feature

Катар ги сака Олимписките игри во 2036 година

Според шефот на КОК, шеикот Јохан бин Хамад Ал-Тани, спортската инфраструктура на земјата е веќе 95 проценти подготвена за турнир од ваков обем. Како дел од националниот план базиран на долгорочна стратегија, Катар има за цел да обезбеди сите објекти да бидат целосно подготвени, како и да создаде наследство кое е одржливо од социјална, економска и еколошка перспектива.

„Нашата цел не е само успешно да ги организираме Игрите, туку да му понудиме на светот уникатно искуство кое ги комбинира инклузивноста, одржливоста и меѓународната соработка“, рече шеикот Ал-Тани.

Во изјавата се нагласува дека Олимписките игри во 2036 година би можеле да бидат првите што некогаш ќе се одржат на Блискиот Исток. Ова ќе му овозможи на Катар да го претстави „арапскиот олимписки модел“ базиран на разновидност, отвореност и моќта на спортот да ги обединува нациите.

Следните Летни олимписки игри ќе се одржат во 2028 година во Лос Анџелес (САД), а во 2032 година домаќин ќе биде Бризбејн (Австралија).

Седлоски: Вардар може да се носи со сите ривали!

Мал бран на еуфорија ги зафаќа вардаровите навивачи пред важниот европски дуел против Лозана во рамките на второто коло на Конференциската лига. Тренерот на победникот на Купот на Македонија, екипата на Вардар, Гоце Седлоски за јавниот национален сервис изјави дека очекува солиден пристап од играчите во двомечот со швајцарската Лозана, истакнувајќи дека тимот има доста нови поединци, но е доволно зрел за да покаже карактер.

Вардарци се аутсајдери во двомечот со Лозана, но Седлоски верува дека најтрофејниот клуб во Македонија има квалитет да направи уште еден сериозен исчекор во Конференциската лига.

„Лозана има неколку промени во екипата, а воедно доведе и нов тренер. Мислам дека имаат квалитет, но мене ми е најважно како ќе изгледа мојата екипа. Играчите знаат што бараме од нив и очекувам да покажеме карактер уште од првата минута.

Сакам да покажеме дека можеме да се носиме со сите ривали. Имаме нови играчи кои лесно се адаптираа на нашата филозофија. Ќе се обидеме да оствариме добар резултат во Скопје, а потоа ќе мислиме на реваншот“, изјави Седлоски.

Вардар ја пречекува Лозана на 24 јули. Натпреварот ќе се одигра на арената „Тодор Проески“ и ќе започне во терминот од 20:30 часот.

Бошковска: Убаво е што сум повторно дел од екипата

Селекторот на женската одбојкарска репрезентација на Македонија Стефан Пауновиќ за претстојните евро квалификации ќе може да смета на Мери Бошковска. Таа поради повреда не беше дел од натпреварите кои се играа на почетокот од летото во рамки на Европската Сребрена лига.

„Се чувстувам подобро, а последните 15 дена сум со репрезентацијата. Повредата ја санирав, поминав и со физикални терапии и индивидуални вежби за зацврстување на зглобот. Се надевам дека комплетно ќе се вратам во ритам. Убаво е што сум пак дел од екипата. По оваа повреда почувствував колку е тешко кога сакаш, а не можеш да и помогнеш на екипата! Се надевам дека со моето враќање ќе придонесам во тимот, објаснува коректорката Мери Бошковска.

Натпреварите со Грција и Австрија не можат да сменат ништо за Македонија во циклусот за ЕуроВолеј 2026, но можат да бидат нова потврда за тоа дека екипата расте од акција во акција.

-Вистина е дека немаме резултатски притисок во дуелите со Грција и Австрија, но остануваме мотивирани да дадеме максимум и да понудиме добра игра особено пред домашната публика, додаде Бошковска.

Македонија на 3.август на домашен терен во Скопје (СЦ Борис Трајковски) игра против Грција, а на 9.август и гостува на Австрија.

Стеауа падна во Скопје, Шкендија сонува историја

Фудбалерите на Шкендија со минимална предност ќе патуваат на реваншот со ФЦСБ во рамките на второто коло во квалификациите за Лигата на шампиони.

Тетовци на Арената во Скопје одиграа борбен меч и успеаја да дојдат до каква-таква предност за возвратниот меч во Романија. Стрелец на единствениот гол беше Адаму Алхасан во 65 минута откако одлично нафрлената топка од десната страна успеа со глава да ја испрати во горниот дел од голот.

Судијата во еден период имаше повеќе работа и покажа по еден црвен картон на двете страни. Џака во нашиот тим и Танасе кај гостите, пред време да заминаа во соблекувалната. Вториот дуел меѓу ФЦСБ и Шкендија ќе биде одигран на 30 јули на теренот на Романците.

Димитријевиќ пред враќање во руската кошарка

Репрезентативецот на Македонија, Ненад Димитријевиќ, ќе ги напушти редовите на Олимпија Милано и ќе се врати во руската лига, тврдат италијански инсајдери.

