feature

Распродадени билетите за Ф4 на Евролигата

Распродадени се сите билети за „фајнал-форот“ на Евролигата, кој годинава ќе се игра во Абу Даби, соопштија денеска од седиштето на најквалитетното европско кошаркарско натпреварување.

Билетите за фајналфорот во Абу Даби се распродадени. За сите што успеаја да обезбедат билет, се гледаме во Абу Даби“, стои во соопштението на Евролигата на социјалната мрежа „Х“.

Фајнл-форот на Евролигата ќе се игра од 23 до 25 мај во главниот град на Обединетите Арапски Емирати, што ќе биде првпат куп-натпреварите да се играат надвор од Европа, со исклучок на Тел Авив во 1994 година, бидејќи израелските клубови со децении играат во европските натпреварувања.

Натпреварите од фајналфорот ќе се играат на „Етихад арената“ која има капацитет од 18.000 седишта.

Ливерпул го купува Чави Симонс?

Англискиот премиерлигаш Ливерпул со брзи чекори ита кон шампионската титула во Премиер лигата, но Арне Слот и раководството на клубот веќе размислуваат и за следната сезона.

Полека се крои списокот на можни засилувања, а меѓу приоритетите се наоѓа името на холандскиот репрезентативец Чави Симонс.

Менаџерот Арне Слот би сакал да го има одличниот офанзивец во својот тим од следната сезона и од челниците на клубот побара да се обидат да го купат.

Ливерпул е подготвен да плати 60 милиони фунти за реализација на овој трансфер во летниот преоден рок.

Според информациите од Германија, Лајпциг не би имал ништо против да го продаде Чави Симонс за таа сума.

Џарад Брантвајт на мета на големиот Реал

Реал Мадрид во летниот преоден рок ќе мора да доведе засилување во одбраната, а главен кандидат за оваа позиција е фудбалерот на Евертон и англиски репрезентативец, 22-годишниот Џарад Брантвајт.

Бразилецот Едер Милитао поради повреда нема да игра до крајот на сезоната, а договорите на Рудигер и Алаба истекуваат во јуни следната година, па во Мадрид мораат да размислуваат за подмладување на последната линија.

Тренерот Анчелоти добро го познава Брантвајт бидејќи соработуваше со него во Евертон и под негово водство тој дебитираше во Премиер лигата.

Сепак, „карамелит“ бараат висока оштета за англискиот репрезентативец бидејќи неговиот договор има важност до јуни 2027 година и има опција да го продолжи на уште една сезона.

Британските медиуми наведуваат дека Евертон не сака да разговара за продажба на својот фудбалер под сума од 85 милиони евра.

Ѓоковиќ по шест години се враќа во Мајами

Српскиот тениер Новак Ѓоковиќ, потврди дека ќе настапи на Мастерс 1000 турнирот во Мајами, каде што не играше во последните шест години.

Пред настапот на Флорида, каде најдобрите тенисери од 18. до 30. март ќе се борат за трофејот, остатокот од тениската елита, вклучувајќи го и Ѓоковиќ, ќе игра на АТП мастерс 1000 турнирот во Индијан Велс, кој е на програмата од 5. до 16. март.

Последен пат Ѓоковиќ играше во Мајами во 2019 година, кога беше поразен во осминафиналето од Шпанецот Баутиста Агут.

Последен пат Ѓоковиќ на тој турнир славеше во 2016 година, а претходно уште пет пати го подигна победничкиот пехар во Мајами, во 2007, 2011, 2012, 2014 и 2015 година.

ИОК ја призна новата боксерска централа

Меѓународниот олимписки комитет во средата му додели привремено признание на новоформираниот Светски боксер (СБ) како голем чекор кон вклучувањето на боксот на Олимпијадата во Лос Анџелес во 2028 година.

Турнирот во бокс на Олимпијадата во Париз во 2024 година беше воден од ИОК откако во 2023 година и ги одзеде овластувањата на Меѓународната боксерска асоцијација (ИБА) поради неуспехот да ги спроведе реформите.

ИОК допрва треба да го вклучи спортот во програмата на ЛА 2028, откако ги повика националните боксерски федерации да формираат ново глобално боксерско тело или ризикуваат да ја пропуштат Олимпијадата за три години.

„World Boxing“ беше лансиран во 2023 година и сега има 78 членови на пет континенти. Олимпиското тело рече дека „СБ“ исполни неколку клучни критериуми за да добие привремено признание.

Тие вклучуваа доволно членови на пет континенти, спроведување на процесот на спортски интегритет имплементиран за време на Игрите во Париз, вклучувајќи независен надзор и структури за добро управување, како и гаранции за приходите и потпишување на Светскиот анти-допинг кодекс.

Признавањето, иако сè уште е привремено, значи дека спортот сега може да напредува кон вклучување на Олимпијадата во 2028 година.

ФИА воведе нови правила пред ГН на Монако

Светската автомобилска федерација (ФИА) ги промени правилата за трката во Формула 1 за Големата награда на Монако.

