Од фудбалскиот клуб Интер официјално објавија дека клубот веќе обезбеди две звучни имиња со кои ќе го засили тимот за наредната сезона.

Нови играчи кои ќе го носат дресот на нероазурите од идното лето се Пјотр Зјелински и Мехди Тареми.

Полјакот Зјелински е ново засилување за средината на теренот и во Интер ќе пристигне од екипата на Наполи. Тој веќе го потпишал новиот договор кој е со важност до 2028.година со плата од 4,5 милиони евра по сезона. Второ име кое е најавено како важно засилување е напаѓачот на Порто, Иранецот Мехди Тареми кој во Интер доаѓа како слободен играч.

Напаѓачот на шпанскиот фудбалски прволигаш Атлетико Мадрид, Алваро Мората, го истегна внатрешниот страничен лигамент на десното колено во вчерашниот пораз (0-1) од Севиља, соопшти денеска мадридскиот клуб.

Мората во солзи во 46. минута го напушти теренот, а Атлетико не прецизираше во клупското соопштение колку долго тој ќе отсуствува.

„Претпладнево му беше извршена магнетна резонанца за да се утврди степенот на повредата. Го чека натамошно лекување“, соопшти Атлетико.

Капитенот на шпанската репрезентација сезонава е прв стрелец на Атлетико со 13 голови на 22 натпревари.

Атлетико Мадрид идната недела го пречекува Лас Палмас во рамки на шпанското првенство пред гостувањето во Милано и првиот осминафинален натпревар против Интер во Лигата на шампиони.

Македонската фудбалска репрезентација ќе се собере во втората половина на март во турска Анталија на еднонеделен тренинг камп во рамки на кој ќе одигра два пријателски натпревари.

Избраниците на селекторот Благоја Милевски првиот натпревар во 2024 ќе го играат на 22 март против Молдавија, со почеток во17:30 часот, а три денови подоцна за противник ќе ја имаат селекцијата на Црна Гора.

По двата дуели во Анталија избраниците на Милевски своите репрезентативни обврски ќе ги продолжат во јуни со гостински натпревари против Хрватска во Риека и Чешка во Прага, пред стартот на Лигата на нации во септември.

Македонските фудбалери се во групата 4 во Ц – дивизијата во која за противници ќе ги имаат селекциите на Ерменија, Фарски Острови и Латвија.

Италијанската Серија А нема да го скрати бројот на тимови кои ќе бидат дел од елитата. Иако имаше иницијатива од сезоната 2025/26 бројот на тимови да се намали од 20 на 18, сепак, истата не беше прифатена од мнозинството на клубовите на последното собрание на Серија А.

Серија А објави дека е потврден сегашниот формат на Лигата со 20 екипи по гласањето во Милано. На денешното гласање освен Милан, Интер и Јувентус кои беа иницијатори на евентуалните промени, само уште Рома гласаше за намалување на бројот на екипи во Калчото, додека останатите 16 клубови гласаа против.

Англискиот весник „Гардијан“ пишува дека прв кој ќе си замине од
лондонски Челзи е ветеранот Тиаго Силва.
На Бразилецот нема да му биде продолжен договорот, и тој ќе може да си замине како слободен играч.
Засега 39-годишниот фудбалер не најавил дека ќе ја заврши
кариерата, па веројатно по завршувањето ќе се врати во Бразил.

Фудбалската репрезентација на Бразил, првпат по 20 години, не успеа
да се пласира на Олимписките игри.
Селекцијата составена од играчи до 23 години е поразена од
Аргентина со 1-0 во решавачкиот натпревар на турнирот што
претходните денови се одигра во Каракас.
Така Аргентинците, на кои исто така им беше неопходна победа,
обезбедија место во Париз. Заедно со Аргентина во Париз ќе патува и
Парагвај. Тоа е епилогот од олимписките квалификации за десетте
јужноамерикански селекции кои се бореа за две олимписки визи.
Решавачкиот гол за Аргентина го постигна Гондо во 78. минута.
Тоа беше прва победа на Аргентина во групата во која се
натпреваруваа четири селекции, а Бразил го забележа вториот пораз
по оној од Парагвај (0-1).
Бразилците единствената победа ја забележаа против Венецуела (2-1).

Продолжуваат проблемите со повреди во Реал Мадрид, па сега во „болницата“ ќе се придружи и најдобиот фудбалер, Џуд Белингам.

Англичанецот заработи повреда на вчерашниот меч против Џирона, а денес му беа направени детални прегледи.

Реал денеска не прецизираше колку долго од теренот ќе отсуствува Белингем, а според шпанските медиуми, неговата рехабилитација ќе трае околу три недели.

„По извршените тестирања кои ги спроведе нашиот медицински тим констатирано е дека Џад Белингем го повреди зглобот и ќе мора да мирува“, се наведува во клупското соопштение.

Федерико Киеза налето би можел да го напушти Јувентус, пренесуваат медиумите на Апенините.

Киеза има договор до 2025 година и на лето ќе влезе во последната година од договорот, а нема најави за негово продолжување.

Киеза бара значително зголемување на платата за да потпише нов договор, а челниците на Јувентус немаат намера да му ја зголемат сегашната плата на фудбалерот кој пропушти повеќе од половина од натпреварите на тимот во последните две сезони.

Поради тоа Јувентус е спремен да го продаде на лето за да заработи на неговото заминување, а интересот за Киеза е голем.

Манчестер Јунајтед, Ливерпул и Њукасл ќе ја водат главната битка за неговиот потпис, а Јувентус за слободата бара 50 милиони евра.

Фудбалскиот состав Сантос сака да го ангажира Нејмар, призна лично претседателот, Марсело Тешеира.

Бразилскиот интернационалец ја реализира првата година во дресот на Ал-Хилал. Тој има  договор до 2025-та но, ќе мора го пропушти остатокот од сезоната во Саудиска Арабија поради операција по повредата на коленото.

„Имавме многу брз разговор со Нејмар, обично брзите разговори имаат добар ефект. За да се врати кај нас и да игра за Сантос, прво мора да се опорави од повредата“, изјави претседателот на бразилскиот клуб.