Педро Родригез го продолжи договорот со Лацио и збогуваше за клубот како идеално место за завршување на играчката кариера, бидејќи во Рим препознал вредности кои прават на секој тренинг да замине со максимална мотивација.

Шпанскиот фудбалски ветеран ќе остане најмалку уште една сезона во синиот дрес и стави потпис на договорот три дена пред да наполни 36 години, што прави овој договор да биде уште поспецијален за него.

Педро ужива голема доверба од Маурицио Сари и тимот ќе има големи искушенија со оглед на тоа што ќе игра во Лигата на шампионите, натпреварување за кое се потребни и засилувања.

Лацио сигурно ќе се обиде да го збогати ростерот до крајот на летниот преоден рок, а едно од имиња кои се посериозно се поврзуваа е Хадсон Одои од Челси, играч кој Педро го познава од времето во Лондон.

„Подготвен сум да го споделам своето искуство како и досега, сакам да бидам важен на теренот и во соблекувалната. Сега ќе играме во Лигата на шампиони, тоа е најтешкото натпреварување и тоа за нас ќе биде награда за она што го направивме минатата сезона. Ја посакувам Барселона во групната фаза, иако знам дека ќе биде тешко против нив. Сепак, сакам да играм против нив, ќе биде специјално да се вратам на „Камп Ноу“. изјави Педро.

Тренерот на Рома, Жозе Мурињо е заинтересиран да го доведе играчот на Евертон, Доминик Калверт-Луин, објавија денеска италијанските медиуми.

Англискиот напаѓач последните две сезони имаше проблеми со повреди и не пружи импресивни партии. Ова би било седмо засилување за Мурињо од Премиер лигата откако ја презеде Рома, објави „Коријере дело Спорт“.

Португалскиот тренер на тој начин би добил играч кој би можел да го замени Тами Абрахам кој се уште се опоравува од повредата.

„Кориере дело спорт“ изјави дека Рома наскоро ќе испрати понуда до 26-годишниот англиски фудбалер.

Рома веќе е во сериозно турбулентен период поврзан со заминувањата на играчите и нивните адекватни замени.

Тренерот на Интер, Симоне Инзаги, верува дека неговиот тим може да го освои Скудетото следната сезона. Инзаги, кој се подготвува со тимот во Јапонија, вели дека е свесен колку тешко ќе биде да се стигне до целта и следната сезона.

„Сакаме да се наметнеме во Европа, знаеме дека ќе биде тешко, но ќе се обидеме. Потоа, тука е големата цел, освојување на Скудетото, тоа е нашата желба. Добро се подготвуваме во Јапонија и се надевам дека добро ќе ја отвориме сезоната“, вели Инзаги.

Интер минатата сезона ја заврши играјќи во финалето на Лигата на шампионите, а во Серија А заврши на третото место зад шампионот Наполи и екипата на Лацио.

Германски „Билд“ денеска пишува дека Баерн Минхен наскоро ќе почне преговори со поранешниот голман на Манчестер Ј., Давид де Хеа. Според весникот, по гласините за можното заминување на Јан Зомер и повредата на Мануел Нојер, Томас Тухел бара нов голман и Де хеа е едно од трите имиња на списокот на потенцијални засилувања.

Покрај Де Хеа, Баерн разговара и со голманот на Брентфорд, Давид Раја како и со Санчез од Брајтон.

Заврши договорот помеѓу ПСЖ и Серхио Рамос. Се шпекулираше дека можно е да направи трансфер во Саудиска Арабија, но во моментов работите се поинакви, па Интер Мајами е следната потенцијална дестинација на Рамос.

Тој во последните две сезони беше дел од тимот на ПСЖ кој како слободен агент пристигна од Реал Мадрид во 2021 година. Дотогаш беше чудно да се видат Меси и Рамос во ист дрес, а сега две години подоцна постои шанса да играат повторно заедно.

Според весникот „Спорт“, двете страни се многу блиску до договор и се верува дека Серхио Рамос ќе потпише едногодишен договор со Интер Мајами.

