Компанијата А22 Спортс Менаџмент“, која стои зад проектот фудбалска Суперлига, поведе правни дејствија според шпанскиот закон, пред да почне правна постапка против УЕФА во тужба вредна повеќе милијарди евра.
Овој потег веќе го најави претседателот на Реал Мадрид, Флорентино Перез, за време на вчерашното Генерално собрание на „Кралскиот клуб“, а „А22“ денеска, исто така, излезе со соопштение.
-А22 Спортс Менаџмент“ поведе задолжителна постапка според шпанскиот закон на 21 ноември, пред почетокот на правната постапка против УЕФА во која бара надомест на штетата што ја претрпе поради злоупотребата на доминантната позиција од страна на УЕФА како монополски оператор на европските клупски фудбалски натпреварувања, се вели во соопштението на компанијата.
-И покрај јасните одлуки од три европски судови, вклучувајќи го Судот на правдата на ЕУ и шпанскиот Апелациски суд, УЕФА продолжува да одржува регулативи и практики што се директно спротивни на судските одлуки. Во спротивност со овие судски одлуки, УЕФА сега се соочува со значителни потенцијални барања за отштета од клубовите и од А22, се додева во соопштението.
Шпанските медиуми шпекулираат дека тужбата би можела да биде вредна помеѓу четири и пет милијарди евра.
Стојан Ѓуроски пред дуелот со Азербејџан: Ние одиме на победа, без разлика кој е на другата страна
Ги „прескокна“ претквалификациите за Светскиот Куп, но од денеска му се стави на располагање на селекторот Марјан Илиевски на првиот тренинг пред она што е наредно на ред за нашиот сениорски национален тим.
Почетокот на претквалификациите за Евробаскетот во 2029 година. во кој нашиот сениорски тим ќе биде за одредена доза на искуство „побогат“ со присуството на Стојан Ѓуроски.
А искусниот кошаркар изрази задоволство што повторно е дел од тимот:
„Чувството е одлично. Задоволство е и гордост да се претставува Македонија. Не настапив на последните мечеви заради повреда, и убаво е што пак сме заедно. Мислам дека ни следи одлична атмосфера, да ги анализираме противниците и да се спремиме за следните два меча. Уште ги немаме гледано ривалите, но ние одиме на победа без разлика кој е на другата страна. Имаме три дена подготовки, но за сите е исто. Имаме неколку повратници во екипата, сме играле и со Вајли заедно, така што нема да имаме проблеми да се воиграме“ – смета Ѓуроски.
Натпреварот против селекцијата на Азербејџан, Македонија ќе го игра на 27. ноември (од 19.часот,) во салата на СРЦ „Кале“ во Скопје.
Марјан Илиевски: Сега сме поискусни, но нема да менуваме многу работи“
Машката сениорска репрезентациија на Македонија е одново заедно. Во хотелот „Александар Палас“ во Скопје, каде ќе биде „базата“ на нашиот национален тим во наредните денови, селекторот Марјан Илиевски и неговите асистенти Борче Даскаловски и Мирко Петрески, ги дочекаа кошаркарите на кои ќе смета за она што следува во оваа работна седмица.
Натпреварите од групната фаза од претквалификациите за Евробаскетот 2029 година.
„Она што било, тоа ќе го оставиме во минатото. Вратите се отворени за сите кои се на располагање. Оние кои играа летоска го дадоа својот максимум, можеби и над максимумот.
Надополнети сме со играчи кои се поискусни, што не значи дека многу работи се менуваат, но значи дека играчите кои имаат „носено“ поинакви мечеви се присутни тука и сигурно ќе бидат од значење, не потценувајќи никого што беше тука за време на летото, бидејќи нивното време доаѓа“ , потсети селекторот на првата прозивка околу ноемврискиот ростер.
Говори и за противниците во првиот кваалификациски циклус за пласман на Евробаскетот во 2029 година, прво Азербејџан, на 27.ноември, во Скопје, потоа на 30.ноември, со Ирска во Даблин…
„Азербејџан и Ирска… Не постојат држави кои не играат кошарка. Да не ги кажуваме предвреме нашите очекувања, секој пат ќе биде тоа, да дадеме 100% од себе и да се победат мечевите.
