Рома вчера загуби на гостувањето кај Атлетик Билбао со 3-1 и беше елиминирана од Лига Европа, трагичарот е Матс Хумелс кој заработи црвен картон уште во 11. минута.

Волчицата повеќе од 80 минути играше со фудбалер помалку поради исклучувањето на германскиот дефанзивец.

„Жал ми е. Сакам да се извинам на сите наши фанови и на моите соиграчи. Ве разочарав сите со грешката која едноставно беше глупава и ужасна. Овие натпревари треба да бидат натпревари во која мојот тим ќе се потпира на мене, сега заебав и тоа го чини целиот клуб рушење на сонот за освојување на Лига Европа. Не знам што уште да кажам, разочаран сум како и сите вие“, напиша Хумелс.

Тренерот на Астон Вила, Унаи Емери ги искажа впечатоците по победата над Бриж (3-0) синоќа во реваншот од осминафиналето на Лигата на шампионите.

„Првото полувреме беше малку напнато, не е изненадувачки, бидејќи секој тим во Лигата на шампионите игра така. Не можевме да ги запреме, не можевме да доминираме со топката. Во вториот дел целосно ја променивме играта. Нашиот план успеа. Благодарение на нашата доминација на теренот постигнавме три гола. Мојата цел, им кажав на играчите, е да играм исто како што тоа го направивме во второто полувреме против Бриж“, изјави Емери.

Астон Вила се пласираше во четвртфиналето каде ќе се соочи со ПСЖ. Првиот натпревар ќе се одигра во Франција на 9 април, а реваншот во Англија на 15

Барселона го обнови договорот со дефанзивецот Иниго Мартинез на уште една сезона. Актуелниот договор на 33-годишниот фудбалер требаше да истече на крајот на сезоната, но Каталонците ја искористија опцијата да го обноват на уште 12 месеци.

Иниго Мартинез се наметна како еден од најстабилните дефанзивци во тимот на Ханси Флик. Двете страни постигнаа договор пред неколку месеци, но дури сега Каталонците добија зелено светло од Ла Лига.

Дефанзивецот се приклучи на Барселона во летото 2023 година со слободен трансфер од Атлетик Билбао.

Оваа сезона баскискиот дефанзивец забележа 33 настапи во сите натпреварувања и постигна три гола.

Иднината на Жоао Феликс во Милан е доведена под знак прашалник. Милан одлучил да не преговара за постојан трансфер на Феликс ова лето, оставајќи го напаѓачот на Челзи во неизвесност околу неговата иднина за следната сезона.

„Калчомеркато“ пишува дека 25-годишниот фудбалер допрва треба да покаже дека заслужува место во тимот на Милан за следната сезона, затоа што „росонерите“ не се задоволни од неговите игри, особено што досега тој не успева да постигне гол во Серија А откако во јануари му се приклучи на Милан на позајмица. Италијанскиот клуб има опција да го ангажира Феликс за околу 41 милион евра ова лето, но таа сума е преголема за она што Феликс го покажува на теренот.

Поништениот гол од пенал на Хулијан Алварез во дербито на Атлетико и Реал Мадрид во осминафиналето на Лигата на шампионите крена огромна прашина.

Одлуката на судијата Шимон Марчињак беше непопуларна, ама правилна и тоа го потврди сега УЕФА. Европската фудбалска куќа образложи дека Полјакот ги следел фудбалските правила.

„Атлетико ѝ се обрати на УЕФА за инцидентот кој доведе до поништување на голот по пеналот на Хулијан Алварез. Иако контактот беше минимален, топката ја удри и со стојната нога пред да шутне, а тоа се гледа и во видеото. Според сегашното правило, ВАР мораше да му сигнализира на судијата да го поништи голот.

УЕФА ќе влезе во дискусии со ФИФА и ИФАБ за да одлучи дали правилото треба да биде сменето ако допирот е видно ненамерен“, соопшти УЕФА.

Сепак, исто така од УЕФА најавија дека можеби тоа правило ќе се менува во иднина.

Европската фудбалска федерација – УЕФА го одреди идеалниот тим за реванш дуелите од осминафиналето во Лигата на шампионите.

Меѓу стативите се најде Џанлуиџи Донарума кој всушност е избран и за играч на неделата во елитното натпреварување. Италијанскиот голман одбрани два пенали и го одведе ПСЖ до победа на „Енфилд“ против Ливерпул.

Во дефанзивната линија се Нуно Мендеш, Асенцио, Емре Џан и Дензел Дамфрис. Средниот ред го сочинуваат Родриго Де Пол, Педри и Марко Асенсио.

Во офанзивната тројка се најдоа Максимилијан Бејер, Хари Кејн и Рахим Стерлинг.

Јагиелонија избори четвртфинале во Конференциската лига, а Борац Бањалука во драматичен натпревари испадна од ова натпреварување.

Јагиелонија го мина Серкл Бриж благодарение на победата во првиот меч од 3-0. Вечерва во Белгија, полскиот клуб загуби со 2-0. Македонскиот репрезентативец Дарко Чурлинов за Јагиелонија играше од 58. минута.

Борац Бањалука во Виена загуби од Рапид во продолженија и покрај тоа што имаше водство од 1-0. Австриците во четвртфиналето влегоа со голот на Швауб во 96. минута.

Поранешниот македонски репрезентативец Бобан Николов на теренот влезе во 74. минута.

Манчестер јунајтед и Тотенхем, заедно со Лион се пласираа во четвртфиналето во Лига Европа.

Манчестер јунајтед го победи Реал Сосиедад со 4-1 и со вкупни 5-2 го елиминитаа тимот од Сан Себастијан.

Три гола постигна Бруно Фернандеш ( два пати беше прецизен од белата точка), а четвртиот гол го постигна неговиот донародник Диото Дало.

Голот за Сосиедад, кој беше прв на овој натпревар од пенал го постигна Микел Ојерзабал.

По победата од 3-1 во Букурешт, Лион славеше над ФЦСБ и во Франција, овојпат со резултат 4-0.

Микаутадзе донесе водство во 14. минута, а до одморот преку Нуама, Олимпик го удвои водството.

И ова дуо беше во центарот на вниманието. Микаутадзе погоди во 47. минута, а Нуама во 88. минута го запечати триумфот.

Место во топ 8 избори и Тотенхем. Спарс во Лондон го совлада АЗ Алкмар со 3-1.

Одобер го отвори резултатот во 26. минута, Медисон во 48. го удвои водството, а во 63. Копмајнерс ја намали предноста на домашниот тим.

Херој на Тотенхем беше Одобер, кој погоди во 74. минута и му обезбеди на Тотенхем меч со Ајнтрахт Франкфурт.