Во дерби натпреварот од 10. коло во Првата ЖМФЛ, фудбалерките на Истатов освоија бод во соочувањето со лидерот на табелата и актуелен шампион, Љуботен.

Двата тима постигнаа по два погодоци, а домаќинот можеше да стигне до изненадување со оглед на фактот дека имаше предност од 2-1.

Љуботен поведе уште во првата минута откако Ајури Тераваки успеа да ја совлада Илина Кировска.

Во продолжението од мечот Истатов успеа да направи пресврт и да дојде до водство. Во 32. минута Ива Здравевска израмни на 1-1, а во 61. Катерина Петкова беше стрелец на вториот гол за домашниот состав.

Љуботен стигна до израмнување во 66. минута со погодокот на Александра Марковска.

Директниот конкурент на Тетовки, Скопје на гостувањето во Кочани славеше со 3:0, а головите беа дело на Рабија Дервиши, Мила Панева и домашната голманка Христина Гоговска која ја затресе сопствената мрежа.

Екипите на Пелистер и Тиквеш играа многу важен меч во Битола, но и двата колективи ја продолжија кризата во македонскиот шампионат со празно реми од 0-0 во рамки на единаесеттата рунда од Првата фудбалска лига.

Пелистер се обиде да ја искористи предноста на домашниот терен и да има иницијатива, но овој таа не резултираше со голгетерска надмоќ. Тиквеш очигледно беше дојден да се брани и одбранбената тактика им овозможи да заминат непоразени од Битола.

Меѓу ретките акции кои остануваат за спомнување од првото полувреме се полушансата за домашните по шутот на Белиќ во третата минута, како и обидот за контра напад со спречен обид за шут на спротивната страна. Керим имаше два обида да го донесе Пелистер во водство, еден при крај на првото полувреме, а еден во вториот дел, но многу поопасно делуваше во вториот обид, кога биеше со глава.

Општо земено, битолчани за својата иницијатива можеа да се пофалат со неколку освоени корнери, но иако во вториот дел имаа и огромен посед на топката, ниту од прекините на игра не успеаја да создадат гол шанса. Мирко Ивановски во најголемиот дел од времето беше покриен или обидите за странични уфрлања на топката во шеснаесетникот не беа прецизни за да стигнат до него, па само еднаш успеа да влета во противничкиот простор по центаршут, но не и да реализира. Во финишот на вториот дел битолчани се обидоа со влегување на Мрмачовски и Ристиќ да освежат во нападот, но повторно без изработена акција и нафрлени топки кои беа лесни за расчистување или за интервенција на Стевковски.

Меѓу последните шанси се и двата слободни удари кои ги изведе Спировски, а само првиот од нив беше во рамките на голот, но сепак лесен „плен“ за гостинскиот голман.

Недостатокот на квалитет за соло акции или можеби инспирација го остави овој натпревар без голови и додавања без завршница, со многу прекршоци за прекинување на играта. Тиквеш ретко се обидуваше да премине во контра напад и најсериозната шанса можеби ја имаше во судиското продолжување, но и таа замина во неповрат без соодветната прецизност.

За Пелистер сега календарот ќе донесе неколку натпревари во низа на домашен терен, откако тоа беше обратно на стартот од сезоната. Во меч од 12. коло кој треба да се одиграна 5 ноември, битолчани во „вечното дерби“ го пречекуваат Вардар, а неколку дена подоцна и Брера.

Реал Мадрид подготвува тужба против УЕФА во износ од околу 4,5 милијарди евра, по пресвртниот судски процес во Мадрид кој утврди дека УЕФА ја злоупотребила својата доминантна позиција во европскиот фудбал.

Случајот произлегува од конфликтот околу Европската Суперлига, проект за независно натпреварување лансиран во април 2021 година од 12 елитни клубови, меѓу кои и Реал Мадрид. Иако иницијативата пропадна по неколку дена под притисок од навивачи и политичари, клубот тврди дека постапките на УЕФА ги прекршиле правилата на Европската унија за конкуренција и му нанеле сериозна финансиска и репутациска штета.

Покраинскиот суд во Мадрид ги одби жалбите на УЕФА, отворајќи му пат на Реал Мадрид, заедно со компанијата „A22 Sports Management“, да побара надомест за изгубени приходи и нарушен углед. Тужбата проценета на 4,5 милијарди евра ги опфаќа директните финансиски загуби и одложените комерцијални можности предизвикани од спорот.

Оваа правна победа претставува сериозен удар врз авторитетот на УЕФА и може да стане преседан што ќе го преобликува управувањето со европскиот фудбал. Таа исто така може да охрабри и други клубови да ги оспорат ограничувачките практики на континенталната организација.

Проектот Суперлига, сега ребрендиран како „Unify League“, сè уште не е реализиран и во него засега учествуваат само Реал Мадрид и Барселона.

Фудбалерот на Интер Мајами, Лионел Меси, објасни што треба да направи тимот за да ја освои МЛС.