Но, не сакам никој да не сфати здраво за готово, и дека за три дена ќе видиме нешто ново, иако тоа се играчи што играле долго време во репрезентацијата. Овие три дена кои ги имаме на располагање ќе ја воиграме нашата замисла и играчите да одговорат максимално што можат
Азербејџан, од она што го имаме како информација, е тоа дека го мениуваат странскиот играч. Претходно имаа центар, сега имаат плејмејкер. Се работи за играч кој низ клубовите бил меѓу носителите, па сигурно е дека ќе се промени нивната тактика на терен затоа што имаат носител-играч на друга позиција.
И останатите играчи им настапуваат, но не оставаат некаква конкретна и јасна слика, секој меч им е различен од другиот. Некој меч се длабоко во негатива, некои мечеви се близу до победа, така што ќе говориме по мечот“.
Во овој ноемвриски ФИБА „прозорец“ селекторот Марјан Илиевски ќе има на располагање уште еден натурализиран играч. Освен Џејкоб Вајли, за место во тимот ќе конкурира и играчот н шпанската Валенсија, Омари Мур.
„Вајли е со тимот, Мур доаѓа во среда, а Сестина е повреден и ќе отсуствува два месеци. Имаме на располагање двајца натурализирани играчи и ќе одлучиме кој ќе игра. Двајцата ќе бидат тука и по она кое ќе го увидиме, ќе ги распоредиме.
Андреј Јакимовски е исто така присутен тука, сигурно ни значи многу како македонски играч и играч кој веќе има одлична минутажа во својот клуб. Игра во квалитетна лига, се работи за европски систем во последните месеци и ќе биде од огромно значење“, смета Илиевски пред првиот тренинг закажан вечерва од 18.30 часот, во салата на СРЦ „Кале“ во Скопје.
Коке го одигра 700-от натпевар за Атлетико
Коке продолжува да пишува историја за Атлетико Мадрид. 33-годишниот играч од средниот ред го одигра својот 700-ти натпревар за мадриѓаните во победата од 1-0 над Хетафе на гости.
Покрај тоа што е играчот со најмногу официјални настапи во историјата на Атлетико Мадрид, Коке е втор играч со најмногу сезони како капитен на Атлетико (7). Првото место на ова рангирање го држи Енрике Колар, кој ја носеше лентата десет сезони (1959-1969).
Коке е дел од академијата на Атлетико од 8-годишна возраст, а дебитираше за првиот тим на 19 септември 2009 година против Барселона. Во овие 17 години, тој има две титули во Ла Лига, еден Куп на кралот, две титули во Лигата на Европа, два европски Суперкупа и еден шпански Суперкуп.
„Честитки за ова извонредно достигнување и продолжете да пишувате историја, капитене!“, напишаа од клубот.
Барселона заинтересирана за бразилскиот тинејџер Соуза
Шпанскиот фудбалски првак Барселона е заинтересиран за младата ѕвезда на бразилскиот клуб Сантос, Жоао Виктор Соуза, јавија денеска локалните медиуми во Шпанија.
Деветнаесетгодишниот Бразилец сезонава импресионира со своите настапи, што му дава можност да направи голем трансфер во 2026 година.
Според медиумите, каталонскиот гигант е подготвен да понуди меѓу 12 и 15 милиони евра за да го привлече Соуза.
За младиот Бразилецот интерес покажува и Баерн Минхен, и сè уште не е јасно за која цена би се согласило раководството на Сантос за да се раздели од Соуза.
Турам: Треба што побрзо да го заборавиме ова дерби
Фудбалерот на Интер, Маркус Турам, вели дека вчерашниот пораз од Милан во градското дерби во рамките на 12 коло во Серија „А“, не смее да влијае на перформансите на екипата.
„Точно е дека беше голем натпревар, но, само е ноември, има уште многу натпревари пред нас.
