feature

Алкараз го освои турнирот во Токио

Првиот светски рекет, Карлос Алкараз, го победи петтиот играч во светот, Американецот Тејлор Фриц, со 6-4, 6-4 во финалето на АТП 500 турнирот во Токио и со тоа ја освои својата осма титула оваа година, а вкупно 24-та во кариерата. Ова беше нивниот петти дуел и четврта победа за Шпанецот.

За време на паузата помеѓу првиот и вториот сет, Фриц побара помош од физиотерапевт поради болка во бутниот мускул и се чинеше дека ќе претрпи поубедлив пораз кога Алкараз водеше со 5-1. Американецот се закани со пресврт со серија од три гема. Сепак, Алкараз ја искористи втората можност да го заврши мечот на својот почетен удар.

Алкараз е неоспорен лидер на листата на освојувачи на трофеи на АТП турнејата оваа година со осум титули, како и по бројот на индивидуални победи (66-6). Оваа година, 22-годишниот Шпанец загуби само две од десет финалиња, против Холгер Руне во Барселона и Јаник Синер во Вимблдон.

Покрај 500 поени за титулата во Токио, Карлос Алкараз освои и награден фонд од 416.365 американски долари (354 илјади евра). Тејлор Фриц, кој го претрпе својот прв пораз во третото финале годинава, доби 330 поени и награда од 224.035 долари (190.000 евра).

Коко Гоф прва се квалификуваше за завршниот Мастерс

Американската тенисерка Коко Гоф се квалификуваше за Завршниот турнир, објави ВТА на својата официјалната веб-страница.

21-годишната Американка учеството го избор откако стигна до четвртфиналето на турнирот во Пекинг.

Претходно, Арина Сабаленка и Ига Швјонтек го обезбедија своето учество на Завршниот турнир. Гоф ќе се натпреварува по четврти пат по ред во последниот турнир сезоната.

Завршницата на ВТА ќе се одржи од 1 до 8 ноември во Ријад, Саудиска Арабија.

Салиба го продолжи договорот со Арсенал

Вилијам Салиба потпиша нов договор со Арсенал. Клубот од Лондон објави долгорочен договор со 24-годишниот одбранбен фудбалер без да прецизира рок.

Претходно беше објавено дека договорот ќе биде петгодишен, односно до 2030 година.

Салиба се приклучи на Арсенал во 2019 година, по што отиде на позајмица во неколку екипи. Во редовите на „Топчиите“ се врати во сезоната 2022/23.

Во тековната Премиер лига Салиба има пет настапи.

„Сан Сиро“ ќе им биде продаден на Милан и Интер за 197 милиони евра, клубовите планираат да го срушат стадионот

Градскиот совет на Милано ја одобри продажбата на стадионот и околниот простор на клубовите за 197 милиони евра. Дваесет и четири члена на советот гласаа „за“, 20 беа „против“, а двајца не учествуваа во гласањето.

Се очекува договорот да биде завршен до 10 ноември, кога вториот ред на „Сан Сиро“ ќе биде доволно стар за да се квалификува за заштитен статус како историско обележје.

Милан и Интер планираат да го срушат стадионот, кој е отворен во 1926 година, и да изградат нов до 2031 година.

Почнува новата евролигашка сезона, прва со дваесет клуба

Со денешните седум натпревари стартува новата 26.та сезона од кошаркарската Евролига. „Први“ на теренот ќе се појават екипите на Дубаи и Партизан, а во исто време е почетокот и на дуелот Хапоел – Барселона. Екипите на Дубаи и Хапоел се дебитанти во најквалитетното кошаркарско натпреварување

Започнува новото, дваесет и шесто издание на Евролигата, а Дубаи и Партизан имаат чест да ја отворат новата сезона (18:00 часот). Во исто време кога се игра натпреварот Дубаи – Партизан, ќе се сретнат и Хапоел и Барселона. Покрај овие два натпревари на првиот ден од Евролигата, на програмата сè уште пет натпревари.

На местото на Алба, оваа сезона ќе настапува Валенсија и бројот на екипи од 18 е зголемен на 20. Тоа значи дека ќе бидат одиграни повеќе натпревари односно ќе има и повеќе двојни кола. Според новиот формат во регуларниот дел ќе бидат одиграни 38 натпревари место досегашните 34.

Завршницата продолжува како и последните две сезони – тоа значи дека првите шест екипи ќе имаат пласман во плејофот, додека екипите од 7-10 место ќе разигруваат за уште две места за четвртфиналето.

