Италијанскиот стратег Карло Анчелоти ќе стане најплатен тренер во светот откако во јуни ќе го напушти Реал Мадрид и ќе седне на клупата на фудбалската репрезентација на Бразил, објавија шпанските медиуми.

Според весникот „АС“, Анчелоти ќе заработува 770.000 евра месечно, односно 9,2 милиони евра годишно. Ова ќе го направи најплатен тренер во светот. Досега тоа беше Томас Тухел, кој заработува шест милиони евра годишно како селектор на Англија.

Платата на Анчелоти е двојно поголема од неговите двајца претходници на клупата на Бразил, Тите и Доривал Жуниор.

Официјалната промоција на Анчелоти е закажана за 26 мај во Рио Де Женеиро, а следниот месец Италијанецот ќе го предводи Бразил на натпреварите од мундијалските квалификации против Еквадор и Парагвај.

Дејвид ужива во голови и асистенции одкако се приклучи на Лил во 2020 година. Неговиот договор истекува на крајот од сезоната и се верува дека ќе бара нов предизвик.  

Интерес за негов потпис покажаа неколку врвни европски клубови, меѓу кои Јувентус и Интер, но Наполи достави понуда до напаѓачот и притиска да го финализира договорот. 

Тимот на Антонио Конте моментално води во трката за титулата во италијанската лига и импресионира со своите перформанси оваа сезона. Иако се во силна форма, клубот сè уште има за цел да ја подобри својата напаѓачка линија додека се подготвува за следната сезона. 

25-годишниот фудбалер е во фантастична форма оваа сезона за Лил, постигнувајќи 25 гола и 12 асистенции во сите натпреварувања.  

Дејвид е на списокот на Наполи веќе подолго време и би можел да биде на пат за Италија доколку разговорите напредуваат добро. 

Европската фудбалска федерација (УЕФА) ги објави имињата на судиите кои ќе ја имаат честа да ги водат трите големи финалиња во европските клупски натпреварувања оваа сезона – Лигата на шампиони, Лигата на Европа и Конференциската лига.

Финалето на Лигата на шампиони, каде на 31 мај ќе се судрат Интер и Реал Мадрид, ќе го суди искусниот романски арбитер Иштван Ковач. Нему ќе му помагаат сонародниците Михај Марика и Ференц Туњоги, додека улогата на четврти судија ќе ја има Португалецот Жоао Педро Силва Пињеиро. Како резервен асистент ќе биде назначен Бруно Мигел Алвеш Жезус, исто така од Португалија. За ВАР технологијата ќе бидат задолжени Денис Јохан Хиглер од Холандија, со помош од Кеталин Сорин Попа (Романија) и Паулус ван Бокел (Холандија).

Во Лигата на Европа, каде за трофејот ќе се борат Манчестер Јунајтед и Тотнем, главен судија ќе биде Германецот Феликс Цвајер. Негови помошници ќе бидат сонародниците Роберт Кемптер и Кристијан Диц. Италијанецот Маурицио Маријани е одреден за четврти судија, а Даниеле Биндони како резервен асистент. ВАР тимот ќе биде исклучиво германски, со Бастијан Данкерт како главен, а Бенјамин Бранд и Шпанецот Карлос дел Серо Гранде како поддршка.

Финалниот натпревар во Конференциската лига меѓу Бетис и Челси ќе го води босанскиот арбитер Ирфан Пељто, кому ќе му асистираат Сенад Ибришимбеговиќ и Давор Бељо. Турскиот судија Халил Умут Мелер е назначен за четврти судија, додека неговиот сонародник Керем Ерсој ќе биде резервен помошник. Француски ВАР тим ќе биде задолжен за видео-технологијата, составен од Жером Брисар, Вили Делажо и Марко ди Бело од Италија како поддршка.

„Сите се фокусирани на финалето. Финалето не е најголемиот приоритет во нашиот фудбалски клуб. Треба да промениме многу работи ако сакаме да сме дел од Лигата на Шампионите следната сезона“. 

Аморим предупреди дека клубот не треба да дозволи финалето во Лига Европа против Тотенхем Хотспур на 21 мај да го одвлече вниманието од проблемите со кои се соочува, за кои верува дека се поголеми од враќањето во Лигата на Шампионите. 

Поразот од Вест Хем беше 17-ти за Јунајтед во лигата оваа сезона, продолжувајќи ја низата без победа до седум натпревари, а нивните единствени победи од крајот на јануари беа против испаднатите Лестер и Ипсвич. 

Кога беше прашан што мисли кога ќе ја погледне табелата во Премиер Лигата, Аморим рече: „Како треба да се чувствува менаџер на Манчестер Јунајтед на таа позиција? Засрамен“. 

Ханси Флик стана само вториот тренер во историјата кој успеал да забележи четири победи на првите четири „Ел Класико“ натпревари против Реал, учинок кој Германецот го поправи на вчерашниот дуел против ривалот од шпанската престолнина.