Да потсетиме дека Рамос сакаше да се врати во Севиља, но оттаму кажаа дека не го сакаат во своите редови.

Жоао Кансело последната полусезона ја мина на позајмица во Баерн Минхен, а Манчестер Сити сака да се ослободи од него.

Сепак, цената што ја одреди беше отфрлена од најзаинтересираниот клуб. По позајмицата во Баерн, каде Жоао Кансело ја мина изминатата полусезона, тој се врати во Манчестер Сити, но овој клуб не смета на него.

Пеп Гвардиола не го гледа сериозно во своите планови и слободно може да си најде нов клуб. Иако првично тимот од „Етихад“ беше подготвен да го пушти Португалецот на позајмица, сега тоа не е така и сакаат да го продадат.

Според шпански „Спорт“, дефанзивецот е ставен на трансфер-листата, а одредената цена за него е 50 милиони евра.

Барселона беше заинтересирана да го донесе на позајмица со право на откуп следното лето, но тоа нема да се случи.

Кога каталонскиот клуб дозна за одредената цена, автоматски се откажа од Кансело и тој нема да премине во редовите на овој шпански гигант.

Каталонците имаат деликатна финансиска ситуација и мора да продаваат играчи за околу 60 милиони евра за да можат да се пријават во Ла Лига. 

Феде Валверде ја заврши минатата натпреварувачка сезона со најава дека ќе ги пропушти воведните пет кола во новата, но до такво нешто сепак нема да дојде.

Уругвајскиот репрезентативец ја избегна навестената тешка казна која требаше да ја добие, откако натпреварувачката Комисија во Шпанија не најде доволно докази против фудбалерот на Реал Мадрид.

Главниот судија кој го водеше овој случај предложи казна од пет натпревари за Валверде поради физичкиот напад врз Алекс Баена во подтрибинскиот простор на „Сантијаго Бернабеу“, па иако беа испрашувани и сведоци од двата тима, на крајот Комисијата не собра доволно докази за да додели казна.

Станува збор за скандал кој се случи на 8-ми април по натпреварот меѓу Реал и Вилјареал во шпанската престолнина, кога Баена се пожали дека бил физички нападнат од Валверде и добил удар во главата пред паркингот на стадионот.

Според информациите кои ги пренесуваат италијанските медиуми, напаѓачот на Аталанта, Расмус Хојлунд се договорил со Манчестер Јунајтед околу условите на петгодишниот договор.

Манчестер Јунајтед во наредните денови треба да ја испрати официјалната понуда која би требало да изнесува 60 милиони фунти. Останува да се види дали клубот од Италија ќе ја прифати оваа понуда бидејќи на неколку пати челниците на клубот имаат изјавено дека не сакаат да ја спуштат цената под 70 милиони.

Германските медиуми денес пренесуваат дека управата на Баерн Минхен се повеќе верува дека ова лето можат да го доведат фудбалерот на Тотенхем, Хари Кејн.

Од Скај Германија пренесуваат дека водечките луѓе на Баварците оваа недела планираат средба со претседателот на Тотенхем, Даниел Леви, на кого ќе му ја соопштат висината на нивната најнова понуда.

Иако се појавија шпекулации дека во игра за доведување на англискиот голгетер влезе и ПСЖ, сепак директорите на Баерн не покажувале преголема загриженост.

Актуелниот договор на Кејн со Тотенхем истекува идното лето кога може да го напушти клубот како слободен играч, меѓутоа Баерн сака негов ангажман што побрзо.

Почетокот на фудбалскиот шампионат во Србија можеби нема да започне во планираниот термин.

За преместување на стартот ќе се одлучува во четврток во Судот за спортска арбитража во Лозана. Адвокатскиот тим на Колубара поднесе жалба, а од Лозана многу брзо реагираа и потврдија дека по итна постапка ќе одлучуваат за елиминацијата од лигата.

Како што е нагласено, до среда двете страни се должни да се изјаснат за случајот во кој Колубара е елиминиран од Супер лига Србија.

После нивната жалба и заседанието во Лозана, во четврток попладне ќе се изнесе конечната одлука.