Меѓутоа, Сане никогаш во целост не ги оправда очекувањата на „Алијанц Арена“ и размислува да ја промени средината.
Германецот има договор со 2025 година и влезе во последната година од договорот, па на лето може да замине како слободен агент.
Ситуацијата будно ја следат неколку европски гиганти, а најсилен интерес покажуваат Барселона и Арсенал кои веќе стапиле во контакт со агентот на Германецот.
Душан Влаховиќ е честа тема на италијанските медиуми кои пренесуваат дека неговата иднина во Јувентус е неизвесна.
Договорот на 24-годишниот фудбалер со „бјанконерите“ истекува во 2026 година и преговорите за продолжување се уште не се започнати.
Следното лето може да биде клучно за Влаховиќ бидејќи би влегол во последната година од договорот, па поради тоа Јувентус е спремен да го продаде. Јувентус мора да го намали трошоците и ќе му понуди подолг договор, но со помала плата, а тоа не му се допаѓа на Влаховиќ кој одбива „компромис“.
Интерес за него покажуваат неколку европски гиганти, пред се Арсенал и Манчестер Јунајтед.
Младата надеж на Манчестер Јунајтед, Коби Мeино е блиску до нов договор, објави Фабрицио Романо. „Црвените ѓаволи“ преговараат со претставниците на играчот од средниот ред со месеци, а договорот е еден од приоритетите на клубот.
Сè уште нема официјален договор, бидејќи реба да се направат уште неколку чекори, но Манчестер Јунајтед е уверен дека процесот ќе биде финализиран наскоро. Меино е многу среќен во клубот и исто така сака да остане на „Олд Трафорд“.
Maнчестер Сити ја потврди големата промена на директорската позиција.
Како што е потврдено на клупскиот сајт, Чики Бегиристајн по 12 години дефинитивно го напушти Сити, а на негово место пристигнува Хуго Виана.
Португалецот се докажа на местото спортски директор во Спортинг Лисабон, доволно е да се каже дека го „намириса“ Виктор Ѓеќереш и го донесе од Ковентри за 24 милиони евра.
Сити образложи дека Вијано во наредните месеци ќе биде во контакт со Бегирстајн кој ќе го запознае со работата која целосно ќе ја преземе од летото 2025 година.
Не треба да се заборави дека Чики Бегиристајн е еден од најважните луѓе што Пеп Гвардиола одлучи да дојде во Сити во 2016 година, бидејќи преговараше и со Манчестер Јунајтед. Исто така голем успех имаше во Барселона во периодот од 2003 до 2010 година.
Изминатиов викенд на 12 и 13 октомври, Кик Бокс Клубот “Самурај“ од Битола со 9 натпреварувачи учествуваше на Меѓународниот Кик Бокс турнир “БЕЛГРАД ТРОФЕЈ“ од каде се вратија со осум освоени медали.
Најпрво Ива Цветаноска во категоријата помлади кадети -37 кг. го освои сребрениот медал, веднаш потоа во истата категорија -47кг. Дарија Петкоска го освои го освои бронзениот медал, Сара Стојановска со убедлива победа од 3:0 најпрво ја победи српската натпреварувачка Николина Ристиќ и потоа во финалната борба со остварена голема разлика во поени и прекин ја победи Антонија Тасева и со тоа го освои златниот медал во категоријата постари кадети -55кг.
Димо Гоноски во категоријата сениори – 94кг. освои сребрен медал, Леа Бошевска исто во категоријата сениори -50кг. освои златен медал, а Тамара Божиновска постари кадети -46кг.
Сиваков Давид јуниори -74кг. и Дамјана Пеовска јуниори -70кг. се закитија со бронзени медаљи. Баталоски Енес во категоријата јуниори -74кг. за жал беше видно оштетен од страна на судиите каде што во текот на целата борба водеше со разлика од над 10 поени и при крајот на борбата беше неправедно дисквалификуван.
На Трофејот учествуваа 198 кикбоксери, 41 клуб од 5 држави – Македонија, Србија, Хрватска, Босна и Херцеговина и Црна Гора.
Раководството на Манчестер Јунајтед донело одлука да го стави Хари Мегваер на трансфер листа во зимскиот преоден рок.
„Црвените ѓаволи“ се подготвени да се разделат со Мегваер за само 10 милиони фунти. Ова е осумпати помалку од сумата што Манчестер Јунајтед ја плати за дефанзивецот на Лестер во 2019 година.
Мегваер беше пред заминување од „Олд Трафорд“ и претходно, но Јунајтед не беше задоволен од добиените понуди, но сега клубот е решен да се ослободи за симболична сума.
Во моментов Мегваер е повреден и нема да настапува за Јунајтед барем еден месец, а Тен Хаг му кажал дека повеќе нема да смета на него.
Фудбалерот на Арсенал Букајо Сака поради повреда нема да настапи на вечерашното гостување на Англија против Финска, откако крилниот офанзивец доби зелено светло да се врати назад во својот клуб во Лондон.
Сака не би требало долго да паузира откако последните информации покажаа дека повредата на мускулот на десната нога не е сериозна.
Првичните прегледи ја отфрлиле можноста за кинење на мускулот, па сега најверојатно ќе следи неколку дена целоно мирување пред Сака да се приклучи на тренинзите на својот тим.
Францускиот ракометен стратег и поранешен ракометар Дидие Динарт ќе биде новиот селектор на Црна Гора.
Тој го освои златниот медал со Франција на сите три големи натпреварувања, а како играч и тренер освои дури 10 златни медали.
На клупски план освои четири трофеи во Лигата на шампиони и навистина нереални 11 шампионски титули, од кои шест во Франција и пет во Шпанија. Играчката кариера ја заврши во 2012 година, а Франција ја водеше од 2016 до 2020 година.
Тој ќе има можност да дебитира на клупата на Црна Гора на 6 ноември, кога Црногорците играат со Финска во квалификациите за ЕП 2026.
Поранешниот менаџер на лондонски Челзи и Баерн Минхен, Томас Тухел, наскоро може да седне на клупата на фудбалската репрезентација на Англија. Веста ја објави авторитетниот германски весник „Ди Велт“.
Според изворот, во моментов активно напредува преговарачкиот процес меѓу ФА и германскиот стратег. Се истакнува дека договор меѓу страните може да биде постигнат веќе во октомври.
Тухел последен пат работеше како тренер на Баерн Минхен, кој го напушти на крајот од минатата сезона. Претходно беше објавено дека Потер, Лампард и Гау се исто така кандидати за местото селектор на репрезентацијата на Англија.
Враќање на Серхио Рамос во редовите на Реал Мадрид поради проблемите со повреди во последната линија на „кралевите” објавија шоанските медиуми.
Повредени во Реал се Едер Милитао, Давид Алаба и Дани Карвахал, па затоа Рамос се појавува како опција да го засили тимот. Шпанскиот втеран е без ангажман откако му истече договорот со Севиља.
Навивачите би сакале да го видат Рамос повторно во белиот дрес, меѓутоа „Марка“ која важи за медиум близок до Реал Мадрид ја потврди оваа вест.
