Саудиска Арабија е следната дестинација на Касемиро
Бразилецот Касемиро пристигна во Реал Мадрид како големо засилуваање, но не ги оправда очекувањата на „Олд Трафорд“ и сега е пред заминување.
Според последните информации Касемиро до крајот на овој месец би можел да ја промени средината. Најавите се дека ќе следи трансфер во Саудиска Арабија каде и што би ја заврши кариерата.
Од друга страна Манчестер јунајтед на тој начин би се ослободил од неговата голема плата која изнесува 350.000 фунти неделно, што секако е големо оптоварување на клупскиот буџет.
Се поврзуваше Касемиро со преселба и во летниот преоден рок, меѓутоа на крајот остана на „Олд Трафорд“.
Постекоглу: Ако имавме фер-судење ќе го победевме Њукасл
Екипата на Тотнем загуби на домашен терен против Њукасл (1-2), а натпреварот го одбележа спорен момент.
Њукасл дојде до израмнување откако украдената топка дојде по игра со рака на Жоелинтон. Потоа тој додаде до Гимараеш, а на крајот акцијата во гол ја претвори Гордон.
По натпреварот своето незадоволство не го криеше тренерот Анге Постекоглу кој не сакаше директно, ама индиректно кажа сè што требаше за судењето.
„Навистина сум лут, мислам дека никогаш досега не сум бил вака лут во кариерата. Одигравме фантастично, меѓутоа останавме со празни раце. Капа до под за моите фудбалери. Знам што посакувате сите да кажам. Сепак, само ќе го искоментирам ова. На било кој друг ден, во фер услови и сè беше регуларно – ќе победевме“, изјави Постекоглу.
Фред Карли уапсен, спринтерот смирен со електрошок
Поранешниот светски шампион на 100 метри и освојувач на два олимписки медали, американскиот атлетичар Фред Керли е приведен по расправија со полицајци во Мајами.
Инцидентот се случил додека полицијата работела на случај, а Керли се приближил до областа и се обидел насилно да влезе во своето возило, кое било паркирано во близина.
Полицијата тврди дека Керли „се обидел насилно да помине низ двајцата полицајци“ и покрај нивните барања тој да ја обиколи областа. На снимката од камерите на телото објавена од полицијата на Мајами Бич се гледа како американскиот спринтер со својата девојка се расправа со група полицајци. Неговото однесување станувало сè поагресивно, што доведе до пресметка со полицијата.
Четворица полицајци се обиделе да го приведат Керли, кој пружил отпор, па полицијата употребила тизер за да го смири.
„И покрај напорите на полицајците да ја деескалираат ситуацијата, пријавениот заземал борбен став и продолжил да ги игнорира нивните законски наредби. Кога полицајците се обиделе да го уапсат, тој активно им се спротивставил“, соопштија од полицијата.
Керли е обвинет за злоставување, отпор на полицаец и непристојно однесување, а неговата девојка Клео Рахман, диџеј позната како Dj Sky High Baby, исто така се соочува со обвинение за давање отпор на полицаец. „Ова изгледа како целосно недоразбирање“, изјави неговиот бранител Јеил Санфорд за локалните медиуми.
„Господин Керли е спортист кој соборува рекорди. Тој се натпреваруваше на Олимпијадата, тој е модел на граѓанин во нашата заедница. Ова не е ништо повеќе од преголема реакција на полицијата“, додаде тој.
Керли освои бронза на 100 метри на Олимпијадата во Париз минатата година и сребро на Олимпијадата во Токио. Тој исто така освои шест медали на Светските првенства, вклучувајќи го и светското злато на 100 метри во 2022 година во Јуџин.
Ливерпул во Баерн ја пронајде замената за Салах
Според медиумите на Островот, во случај Мохамед Салах навистина да си оди од „Енфилд“ тогаш Ливерпул и тоа како ќе тргне по ѕвездата на Баерн Минхен, и тоа по Лирој Сане.
На германскиот репрезентативец во јуни му истекува договорот со “баварците“ па така тој во Ливерпул би дошол бесплатно што се однесува до отштетата.
Сане е добра опција за “Редси“ и поради фактот дека офанзивецот веќе играше во Премиер-лигата и тоа во Манчестер Сити од 2016 до 2020.
Само реми за Арсенал во Брајтон
Арсенал и Брајтон ремизираа 1-1 во 20. коло од Премиер лигата.
Брајтон успеа да остане непоразен и да го забележи своето четврто реми по ред, додека Арсенал ја прекина серијата од четири победи во сите натпреварувања.
„Топчиите“ сепак нема да бидат задоволни, по ова реми со два натпревари повеќе имаат пет бода помалку од лидерот Ливерпул.
