feature

Цвена Звезда слави во првото АБА-дерби оваа сезона

Кошаркарите на Црвена звезда го совладаа Партизан со 89-84 во белградската Арена во 13. коло од АБА лигата.

Со оваа победа Црвена звезда им се приклучи на врвот на Партизан и Будуќност. Трите екипи имаат по 11 победи и два порази, со напомена дека Црвена звезда забележа победи против ривалите од врвот, а Будуќност има победа над Пртизан.

Исклучително интересна и ефикасна игра меѓу Црвена звезда и Партизан донесе дури 9 тројки во првата четвртина и 101 поен само во првото полувреме на крајот. Партизан во втората четвртина ја имаше највисоката предност, два пати водеше со девет поени, а Црвена звезда во третиот период направи разлика од осум поени.

На крајот мечот го решија двете почетнички грешки на кошаркарите на Партизан. Во последната минута, два пати по тајм аут на Жељко Обрадовиќ, неговите играчи лоши ја уфрлаа топката во игра.

Еднаш не ја уфрлија во предвидените пет секунди, а вториот пат Вашингтон му ја даде топката на Калиниќ.

Неста доби отказ, Бокети е нов тренер на Монца

Салваторе Бокети е новиот тренер на Монца, соопшти италијанскиот клуб. Бокети потпиша договор со Монца до јуни 2027 година. Тој доаѓа во клубот да го замени Алесандро Неста, кој доби отказ поради лошите резултати.

Неста во јуни годинава стана тренер на Монца, која по 17 кола го зазема последното, 20. место на табелата во Серија А со само 10 бодови.

Покрај тоа, Монца го заврши натпреварувањето во Копа Италија во осминафиналето, откако беше поразена од Болоња.

Бокети нема големо тренерско искуство Во текот на тригодишната кариера во Верона работеше само како тренер на младинците и помошник тренер во првиот тим.

Фјури не помислува на пензија, веќе се подготвува за нова борба

Тајсон Фјури доживеа пораз од Олександр Усик во реваншот во борбата за најдобар боксер во тешка категорија.

Украинецот победи со едногласна одлука и потврди дека моментално е подобар боксер од Фјури. По мечот започнаа шепекулациите дека ова може да биде негово збогување со боксот.

Сепак, Британецот веднаш излезе со демант.

„Не е готово“, накратко изјави тој за британските медиуми.

Веќе се шпекулира дека негов следен меч би можел да биде против Ентони Џошуа за статусот најдобар тешкаш во Велика Британија.

„Тоа ќе биде најдобрата борба во историјата на британскиот бокс. Еден меч на Вембли, еден во Ријад. Тоа е планот“, изјави Еди Херн, менаџерот на Џошуа.

Оскар по осум години замина од Кина и потпиша за Сао Паоло

Еден од првите фудбалери што се пресели од Европа во Кина поради извонредната финансиска понуда се враќа во својата татковина.

По осум години поминати во Азија, Оскар ќе се врати во Бразил, поточно во Сао Паоло.

Поранешниот играч на Челзи се пресели во Кина од „Стемфорд Бриџ“ пред осум години, во своите најдобри играчки денови и форма. Многумина тогаш беа шокирани од оваа вест, но Оскар добро го наплати престојот во Кина.

Поранешниот бразилски репрезентативец стана легенда на Шангај, за кого настапуваше осум години. Пристигна во рекорден трансфер од 60 милиони евра и од првиот момент се истакна по квалитет. Со Шангај три пати беше шампион на Кина.

За осум години оствари приход од околу 200 милиони евра.

Оскар наводно би требало да се врати во Сао Паоло, а договорот би бил потпишан на три години.

Фудбалерот од средниот ред кариерата ја започна во Сао Паоло, потоа се пресели во Интернасионал, а играше за Челзи од 2012 до 2017 година. За репрезентацијата на Бразил забележа 48 настапи и постигна 12 гола.

Фенер се раздели со Бобан Марјановиќ

Највисокиот кошаркар во Евролигата, Бобан Марјановиќ повеќе не е член на Фенербахче, потврди во понеделникот клубот од Истанбул.

Поранешниот НБА кошаркар минатото лето потпиша едногодишен договор со турскиот клуб, но имаше и опција да ја раскине соработката пред јануари.

