Спортскиот директор на Баерн Минхен, Макс Еберл, негираше дека клубот има договор со дефанзивецот на Баер Леверкузен, Џонатан Та.

Германскиот репрезентативец има договор до крајот на сезоната со екипата на Баер Леверкузен и веќе најави дека нема да го продолжи. Баварците сакаа да го ангажираат Та ова лето, но одбија да ја платат трансферната сума што ја бараа шампионите.

„Немаме договор со Та. Тој е германски репрезентативец и има голема улога во Баер Леверкузен. Многу сме среќни со Кимих и Упамекано“, изјави Еберл за „Спорт 1“.

Играчот од средниот ред на Барселона, Дани Олмо ќе пропушти четири до пет недели како последица на повреда на бицепсниот мускул на десната нога, добиена на натпреварот од 5. коло од шпанската Ла Лига со Џирона (4-1), соопшти прес-службата на Барселона.

Да потсетиме, Шпанецот влезе во игра во стартниот состав и постигна гол во 47. минута. Потоа Дани Олмо се повреди и беше заменет во 61. минута, на негово место влезе Ерик Гарсија. Откако се пресели во Барселона, Олмо има три гола на три натпревари за својата екипа во Ла Лига оваа сезона.
По пет кола, Барселона води во Ла Лига со 15 од 15 можни и е четири бода пред Реал Мадрид.

Адриен Рабио е без клуб откако во јуни го напушти Јувентус како слободен агент, а веќе е септември и европските првенства се во полн ек.

Французинот ја одбил богатата понуда од Саудиска Арабија, бидејќи сака да остане во Европа, а се чини дека конечно најде нов клуб.

Според последните информации Рабио ќе се врати во родната Франција и ќе потпише договор со Марсеј.

Марсеј предводен од Де Зерби оваа сезона игра одлично и има големи амбиции, а му понудил двегодишен договор на Рабио, кој е спремен да го прифати.

Се чини дека на повредите во Реал Мадрид им нема крај, откако Браим Дијаз стана последниот играч на Лос Бланкос кој ќе паузира. 25-годишниот играч, кој се одлучи да игра за Мароко, стартуваше синоќа на гостувањето кај Реал Сосиедад, но почувствува болка во бутот и беше принуден да го напушти мечот во 25. минута.

Според шпанските медиуми, повредата на Дијаз е тешка и тој ќе биде надвор од терените речиси три месеци. Се очекува да биде во комбинација дури на крајот на ноември.

„По денешните тестови направени врз нашиот играч Браим Дијаз од страна на медицинските служби на Реал Мадрид, констатирана е повреда на десната нога. Се чека развој на настаните“, стои во соопштението на „кралскиот клуб“.

Фудбалерите на Баерн Минхен вчера го прегазија новакот во Бундес Лигата, Хоштен Кил со 6:1 и го запоседнаа првото место на табелата. Иако Баварците засега се супериорни, нивниот тренер, Винсент Компани, не дава големо значење на тој податок.

„Тоа се само три натпревари. Знам дека секогаш е важно Баерн да биде на првото место но, во моментов има само три натпревари“, рече Компани, кој е во првата сезона на клупата на гигантот од Минхен.

Баерн води на табелата со максимални  9 бодови пред екипите на Борусија Дортмунд и РБ Лјапциг.

Младата фудбалска шпанска сензација Ламине Јамал гостуваше во програмата Ел Хормингуеро во живо, каде откри многу интересни работи за неговиот живот, и колку се му се променил по освојувањето на титулата европски првак.

„Никогаш нема да ја напуштам Барселона бидејќи сакам да станам легенда на клубот. Споредбата со најдобриот во историјата Лионел Меси е неверојатна, но сакам луѓето да ме паметат како Ламине Јамал“, изјави младиот фудбалер и откри што друго што му се допаѓа во каталонскиот клуб:

„Во клуб како Барселона те учат за животот. Имаме психолози и тие ме подготвуваат за живот“, додава Јамал.

Младата ѕвезда на Барселона откри и како шпанската репрезентација го прославила европскиот трон.

„Сите заедно славевме, вклучувајќи ги и нашите семејства и пријателите. Најмногу ме воодушевија Унаи Симон и Алваро Мората, бидејќи мислев дека се сериозни луѓе. Најтешко ми беше што требаше да се разбудам во 9 часот следниот ден. Делував пијано“, додаде Јамал.

Легендата на фудбалскиот состав Челзи и на Англија, Ешли Кол, целосно ќе се посвети на новата улога како помошник тренер на селекторот на „Гордиот Албион“, Ли Карлси, откако денеска официјално се повлече од клупата на Бирмингем Сити.

Кол и Карсли работеа заедно на чело на младата селекција на Англија до 21 година која го освои Европското во 2023.

Сега двајцата добија шанса да работат во сениорската селекција на „трите лава“ по заминувањето на Герет Саутгејт и неговиот стручен тим.