feature

Историски успех: Трајковски се пласира во финалето во скок во далечина!

Историски успех за македонската атлетика. Андреас Трајковски се пласираше во финалето во скок во далечина на ЕП во сала.

Македонскиот репрезентативец Андреас Трајковски, член на АК Работнички, со нов национален рекорд во сала со скок од 7 метри и 85 сантиметри го освои 7-то место со што обезбеди место во финалето на Европското првенство во сала кое се одржува во Апелдорм (Холандија).

Во првата серија Андреас прескокна 7.51 метар, во втората 7.77 метри и во третата серија 7.85 метри. Ова е огромен успех за Андреас и Македонија, прв македонски атлетичар што обезбедил финале на едно Европско Првенство во атлетика.

Финалето во скок во далечина е на програмата утре (петок) со почеток во 20:34 часот.

Ренџерс го победи Фенер среде Истанбул, важна победа и за Лион

3A143T1 Rangers’ Vaclav Cerny, left, celebrates with his teammates after scoring his side’s third goal during the Europa League round of 16 first leg soccer match between Fenerbahce and Rangers at Sukru Saracoglu stadium in Istanbul, Turkey, Thursday, March 6, 2025. (AP Photo/Khalil Hamra)

Глазгов Ренџерс и Лион стекнаа предност пред осминафиналните реванши во Лига Европа, откако славеа со 3-1 како гости кај Фенербахче, односно ФЦСБ. АЗ во Алкмар го победи Тотенхем, а дербито Реал Сосиедад-Манчестер јунајтед заврши без победник.

Манчестер јунајтед извлече добар резултат на гостувањето во Сан Себастијан. Имаше предност со глот на Зиркзе, а изедначи Ојерзабал од пенал.

АЗ го победи Тотенхем со авто голот на Бергвал во 18. минута.

Фенербахче доживеа шокатнтен пораз од Глазгов Ренџерс. Изненадувањето гостите го најавиха со глот на Десерс во седмата минута, Џику изедначи, меѓутоа Шкотите заминаа на одмор со предност, откако погоди Черни во финишот на полувремето.

Во вториот дел на Десерс му беше поништен гол по интервенцијата од ВАР собата, но точка на мечот стави Черни со својот втор гол во 81. минута.

Победи на римските клубови во осминафиналето на Лига Европа

Нестварна ноќ на римските клубови, Рома и Лацио во првите осминафинални натпревари во Лига Европа. Рома со голот на Шомуродов во 94.минута го победи Атлетик Билбао со 2-11, а Лацио во Чешка, со двајца помалку на теренот, со голот на Исаксен во 98.минута ја победи Викторија. Велерва Бодо/Глимт го декласира Олимпијакос со 3-0, додека Ајнтрахт победи во Амстердам, против Ајакс (2-1).

Рома со пресврт го победи Атлетик на „Олимпико“. Баските дојдоа до предност преку Инаки Вилијамс во 50 минута, а шест минути подцна изедначи Анхелињо. Во 85. минута Ателетик остана со играч помалку, кога Јерај Алварез го доби вториот жолт картон. Од тој момент Рома го засили притисокот, тргна со сите сили напред, а наградата стигна во последните секунди кога Шомуродов го совлада Агирезабала.

Во Плзен, Лацио преку капитенот Ромањоли го отвори резултатот во 18.минута. Во вториот дел Дорусимни изедначи, а Виторија целосно ја презеде контролата врз натпреварот кога Ровека во 70. минута доби црвен картон. Во 93. минута црвен картон доби и Гигот.

И со двајца помалку на теренот, Лацио успеа да изведе полуконтра, која со брилијантен гол ја заврши Исаксен.

Пораз од моќниот ПСЖ за крај на европската сезона на Еурофарм Пелистер

Во натпревар без никакво резултатско значење и во кој се играше единствено за престиж, Еурофарм Пелистер успеваше да му парира на моќниот ПСЖ во првото полувреме, но потфрли во вторите триесет минути и на крајот се прости со убедлив пораз од новата епизода во Лигата на шампиони. Битолчани успеваа да се држат и одржуваа минимална негатива, но ПСЖ почна да се одлепува во завршните минути од првиот дел и стана јасно дека избраниците на Раул Алонсо нема да можат да се носат со големиот фаворит.

Фактот што Еурофарм Пелистер немаше ниту едно водство во текот на 60-те минути доволно говори за вечерашниот натпревар, кој на крајот заврши со убедливи 26-35 за гостите од Париз.

Францускиот репрезентативец Пранди со осум гола беше нерешлива енигма за битолчани, Јахја постигна пет погодоци, додека светли точки во Пелистер беа Кузмановски со седум и Пешевски со четири погодоци.

Одермат веќе обезбеди мал кристален глобус

Марк Одермат, 27-годишениот швајцарски скијач, го обезбеди првиот Мал кристален глобус оваа сезона во Светскиот куп. Математички стана најдобар во супер-џи.

Во Квитфјел, Норвешка, за време на тренинзите во спуст, неговиот единствен ривал, италијанскиот скијач Матија Касе, доживеа сериозен пад со што ја заврши сезоната.

Откако бил пренесен во болница, му била констатирана фрактура на лактот, поради што Италијанецот веднаш бил опериран.

Остануваат уште две трки во супер-џи до крајот на сезоната, а само Касе може да го стигне Одермат, кој има 181 бод повеќе во поредокот.

Одермат беше најдобар во супер-џи во претходните две сезони. Освен тоа, Швајцарецот има еден глобус во спуст, три во велеслалом и три пати го има освоено Големиот кристален глобус за најдобар во Светскиот куп, во 2022, 2023 и 2024 година.