Фенербахче пред неколку дена објави дека го продолжил договорот со Кем Бирч до крајот на сезоната и веднаш се наметна прашањето за иднината на Марјановиќ, кој речиси и да не играше кај тренерот Шарунас Јасикевичиус.

Клубот од Босфор сега сака да ја засили центарската линија со уште еден играч. Покрај Брч, Јасикевичиус во тимот ги има Николо Мели и Сертан Шанли.

36-годишниот српски кошаркар одигра шест натпревари во Евролигата и за 10 минути на теренот имаше просек од 4 поени и 3,5 скока. Во турската лига има просек од 10,1 поен (67,6% за два), 4,9 скока, 1,6 асистенции и 0,4 блокади.

Еден клуб од Италија и еден од Турција в лето го сакаат Мегваер

Искусниот дефанзивец на Манчестер Јунајтед., Хари Мегваер на крајот од сезоната би можел да се пресели во Наполи или Галатасарај. Италијанците и Турците ја следат ситуацијата со договорот на дефанзивецот на Манчестер Јунајтед, кој истекува во јуни 2025 година.

Од јануари 31-годишниот Англичанец има право да преговара со други клубови, додека „црвените ѓаволи“ имаат опција да го продолжат договорот на една година.

Чеферин му честиташе на Омерагиќ за изборот

Претседателот на УЕФА, Александар Чеферин упати писмо со честитка за изборот на Масар Омерагиќ за нов претседател на Фудбалската федерација на Македонија.

-Ве молам прифатете ги моите искрени честитки за изборот за претседател на Фудбалската федерација на Македонија. Оваа година, 2024, се одбележуваат 30 години од членството на ФФМ во УЕФА а за тоа време вашата посветена Национална федерација сработи многу во градењето и развојот на фудбалот. Масар, бидејќи одблизу го знаете притисокот од играњето и менаџирањето со фудбалот на највисоко ниво, верувам дека со сето срце ќе го прифатите потенцијалот на фудбалот во Македонија и ќе продолжите да ги бележите точките за напредок, кои вашата федерација и вашата држава го заслужуваат“ – стои во дел од писмото на Чеферин.

Ви посакувам се најдобро во новиот, возбудлив претседателски мандат што претстои – а вие и вашите најблиски да уживате во прекрасна празнична атомсфера и среќна Нова година“ – стои во писмото од првиот човек на УЕФА.

Габриел од Макаби ќе го менува Лесор во Панатинаикос

Панатинаикос сака во своите редови да го доведе кошаркарот на Макаби Тел Авив Венјен Габриел.

Центарот од Јужен Судан треба да го замени Матијас Лесор, кој се здоби со тешка повреда на мечот против Басконија. Французинот ќе биде надвор од терените три до четири месеци.

Габриел сезонава во дресот на шампионот на Израел има просек од 5,8 поени, 4,7 скока, 1,3 асистенции и 1,1 блокада. На теренот поминува по 15 минути по натпревар.

Макс Алегри ќе ја води Рома од следната сезона?

Рома според информациите, планира да започне официјални преговори со Масимилијано Алегри следната недела.

Клубот сака тренер кој го познава италијанскиот фудбал, а Алегри, со искуството од Калијари, Милан и Јувентус, е идеален избор.

Информациите наведуваат дека Рома е подготвена да му понуди атрактивни услови на Алегри, не само финансиски туку и во однос на организациската моќ и слободата во донесувањето спортски одлуки.

Сепак, „Кориере“ додава дека единствената сериозна конкуренција на Рома е Милан, кој размислува дали да продолжи со Пауло Фонсека. Доколку дојде до раскин на соработката со Фонсека, Милан исто така би сакал да го ангажира Алегри.

Мбапе: Сега подобро ги разбирам соиграчите

Фудбалерот на Реал Мадрид, Килијан Мбапе се осврна на победата над Севиља (4-2) во 18. коло од Ла Лига. Французинот постигна гол и асистенција.

-Реал играше многу добро, многу се подобривме во последните неколку месеци. Чувствувам дека навивачите беа воодушевени по натпреварот, како и ние. Многу работи се променија во тимот од моето доаѓање. Но, како што рече тренерот, адаптацијата е завршена. Се чувствувам одлично, почнав подобро да ги разбирам другите, изјави Французинот за „As“.

Реал Мадрид има 40 бодови и се наоѓа на второто место на табелата во Ла Лига.

«< 493 494 495 496 497 >»