Севиља му ја врачи оставката на тренерот Хозе Луис Мендилибар по
серијата лоши резултати сезонава.
„По состанокот на Управниот одбор на клубот, Севиља одлучи да го
ослободи Хозе Луис Мендилибар од должноста главен тренер на
клубот“, соопштија од клубот од Андалузија.
„Клубот сака да му се заблагодари на тренерот за неговите услуги,
чија улога ќе остане во историјата на клубот по освојувањето на Лига
Европа во Будимпешта“, се додава во соопштението за медиумите на
Севиља.
Мендилибар ја предводеше Севиља во 28 официјални натпревари,
постигнувајќи 10 победи, 11 нерешени и седум порази, а клубот ја
освои и Лигата на Европа.
Севиља моментално се наоѓа на 14. место во Примера со само две
победи во осум кола, додека во групата Б од Лигата на шампионите
забележа две нерешени средби.

Винициус Жуниор е фокусиран само на Реал Мадрид, па тврди дека
кариерата сака да ја заврши во шпанскиот клуб.
Реал вчера славеше убедлива победа против Осасуна со 4-0, во рамки
на 9. коло од Ла Лига, Винициус постигна еден погодок во победата
на Реал.
„Секогаш ми е чест да играм овде пред овие одлични навивачи и им
враќам максимално за љубовта која ја добивам од нив. Среќен сум
што играм за Реал Мадрид, сакам да бидам овде до крајот на
кариерата“, порача Винициус, кој е член на „кралевите“ од 2019
година.
23 годишниот Винициус сезонава одигра седум натпревари и
постигна три гола. Бразилецот има договор со Реал до 30. јуни следната година, а шпанските медиуми тврдат дека прашање е на
денови кога Реал и Винициус ќе седнат да се договорат за нова
соработка.
Според неговата форма и најавите, тој треба да добие долготраен
договор до 2030 година и со одредено зголемување на финансиските
примања.

Ива Пројковска доби големо признание од УЕФА и ќе го суди реванш
натпреварот од женската Лига на шампиони помеѓу Пари Сен Жермен и Манчестер Јунајтед.
Натпреварот помеѓу двата европски гиганти е на програмата на 18
октомври во Париз. На Пројковска ќе и помагаат Елена Соклевска-
Илиевски и Вјолца Изеири, како четврта судијка ќе биде Ирена
Велевачкоска-Ристевски. Ова за Пројковска ќе биде првпат во
кариерата да суди на шампионот на Англија, додека на Пари Сен
Жермен веќе еднаш му судеше. Во кариерата претходно македонската
судијка делеше правда на натпревари на кои играа екипите на:
Барселона, Реал Мадрид, Баерн Минхен, Арсенал, Челси…
Пред шест месеци на натпреварот помеѓу Шкендија и Победа
Пројковска стана и првата жена која судела натпревар од Првата
македонска фудбалска лига во машка конкуренција.

Манчестер Јунајтед направи чудесен пресврт во судиското продолжение и на драматичен начин стигна до три бода против Брентфорд, нешто што изгледаше невозможно во регуларните 90 минути.

Јунајтед беше летаргичен и изгледаше доста јалово во нападот, но потоа Ерик Тен Хаг го погоди „џокерот“ и МекТоминеј со два гола се погрижи за страшна еуфорија и победа на „Олд Трафорд“.

„Ѓаволите“ се вратија на победничките патеки во домашното првенство и тоа е многу важно за самодовербата, но една од позначајните одлуки на Тен Хаг на оваа средба беше тоа што го извади Касемиро на полувреме.

Бразилецот кумуваше за голот на Брентфорд и ја подари топкта на противникот на средината на теренот, па кога Ерик беше запрашан зошто го оставил на клупа во продолжение, одговорот беше доста искрен и брутален.

„Зошто го извадив Касемиро? Сакав да играме повеќе со топка и да гледаме повеќе фудбал. Ми требаше квалитетен играч со пас и врска меѓу средината и нападот, затоа го внесов Ериксен на местото на Касемиро“, изјави Тен Хаг.

Жерард Пике е сопственик на шпанскиот второлигаш ФЦ Андора, а со последната изјава најави дека ќе го пресели клубот на друга локација и ќе ја остави малата земја без фудбалски клуб.

Властите во Андора му соопштиле на клубот дека по крајот на сезоната нема да може да го користи единствениот адекватен стадион „Естади Насионал“, а причината е што решиле да постават подлога за различни спортови, а која нема да добие зелено светло од Шпанската фудбалска федерација.

