Се чини дека на повредите во Реал Мадрид им нема крај, откако Браим Дијаз стана последниот играч на Лос Бланкос кој ќе паузира. 25-годишниот играч, кој се одлучи да игра за Мароко, стартуваше синоќа на гостувањето кај Реал Сосиедад, но почувствува болка во бутот и беше принуден да го напушти мечот во 25. минута.

Според шпанските медиуми, повредата на Дијаз е тешка и тој ќе биде надвор од терените речиси три месеци. Се очекува да биде во комбинација дури на крајот на ноември.

„По денешните тестови направени врз нашиот играч Браим Дијаз од страна на медицинските служби на Реал Мадрид, констатирана е повреда на десната нога. Се чека развој на настаните“, стои во соопштението на „кралскиот клуб“.

Фудбалерите на Баерн Минхен вчера го прегазија новакот во Бундес Лигата, Хоштен Кил со 6:1 и го запоседнаа првото место на табелата. Иако Баварците засега се супериорни, нивниот тренер, Винсент Компани, не дава големо значење на тој податок.

„Тоа се само три натпревари. Знам дека секогаш е важно Баерн да биде на првото место но, во моментов има само три натпревари“, рече Компани, кој е во првата сезона на клупата на гигантот од Минхен.

Баерн води на табелата со максимални  9 бодови пред екипите на Борусија Дортмунд и РБ Лјапциг.

Младата фудбалска шпанска сензација Ламине Јамал гостуваше во програмата Ел Хормингуеро во живо, каде откри многу интересни работи за неговиот живот, и колку се му се променил по освојувањето на титулата европски првак.

„Никогаш нема да ја напуштам Барселона бидејќи сакам да станам легенда на клубот. Споредбата со најдобриот во историјата Лионел Меси е неверојатна, но сакам луѓето да ме паметат како Ламине Јамал“, изјави младиот фудбалер и откри што друго што му се допаѓа во каталонскиот клуб:

„Во клуб како Барселона те учат за животот. Имаме психолози и тие ме подготвуваат за живот“, додава Јамал.

Младата ѕвезда на Барселона откри и како шпанската репрезентација го прославила европскиот трон.

„Сите заедно славевме, вклучувајќи ги и нашите семејства и пријателите. Најмногу ме воодушевија Унаи Симон и Алваро Мората, бидејќи мислев дека се сериозни луѓе. Најтешко ми беше што требаше да се разбудам во 9 часот следниот ден. Делував пијано“, додаде Јамал.

Легендата на фудбалскиот состав Челзи и на Англија, Ешли Кол, целосно ќе се посвети на новата улога како помошник тренер на селекторот на „Гордиот Албион“, Ли Карлси, откако денеска официјално се повлече од клупата на Бирмингем Сити.

Кол и Карсли работеа заедно на чело на младата селекција на Англија до 21 година која го освои Европското во 2023.

Сега двајцата добија шанса да работат во сениорската селекција на „трите лава“ по заминувањето на Герет Саутгејт и неговиот стручен тим.

Тренерот на фудбалерите на Манчестер Јунајтед, Ерик Тен Хаг, се осврна на лошата форма на Касемиро на стартот на сезоната.

„Дефинитивно ми треба. Секако, разговарав со него за моменталната ситуација,  секој може да има лош ден“ – вели Холанѓанецот.

„Тој е искусен играч и верувам дека знае како да се носи со тоа. Секој има подеми и падови“, изјави Тен Хаг за клупскиот сајт на „црвените ѓаволи“.

Медиумите во Италија објавија дека Интер и Милан, поради недостиг од финансиски средства, сепак заеднички ќе го реконструрираат “Сан Сиро“ или “Џузепе Меца“, но градоначалчникот на Милано го тврди спротивното.

„Имав состанок со првите луѓе на двата клуба и ми беше кажано дека тие не сакаат да го реконструираат сегашниот стадион туку заеднички да градат нов и тоа во близина на „Сан Сиро“. Тие доставија детална анализа за одржливоста на овој проект и кажаа дека дека со оглед на тоа дека екомонмски е неисплатливо затоа немаат намера да се ангажираат за реновирање на досегашниот стадион. Да повторам, ми беше кажано дека планираат да изградат нов и то во близина на сегашниот „Сан Сиро““ истакна првиот човек на градот Милано, Џузепе Сала.