Новото засилување на фудбалскиот тим Арсенал, Јуриен Тимбер, имаше малерозен старт на сезоната и заработи потешка повреда.

Тој ги оштети лигаментите на десното колено и ќе мора да оди на рехабилитира барем неколку месеци, потврдија денеска – „топчиите“. Голгетерот се повреди на средбата против Нотингем Форест во првото коло од Премиер лигата.

Ќе потсетиме дека Холанѓанецот беше купен од Ајакс за 38 милиони евра вклучително и бонуси.

Полскиот фудбалски репрезентативец, Пјотр Зиелински, ја одбил понудата на Ал-Ахли од Саудиска Арабија само за да остане во Наполи, тврдат денеска Скај Спорт Италија и Калчомеркато.

29-годишниот играч од средниот ред се согласил да добие помала плата само да ја продолжи соработката со италијанскиот шампион.

Иако имаше шпекулации дека за неговиот потпис е заинтересиран и Лацио, Полјакот нема намера да ја менува средината.

Аријан Адеми би можел наскоро да се врати во Европа бидејќи
интерес за него покажал Трабзонспор.
Според информациите на турските медиуми, Трабзонспор
започнал преговори со Пекинг Гуан за позајмица на македонскиот
репрезентативец. Засега нема најави каков би бил исходот на
преговорите.
Сепак, турските медиуми истакнуваат дека Трабзон по секоја цена
сака да се засили со искусен играч за врска кој ќе помага и во
одбраната. Покрај Адеми во игра се уште неколку имиња, но
нашиот фудбалер е прва мета поради хрватскиот стратег Ненад
Бјелица.

Португалецот Деко кој со голем успех го носеше дресот на
Барселона од 2004 до 2008 година се врати во Каталонија и сега
ќе има улога на спортски директор.
Деко денес беше промовиран за нов спортски директор, а
договорот кој го потпиша е со важност на три години. Ова
именување на Деко за спортски директор не е преголемо
изненадување затоа што Португалецот од мај помагаше во
трансферите на Барселона.
На позицијата Деко го наследува Метју Алемани кој официјално
ќе си замине на 2-ри септември, односно со завршувањето на
летниот преоден рок. Дотогаш Деко и актуелниот спортски
директор ќе работат заедно.

Фудбалерот од средниот ред на Фулам, Жоао Палиња може да се
пресели во екипата на Ливерпул, објави весникот „Дејли Меил“.
Според изворот, 28-годишниот Португалец е сериозна мета на
Ливерпул. „црвените“ во очај бараат засилување за средниот ред
по заминувањето на Фабињо, а досега веќе имаа неколку
неуспешни обиди на трансфер пазарот.
Палиња минатата сезона забележа 40 настапи и постигна 4 гола
за Фулам.

Македонскиот прволигаш Работнички доведе уште едно
засилување за новата сезона. Нов фудбалер на „романтичарите“
е Шафик Кагиму.
Станува збор за 24-годишен фудбалер од Уганда кој потпиша
двегодишен договор со Работнички. Тој во Скопје доаѓа од
шампионот на Кенија, Гор Махиа Најроби и игра на позицијата
централен играч за врска.
Работнички ќе биде негов прв клуб на европско тло, а за
репрезентацијата на Уганда има одиграно 18 натпревари.

Рома и официјално го комплетираше трансферот на
аргентинскиот играч за врска Леандро Паредес, кој дојде од Пари
Сен Жермен, соопшти италијанскиот клуб.
„Добредојде повторно дома!“, му порачаа од клубот на Паредес,
кој ги бранеше боите на Рома во периодот од 2014 до 2017
година. Светскиот шампион со Аргентина потпиша договор со
Рома до 2025 година.
“Секогаш е возбудливо да се вратиш во Рома. Им благодарам на
навивачите за пречекот и на управата што ме вратија во клубот
кој ми даде пат кон Европа“, порача Аргентинецот.

Италијанскиот репрезентативец, Николо Заниоло зад себе има одлични шест месеци во дресот на Галатасарај, но брзо ја завршува епизодата во Турција. Нов клуб на Заниоло ќе биде Астон Вила.

Заниоло во зимскиот преоден рок бараше трансфер во Милан, а кога се пропадна и влезе во лош однос со Рома единствениот излез му го понуди Галатасарај. По добрите настапи во турското првенство и освоената титула Унаи Емери го доведува во Премиер лигата.

Трансферот на Заниоло го потврди и тренерот на Галатасарај, Окан Бурук.

„Желбата на Заниоло беше да игра во Премиер лигата и ние ја почитувавме. Во такви услови, најдобро за клубот е да го пушти да замине. Веќе го имаме Тете и на негово место ќе доведеме засилувае“, изјави Бурук по вчерашниот триумф на Галатасарај над Олимпија Љубљана од 1-0.

Напаѓачот на Болоња, Марко Арнаутовиќ наскоро ќе му се приклучи на Интер, тврди новинарот Николо Шира.

Според изворот, 34-годишниот Австриец денеска ќе биде подложен на лекарски преглед пред да го комплетира трансферот во Интер. Претходно беше објавено дека Болоња за трансферот ќе добие 10 милиони евра.

Арнаутовиќ играше за Интер во сезоната 2009/10 на позајмица. Потоа одигра три натпревари за клубот и ја освои тројната круна како дел од миланезите.