот да се опорави.

Неговата состојба ќе биде повторно оценета во септември, кога се закажани подготовките за новата НБА сезона.

Џорџ се мачеше со повреди во последните години и играше само 41 натпревар минатата сезона, што е петти пат во последните шест сезони да одигра помалку од 60 натпревари.

Пред да заврши сезоната за него и Сиксерс во март, Џорџ доби инјекции во левата препона и левото колено. Неговите 16,2 поени по натпревар минатата сезона беа најниски во една деценија и повеќе од пет поени зад следниот најнизок.

Хрватски тенисер заработи осумгодишна суспензија

Хрватскиот тенисер Лауро Милановиќ беше суспендиран на осум години и казнет со 10.000 долари за сериозни прекршувања на Програмата за борба против корупцијата во тенисот (TACP), објави Меѓународната агенција за интегритет на тенисот (ITIA).

Милановиќ, кој моментално не е рангиран на АТП- листата, се најде во центарот на скандал откако ITIA откри дека уште во 2018 година тој ставил 15 добитни облози на тениски натпревар во кој бил вклучен негов близок соработник. Со тоа, тој директно го прекршил правилото D.1.a од TACP, кое забранува обложување на тениски натпревари.

Кон крајот на 2023 година, кога доби ITIA извештај за неговите постапки, тој негираше какво било местење во текот на сослушувањето, на почетокот од 2024 година. Сепак, тој не дозволи да биде анализиран неговиот мобилен уред, што дополнително ја комплицира истрагата.

Поради неговото континуирано одбивање да соработува, неговите суспензија и казна беа изречени како автоматски санкции. Сепак, тој поднесе жалба до независниот службеник за борба против корупцијата. Доколку не успее жалбата, тој ќе биде надвор од терените до 29 мај 2033 година.

Американците го повикаа Џериан Грант

Кошаркарот на грчки Панатинаикос, Џериан Грант, доби покана да игра за кошаркарската репрезентација на САД ова лето. Имено, 32-годишниот дефанзивен специјалист добил покана да и се приклучи на репрезентацијата на САД за ФИБА Американ Купот, кој ќе се одржи кон крајот на август во Никарагва.

Во текот на изминатите две сезони, Грант ја зацврсти својата улога како еден од клучните кошаркари на Панатинаикос во Евролигата.

Оваа сезона во Евролигата, тој имаше просек од 8,6 поени, 3,2 асистенции и 2,1 скока, помагајќи му на Панатинаикос да стигне до второто учество на Фајнал Фор во исто толку години.

Грант има искуство играјќи во НБА, каде помина пет сезони во редовите на Њујорк, Чикаго, Орландо и Вашингтон.

Наполи се откажа од Дарвин, главна цел сега е Лоренцо Лука

Италијанскиот шамшион Наполи, се откажува од идејата да го ангажира напаѓачот на Ливерпул, Дарвин Нуњес, тврди денеска – „Скај Италија“.

Шампионот на Серија „А“, сега ќе се насочи кон потписот на Лоренцо Лука од Удинезе кој имаше одлична сезона.

Според непотврдени информации, двата тима се во напредни преговори за 24-годишниот Италијанец. Според проценките, трансферот нема да ја надмине сумата од 35 милиони евра.

«< 327 328 329 330 331 >»