Победата вчера од 4:3 значи дека Барселона ја делат само два бода од математичко обезбедување на трофејот, нешто што може да се случи веќе во следното коло во кое каталонците играат градско дерби против Еспањол.

Флик е свесен дека неговиот тим со новата победа е на прагот од големо достигнување, но запрашан за се она што се случуваше на теренот, Ханси не пропушти да го нагласи и негативниот елемент од играта на неговиот тим.

„Убаво е кога ќе дадете четири голови за пресврт, но не е баш пријатно кога ќе примите три голови. Јасно е, мора многу да работиме и да се поправиме во играта во одбрана. Кога вршиме пресинг сме многу добри, но кога ја правиме првата грешка, работите ни се комплицираат во одбрана, најдобар доказ за тоа е првиот гол кој го примивме. Тимот носи многу добри колективни одлуки, а во ситуација кога играме натпревар на секои три дена, не е лесно да се коригира играта во одбрана“, вели Германецот.

Крај на сагата околу преземањето на Карло Анчелоти на селекторската позиција на Бразил. Бразилската федерација објави официјално дека е постигнат договор со Италијанецот, и тој ќе ја води репрезентацијата по завршувањето на сезоната во Шпанија.

Бразилската федерација соопшти дека Анчелоти ќе дебитира на дуелите со Еквадор и Парагвај во квалификациите.

„Да се ангажира Карло Анчелоти да го води Бразил е повеќе од стратегиски потег. Тоа е потег дека сме решени да ја вратиме селекцијата на највисокото место на подиумот. Тоа е најдобриот тренер во историјата и сега ќе ја води најголемата репрезентација во светот. Заедно ќе испишеме нови поглавја за бразилскиот фудбал“, стои во соопштението на бразилската федерација.

Навивачите на Реал Мадрид беа изненадени што Виктор Муњоз, 21-годишник кој вчера дебитираше за Реал Мадрид, беше испратен на теренот во финалето на „Ел Класико“. Шпанските медиуми објавуваат дека на навивачите не им било јасно како му е дадена предност во однос на Родриго.

Бразилецот, крилниот напаѓач на тимот вреден 100 милиони евра, остана на клупата во текот на целиот натпревар. Оваа сезона, Карло Анчелоти го стави Родриго во 50 натпревари на кои даде 13 гола и имаше 10 асистенции. Во последните денови се појави информација дека Родриго би можел да го напушти Реал и дека Манчестер Сити е заинтересиран за него. Денес шпанските медиуми пишуваат дека одлуката да не игра на натпреварот против Барса (Каталонците победија со 4:3) ја донел самиот.

Во саботата, дури ни 24 часа пред натпреварот, Анчелоти изјави дека Родриго е подготвен, дека добро тренира и дека е во комбинациите за дербито. „Постои опција тој да биде во почетните единаесет“, рече италијанскиот стручњак.

По натпреварот, тој објасни зошто Родриго не добил минутажа: „Тој се опорави, но не се чувствуваше добро. Да го ставите во игра шест или седум минути, само ќе се зголемат шансите да се повреди.“

Според некои шпански медиуми, одлуката да не игра во Ел Класико била одлука на играчот. Тој му рекол на Анчелоти дека чувствува дека нема доволно енергија за натпреварот, но и дека не се чувствува ментално подготвен за него.

Претседателот на Фудбалската федерација на Македонија Масар Омерагиќ, заедно со претставници од ФФМ, денес ја посетија Битола и извршија увид во состојбата на стадионот „Петар Милошевски“, со цел да се исполнат условите на УЕФА, за одигрување на меѓународен натпревар за селекциите до 21 година, помеѓу Македонија и Италија.

За одигрување на ваков натпревар од меѓународен ранг, потребно е да се извршат подготовки и да се исполнат критериуми за добивање на лиценца од комисија на УЕФА.

Градоначалникот Тони Коњановски и претседателот Масар Омерагиќ, разговараа околу подготовките и преземањето на обврските од страна на општината и од ФФМ, со цел Битола да биде претставена во најдобро светло.

На 9 септември, Битола треба да биде домаќин на натпреварот Македонија – Италија, за фудбалери до 21 година. По увидот на терен, претседателот на ФФМ, ја посети општина Битола, каде што со градоначалникот разговараа за успесите во спортот на битолските екипи, успесите во училишниот спорт и условите за развој на училишниот спорт, во кои општината постојано инвестира.

Градоначалникот посочи дека на последниот јавен повик од страна на Владата, општината аплицираше за изградба на 3 спортски училишни сали и 9 спортски игралишта во училиштата. Во знак на добрата соработка, Омерагиќ му подари на градоначалникот Коњановски репрезентативен фудбалски дрес со негово име, кое го носи бројот 9.