„Бомба“ во НБА лигата: Мајами го сака Никола Јокиќ
Мајами Хит има конкретен и долгорочен план како да му го „украде“ Никола Јокиќ на Денвер.
Легендарниот претседател на Мајами, Пет Рајли, веќе го празни буџетот. Тимот од Флорида е дури 15-ти по трошоци во НБА лигата и има потрошено само 73 милиони долари за сезоната 2027/28 – токму кога на српскиот центар му истекува договорот.
Иако Јокиќ пред почетокот на подготовките изјави дека планира целата кариера да ја помине во Денвер, тој ова лето одби да разговара за продолжување на договорот, а за две години ќе биде слободен играч.
Според „CourtSide Buzz“, Мајами сериозно се фрлил на работа и планира да донесе ѕвезди како Никола Јокиќ и Јанис Адетокумбо. Србинот би имал добра основа доколку дојде на Флорида, бидејќи Мајами сега има многу млади и талентирани играчи.
Паолини го откажа настапот во Токио
Италијанската тенисерка Јасмин Паолини се повлече од ВТА 500 турнирот во Токио.
Четвртата тенисерка на светската ранг-листа нема да игра во јапонската престолнина поради „промена во распоредот.
Паолини претходно стигна до полуфиналето на турнир во Нингбо.
Италијанката обезбеди учество на Завршниот турнир во Ријад предвиден да се игра од 1 до 6 ноември.
Холгер Руне ја скина тетивата, го чека операција и долга пауза
Светскиот рекет број 11, Холгер Руне, ја скина Ахиловата тетива во полуфиналето на турнирот во Стокхолм.
За потсетување, 22-годишниот Данец се откажа за време на натпреварот против Хуго Хембер (6-4, 2-2, повлекување). Тој ја претрпе повредата во последниот напад и рече дека „чул пукање“ во Ахиловата тетива.
„Ќе помине извесно време пред да можам да се вратам на теренот. Тешко е. Беше толку одлично да се игра во Стокхолм и е неподносливо да се помисли дека нема да ја чувствувам таа енергија уште некое време. Ахиловата тетива ми е целосно скината на врвот, па следната недела ќе имам операција, по што ќе следи рехабилитација. Ви благодарам на сите за вашата поддршка – сега и воопшто. Без вас, работите би биле сосема поинакви. Се гледаме наскоро“, напиша Данецот по натпреварот.
Асвел ќе ја напушти Евролигата и ќе игра во натпреварување на ФИБА
Францускиот претставник Асвел би можел да ја напушти Евролигата и да се пресели во Лигата на шампионите по крајот на оваа сезона.
Тоа само значи дека францускиот клуб која е во сопственост на легендарниот плеј на Сан Антонио Тони Паркер, има желба да се натпреварува во иднина во Лига што би можела да ја формира НБА- Европа.
Со оваа постапка Асвел би следел го следел патот на Алба, германскиот тим веќе се пресели во натпреварувањата на ФИБА од оваа сезона, откако ја напушти Евролигата.
Што се однесува до другите клубови од Франција, Монако нема планови да ја напушти Евролигата, каде што стигна до финалето минатата сезона.
Од друга страна, првиот човек на Асвел, Тони Паркер, верува дека иднината е во друго натпреварување.
Комо по седумдесет години го совлада Јуве во Серија А
Фудбалерите на Комо во рамките од седмото коло во Серија А ја забележаа својата најголема победа оваа сезона откако на свој терен славеа против Јувентус со 2-0.
Комо и без Фабрегас на клупата кој беше суспендиран за овој натпревар изгледаше одлично и во поголем дел о натпреварот беше подобар противник. Резултатот беше отворен во една од првите прилики кога по асистенцијата од Нико Паз погоди Кемп.
Тоа беше единствениот гол во првиот дел. Јувентус имаше обиди, но тешко доаѓаше до посериозна прилика за гол. Победата на Комо ја потври Паз со еден убав гол на десетина минути пред крајот на натпреварот.
За Јувентус ова е четврти натпревар без триумф, откако во претходните три, избраниците на Тудор ремизираа против: Верона, Аталанта и Милан. Комо со освоените три бода се израмни со „старата дама“ на петтата позиција, двете екипи имаат по 12 бодови.
Фабио Борини потпиша за осмолигаш од Англија
Салфорд Сити се одлучи на интересен потег и во своите редови го ангажираше италијанскиот напаѓач Фабио Борини кој денес има 34 години.
Последен клуб во досегашната кариера на Борини беше Сампдорија од каде што си замина по истекот на договорот, па во англискиот клуб пристигна како слободен агент.
Клубот кој се натпреварува во Лига 2 одлучи да потпише краткорочен договор со Борини по повредaта на напаѓачот Џеј Бирд кого го чека подолга пауза.
