Некогашниот тренер на Манчестер Јунајтед, Оле Гунар Солскјер одби да го преземе норвешки Молде.
Во неделата, клубот го отпушти Ерлинг Мое кој со Молде заврши на петтото место во норвешкото првенство. Солскјер добил понуда, но 51-годишниот стручњак не сакал да се врати во клубот кој го тренираше од 2011 до 2014 година, како и од 2015 до 2018 година.
Солскјер е без работа од ноември 2021 година, кога доби отказ од Манчестер Јунајтед.
Тренерот на Реал Мадрид, Карло Анчелоти зборуваше по тешката победа од 3:2 на гостувањето кај Аталанта. Со успехот Реал дојде до 9 бода и помирно дишат во главната фаза од Лигата на шампионите.
„Многу важна победа. Не секој тим може да победи на овој стадион. Бевме трпеливи и се боревме за трите бода. Во Лигата на шампионите многу е важно да може да покажеме трпение. Аталанта изврши голем притисок, но второто полувреме го започнавме на најдобар начин. Среќни сме затоа што ни требаше оваа победа и не само поради бодовите. Завршувањето меѓу осумте најдобри е сè уште тешка задача, но ни остануваат уште два натпревари и мораме максимално да ги искористиме“, рече италијанскиот тренер.
Kај Мбапе се работи за преоптоварување. Килијан почувствува непријатност во бутот. Мислам дека не е ништо сериозно, но денес ќе знаеме со сигурност. Тој не можеше мирно да трча, што го загрижи и затоа решивме да го замениме“, објасни Анчелоти за принудната замена на францускиот напаѓач.
Предводникот на Аталанта, Џан Пјеро Гасперини го коментираше поразот од Реал Мадрид со 2-3 на домашен терен во Лигата на шампионите. Искусниот специјалист е на мислење дека ваквите порази му помагаат на тимот да се развива.
„Двата тима имаа за цел да играат фудбал, немаше калкулации. И ние и Реал Мадрид ја баравме победата користејќи ги нашите сили. Испадна навистина квалитетен натпревар.
Нормално, сега сме разочарани, но можеме многу да научиме од ваквите натпревари. Ни недостигаат мали детали, но одигравме храбро против голем тим. Изгубивме како резултат, но не се предадовме во играта, што ќе помогне да направиме уште еден мал чекор напред“, рече тренерот.
„Покажавме многу добри работи. Ова не мотивира да продолжиме да се развиваме. На моменти бевме малку бавни да ја префрлиме топката во противничката половина и Реал Мадрид веднаш се местеше во одбраната. Штета е што нашата долга победничка серија заврши. Знаевме дека можеме да израмниме. Да, тажни сме што не успеавме, но тоа се покажа како вистинска фудбалска престава, што е една од нашите главни цели“, додаде Гасперини.
Неверојатен старт на Светското првенство во 25-метарски базени во Будимпешта. Во текот на првиот ден беа соборени осум светски рекорди.
Самер Мекинтош ја продолжува својата сезона од соништата. По трите златни медали на Олимписките игри во Париз, 18-годишната Канаѓанка го собори светскиот рекорд на 400 слободно на СП во 25-метарски базени.
До целта и златниот медал стигна за 3:50.25 минути, а за една секунда и пет стотинки ја надмина границата од соништата која беше во сопственост на Кинеската Ли.
Мекинтош пристигна во Будимпешта како прва ѕвезда на шампионатот и тој статус уште првиот ден го оправда.
Лани Палистер (3:53,73) го зазеде второто место со рекордот во Океанија, додека трета заврши уште една Канаѓанка, Мари Софи Харви.
Расположена за соборување на рекорди е и Гречел Волш. Таа утрото го постави најдобриот планетарен резултат на 50 метри делфин со 24.03 секунди, а потоа во полуфиналето ја помести сопствената граница на 23.94 секунди. За околу шест часа Американката заработи 50.000 долари, бидејќи секој светски рекорд се наградува со 25.000 зелени банкноти.
Трендот на поместување на границите на соништата продолжи во истата дисциплина, но во машка конкуренција. Швајцарецот Ноа Понти во полуфиналето стигна до целта за 21.43 минути и го надмина претходниот личен и светски рекорд за седум стотинки.
По Понти, на ред дојде Кејт Даглас. Американката во финалето во дисциплината 200 метри мешано исплива 2:01.63 минути и го надмина една деценија стариот рекорд на славната Унгарка Катинка Хосу. Втора беше нејзината сонародничка Алекс Волш, а трета Британката Аби Вуд.