„Се подобривме и станавме значително посилни во последните две сезони. Сепак, сè уште сме неконзистентни и примаме многу голови. Ако сакаме да ја освоиме МЛС, треба да продолжиме да се подобруваме во дефанзива. Го почувствувавме тоа минатата година кога бевме први по регуларниот дел од сезона, а потоа бевме елиминирани во првото коло на плеј-офот“, изјави Меси за „ESPN“.

Оваа сезона, Интер Мајами се пласираше во осминафиналето на плејофот, каде што го добија првиот натпревар од серијата против Нешвил Предаторс со 3:1. Реваншот ќе се одржи на 2 ноември во Нешвил.

Легендарниот играч од средниот ред на Манчестер Јунајтед, Пол Сколс, неодамна искрено проговори за нешто што го нарекува „најлошото нешто“ што го направил во неговата фудбалска кариера. Одбивањето на понудата од Интер кога имал само 25 години.

Трансферот, вреден околу 4 милиони фунти годишно, бил вистинско богатство за тоа време. Иако парите биле повеќе од примамливи, Сколс решил да остане верен на клубот кој го изгради, Манчестер Јунајтед. Денес, со мала горчина признава дека тоа можеби била неговата „најголема грешка во фудбалот“, покажувајќи колку е тежок товарот на големите одлуки во спортот.

Сколс се осврна и на други моменти кои оставиле трага во неговата кариера. Еден од нив е од 2001 година, кога одбил да игра во мечот од Лига Купот против Арсенал, откако претходно бил изоставен од составот за натпреварот против Ливерпул во Премиер Лигата.

Тогаш, како млад фудбалер, мислел дека постапува правилно. Но денес признава дека тоа било детинеста и глупава одлука, која само го нарушила неговиот однос со легендарниот менаџер Сер Алекс Фергусон и со клубот.

Освен клубските грешки, Сколс зборуваше и за своето прерано повлекување од репрезентацијата на Англија на само 29 години. Решението било донесено поради семејството и незадоволството од улогата во националниот тим, но кога ја гледал Англија на Светското Првенство во 2010 година, не можел да се ослободи од чувството дека направил погрешен чекор.

Исповедта на Пол Сколс открива човечка страна на една навидум совршена кариера. Иако неговиот лик останува симбол на лојалност, скромност и класа, Сколс со своите зборови потсетува дека дури и најголемите ѕвезди се соочуваат со „што ако“ моменти и со тежината на одлуките кои го менуваат текот на нивниот живот и наследство.

Вељко Пауновиќ е новиот селектор на фудбалската репрезентација на Србија. Ќе го има своето деби на клупата на 13 ноември, во Англија.

Одлуката за назначување на селекторот ќе ја потпишат членовите на Извршниот одбор на Фудбалскиот сојуз на Србија (ФСС), на состанокот следната недела.

По серија исцрпни преговори, синоќа беа дефинирани клучните детали за соработката меѓу ФСС и новиот селектор. Оставено е време двете страни, да го обликуваат договорот во писмена форма и потоа да ја официјализираат идната соработка.

Одговорот пристигна навреме и веќе е јасен: Вељко Пауновиќ ќе биде 12-ти селектор на Србија со целосен мандат. Тој ќе го наследи Драган Стојковиќ на клупата, кој остави зад себе рекорден ангажман, кој траеше четири години и помалку од осум месеци.

Се очекува Пауновиќ да го има своето деби на 13 ноември, на гостински терен во Англија. Тој ќе го води првиот натпревар во Србија три дена подоцна, против Латвија во Лесковац.

Реал Мадрид и Суперлигата бараат 4,5 милијарди евра отштета од УЕФА. Претходно беше објавено дека Мадридскиот покраински суд ја отфрли жалбата на УЕФА за тужба против Суперлигата.

Реал објави во соопштение дека „ќе бара отштета од УЕФА за претрпената штета“.

Според „As“, адвокатите на Реал Мадрид и компанијата што управува со Суперлигата веќе работат на тужба што двете организации ќе ја поднесат против УЕФА „за отштета за претрпената штета“, која ќе изнесува речиси 4,5 милијарди евра.За потсетување, во мај 2024 година, Арбитражниот суд во Мадрид делумно го потврди барањето на организаторите на Суперлигата и пресуди дека УЕФА и ФИФА мораат „да престанат со своето антиконкурентско однесување и да го забранат неговото повторување во иднина“, а исто така ги обврза „веднаш да ги елиминираат сите последици од нивните антиконкурентски дејствија“.

Арсенал стана првиот англиски клуб од Премиер лигата кој победил на шест натпревари во еден месец без да прими гол. Арсенал постави рекорд без примен гол во октомври.

Синоќа тимот на Микел Артета го победи Брајтон во осминафиналето од англискиот Лига Куп (2-0). Арсенал ги доби сите шест натпревари во октомври, при што не прими ниту еден. Ниту еден друг тим во Премиерлигата не постигнал ваков резултат.