На Ливерпул не му оди лошо сезонава во Премиер лигата, меѓутоа во овие моменти се соочуваат со големи пороблеми поради повредите на неколку ѕвезди во тимот.
Тренерот Јирген Клоп остана без услугите на Диого Жота кој се повреди против Брентфорд и ќе мора да паузира два месеци.
Жота ги оштетил лигаментите на левото колено и ќе биде надвор од терените, неговото враќање би требало да се очеквуа некаде пред крајот на сезоната. Ливерпул во овој момент е лидер на табелата со 57 бодови, па потоа следи Арсенал со 55 и Манчестер Сити со 53.
Ферари ги претстави тркачките бои
Победникот на последното издание на трката за издржливост „24 часа Ле Ман“, Ферари, ги претстави боите со кои прототипите 499P ќе се тркаат во Светскиот шампионат во издржливост (ВЕЦ) следната сезона.
Презентацијата беше на 126-тиот роденден на основачот на компанијата – Енцо Ферари.
Скудерија се врати минатата година со два прототипа во класата „хајперкар“, победувајќи на Ле Ман со бр.51, пилотиран од Алесандро Пјер Гуиди, Џејмс Каладо и Антонио Џовинаци. Ферари оваа година повторно ќе влезе на ВЕЦ со истите екипажи, а Антонио Фуоко, Мигел Молина и Никлас Нилсен ќе се натпреваруваат со бр.50.
При откривањето на шемата на бои на 499P за сезоната 2024, Ферари објасни дека ги комбинира боите на 312 RV – последниот ВЕЦ прототип на Скудерија пред 499P – и Ф1 болидот од 2007 година што ја освои последната светска титула на Кими Раиконен меѓу пилотите во светскиот шампионат.
За оваа сезона е зголемено присуството на жолта во шемата на бои, со што се нагласени „трупот и кокпитот“, велат од тимот, а благодарение на новата шема на бои, прототипите подобро ќе се гледаат при слаба осветленост.
ВЕЦ сезоната започнува на 2 март со трката во Катар на 1.812 километри и „24 часа Ле Ман“ на 15-16 јуни.
Тухел: Кејн не е среќен во Минхен
Гисласон останува селектор на германската репрезентација
Исландскиот ракометен тренер Алфред Гисласон ќе продолжи да ја извршува селекторската функција во Германија.
Тој го поднесе својот извештај за настапот на ЕП 2024 до УО на германската федерација, а според пишувањата на „Handball World“ членовите на УО гласале за продолжување на соработката со Гисласон.
Исланаѓанецот ќе добие понуда за нов договор до 2027 година и прва задача ќе му биде да ја однесе Германија на Олимписките игри во Париз.
Распишана меѓународна потерница по Квинси Промес
Фудбалерот на Спартак Москва и поранешен холандски репрезентативец, Квинси Промес се бара со меѓународна потерница поради шверц на кокаин.
Судот во Холандија му изрече казна затвор од шест години за учество во шверц на кокаин, а има и плус година ипол поради напад со нож на негов роднина на семејна веселба.
Денес е потврдено дека се бара со меѓународна потерница.
„Осудениот фудбалер е ставен на меѓународна потерница. Обвинителството се обиде да го приведе во Холандија и презеде мерки за ткво нешто, но нема негова екстрадиција“, потврди Ваитмена, портпаролот на обвинителството во Амдтердам, сепак додаде дека есктрадицијата не зависи само од Холандија туку и од земјата каде што престојува.
Германија и Франција планираат заедничка организација на СП во ракомет
Германија и Франција ќе имаат заедничка кандидатура за организација на Светското првенство во 2029 година и во 2031 година.
Двете федерации објавија дека посакуваат да бидат организатори на уште еден голем настан, но ќе имаат силна конкуренција. За организација на двата Мундијала, свои апликации имаат поднесено Исланд, Данска и Норвешка, како и Саудиска Арабија, односно Унгарија.
Со оглед на тоа што Германија веќе ја има организацијата на СП 2027, тешко е за верување дека ќе ја добие и за СП 2029, а јасно е дека ИХФ планира еден од овие два големи настани да се одржи во Саудиска Арабија.
Извршниот Комитет на ИХФ одлуката за доделување на домаќинствата на големите настани ќе ја донесе на 16 април.
Мајк Џејмс најави кошаркарска пензија
Договорот на Мајк Џејмс со неговиот сегашен клуб Монако завршува на крајот на сезоната, а откри дека следниот договор ќе биде последен во неговата кариера.
„Колку и да ја сакам кошарката, некогаш сум уморен од улогата кошаркар, ако ви има смисла. Така да, ќе бидам прецизен. Следниот договор најверојатно ќе биде последен. Тоа ќе биде крај на моето поглавје како кошаркар“, изјави Џејмс.
На прашањето дали ќе го продолжи договорот со Монако чиј дел е од 2021 година Американецот остана мистериозен.
„Долга е сезоната, знаат каде живеам. Имаме време да разговараме за тоа“, додаде 33-годишникот.
Ивановски го подобри македонскиот рекорд во маратон
Македонскиот маратонец Дарио Ивановски денеска уште еднаш испиша историја во македонската атлетика!
На денешниот маратон во Севиља (Шпанија) на кој на стартната линија се појавија преку 250 елитни маратонци од целиот свет, со цел да исполнат норма или што подобар резултат за учество на Олимписките Игри во Париз и Европското првенство во атлетика во Рим, меѓу нив беше и најдобар наш маратонец кој оствари извонреден резултат од 2:08:25, што беше на само 15 секунди до обезбедување олимписката норма за ЛОИ во Париз.
Овој резултат претставува нов македонски рекорд и исполнета норма за учество на Европско првенство во атлетика во Рим. Со овој резултат Дарио ќе скокне на ранг листата за учество на Олимписките Игри во Париз, со што би требало да значи и обезбедено место за олимпискиот маратон во Париз.
Хрватска по третпат е светски првак во ватерполо
Хрватска по третпат во својата историја е светски шампион во ватерполо.
Хрватска во финалето ја победи Италија со 15-13 по мечот пет репрезентативци и со тоа го освои светското злато. Најефикасен во хрватскиот тим беше Константин Харков со четири гола, Јерко Мариниќ Крагиќ додаде три, Рино Буриќ два, а Јосип Врлиќ и Матиас Биљака по еден.
Андреа Фондели постигна пет гола за Италија, Франческо Ди Фулвио и Николас Прешути додадоа по два, а Лука Марцијали и Франческо Кондеми по еден.
За Хрватска ова е трета титула светски шампион, по Мелбурн во 2007 година и Будимпешта во 2017 година.
Погба и Јуве се разделуваат во јуни
Јувентус планира да се раздели со играчот од средниот ред Пол Погба во следниот преоден рок. Весникот „Тутоспорт“ пренесе дека италијанскиот тим повеќе не смета на Французинот. „Бјанконерите“ сакаат да се ослободат од него и неговата висока плата.
Погба се пресели во Јувентус во летото 2022 година. Договорот на играчот од средниот ред со клубот е до 2026 година. Оваа сезона францускиот играч одигра само два натпревари, а и натаму е под истрага за позитивен допинг тест по натпреварот од 1. коло од оваа сезона во италијанското првенство со Удинезе (0-3).