Кога ја губиме топката, стануваме ранливи. Знам дека загубивме но, мислам дека сме на вистинскиот пат“ , потенцираше Турам.
Репрезентација до 15 години ќе одигра два пријателски натпревари со Србија во Скопје
Репрезентација до 15 години ќе одигра два пријателски натпревари со Србија во Скопје
Репрезентација на Македонија до 15 години, предводена од селекторот Горан Станковски, ќе одигра два пријателски натпревари против соодветната репрезентација на Србија.
Двете средби ќе се одиграат во Скопје, на тренинг центарот „Петар Милошевски“. Првиот натпревар е закажан за 25 ноември со почеток во 13:00 часот, додека вториот ќе се одигра на 27 ноември од 11:00 часот.
Селекторот Горан Станковски за двата контролни натпревари против врсниците на Србија ќе смета на следните 24 фудбалери:
Голмани:
Огнен Божиновски (Вардар), Јован Даноски (Академија).
Струга Трим Лум го совлада Работнички и му ја продлабочи кризата
Струга Трим Лум го совлада Работнички на гости со 1-3 во натпревар од 14. коло во Прва МФЛ што се одигра на тренинг центарот „Петар Милошевски“. По ова, стружани остануваат во чекор со лидерот Вардар, а Работнички и понатаму е претпоследен на табелата.
Струга Трим Лум ја искористи првата шанса да дојде до предност. Во 11. минута, Стефан Јевтоски успеа да ја погоди мрежата на Работнички за 0-1.
Десет минути подоцна, убава акција на Струга ТЛ, по која Христијан Малески со силен удар од десетина метри го удвои водството на гостите.
Работнички се обиде да возврати преку Трајков, но не беше прецизен, а Ангелети го одбрани ударот на Имери од левата страна.
На полувреме се замина со два гола позитива за Струга Трим Лум.
На почетокот на вториот дел, во првата акција, Флоријан Рочи упати силен удар откосо од десната страна и го погоди дирекот, а седум минути подоцна се обиде и од слободен удар, но Васко Василев одлично одбрани.
Во 54. минута, Работнички успеа да намали. Кадриу продре по десната страна, нафрли во петерецот, а Димитар Трајков со удар со глава ја затресе мрежата на Струга Трим Лум.
Во 70. минута, по интервенција на ВАР-собата беше досуден пенал за гостите. Успешен реализатор беше Буњамин Шабани, за 1:3.
Девет минути подоцна, Меметриза Хамза го погоди дирекот со силен удар од далечина.
Во финишот и Арби Воша го погоди дирекот од голот на Работнички, а конечниот епилог остана 1:3.
Изов го објави составот на женската репрезентација до 19 години за квалификацискиот турнир во Струмица
Селекторот на македонската женска репрезентација до 19 години, Кирил Изов го објави списокот на фудбалерки за квалификацискиот турнир во Струмица, рунда 1, група Б5 за Европско првенство на УЕФА за жени до 19 години. Нашата репрезентација е во група со селекциите на Словенија, Грузија и Азербејџан.
Напад: Михаела Марковска (ЖФК Топ Гол), Меланија Грозданова (ЖФК Љуботен), Ана Боризоска (ЖФК Скопје), Калина Попески (Црвена
Данска и Македонија ќе играат бараж на „Паркен“ во Копенхаген
Репрезентација на Македонија во март ја очекува госување против селекцијата на Данска во полуфиналниот бараж за пласман на Светското првенство. Данската федерација го потврди стадионот на кој ќе се одигра дуелот. За место во финалето на плеј-офот, македонската репрезентација ќе се надигрува против домаќинот на стадионот „Паркен“ во Копенхаген. Култниот стадион е со капацитет од 38.065 гледачи, а официјалната продажба на билети за натпреварот се очекува да започне во февруари.
Данска и Македонија ќе играат на 26 март од 20:45 часот. Пет дена подоцна, во истиот термин, победникот ќе излезе на мегдан со подобриот од двобојот Р. Ирска – Чешка за пласман на Светското првенство 2026.
