feature

Двоен триумф на Амар Хусеиновиќ во Најроби

Младиот македонски тенисер Амар Хусеиновиќ оствари двоен триумф на турнирот во Најроби, Кенија и со тоа ја потврди улогата на носител број еден во двете конкуренции. Хусеиновиќ победи и во поединечна и во конкуренција на двојки заедно со Јан Сикора од Чешка. Во поединечна конкуренција Хусеиновиќ сите мечеви ги доби со 2-0 во сетови.

Во сингл финалето Хусеиновиќ го совлада Аирик Абединзадех од Иран со 2-0 во сетови (6-3, 6-1), а на патот до финалето Хусеиновиќ ги совлада: Рафаел Хозе Де Лима Гонзалез од Венецуела со 2-0 во сетови (6-0, 6-0) – второ коло, Педро Куероз од Бразил со 2-0 во сетови (7-6/4, 6-3) – 3.коло. Во четвртфиналето го победи Абделазиз Гуенуми од Мароко со 2-0 (6-2, 6-3), а во полуфиналето беше подобар од Србинот Марко Драговиќ со 2-0 во сетови (6-4, 6-1).

Во конкуренција на двојки со Чехот Јан Сикора во финалето ги победија тенисерите од Србија Марко Драговиќ и Урош Живковиќ со 2-1 во сетови (4-1, 3-5 11-9 на поени).

Амар Хусеиновиќ и следната недела ќе има настап на турнир во Кенија.

Рамос потпиша за Монтереј, ќе добива 4 милиони евра по сезона

Поранешниот фудбалер на Реал Мадрид се приклучува на мексиканскиот клуб Монтереј како слободен агент.

Серхио Рамос ќе заработи 4 милиони евра плус бонуси за тековната сезона, објави новинарот Николо Шира.

Исто така и инсајдерот Фабрицио Романо, лиферува информација дека поранешниот дефанзивец на Реал ден претходно потпишал преддоговор со мексиканскиот клуб на една година.

Последен клуб на 38-годишниот Шпанец беше Севилја, која ја напушти минатото лето. По Реал, Рамос настапуваше и во Пари Сен-Жермен.

Нов проблем за Анчелоти, се повреди и Рудигер

Дефанзивецот на Реал Мадрид, Антонио Рудигер ќе отсуствува неколку недели поради повреда. Дефанзивецот почувствува непријатност и побара замена во 15. минута од натпреварот со Еспањол.

Антонио Рудигер го држеше задниот дел од десниот бутен мускул. Тој по оваа повреда на мускулот ќе биде надвор од терените околу 20 дена.

Сезонава дефанзивецот има 22 натпревари во Ла Лига. Неговиот тим загуби на синоќешното гостување кај Еспањол со 0:1 во натпревар од Ла Лига.

Два хет-трика во една недела, Дембеле влезе во историјата на ПСЖ

Фудбалерот Осман Дембеле го запиша своето име во историјата на Пари Сен Жермен постигнувајќи три гола против Брест, што беше негов втор хет-трик оваа недела.

Извонредната серија на Дембеле започна со неверојатен хет-трик против Штутгарт во Лигата на шампионите во средата. Потоа постигна уште три гола во Лига 1, поставувајќи личен рекорд.

Иако клубот може да се пофали со легендарни напаѓачи како Килијан Мбапе, Единсон Кавани и Златан Ибрахимовиќ, досега никој не успеа да постигне два последователни хет-трика со тимот на ПСЖ.

„Треба да му честитате на тимот и особено на моите соиграчи за асистенциите. Затоа што за првиот гол се што требаше да направам е да ја сместам тпопката во голот. А за третиот додавањето беше исклучително“, изјави Дембеле.

Галатасарај го претстави Алваро Мората

Турскиот фудбалски шампион Галатасарај и официјално го објави потписот на Алваро Мората кој доаѓа на позајмица од Милан.

Напаѓачот од авионот објави видео порака до приврзаниците на гигантот од Истанбул.

Шпанецот требаше да биде во Турција во саботата навечер, но околу 19 часот во Милано временските услови го спречија авионот да полета.

Се очекува Мората да потпише 18-месечна позајмица со опција за откуп. Клаузулата ќе стане задолжителна по исполнување на одредени услови.

Наполи во надополнувањето испушти победа во Рим

Дуелот меѓу Рома и Наполи заврши без победник, 1-1.

Според досега прикажаното најсериозните кандидати за титулата во Серија, Наполи и Интер, гостуваа во 23.коло. Интер одигра 1-1 со градскиот ривал Милан. Бод за Интер спаси Де Фрај во 93. минута.

Наполи во целост го контролираше натпреварот на „Олимпико“. Наполитанците максимално ја искристија чудната постава во која насташи Рома. Клаудио Раниери на клупата ги остави Салемакерс, Паредес, Довбик, Дибала.

Поранешниот играч на Рома, Спинацола, во 29.минута, во стил на напаѓач го лобуваше Свилар и му донесе предност на Наполи.

