Од Барселона се многу задоволни од настапите на Маркус Рашфорд, кој е позајмен од Манчестер Јунајтед, и би сакале трајно да го ангажираат следното лето.

Сепак, Каталонците немаат намера да ја активираат договорената откупна клаузула во вредност од 30 милиони евра и ќе се обидат да ги преговараат условите за можен траен трансфер.

Ќе го решиме проблемот со отпадот ако го гледаме како ресурс, а не како ѓубре! | Уште еден поткаст

Една од главните причини е високата плата на крилото, кој заработува околу 14 милиони евра во шпанскиот гигант, иако ја намали својата заработка.

Рашфорд игра одлично во Барселона, сака да остане и е спремен да прифати дополнително намалување на платата.

Барселона ќе се обиде да ја намали откупната цена и да го договори трансферот за 20 милиони евра.

Манчестер сити во дербито го победи Борнмут со 3-1 и се искачи на второто место на табелата. „Граѓаните“ имаат шест бода помалку од Арсенал, зад нив со по 18 поени се Ливерпул и Борнмут.

„Граѓаните“ изгледаа одлично на теренот, играа онака како што сака Пеп Гвардиола и стигнаа до заслужена победа и второ место.

Халанд ја отвори серијата во 17. минута, а осум минути подцна Донарума ги честеше гостите. По неговата грешка Адамес изедначи. Халанд со својот втор гол во 33. минута им ја врати предноста на „граѓаните“.

Норвежанецот продолжи да ги тероризира противничките одбрани оваа сезона, веќе постигна 26 гола на 16 натпревари во сите натпреварувања, од кои 13 гола во Премиер лигата.

Точка на мечот, со деби голот за Сити, стави О’Рајли во 60-та минута.

Дербито од 11. коло од турската фудбалска лига помеѓу Бешикташ и Фенербахче (2-3) беше обележано со зголемени тензии кои кулминираа со инцидент во првото полувреме.

Откако атмосферата веќе беше напната поради црвените картони на дуото на Бешикташ, Оркун Кокчу поради груб фаул и Серген Јалчин (надвор од теренот), фудбалерот на Фенербахче, Марко Асенсио, беше погоден во главата со предмет фрлен од трибините.

29-годишниот шпански крилен напаѓач, поранешен играч Реал и ПСЖ, се приближи до корнер знаменцето во 30-та минута за изведе корнер. Во тој момент, непознат предмет излета од трибините и го удри, по што Асенсио падна на тревникот.

Се гледа како Асенсио е во болка додека разни предмети, шишиња и чаши паѓаат околу него.

Фудбалерите на Барселона го победија Елче со 3-1, во натпреварот од 11. коло на шпанската Ла Лига.

Избраниците на Ханси Флик не си дозволија уште еден неуспех и ја имаа контролата од почетокот на натпреварот.

Со својот прв гол по повеќе од два месеци во првенството, Ламин Џамал и донесе водство на Блауграна во деветтата минута, а само две минути подоцна Феран Торес го дуплираше водството.

Рафа Мир им ја врати надежта на гостите од Елче во 42-та минута, непосредно пред паузата.

Во 61-та минута, Маркус Рашфорд, со удар од гредата, ја врати предноста од два гола на домашниот тим, чија победа не беше доведена во прашање.

Вреди да се спомене, дека Рафа Мир ја погоди стативата десет минути подоцна, но немаше промена на резултатот.

Барса е втора на табелата со 25 бода, пет помалку од лидерот Реал, додека Елче е деветти со 14 бода.

Фудбалерите на Милан ја победија Рома со 1-0 на „Сан Сиро“ во натпреварот што се одигра во рамките на 10. коло од Серија А.

Единствениот гол на натпреварот го постигна Страхиња Павловиќ во 39-та минута од натпреварот.

Павловиќ го почувствува моментот, ja следеше контрата која ја повлече Рафа Леао, а потоа ја заврши акцијата.

Павловиќ со вториот гол сезонава во Серија А ја казни Рома за неискористените шансидо тој момент.

Во финишот од натпреварот, во 82-та минута, Пауло Дибала не реализираше пенал. Мајк Мењан го одбрани неговиот удар.

Со оваа победа, Милан се изедначи на табелата со Рома и Интер. Овие три екипи имаат по 21 бод, еден помалку од лидерот Наполи.

Во следното коло, Милан ќе гостува кај Парма, додека Рома ќе го пречека Удинезе.

Српскиот фудбалски прволигаш Партизан му врачи отказ на тренерот Срѓан Благојевиќ, по двата последователни порази.