Борини е искусен голгетер со големо искуство зад себе и настапи во клубови како: Челзи, Ливерпул, Милан, Рома и Сандерленд.
Меси најдобар стрелец во регуларната сезона на МЛС
Фудбалерот на Интер Мајами, Лионел Меси, стана најдобар стрелец во регуларната сезона на МЛС. Триесет и осумгодишниот Аргентинец постигна 29 гола на 28 натпревари. Тој има и 19 асистенции.
Ноќеска Меси му даде три гола на Нешвил во победата од 5:2.
Играчот на Лос Анџелес, Денис Буанга, е втор. 30-годишниот Габонец постигна 24 гола на 30 натпревари. Англичанецот од Нешвил, Сем Сариџ, е трет со 24 гола (по 34 натпревари), но има помалку асистенции од Буанга (четири спрема девет).
Со 65 бода, Интер Мајами заврши на третото место во Источната конференција, Лос Анџелес е трет на Запад, Нешвил е шести на Исток со 54 бодови.
Шон Дајч фаворит за наследник на Постекоглу
Поранешниот тренер на Барнли и Евертон, Шон Дајч, е фаворит да стане нов менаџер на Нотингем Форест во наредните денови, бидејќи сопственикот Евангелос Марананакис се обидува брзо да обезбеди замена за Анге Постекоглу.
Австралијанецот беше отпуштен во саботата, само 18 минути по поразот на Нотингем Форест од Челзи на домашен терен со 3:0, и би можел да му ја отвори вратата на Дајч да се врати во Премиер лигата.
Тој има врска со Форест, откако помина неколку години во младинските редови на клубот пред да започне професионална кариера во пониските лиги на Англија во 1990 година, без да се појави во првиот тим.
Тој сè уште има убави спомени од Сити Граунд, каде што тренираше со легенди како Рој Кин. Во неодамнешното интервју за Скај Спортс, Дајч рече:
„Рој и јас бевме во Форест. Понекогаш трчавме низ Нотингем, пиевме по неколку пива, како што правите по натпревар. Беа добри времиња, без сомнение. Тоа беа важни години за мене.“
Даскаловски: Поразот во Загреб е минато, погледите се кон европската премиера во Битола
Кошаркарите на Пелистер веќе почнаа со тренинзи во Битола по враќањето од Загреб, решени да го остават зад себе разочарувачкиот пораз од Цедевита Олимпија и да се вратат експресно на победнички патеки.
Битолчани влегуваат во пеколен ритам на натпревари ако се знае дека веќе в среда ќе ја пречекаат Словачка Превидза во второто коло од ФИБА Европа купот, по што в петок ќе се сретнат со Маџари во третото коло од Суперлигата, за веќе в недела да го играат и мечот од четвртата рунда против Феникс.
„Бевме разочарани по тој пораз во Загреб, но сега сме фокусирани само на иднината и претстојните предизвици. Главен проблем ни беше што не влеговме енергетски како што треба во мечот, ја немавме онаа агресивност на двете страни од теренот што го красеше Пелистер во изминатите два месеца. Борба за секоја топка, желба за победа, тоа е она што треба да го покажуваме секогаш, тоа не беше случај во Загреб и така не може да се добие натпревар од едно европско натпреварување. Причините може да се бараат на повеќе места, но јас никогаш не сум барал алиби, така ќе биде и овојпат – насочен сум само кон она што следи и верувам дека ќе се вратиме на победнички патеки“, вели тренерот Боро Даскаловски.
Пелистер веќе в среда го игра премиерниот меч од европските купови, историски прв кошаркарски меч од ФИБА-натпреварување во Битола на кој „зелено-белите“ ќе сторат се за да слават над екипата на Превидза од Словачка.
„Верувам дека ќе биде многу поинаку отколку во Загреб, пред се дека ние ќе имаме сосема поинаков пристап и ќе покажеме поголема агресивност на секој дел од теренот. За разлика од Цедевита јуниор, тимот на Превидза е исполнет со Американци, од неодамна имаат и еден босански интернационалец, така што станува збор за екипа со осум-девет странци, надополнета со двајца словачки репрезентативци. Тие имаат респектабилен ростер, но тоа не не интересира, кога играме дома пред нашата битолска публика ќе сториме се за да се покажеме во најдобро можно светло и да дојдеме до победата“, истакнува Даскаловски.
Мбапе ексресно заздрави, ќе игра за Реал против Хетафе
Фудбалерот на Реал Мадрид, Килијан Мбапе, закпрепна од повреда и ќе игра во 9. коло од Ла Лига против Хетафе.
Според шпанските медиуми, 26-годишниот Французин, кој заработи повреда на глуждот додека беше со репрезентацијата, веќе ги продолжил тренинзите со тимот.
Натпреварот помеѓу Хетафе и Реал Мадрид ќе се игра утре со почеток во 21:00 часот.