Фајнл-форот на програмата е да се одигра од 22 до 24.мај 2026 година во Атина.

Титулата ја брани екипата на Фенербахче.

Синер прв финалист на турнирот во Пекинг

Италијанскиот тенисер Јаник Синер го денес го победи Австралиецот Алекс Де Минаур со 6-3, 4-6 и 6-2 во полуфиналето на турнирот во Пекинг.

Натпреварот траеше 122 минути.

Дваесет и четиригодишниот Италијанец постигна седум аса и реализираше три од седум брејк топки.

Во финалето, Синер ќе се соочи со победникот од натпреварот меѓу Данил Медведев (Русија) и Тинг Лернер (САД).

Наградниот фонд на турнирот во кинескиот главен град изнесува четири милиони долари.

Следната голема ѕвезда? Челси, Тотенхем и Брајтон го таргетираат Рајан Витор

Тотенхем, Челси и Брајтон покажаа силен интерес за потпис на Рајан Витор, 19-годишниот бразилски напаѓач кој ги воодушевува навивачите во Васко да Гама. Со 12 гола оваа сезона, Витор привлече внимание од неколку премиерлигашки клубови кои сакаат да го засилат својот напад.

Тотенхем го следи внимателно младото крило како дел од плановите за зајакнување на тимот, додека Челси продолжува да инвестира во талентирани играчи. Брајтон, познат по развојот на млади таленти, го гледа Витор како потенцијална ѕвезда.

Успехот на Витор го нагласува трендот на англиските клубови кои бараат динамични јужноамерикански напаѓачи способни брзо да се прилагодат на барањата на Премиер Лигата.

Арда Гулер на радарот на неколку премиерлигаши

Тотенхем, Њукасл и Арсенал внимателно го следат младиот талент на Реал Мадрид, Арда Гулер, и сериозно размислуваат да го ангажираат во пресрет на следниот трансфер период.

Скаути од неколку англиски клубови се импресионирани од техничките квалитети на Гулер, неговата визија и креативност, особини што се ценети во динамичниот стил на Премиер Лигата. Арсенал и Њукасл веќе подготвуваат конкретни понуди, додека Тотенхем го гледа турскиот репрезентативец како долгорочна инвестиција со голем потенцијал.

Реал Мадрид сè уште нема донесено конечна одлука околу иднината на 20-годишниот плејмејкер, но интересот расте, а неговиот следен чекор би можел да биде една од клучните трансфер приказни во наредниот трансфер прозор.

Дембеле и други клучни играчи на ПСЖ ќе го пропуштат дуелот со Барса

Пари Сен Жермен ќе настапи ослабен во средбата со Барселона во Лигата на Шампионите оваа среда. Квича Кварацхелија, Десире Дуе, Маркињос и Усман Дембеле се отпишани поради повреди, потврди медицинскиот тим на клубот.

Со неколку стартери надвор од комбинација, ПСЖ ќе мора да се соочи со Барса на Камп Ноу со значително ослабен состав. Каталонците ќе се обидат да го искористат тоа, додека двете екипи се борат за клучни поени во групната фаза.

На Луис Енрике му претстои тест на длабочината и тактичката флексибилност на тимот.

Баерн сигурен дека Кејн ќе остане и по 2027

Баерн Минхен е оптимистичен дека ќе го продолжи договорот на Хери Кејн по 2027 година. Спортскиот директор Макс Еберл рече дека преговорите се водат „релаксирано“ и дека продолжување на соработката е „апсолутно можно“.

Од доаѓањето од Тотенхем во летото 2023 година, Кејн направи веднаш историско влијание. Англискиот капитен веќе има постигнато 100 голови на само 104 натпревари, темпо што не е видено во модерната историја на фудбалот. Неговото влијание се чувствува и надвор од теренот, каде што Баерн го гледа како лидер и клучен играч во соблекувалната.

Еберл нагласи колку е важно да се одржи рамнотежа помеѓу искусни фудбалери и млади таленти. Иако има 32 години, Кејн игра на највисоко ниво и не покажува знаци на забавување, што го прави централна фигура во иднината на клубот.

Иако договорот му трае до 2027 година, се шпекулира дека може да постои клаузула за ослободување што би се активирала во јануари 2026. Засега, и клубот и играчот делуваат усогласени околу продолжување на соработката. Стратегијата на Баерн е јасна: да го задржат својот лидер и да продолжат да градат тим околу него во борба за трофеи.

«< 378 379 380 381 382 >»