Менаџерот на Арсенал, Микел Артета се очекува наскоро да потпише нов договор со клубот, објави „Скај спортс“.

Односот меѓу него, спортскиот директор Еду и сопствениците од семејството Кронке е толку добар што нема да има ниту формални преговори.

Според раководството на „топџиите“, клубот допрва може да се развива под водство на Артета. Во моментов, 42-годишниот стручњак има договор до 2025.

Двете страни не брзаат со новиот договор, бидејќи имаат исти идеи за иднината.

Македонскиот прволигаш Шкупи неодамна се раздели со Ернест Ѓока по лошиот старт на сезоната, а синоќа го објави неговиот наследник. 

Шеф на стручниот штаб на чаирчани ќе биде Матија Мирков. Се работи за човек кој работеше како тренер на голманите, а сега ќе ја понесе функцијата на прв тренер во тимот. Мирков нема да работи сам, бидејќи Шкупи се пофали со двајца нови помошници кои ќе бидат дел од стручниот штаб. 

Бобан Бабунски ќе му биде прв асистент на Мирков. Бабунски во досегашната тренерска кариера има искуство со работата во Пелистер, Победа, Вардар и Работнички, а беше и привремено решение и во репрезентацијата.

Како втор асистент во стручниот штаб на Шкупи ќе работи Минас Османи кој ја започнува својата тренерска кариера.

Изненадувачки нов клуб се вклучи во трката за потпис на Маркус Рашфорд од Манчестер Јунајтед ова лето.

Според информациите на „Goal.com“ интерес за играчот на „црвените ѓаволи“ покажува шпанскиот гигант Барселона.

Рашфорд ја започна својата сезоната 2024/25 со 90 минути во победата на неговиот тим над Фулам со 1-0 на Олд Трафорд.

Шпанскиот гигант се насочи кон Маркус Рашфорд по неуспехот на трансферот на ѕвездата на Атлетик Билбао, Нико Вилијамс.

Белгискиот напаѓач на Челзи, Ромелу Лукаку во рок од 24 часа ќе стане играч на Наполи, објави Фабрицио Романо на социјалната мрежа Х.

Според изворот, претставници на клубовите ќе се сретнат во Лондон во следните 24 часа за да разговараат за последните детали и да го комплетираат трансферот.

Претходно во медиумите се појави информација дека Челзи е заинтересиран за трансферот на Осимен и е подготвен да го вклучи Лукаку во зделката за стекнување на нигерискиот напаѓач. Сепак, беше објавено дека клубовите не можеле да се договорат за сумата за трансфер што ќе ја придружува оваа размена.

Минатата сезона Лукаку играше како позајмен во Рома. На 47 натпревари за клубот постигна 21 гол и четири асистенции. Проценетата цена на фудбалерот, според интернет порталот Трансфермаркт, е 30 милиони евра.

Голманот на Реал Мадрид, Украинецот, Андриј Лунин ќе остане во клубот до крајот на сезоната, што во неговиот случај значи и до крајот на договорот.

Тој потоа ќе го напушти „Сантијаго Бернабеу“ како слободен играч и мадридскиот гигант нема да профитира од неговото заминување.

Украинскиот голман беше првиот голман на клубот минатата сезона, но враќањето на Тибо Куртоа по повредата и операцијата на менискусот на десното колено, значеше дека тој повторно ќе се пресели на клупата.

Тие пишуваат и дека Лунин донел одлука да го одработи договорот, што значи дека на крајот од сезоната ќе биде слободен играч, и во меѓувреме ќе може да преговара со други клубови за подобра плата, веќе од јануари.

Крилниот напаѓач на Манчестер Сити, Фил Фоден ја доби наградата за најдобар фудбалер на годината во англиската Премиер лига во изборот кој традиционално го прави Асоцијацијата на фудбалери во Премиерлигата.

Минатата сезона во англиското првенство, 24-годишниот фудбалер учествуваше на 35 натпревари, на кои постигна 19 голови и осум асистенции.

Вo изборот на Асоцијацијата на фудбалери од Премиерлигата, наградата за најдобар млад фудбалер замина во рацете на фудбалерот на Челзи, Кол Палмер.

Шпански Атлетико Мадрид на социјалните мрежи го објави трансферот на фудбалерот на Челзи, англискиот играч за врска Конор Галагер.

Претходно беше објавено дека англискиот играч за врска ќе потпише договор со „јорганџиите“ до летото 2029 година. Во медиумите се појавија и информации дека мадридскиот клуб ќе плати 40-45 милиони евра за Галагер.

Минатата сезона Галагер учествуваше на 50 натпревари во сите натпреварувања, на кои постигна седум гола и девет асистенции. Атлетико минатата сезона ја заврши на четвртото место во поредокот и заработи билет за Лигата на шампионите.

Кристијан Ериксен е на добар пат да си замине од Манчестер Јунајтед.

Ерик Тен Хаг веќе му ставил до знаење на данскиот фудбалер дека нема да биде дел од плановите за посериозна минутажа,

Ериксен немал проблем и да биде резерва, но ситуацијата се променила кога пристигнала понуда од Ајакс.

Ајакс е клуб каде што Ериксен играше во почетоците на неговата кариера кога пристигна како 18-годишник.

Дресот на Ајакс го носеше во три сезони, а потоа се пресел иво Тотенхем. Често пати и во минатото Ериксен не криеше дека Амстердам го смета за свој дом.

Медиумите на Островот пишуваат и дека Манчестер Јунајтед одредил цена од пет милиони евра.

Босанскиот фудбалски голман Асмир Беговиќ е пред враќање во Премиер лигата и тоа во дресот на Евертон.

Според најавите на медиумите Беговиќ кој минатата сезона го чуваше голот на Квинс Парк Ренџерс во Чемпионшип сега повторно ќе биде дел од најсилната конкуренција.

Евертон беше клубот со кој последен пат настапуваше во англиската елита и големи се шансите да се врати на „Гудисон Парк“.