Марк е на чекор до нова победа во Светскиот куп бидејќи моментално води со 1306 бодови, додека на второто место е Норвежанецот Хенрик Кристоферсен со 946 бодови.

Ставре Јада обезбеди квота за ЗОИ Милано 2026

Македонскиот нордиец Ставре Јада, како наш претставник на Светското првенство во Трондхејм, Норвешка, успеа да обезбеди квота за учество на Зимските Олимписки Игри 2026 во Милано.

Во исклучително силна конкуренција на светската елита, Јада ги извозе квалификациските трки со огромна борбеност и желба за успех. На 27 февруари, на квалификациската трка, го зазеде 126-то место од 182 натпреварувачи, додека на 10 км класичен стил се пласираше на 107-то место. Вчера, во тимскиот спринт на 1.3 км, забележа одличен настап и се најде на 41-то место.

„Овој резултат е доказ за упорноста, трудот и посветеноста на македонските скијачи, кои и покрај сите предизвици, чекорат храбро напред кон светската сцена. Јада не само што стекна уште едно непроценливо искуство на најголемата сцена во нордиското скијање, туку и го постави темелот за македонскиот настап на Олимписките игри во Милано 2026! Со македонскиот борбен дух и несебична посветеност, продолжуваме да ја пишуваме историјата на нашето скијање!“, порачаа од Скијачката федерација на Македонија.

Фенер спрема нов договор за Мурињо

Тренерот на Фенербахче, Жозе Мурињо е пред продолжување на договорот со клубот од Истанбул.

Според „АС“, раководството на турскиот клуб е задоволно од резултатите на тимот под водство на 62-годишниот Португалец, па се очекува во блиска иднина ќе му понудат нов договор. Актуелниот договор на Мурињо истекува во летото 2026 година.

Мурињо ја презеде тренерската функција во Фенербахче во јули 2024 година. Под негово водство тимот одигра 42 натпревари, победи 27, 10 пати ремизираше и загуби пет натпревари.

Фенербахче по 25 кола е на второто место во турскиот шампионат со 61 бод, четири помалку од лидерот Галатасарај.

Вечер од 18:45 часот Фенербахче ќе му гостува на Ренџерс во првиот натпревар од осминафиналето на Лига Европа.

ФИФА ќе воведе спектакл на полувремето од Мундијалот во 2026 година

Финалето на Светското фудбалско првенство во 2026 година на полувремето ќе го има своето прво музичко шоу во историјата, најави денеска претседателот на ФИФА, Џани Инфантино.

Светското првенство со 48 репрезентации, чии домаќини се САД, Канада и Мексико, ќе се одржи од 11 јуни до 19 јули 2026 година. На турнирот ќе бидат одиграни 104 натпревари наместо 64 натпревари од претходните првенства, вклучително и дополнителна нокаут рунда.

Финалето ќе се игра на стадионот Метлајф во Њу Џерси, домот на НФЛ тимовите Њујорк Џајантс и Њујорк Џетс.

„Можам да потврдам дека прв пат на Светското првенство во Њу Џерси ќе се одржи шоу на полувреме во соработка со Global Citizen“, објави Инфантино на Инстаграм.

ФИФА ќе биде партнер со меѓународната организација за образование и застапување Global Citizen, како и со британскиот бенд Coldplay за настап на полувреме.

Шоуто на полувремето е традиционален елемент на американскиот и канадскиот фудбал. За време на 20-минутната пауза помеѓу втората и третата четвртина, на теренот се прикажува некаков вид на забава.

Најгледаното шоу секоја година се изведува на полувремето на Супер Боул во американската професионална рагби лига. (МИА)

Поврзани теми

Фонсека казнет со забрана од девет месеци заради реакцијата врз судијата

Пауло Фонсека нема да се занимава со тренерскиот занает скоро до крајот на 2025 година. Португалскиот тренер е казнет поради однесувањето на натпреварот против Брест и нема да ја извршува својата фунцкија цели девет месеци или до 30 ноември 2025 година.

На крајот од натпреварот, кога неговиот тим водеше со 2-1, а судијата Мило отиде на ВАР-мониторот за да провери ситуација која можеше да резултира со пенал за ривалот. Фонсека целосно ги загуби нервите, се доближи, го навредуваше судијата и си заработи исклучување. Тоа уште повеќе го налути, па тој целосно се втурна в лице кон Мило и беше на работ на физички контакт. Фонсека беше повлечен од Корентин Толисо, но штетата веќе беше направена…

Судијата го пријави тренерот на Лион во дисциплинските органи, се шпекулираше за суспензија од седум месеци, но на крајот беше казнет уште построго.

Според горенаведените санкции, Фонсека нема да може да седи на клупата, ниту да има пристап до соблекувалната пред, за време и по првенствените натпревари. Исто така, до 15 септември нема да смее да има никаков контакт со играчите на Лион на стадионот пред и по натпреварот.

Монако надмоќен во евролигашкото дерби со Париз

Откако во понеделникот во заостанатиот натпревар беа поразени од Фенербахче тимот на Париз доживеаја пораз на домашен терен од Монако 79-91 во француското дерби како дел од 28. рунда.

Гостите во текот на целиот натпревар беа подобар противник и во ниту еден момент не му дозволија на домаќинот да се понадева дека може да стигне до поволен резултат, па на крајот и повеќе од заслужено славеа со 79-91.

Македонскиот репрезентативец повторно беше најдобар поединец во неговиот тим завршувајќи го мечот со 19 поени, додека кај победникот Лојд и Тајс постигнаа по 21 поен.

«< 335 336 337 338 339 >»