Ливерпул е сериозно заинтересиран да го доведе дефанзивецот на Спортинг Лисабон, Гонзало Инасио.

Бројни тимови го следат португалскиот фудбалер кој во последно време игра одлично во Спортинг. Иако игра како стопер, Инасио има одличен пас игра и продорност и знае да биде опасен и пред противничкиот гол, па така израснува во комплетен стопер.

Во неговиот договор има откупна клазула која изнесува 60 милиони евра. Ливерпул наводно веќе води преговори со Спортинг околу трансферот.

На „црвените“ им е потребно засилување во одбраната по повредата на Матип, Клоп во срцето на одбраната остана само со Ван Дајк и Ибрахим Конате. Тука е и Џарел Куанас од академијата на кого сепак Клоп не може да се потпре во борбата за титулата.

Инасио на 23 натстапи сезонава постигна и три гола што секако е добар учинок за еден дефанзивец.

Весникот „Гардијан“ ги избра најдобрите за 2023 година

Во очекување на изборот на Светската фудбалска федерација (ФИФА) на 15 јануари, одредени медиуми индивидуално ги избраа најдобрите фудбалери за годината која изминува.

Британскиот весник „Гардијан“ за фудбалер на годината го прогласи норвешкиот репрезентативец и напаѓач на европскиот и светски првак Манчестер сити, Ерлинг Халанд. Џуд Белингем од Реал Мадрид и Французинот Килијан Мбапе од ПСЖ завршија на второто и третото место. Хари Кејн и Родри завршија на четвртото и петтото место.

Добитникот на „Златната топка“, Лионел Меси заврши на десеттото место, додека Кристијано Роналдо на 27. место.

Гласовите од жири-комисија во која биле вклучени 218 лица го издефинираа изборот за 2023 година.

Поранешниот ракометар на Металург и актуелен член на Рајн Некар Левен, Халил Јагањац, годинава нема да ја памети по добро.

Хрватскиот репрезентативец поради честите повреди никако не може да го покаже својот голем потенцијал во најсилната лига на светот.

Левиот бек, кој имаше две операции на рамото, доживеа нова повреда, не толку опасна, откако на тренинг се здобил со фрактура на јаболчната коска. Сега Јагањац ќе мора на нова операција и нова пауза од ракометните терени.

Хрватот го пропушти Светското првенство во Полска и Шведска и нема да настапи ниту на континенталниот собир во јануари

Милан се соочува со голем број на повреди од почетокот на сезоната, а најсериозна е ситуацијата во одбраната. На последниот натпревар против Салернитана се повреди и Томори, кој во следните два месеци ќе биде надвор од терените.

Во моментов скоро целата одбрана на „росонерите“ е повредена, па на Милан му е прекупотребен стопер во зимскиот преоден рок.

Клубот веќе почна да разгледува неколку имиња, а најголема желба е дефанзивецот на ПСЖ, Преснел Кимпембе.

Атлетико Мадрид сака да заработи од Феликс кој нема желба да се врати во Мадрид.

Феликс нема намера да се врати во Мадрид, каде што не сака да игра, додека од друга страна во Барселона се уште не се сигурни дали сакаат да го задржат, бидејќи Чави не е баш заинтересиран за Португалецот додека претседателот Жоан Лапорта нема ништо против Феликс да остане во тимот.

Атлетико и постави ултиматум на Барселона доколку сака да го задржи во своите редови да плати 15 милиони евра со задолжителен откуп.

Португалецот од почетокот на сезоната постигна осум гола

Реал Мадрид сака на лето да го врати во своите редови левиот бек на Милан, Тео Хернандез, пренесуваат шпанските медиуми.

Францунот игра фантастично и се етаблираше во еден од најдобрите леви бекови во Европа, па Реал сака да си ја поправи грешката.

Милан пред неколку сезони го купи за 20 милиони евра, а Реал сега е спремен да понуди 60 милиони евра плус бонуси.

Анчелоти е во потрага по квалитетен лев бек и прва желба е Алфонсо Дејвис, но бидејќи тој трансфер е тежок за реализација сега „кралевите“ ќе се насочат кон Тео Хернандез.

Интер е силно заинтересиран за ѕвездата на Наполи, Пјотр Зиелински пренесува „Газета дело Спорт“.

Зиелински влезе во последната година од договорот со Наполи и се уште нема ставено потпис на нов договор бидејќи сериозно размислува да ја промени средината. Таквата ситуација сака да ја искористи Интер, а директорот Марота е експерт за доведување на слободни агенти.

„Нероаѕурите“ веќе стапиле во контак со неговиот агент и сакаат што е можно побрзо да постигнат договор со цел да ја победат конкуренцијата.

Зиелински веќе во јануари ќе биде слободен да потпише преддоговор со „нероаѕурите“, а во јуни да се пресели во Милано.

Откако беа поразени на гостувањето кај Вест Хем, фудбалерите на Манчестер Јунајтед одиграа уште еден натпревар без постигнат гол. 

Така „црвените ѓаволи“ не успеваа да постигнат гол и четврти натпревар по ред. Ова се случи за прв пат по 31 година. Последен пат Манчестер Јунајтед имал ваква негативна и лоша серија од четири натпревари без голови во ноември 1992 година. Во тоа време, тимот беше предводен од Сер Алекс Фергусон.

Манчестер Јунајтед го постигна својот последен гол во средата, 6-ти декември. Ова се случи на натпреварот од англиското првенство со Челзи – 2-1. Во следните четири натпревари во сите натпреварувања, избраниците на Ерик Тен Хаг не постигнаа ниту еден гол: 0-3 со Бурнемаут, 0-1 со Баерн, 0-0 со Ливерпул и 0-2 со Вест Хем.

Следниот натпревар Манчестер Јунајтед го игра во вторник на 26 декември. Екипата на Тен Хег на домашен терен ќе ја пречека Астон Вила во рамките од 19. коло од Премиер лигата.