„Фудбалскиот клуб Партизан му се заблагодарува на Благојевиќ за неговата досегашна работа и му посакува многу успех во продолжението на кариерата“, се вели во соопштението на црно-белите.

Партизан загуби на последните два натпревари, откако сензационално беа елиминирани во осминафиналето од Купот на Србија од Мачва (0-2) во вторникот по што следуваше пораз од Чукарички (1-4) во саботата во домашното првенство.

Белградскиот клуб забележа шест победи во седумте натпревари што им претходеа на тие два порази, запишувајќи го единствениот пораз во тој период во „вечното“ дерби против Црвена ѕвезда, и во моментов се на второто место на табелата во српската Суперлига со 31 бод, идентично како и првопласираната Црвена ѕвезда, која има натпревар помалку.

Благојевиќ го презеде тимот на Партизан на 1 јануари оваа година.

Марио Балотели, до неодамна играч на Џенова, кој не беше во добри односи со поранешниот тренер Виеира, беше среќен што го слушна тоа. Двајцата беа заедно во два клуба. Францускиот тренер ја водеше Ница од 2018 до 2020 година, па затоа го водеше и Балотели една сезона.

Тие повторно се собраа во Џенова, каде што Балотели се приклучи минатата есен. Виеира не го играше многу Балотели, тој рече дека Италијанецот „не е адаптиран за тимски спорт“ и дека е „многу тешко да се работи со него“. Балотели, поранешен италијански репрезентативец кој играше за Манчестер Сити, Интер, Ливерпул и Милан, ја напушти Џенова претходно оваа година и оттогаш е без клуб.

„Кармата е курва. Бог гледа сè и се грижи за сè. Џенова сега конечно може да се фокусира на луѓето кои навистина го сакаат клубот, навивачите и грбот и веруваат дека заслужуваат да бидат на врвот. Оние што ги наследија Зангриљо и Џилардино беа себични и нечесни“, напиша Балотели на Инстаграм.

Виеира добро си ја заврши работата минатата сезона. Не успеа во оваа

Од почетокот на новата сезона, Џенова освои само три бода во три нерешени натпревари и шест порази, што е нивниот најлош почеток на сезоната. За среќа, по девет кола во Серија А има дури четири клуба кои сè уште се без победа, па работите сè уште можат да се поправат.

Виеира ја презеде Џенова во ноември 2024 година откако Алберто Џилардино беше отпуштен. Тој ја презеде функцијата на 17-то место на табелата, а на крајот од сезоната ги одведе до 13-то место. Иако се шпекулираше дека Рома и Интер го сакаат, тој потпиша нов договор ова лето до летото 2027 година.

Виеира е легендарен француски играч од средниот ред со 107 настапи за Триколорите со кои го освои Светското првенство. Тој се приклучи на сениорските тренерски редови во 2016 година, а дотогаш ги водеше младинските тимови на Манчестер Сити. Пред италијанскиот клуб ги тренираше Њујорк ФК, Ница, Стразбур и Кристал Палас.

Витор Переира повеќе не е менаџер на Вулверхемптон откако беше отпуштен, само 45 дена откако потпиша нов тригодишен договор со клубот.

Последниот натпревар на Португалецот како тренер беше поразот од 3-0 од Фулам во саботата, што 57-годишникот го опиша како „најлош настап“ на неговиот тим откако ја презеде функцијата. Резултатот ги остави Вулверхемптон на дното на табелата во Премиер лигата и без победа во првите 10 натпревари од сезоната.

40-годишниот Кристијано Роналдо изјави дека ќе игра фудбал сè додека му дозволуваат нозете.

„Ал-Наср победи, а јас постигнав два гола, што е секогаш важно. Секогаш велам дека долговечноста се постигнува само преку страст. И сè уште ја чувствувам таа страст. Без разлика дали постигнувам голови или не, ова е мојот живот. Секогаш било така. Играм фудбал 23 или 24 години и ова е мојот живот. И затоа сакам да продолжам сè додека моите нозе ми дозволуваат“, рече Роналдо.

Арсенал е прв фаворит за титулата во Премиер лигата. „Топчиите“ продолжуваат да напредуваат на врвот на табелата и сега се 7 бода пред најблискиот противник.

Арсенал ја продолжи својата серија без пораз на 12 натпревари во сите натпреварувања. Тимот ја забележа својата седма последователна победа без примен гол, израмнувајќи го клупскиот рекорд поставен во 1987 година. Победничката серија на Арсенал е девет натпревари. Последниот тим што не загуби од „топчиите“ беше Манчестер Сити по нерешениот резултат 1-1 на 21 септември. Единствениот пораз на тимот досега оваа сезона беше од шампионот Ливерпул, со 0-1 на „Енфилд“ кон крајот на август.