Во останатиот дел од мечот имаше многу борба, главно на средината на теренот, но без многу шанси.

Најдобрата шанса за израмнување ја имаше Рома во 75. минута, Паредес од слободен удар од речиси 30 метри, ја погоди стативата. Но гостите немаа одговор во 92.минута. Стрелец беше левиот бек на Рома, Анхелињо, кој фати волеј по центаршутот на Салемакерс.

Интересен факт: последен пат Наполи ги добил двата натпревари во Серија А против Рома во сезоната 1920/21 година.

Данска ја одбрани светската круна, Гидсел пак е МВП

Ракометната репрезентација на Данска четврти пат по ред стана светски шампион. Данска, во финалето во Осло, убедливо ја совлада Хрватска со 32-26 (16-12)

Ракометарите на Данска ја оправдаа улогата на фаворити во дуелот за златниот медал.

Селекторот Николај Јакобсен, кој ја предводи Данска од 2017 година, ја предводеше својата земја до четвртата последователна светска титула. Таа серија започна во 2019 година со убедливата победа над Норвежаните (31-22) на домашен терен во Хернинг. Славеа во Египет (финале против Шведска – 26-24) две години подоцна, а хет-трикот беше комплетиран во Стокхолм против Французите (34-29).

Избраниците на исландскиот стручњак Дагур Сигурдсон беа комплетни аутсајдери во ова финале и не го повторија подвигот од Португалија во 2003 година.

Финалниот меч беше последен за Домагој Дувњак и Игор Карачиќ во дресот на Хрватска. Дувњак е рекордер според бројот на постигнати голови и одиграни натпревари во националниот тим.

Франција бронзена, одбраната на Болзингер ја сопре Португалија

Репрезентацијата на Франција ја победи Португалија и го освои бронзениот медал на СП во Данска, Норвешка и Хрватска.

Франција славеше против Португалија со 35-34 во драматичен натпревар што беше решен во последните секунди, благодарение на гол од седум метри.

Поголем дел од првото полувреме натпреварот беше израмнет, но Франција пред крајот на првиот дел поведе со плус три (15-12) за на одмор замина со предност од 19-17. Слично се играше и во второто полувреме, но Португалија успеа да дојде до пресврт и да поведе со 26-24, но не и да го задржи водството.

Франција не се откажуваше и во финишот дојде до израмнување на 34:34, седуваше последен напад и тајмаут по кој што беше изнуден пенал кој го искористи Ричардстон з аводство од 35-34.

На Португалија и останаа уште 16 секунди за да оргинизира акција за гол, но последниот удар од крилна позиција го одбрани голманот на Франција, Болзингер и неговата селекција го освои бронзениот медал на ова СП.

Холандски прволигаш половина минута играше со 12 фудбалери

Бизарни триесет секунди го обележаа натпреварот меѓу Херенвен и Фортуна Ситард (2-2) во холандската Ередивизија.

Херенвен имаше водство од 2-1 од 82. минута, кога се случи неверојатна ситуација, Фортуна на теренот имаше голман и 11 играчи, поточно 12 играчи, а никој не забележа.

Тренерот на гостинската екипа направи две замени во 88. минута, а еден од играчите кој беше заменет остана на теренот.

Од игра требаше да излезат Рајан Фосо и Хаспер Далхаус. Циркусот настана кога Едуард Михут се приближи до клупата на гостинскиот тим.

Сите мислеа дека е тој ја напушта играта, но тој се врати на теренот, а играта продолжи без Далхаус да го напушти теренот.

Фортуна играше со играч повеќе и така успеа да постигне гол и да дојде до бод.

„Мислам дека тоа што се случи е многу посебно. Фортуна имаше 12 играчи на теренот. Се чини дека тоа е дозволено и возможно. Никогаш не разговарам со судиите и ги оставам да си ја завршат работата, но тие не можат да играат со 12 играчи. Тоа е незамисливо. Го прашав четвртиот судија дали треба да направи нешто. Не можете да играте со 12 фудбалери. Навистина не можам да го разберам тоа. Мислам дека ова е навистина скандалозно”, изјави по натпреварот тренерот на Херенвен, Робин ван Перси.

Кристал Палас го освои „Олд Трафорд“, Тотенхем слави во Брантфорд

Во Премиер лигата, во терминот од 15 часот се одиграа два натпревари. Победија гостите со идентични 0-2.

Манчестер јунајтед ја прекина серијата од три победи (две во Лига Европа и една во Премиер лигата) на домашен терен против Кристал Палас. „Црвените ѓаволи“ го забележаа 11.пораз во Премиер лигата.

Победата на Кристал Палас му ја обезбеди Матета со головите во 64. и 89.минута.

Тотенхем во малото градскот дерби победи кај Брентфорд. Ова е прва победа за Тотенхем во Премиер лигата од почетокот на годината.

Авто гол си постигна Јанелт во првиот дел, а точка на мечот стави Сар во 87. минута.

«< 513 514 515 516 517 >»