„Инвестиравме повеќе од 4 милиони евра во стадионот за да добиеме дозвола да играме таму, а сега тие нѐ бркаат. Не постои друга опција во Андора, така што благодарам што нѐ избркавте од земјата. Немаме друга опција од тоа да го промениме името на клубот и да настапуваме на друго место. Честитам, ја оставивте Андора без професионален клуб“, порачал Пике во својата последна изјава.

ФЦ Андора е единствениот професионален клуб во земјата која се наоѓа меѓу Шпанија и Франција, а настапува во шпанскиот фудбалски систем повеќе од седум децении. Пике го презема клубот во 2018 година и го одведе до втората лига, односно на чекор до борба за место во елитата.

Вејн Руни го напушти кормилото на Ди-Си Јунајтед откако не успеа да влезе во плеј-офот во фудбалската МЛС лига на САД.

Неговиот тим вчера победи против Њујорк Сити но, остана на 9 место во Источната конференција. Во разигрувањето за титулата продолжија првите седум екипи од двете конкуренции.

„Дојде вистинско време за заминување. Направив се што можам да го одведам клубот во плеј-офот. Некогаш работите не излегуваат како што сакаме“, изјави Руни.

Италијанските медиуми шпекулираат за иднината на Жозе Мурињо и прогнозираат дека може да заработи отказ доколку не победи против Калјари, но во моменти кога клубот го демантираше тоа, самиот Португалец се јави со една интересна изјава за својата иднина.

Тренерот на „волчицата“ има план да ја доработи оваа сезона во Рим и да стави крај на етапата кога ќе му заврши договорот во месец јуни наредната година, по што интересно е да се види дали ќе добие примамлива понуда од Европа, или ќе се вклучи во трендот кој е актуелен веќе една година.

Мурињо откри дека изминатово лето ја одбил најлудата понуда која може да ја добие еден тренер, но и самиот е свесен дека еден ден ќе заврши во Саудиска Арабија, земја во која фудбалот добива страшен подем.

„Ќе одам во Саудиска Арабија во моментот кога ќе имам повеќе слободно време, но убеден сум дека ќе работам таму. Не знам кога точно, но убеден сум дека ќе работам во Саудиска Арабија“, заврши Португалецот. 

По скандалот со допинг тестот на кој два пати паѓаше Пол Погба, во Јувентус веќе сфаќаат дека го губат и дека тој мора да се пензионира.

„Човечки гледано тоа ми пречи многу, бидејки со Пол сум доста близок. Фудбалот губи извонреден фудбалер кој беше поразличен од останатите. Да ја сочекаме казната и да видиме. Ова сите не растажи, се надеваме за најдоброто за него, воопшто не му е лесно на психички план“, порача Максимилијано Алегри.

Францускиот фудбалер откако падна на вториот допинг тест, стана јасно дека ќе добие повеќе годишна суспензија и дека неговата кариера скоро сигурно оди во неповрат.

Последните информации се дека францускиот фудбалер би можел да биде суспендиран на четири години, а со тоа практично завршена и неговата кариера.

Сите спортски настани во Израел се откажани, а новите термини ќе бидат подоцна објавени. Во ракетниот напад најмалку две лица се ранети, додека едно лице го загуби животот.

Израелскиот премиер Бенјамин Нетанјаху изјави дека неговата земја е во во војна говорејќи по ненадејниот напад од палестинската милитанта група Хамас.

„Граѓани на Израел, во овој момент све во војна“, објави израелскиот лидер во видео пораката. Од безбедносниот кабинет на воениот штаб во Израел во Тел Авив, министерот за одбрана Јоа Галант предупреди дека Хамас „направиле сериозна грешка“.

Шпанскиот прволигаш Атлетико Мадрид ја продолжи соработката со еден од најважните играчи во екипата, дефанзивецот, Хосе Марија Хименез.

Уругавецот веќе една деценија го носи „црвено-белиот дрес“, односно со најдовиот договор тој треба да остане на „Ванда Метрополитано“ до 2028 година. Хименез е вистински лидер на одбраната на „душекџиите“, вистиски воин кој совршено се совпаѓа во филозофијата на тренерот Диего Симеоне.

Тој во оваа средина дојде од Данубио. Оваа сезона има одиграно пет натпревари во сите натпреварувања.

Лампард одби да го преземе Глазгов Ренџерс