Новинарот Андреа Калцони објави дека Димитријевиќ ќе потпише двегодишен договор за вкупно три милиони евра со Зенит. Пред да дојде во Италија, 27-годишникот играше за Уникс, со кого ја освои ВТБ лигата во 2023 година.

Според Калцони, Олимпија ќе му плати на Димитријевиќ 500.000 евра, што треба да претставува разлика во договорот и на тој начин Димитријевиќ ќе стане слободен агент.

Димитријевиќ беше MВП на Суперкупот на Италија, кој Армани го освои во 2024 година, а во последната сезона во Евролигата имаше просек од 7,6 поени, 1,6 скока и 2,9 асистенции по натпревар.

Саул на чекор до потпис со Фламенго

Саул Нигез по 17 години го напушти Атлетико Мадрид. Играчот, кој претходната сезона ја мина на позајмица во Севилја, спогодбено се раздели со клубот од „Метрополитано“.

Саул како слободен играч се очекуваше да се пресели во Трабзон. Во неделата, турскиот клуб испрати авион по него во Мадрид, но тој одби да отпатува во Турција. Медиумите објавија дека во договор со семејството решил да го одбие Трабзон.

Сепак причината била поинаква. Саул кариерата ќе ја продолжи во најбогатиот бразилски клуб Фламенго.

Там тренер ќе му биде поранешниот соиграч од Атлетико, Фелипе Луис.

Шпанија по пенали до финале на Светското првенство во ватерполо

Шпанија, потешко од очекуваното, стана првиот финалист на Светското првенство во Сингапур. Во полуфиналето, актуелниот европски шампион ја победи Грција со 11-9 (3-2, 3-1, 0-1, 1-3, 4-2).

„Црвената Фурија“, обезбеди пласман во финалето на Светското првенство за прв пат од 2022 година, кога ја освои титулата. Исто така со оваа победа Шпанија обезбеди медал, петти пат по ред на светските првенства, што никој досега не успеал да го направи.

Во изведувањето на пенали, Шпанците беа непогрешливи. Унаи Рубио ги одбрани ударите на Скумпакис и Какарис.

Вториот финаист ќе биде познат по дуелот меѓу Србија и Унгарија.

Џака ги одби понудите од Италија за да потпише за Сандерленд

Гранит Џака ќе го напушти Баер Леверкузен во актуелниот преоден рок. Џака го поврзуваа со Милан и Фенербахче, но тој ги изненади сите со изборот на новиот клуб. Наредната сезона ќе го носи дресот на повратникот во Премиер лигата, Сандерленд!

Сандерленд конечно се врати во Премиер лигата и има главна цел на клубот е да го задржи статусот во елитата, а Џака сигурно ќе биде голем поттик во таа кампања.

Веста за договорот со Сандерленд ја потврди и неговиот менаџер Хозе Ногера.

„Постигнавме принципиелен договор со Сандерленд. Гранит сака да се врати во Премиер лигата. Сандерленд беше многу привлечен од него и сака да го прифати овој предизвик. Се надеваме дека Леверкузен ќе ја почитува неговата желба да замине и дека клубовите наскоро ќе постигнат договор“, рече тој.

Швајцарецот има 33 години и има договор со Баер до летото 2028 година.

Барса ќе плати „пенали“ ако не го откупи договорот на Рашфорд

Крилниот напаѓач Маркус Рашфорд е блиску до тоа да се приклучи на Барселона на позајмица до јуни 2026 година. Каталонците веќе се договориле со Манчестер Јунајтед за договор со опција за откуп.

Како што објави „Барса Универзал“, врз основа на зборовите на новинарот Мигел Рико, доколку Барселона не ја активира опцијата за перманентен трансфер, клубот ќе мора да плати отштета од околу 5 милиони евра.

Рашфорд се согласи на намалување на платата од 30%, но дури и ако се земе ова предвид, тој ќе заработи околу 14 милиони евра. Откупот на играчот ќе ги чини Каталонците 30-35 милиони евра.

Маркус Рашфорд потекнува од академијата на Манчестер Јунајтед. Втората половина од минатата сезона ја помина на позајмица во Астон Вила. Неговиот договор со Манчестер Јунајтед е до летото 2028 година. Моменталната пазарна вредност на напаѓачот се проценува на 50 милиони евра.

Кејлор Навас потпиша за Унас Пумас во Мексико

Голманот на Њуелс Олд Бојс, Кејлор Навас, потпиша договор со мексиканскиот Унам Пумас. 38-годишниот Костариканец потпиша договор до летото 2026 година. Трансферната цена е 1,7 милиони евра.

Навас се приклучи на Њуелс Олд Бојс во јануари 2025 година, потпишувајќи договор до крајот на 2026 година.

Тој одигра 16 натпревари во сите натпреварувања, прими 11 гола и 8 пати не прими гол.

Навас се повлече од репрезентативниот фудбал минатата година. Тој освои три титули во Лигата на шампионите со Реал Мадрид, а неодамна играше во Европа за Пари Сен Жермен.

Share.
Facebook

«< 527 528 529 530 531 >»