Винициус Жуниор го победи Родри „од втора“ во трката за индивидуалните награди. Откако Шпанецот ја доби „Златната топка“, Бразилецот го доби признанието на ФИФА и наградата „THE BEST“.

Во изборот учествуваа и тројца Македонци, односно селекторот Благоја Милевски, капитенот на репрезентацијата Енис Барди и новинарот Мијалче Дургутов како медиумски претставник.

Селекторот Милевски не го смеси Винициус во најдобрите тројца, за него на првото место беше Дани Карвахал, пред Џуд Белингем и Родри на третото место.

Енис Барди пак го одбра Родри на првото место пред Вини, а Ерлинг Халанд доби бодови за третата позиција.

Единствено Дургутов го „погоди“ победникот, го смести Винициус Жуниор на првото место, пред Родри и Дани Карвахал.

Фудбалерот на Милан, Тео Хернандес, сака да потпише нова соработка и да остане во редовите на „росонерите“, наведуваат денеска медиумите во Италија.

Неговиот агент задолжен за трансфери, Мануел Гарсија, деновиве изјави дека дефанзивецот има намера да остане во Милано и да парафира нов договор.

Ќе потсетиме дека Французинот во јули во 2019 година го напушти шпанскиот состав Реал Сосиедад и за 20 милиони евра се пресели на „чизмата“.

Европскиот шампион Реал Мадрид вечерва ќе ги одмери силите со мексиканска Пачука во финалето на Интерконтиненталниот куп. Натпреварот ќе се одигра во Доха, Катар со почеток од 18:00 часот.

Интерконтиненталниот куп ги спротивставува шампионите на сите шест светски конфедерации. Сега победникот на Лигата на шампионите на Стариот континент има предност што оди директно од финалето, додека останатите играат директни елиминациски натпревари. Пачука, која денеска ќе се обиде да направи сензација против фаворизираниот тим на Карло Анчелоти, во полуфиналето го елиминираше јужноамериканскиот првак Ботафого.

Мексиканците ги предводи уругвајскиот селектор Гилермо Алмада, непознат во Европа, а ѕвезда на тимот е централниот напаѓач Саломон Рондон (35 години), кој долги години играше на Стариот континент за клубови како Вест Бромвич, Њукасл, Евертон и други.

Интересно, Пачука и Реал Мадрид ќе се сретнат и на претстојното Светско клупско првенство на лето.

Првиот човек на Барселона, Хуан Лапорта, имал одвоени разговори со фудбалерите Роналд Араухо и Френки де Јонг.

Тој побарал од двајцата да ги продолжат договорите бидејќи се значаен дел од Каталонскиот клуб. Централниот стопер и Холанѓанецот, имаат тековна соработка до 2026 година.

Доколку Араухо и Де Јонг не прифатат да стават потписи на нов договор, тогаш ќе бидат вметнати на трансфер-листата во текот на летото.

Тренерот на Реал Мадрид, Карло Анчелоти го доби признанието на ФИФА за најдобар во годината која изминува.

Карло Анчелоти ја освои Ла Лига и Лигата на шампионите, па заслужено го доби признанието за најдобар на годината.

Денес беше доделена наградата „The BEST“ која заврши во рацете на Бразилецот Винисус. Ова награда е награда за која гласаат селекторите и капитените на репрезентаците, но хрватскиот селектор Златко Далиќ и оваа година не учествуваше.

Не станува збор за исклучок бидејќи Далиќ не учествува од 2022 година кога изјави дека ФИФА нема респект кон хрватските фудбалери и од тој момент ја бојкотира церемонијата.

Сепак, за разлика од Далиќ во изборот гласаше Лука Модриќ кој својот глас го даде за: Винисиус, Белингем и Карвахал.

Македонскиот фудбалски напаѓач, Бојан Миовски е еден од добитниците на орденот „Свети Никола“ кој Штип ги доделува на заслужни граѓани од овој град.

Орденот „Свети Никола“ 13 години се доделува на Денот на град Штип – 19 декември, а овојпат меѓу добитниците е и Бојан Миовски.

Во образложението на Комисијата за доделување на ова највисоко признание на Штип, се вели дека Миовски е еден од најдобрите македонски фудбалери кој е силен репрезент на македонскиот фудбал, вистински амбасадор на Македонија.

Миовски е роден во Штип, кариерата ја почна во Брегалница, играше за Работнички и Ренова во домашниот фудбал, а потоа замина во странство, најпрво во Унгарија, потоа и во Шкотска, сега го носи дресот на Жирона во шпанската Ла Лига.

Можеби ќе ве интересира

Фудбалерите на Јувентус немаа проблеми и славеа убедлива победа во четвртфиналето од Купот на Италија против Каљари со убедливи 4:-0 со што обезбедија место во осминафиналето.

Доминираше Јувентус од самиот почеток и создаваше шанси за гол, а резултатот го отвори Душан Влаховиќ во првото полувреме.

Во вториот дел во листата на стрелци се запишаа уште Теун Копмајнерс, Франциско Консеисао и Николас Гонзалес кој во финишот го постаи конечниот резултат.

По овој натпревар Јувентус го чека гостување кај Монца во во Серија А каде што „старата дама“ е во серија од четири нерешени натпревари.