Женската штафета 4 x 100 слободно на САД го постави најдобро време во историјата. Даглас, Шекел, Беркоф и Волф ја минаа патеката за 3:25.01 минути. Во истата дисциплина златото го освои и машката штафета на САД со време на нов светски рекорд. Алекси, Хобсон, Смит и Џулијано пливаа 3:01.66 минути.
Вчера се одиграа девет натпревари од шестото коло во Лигата на шампионите. Ливерпул избори место во нокаут фазата и во Топ 8, а Лајпциг е првиот тим кој остана без шанси да дојде до плеј-офот.
Лајпциг без сомнение е најголемото разочарување во Лигата на шампионите оваа сезона. „Биковите“ станаа првиот тим испадна не само од елитното натпреварување, туку и од европските купови воопшто.
Избраниците на тренерот Марко Розе во шесте одиграни кола ги забележаа сите шест порази со гол разлика 6-13. Последниот неуспех, Лајпциг го имаше синоќа на домашен терен против Астон Вила (2-3), со што дефинитивно заврши секоја приказна за германскиот претставник во Европа.
До крајот на овогодинешното издание ќе игра само за да го поправи впечатокот кој е прилично лош бидејќи е на самото дно на табелата со екипи како Слован и Јанг Бојс.
Ваквиот исход е во најмала рака неочекуван, бидејќи се работи за екипа која во претходните пет сезони четири пати играше во нокаут фазата. Дури стигна до полуфиналето во сезоната 2019/20.
Ливерпул и Реал Мадрид во летниот преоден рок би можеле да направат голема трампа, пренесувата медиумите на Островот.
Ливерпул е силно заинтересиран за ѕвездата на Реал Мадрид, Орелиан Чуамени, за кого Реал е спремен да слушне понуди.
Од друга страна „кралевите“ се заинтересирани за Гравенгех, па двата клуба би можеле да договорат трампа.
Цената на Французинот во моментов е повисока, но „црвените“ се спремни да платат одреден надоместок.
Јувентус сака да го ангажира напаѓачот на Баер Леверкузен, Патрик Шик на позајмица во јануари, пренесуваат италијанските медиуми.
Чехот пред седум години беше блиску до преселба во Јувентус, но потоа не ги медицинските прегледи и трансферот пропадна.
Тиаго Мота има проблеми во центарот на нападот, каде што речиси целосно се потпира на Душан Влаховиќ.
Патрик Шик оваа сезона не добива голема минутажа во Леверкузен и е спремен да направи трансфер во Серија А.
Тренерот на Манчестер Сити, Пеп Гвардиола, изјави денеска дека не планира да работи во други клубови откако ќе му заврши ангажманот во актуелниот англиски првак.
-Нема да раководам со друг тим. Не зборувам за долгорочна иднина, но нема да го напуштам Манчестер Сити, да одам во друга земја и да почнам одново. Нема да имам сила, изјави Гвардиола.
Шпанскиот стратег, сепак, не ја исклучи можноста во иднина да биде селектор.
Гвардиола е тренер на Манчестер Сити од 2016 година, а неодамна го обнови договорот на уште две години.
Во првата вечер од 6. коло во Лига на шампиони, Интер за првпат прими гол сезонава и тоа во судиско продолжение кај Баер Леверкузен и изгуби минимално. Реал Мадрид успеа да го преброди Бергамо, а ПСЖ покажа дека уште има што да каже до крајот. Бојан Миовски го пропушти мечот Џирона – Ливерпул поради повреда, а Стефан Ристовски и Аријан Адеми ремизираа со Селтик.
Килијан Мбапе го отвори мечот Аталанта – Реал Мадрид со гол на асистенција на Брахим Дијаз но веќе во 36′ минута се повреди и мораше да излезе од игра.
Во негово отсуство надоместија Џуд Белингем и Винисиус кои го водеа „кралскиот клуб“ до злато вредни три бода во Лига на шампиони.
Манчестер јунајтед е подготвен да го продаде Рашфорд во зимскиот преоден рок или идното лето поради. Заминувањето на Маркус ќе му донесе на клубот поголема слобода на трансфер пазарот.
Според новинарот Флоријан Плетенберг, клубот е подготвен да ги разгледа понудите за Рашфорд и покрај неговата нагорна форма по доаѓањето на тренерот Рубен Аморим.
Една од причините за евентуалното заминување на Рашфорд од Манчестер јунајтед е неговата висока плата. Продажбата на напаѓачот може значително да му помогне на клубот да влезе во финансискиот фер-плеј и да добие повеќе можности на трансфер пазарот.
Договорот на Рашфорд со Манчестер јунајтед е до 2028 година. Оваа сезона 27-годишниот напаѓач постигна четири гола и една асистенција на 15 натпревари во Премиер лигата.