Се чинеше дека Арсенал ќе победи на „Амекс“ стадионот во Брајтон. Поведе во 16. минута преку тинејџерот Нванери, по феноменалната соло серија.
Сепак, тој гол во раната фаза од натпреварот како да не им требаше на фудбалерите на Арсенал. Зошто? Бидејќи од тој момент започнаа да „крадат“ од времето.
Казната за таквата определба Арсенал го стигна во 61.минута кога Жоао Педро најпрвин избори пенал, а потоа и го претвори во гол.
Наполи фуриозно мина низ Фиренца и со победа ја отвори новата година
Фудбалерите на Наполи убедливо ја започнаа 2025 година. „Наполитанците“ гостуваа кај Фиорентина и во голем стил ги освоија трите бода во едно од дербито од 19. коло во италијанската Серија А.
Натпреварот на стадионот „Артемио Франки“ во Фиренца заврши со резултат 0-3 (0-1).
Гостите поведоа со голот на поранешниот играч на Ајакс и Бенфика, Давид Нерес. Во 29. минута.
Во првото полувреме беше поништен по еден гол за секоја екипа, голот на Наполи во 15. минута на Матиас Оливеира поради тоа што Ромелу Лукаку беше во офсајд, а голот на Фиорентина во 38. минута поради играње со рака Мозес Кин.
Гостите во вториот дел одиграа уште поубедливо. Најпрвин Лукаку реализираше пенал во 54. минута, а петнаесетина минути подоцна Скот Мектоминеј го совлада својот поранешен соиграч од Манчестер јунајтед, Де Хеа за конечни 0-3.
По оваа победа, Наполи го презеде првото место на табелата, откако пред натпреварот го делеше првото место со Аталанта со по 41 бод. Фиорентина остана на петтото место со 32 бода.
Премиерот и министерот ги охрабрија репрезентативците пред заминување за Хрватска
Претседателот на македонската влада, Христијан Мицкоски и министерот за спорт, Борко Ристовски, присуствуваа на подготовките на машката сениорска ракометна репрезентација. На ракометарите и стручниот штаб им ги честитаа празниците и им посакаа успех на претстојното Светско првенство.
Во знак на благодарност за поддршката, селекторот Лазаров на премиерот Мицкоски му подари персонализиран дрес.
Македонија на СП 2025 ќе игра во групата со Холандија, Унгарија и Гвинеја, а трите најдобри селекции во групата одат во главната фаза.
Тренерот Михајлов ја напушти Брера
Продолжува „егзодусот“ во Брера Струмица, а клубот потврди дека се раздели со тренерот Горазд Михајлов.
По неколкуте фудбалери кои заминаа од клубот, сега на ред дојде и предводникот Михајлов кој четири месеци ја водеше екипата. Главниот спонзор Брера се повлече од клупските структури, па поради тоа дојде до серија заминувања.
Михајлов и Брера спогодбено ја прекинаа соработката, иако искусниот стратег вршеше добра работа во Струмица. Клубот му се заблагодари на досегашниот тренер, а се очекува во следниот период да го промовира неговиот наследник.
Реал ќе го обжали црвениот картон на Винициус
Тренерот на Реал Мадрид, Карло Анчелоти го коментираше исклучувањето на напаѓачот Винисиус Жуниор во натпреварот од 12. коло од шпанското првенство против Валенсија (2:1).
Во 79. минута Бразилецот доби црвен картон поради туркањето на голманот Столе Дмитриевски.
„Ова не беше за црвен картон. Ќе се жалиме. Голманот го испровоцира, а Вини одговори. Требаше да има жолт картон и за двајцата, и тоа е тоа“, изјави Анчелоти.
Поради инцидентот, Винисиус се соочува со суспензија од 4 до 12 натпревари.
Сити го декласира Вест Хем, Челзи само ремизираше на „Селхарст парк“
Фудбалерите на Манчестер сити остварија убедлива победа против Вест Хем, додека Челзи не успеа да го победи Кристал Палас, во 20. коло од Премиер лигата.
По серијата неуспеси, Манчестер сити успеа да врзе две победи во лигата. На „Етихад“, тимот на Гвардиола убедливо го победи Вест Хем со 4:1. Цоуфал со авто-гол го отвори натпреварот, потоа голгетерскиот пост го прекина Халанд, постигна два гола, а Фоден зголеми на 4:0. Филкруг само го ублежи поразот на „чеканите“.
Челзи уште еднаш не успеа да победи. На последните четири натпревари „сините“ од можните 12 освоија самодва бода. Санчо им донесе предност на „сините“ во 14.минута, а конечните 1:1 ги постави Матета во 82. минута.