Возачите ќе мора да застанат двапати во боксот, во обид да внесат одредена динамика на трката, каде што претекнувањето е речиси невозможно.

ФИА, исто така, објави дека ќе наложи употреба на најмалку три комплети гуми „со намера да се подобри динамиката на трката со оглед на значителните тешкотии при претекнувањето на оваа патека“.

На последните две Формула 1 трки во Монако, трките беа одлучувани главно врз основа на позициите постигнати за време на квалификациите.

Минатогодишната трка беше прекината по судар во првиот круг и продолжи со рестарт, дозволувајќи им на сите возачи да ги сменат гумите.

Победата во Монако минатата година ја оствари возачот на Ферари, Шарл Леклер.

Дарко Димитриев е спортист на годината на Општина Кавадарци

Дарко Димитриев од Центарот за боречки вештини „Будо“, вечерва беше избран за спортист на годината во Кавадарци за 2024 година. Во организација на Сојуз на спортови, беа доделени пехари и во неколку други категории за спортски достигнувања.

На настанот беа посочени бројните спортски успеси и медали. Беа доделени благодарници, наградени млади и надежни таленти, јуниори, сениори. Имаше и добитници на плакети, а меѓу нив, плакета и за кавадаречкиот градоначалник Митко Јанчев, за посебен придонес, за поддршка и развој на спортот во општината.

Меѓу добитниците на плакети е Леонард Кузев, со плакета за достигнување во високогорството, со искачени 3.789 метри надморска височина GROSSGLOCKNER во Австрија и 4 .478 метри надморска височина MATTERHORN во Швајцарија. Плакета за хумани вредности доби Здружението, спортски клуб на слепи и слабовидни лица Визија Голбал. Меѓу плакетите за трајни вредности, е и таа за 50 години, Сојуз за спорт и рекреација на инвалиди. Плакета за животно дело во спортското новинарство, доби Мики Виденовиќ.

Вечерта во Домот на културата „Иван Мазов – Климе”, беше збогатена и со музика.

Серија А нема да го намали бројот на клубови од 20 на 18 клубови

Претседателот на Италијанската фудбалска федерација, Габриеле Гравина, кој неодамна беше реизбран, најави дека намалувањето на бројот на екипи во Серија „А“ од 20 на 18 не е тема за која се разговара.

„Ова е објективно барање на системот. Одржливоста бара проект. Овој формат има свои слабости. Намалувањето на Серија „А“ од 20 на 18 тимови не е тема за која се разговара. Наместо тоа, размислуваме за други опции, како на пример во Серија „Б“, каде што има плеј-оф и плеј-аут, што принудува многу тимови да прават поголеми трошоци поради страв од испаѓање на нивните тимови во Серија „Ц“. Ние сме должни да ги зачуваме шампионатите“, прокоментира Гравина, цитиран од весникот „Газета дело спорт“.

Инаку, Умберто Калкањо дел Аик и Даниеле Ортолано беа реизбрани за потпретседатели на федерацијата.

Олимпијакос се засили во последен момент, потпиша со Сејбен Ли

Американскиот кошаркар Сејбен Ли се врати во Евролигата, во последните часови од преодниот рок кој заврши во 18:00 часот потпиша за Олимпијакос. Грчкиот тим, реагираше на пазарот поради повредите на Томас Вокап и Лука Вилдоза.

Тимот од Пиреја го купи американскиот плејмејкер од турска Маниса за 550.000 евра. Ли потпиша две и пол годишен договор со Олимпијакос.

Ли на почетокот на сезоната настапуваше за Маниса, потоа накратко го облече дресот на Макаби, но реши да се врати во Турција.

Сепак, тој уште еднаш го привлече вниманието на евролигашите со своите добри игри. Претходно беше заинтересирана и Барселона, но Олимпијакос беше поконкретен.

Ли одигра осум натпревари за време на неговиот престој со Макаби, со просек од 12 поени, два скока и речиси три асистенции по натпревар.

Во Маниса, во турскиот шампионат, имаше просек од 18,7 поени, 3,8 скока и шест асистенции по натпревар.

Мегваер го спаси Јунајтед со Ипсвич, Арсенал „заглави“ во Нотингем

Фудбалерите на Нотингем Форест ремизираа со Арсенал на „Сити Граунд“, 0-0 во 27. коло од Премиер лигата. Мначестер сити победи кај Тотенхем (1-0), Манчестер јунајтед со фудбалер помалку го победи Ипсвич (3-2), а Брентфорд и Евертон ремизираа (1-1).

Арсенал имаше иницијатива, но не успеа да создаде сериозни шанси. Најдобрата „тобџиите“ ја имаа во 23.минута кога калафиори ја погоди стативата.

Во следната рунда Нотингем Форест треба да се соочи со Манчестер Сити на гости, додека Арсенал ќе биде домаќин на Манчестер Јунајтед.

Манчестер јунајтед ги преживеа глупостите на зимското засилување од Лече, Патрик Доргу и го совлада Ипсвич.

«< 375 376 377 378 379 >»