Бенфика и Челси се среќаваат оваа сабота во Шарлот за осминафиналето од Светското клупско првенство, но на дневен ред е и друга важна тема.

Со присуство на Руи Коста, претседател на „орлите“, во САД, темата Жоао Феликс сигурно ќе биде дел од преговорите, бидејќи желбата на Бенфика да го привлече играчот е позната, а сопственикот на неговите права е токму Челси.

Англичаните платија над 50 милиони евра на Атлетико Мадрид за да потпишат седумгодишен договор со португалскиот репрезентативец, но Жоао Феликс на крајот беше позајмен на Милан оваа сезона, што фрла сенка на сомнение врз неговата иднина.

Бенфика е подготвена да понуди амбициозна сума за да ги купи неговите права, достигнувајќи ја границата од 30 милиони евра, но проблем останува високата плата на фудбалерот, која е премногу висока за стандардите на „орлите“.

Лионел Меси зборуваше за периодот поминат во Пари Сен Жермен пред дуелот на Интер Мајами со актуелниот европски првак, на клупскиот Мундијал во Соединетите Американски Држави.

Меси играше за ПСЖ две сезони, од 2021 до 2023 година.

„Тоа беа годините во кои не уживав, не бев среќен во секојдневниот живот. Не беше добро време за мене. Не бев среќен ниту еден ден – ниту на тренинзите ниту на натпреварите. Ми беше многу тешко да се прилагодам“, рече Лионел Меси.

Аргетнинецот одигра вкупно 75 натпревари за Пари Сен Жермен во сите натпреварувања, постигна 32 гола и имаше 35 асистенции.

Натпреварот помеѓу Интер Мајами и ПСЖ се игра од 18 часот во Атланта.

Еден од најдобрите играчи на Интер, Хакан Чалханоглу побарал да биде ставен на трансфер листата.

„Ве молам, пуштете ме дома“, наводно им рекол на раководството на клубот турскиот репрезентативец, кој никогаш не играл за клуб од својата татковина. Чалханоглу сака да се пресели во Галатасарај.

Играчот од средниот ред ја започнал својата кариера во Карлсруе, потоа играл за ХСВ и Баер, а потоа за Милан и Интер, чиј член е од 2021 година.

„Дојдов во Интер бесплатно пред четири години и секогаш го давав својот максимум. Сакам да продолжам во Галатасарај и ве молам разберете ме. Пуштете ме дома“, им рекол на раководството на клубот.

Тој е под договор до крајот на сезоната 2026/27.

Штутгарт ќе бара трансферна сума од околу 100 милиони евра за нивната ѕвезда Ник Волтемаде, се наведува во извештаите на бројни медиуми.

“Кикер” тврди дека раководството на клубот е “подготвено да седне на преговарачката маса” само ако потенцијалните купувачи започнат разговори со оваа сума.

Договорот на фудбалерот со Штутгарт трае до јуни 2028 година, но “Билд” и “Скај Германија” тврдат дека тој веќе ја одбил понудата за негово продолжување. Истите извори објавуваат дека Волтемаде ги договорил своите лични услови со Баерн Минхен и ако двата клуба се согласат, тогаш договорот ќе биде лесно склучен.

“Билд” дополнува дека Баварците се подготвени да ги започнат преговорите уште следната недела, но нивниот ентузијазам малку е намален бидејќи очекувале почетна цена од 50 милиони евра, а не двојно повеќе.

Интер договори ново засилување во нападот, јавуваат италијанските медиуми.

Фудбалскиот клуб Интер постигна договор со раководството на Парма за трансферот на Анже-Јоан Бони во нивниот клуб.

Вредноста на трансферот е 23 милиони евра плус се во игра и разни бонуси.

Сега им останува само да ги договорат условите со играчот, но тоа не би требало да биде проблем.

Бони има само 21 година, а веќе пет години е член на Парма, во која пристигна како тинејџер од родната Франција.

Интер штотуку започна со доведување играчи. Бидејќи на Марко Арнаутовиќ му истече договорот со клубот, а не потпиша нов договор, во тимот што се однесува до напаѓачите се само Лаутаро Мартинез, Маркус Турам, додека статусот на Пио Еспозито уште е под знак прашање.